Архивы татарская эстрада - Tatar Today - татар яңалыклары.

Арча электричкасында хәер сораучы абзый Гөлназ Сәфәрованың журналист булып китүенә этәргеч ясый [видео]

Лейла — Tue, 12 Oct 2021 08:11:00 +0000

Тамашачылар өчен концертның яңалыгы – Гөлназ Сәфәрованың җырлавы булгандыр.

Татарстанның халык артисты Искәндәр Хәйруллин белән бергә ул “Кайтмаска диеп китәм” җырын башкарды. “Аерылышу турындагы җырлар күңелемә якын”, – диде Гөлназ үзе Татар Тудейга.

3 октябрьдә «Пирамида» концертлар залында танылган алып баручы Гөлназ Сәфәрова үзенең туган көне уңаеннан татар эстрадасы йолдызларын бер сәхнәгә җыя. Салават Фәтхетдинов, Зәйнәп Фәрхетдинова, Айдар Галимов, Фирдүс Тямаев, Гүзәл Уразова, Рифат Зарипов, Ландыш Нигъмәтҗанова, Ләйсән Гыймаева белән Булат Бәйрәмов, Филүс Каһиров, Раяз Фасыйхов һәм башка җырчылар да Гөлназ Сәфәрованы котларга килделәр.

“Зур туган көн” концертында Гөлназ Сәфәрованың туганнары да булды. Әтисе танылган журналист Миңназыйм Сәфәров кызының ничек кечкенәдән журналистикага кереп китүе турында сөйләде.

– Гөлназның балачагы кызыклы вакыйгалардан гына тора иде. Аның журналистикага килүе дә шуннан башланды. Арча электричкасында барганда хәер сорашып йөрүче бер абзыйны күреп, бик кызганып, күз яшьләре белән елап, миңа кайтып сөйләде. Шул хәл турында язып журналистикага кереп китте. Кечкенә вакыттан ук ул бик эмоциональ бала булды. Бөтен нәрсәгә үзенең мөнәсәбәтен белдерде. Журналист кешегә ул, әлбәттә, кирәктер. Ләкин эмоциональлек хатын-кызга хас бит инде, нишләтәсең. Аңа бигрәк тә хас. Тормышта шунсыз булмый торгандыр.

Журналист булып киткән кешеләр беләләр – аларның эшчәнлеге үзләренең фамилияләрен күрүдән башлана. Гөлназның да «Яшь ленинчы», хәзерге «Сабантуй» газетасында фамилиясе чыкты. Электричкада булган хәл турында язганнан соң. Шуннан икенчесен язды, өченчесен язды. Кеше аның фамилиясен күрүгә ияләнә. Җаваплылык хисе, мин тагын язарга тиеш дигән мәҗбүрият барлыкка килә. Менә шулай бишенче сыйныфта укыганда башланды.

Концерт барышында Татар Тудей Гөлназ Сәфәрованың якын дуслары белән аралашты. Артистлар Гөлназ белән ничек танышулары турында сөйләделәр. Алар арасында танылган алып баручы Айваз Садыйров та бар иде.

– Гөлназ минем авылдаш. Ләкин без, төрле чор балалары булганлыктан, авылда бергә уйнап үсмәдек. Мин Арча районы Кышкар авылында үстем. Гөлназның әнисе ул авылдан. Кечкенә вакытта Гөлназны күрә идем. Минем әти һөнәре буенча телевизорлар ясаучы. Гөлназ безгә төшеп: “Хәмбәл абый, әбинең телевизорын карап китмәссезме икән?” – дип кергәнен хәтерлим. Эшли башлагач, мин аның белән “Татар радиосы”на килгәч күрешкәнмендер, – дип уртаклашты танышу хәтирәсе белән Айваз Садыйров.

Гөлназ Сәфәрова “Зур туган көн” концертына иң беренче Искәндәр Хәйруллинны чакырган икән.

– Февральдән әзерләнә башладым. Башта мең төрле сорау: бу пандемия белән барып чыгармы? Артистлар килерләрме, юкмы? Бу видеоны төшерергә кирәк, теге видеоны эшләргә кирәк. Мин иң беренче Искәндәр Хәйруллин белән сөйләштем. Искәндәрне мин кыш көне “Әкият” театрына бала белән баргач күрдем. “Искәндәр, син киләсеңме?” – дип сорадым. “Әйе”, – диде ул, иң беренче булып, -“мин синең туган көн концертыңа киләм, поддержу”. Шуннан соң калганнар белән сөйләшә башладым. Искәндәрнең аягы җиңел булды.

– “Зур туган көн” концертын оештыру идеясе кайчан барлыкка килде? Моңа нәрсә этәргеч булды?

– Бу уй биш ел элек юбилеемда барлыкка килгән иде. Ләкин мин аңа мораль яктан да әзер түгел идем, һәм үземне моңа лаек түгел, әле эшләргә кирәк дип санадым. Хәзер дә, әлбәттә, мин пьедесталга менеп җиттем дип уйламыйм, бу чараны мин эшләгән эшләремә нәтиҗә ясап, өтер куеп, алга барыр өчен оештырдым.

– Сезне котларга һәм сәхнәдә чыгыш ясарга килгән артистлар дусларыгызмы?

– Әйе, монда артык кешеләр юк. Һәрберсе белән минем тормышым бәйле, һәрберсенең җырларын мин үзем сайладым. Теләсә нинди җырлар түгел, мин яраткан, тормышымның кызыклы моментлары белән бәйле булган җырлар. Монда бернинди очраклы кеше дә юк.

– Әлеге чара Сезнең өчен никадәр мөһим?

– Бик мөһим. Яраткан тамашачыларым белән очрашу моменты, күпме чәчәкләр бирделәр. Мин һәрберсенә мең рәхмәтле, Ходаема мең рәхмәтле. Минем өчен бу бик мөһим. Әбием минем монда, ул исән-сау (күзләренә яшьләр килә). Әбием монда, әнием монда.

– Сезнең тормыш девизыгыз нинди?

– Тормыш девизым – алга. Егылсаң да, торып басарга да алга! Әбиемнең яратып әйтә торган гыйбарәсе бар: нәрсә булса да, баш ярылып күз чыкмаган. Бу – тормыш девизым. Нормально, дим мин. Алла боерса, яхшы булыр дим.

– Аңлашыла ки, Сез актив тормыш алып барасыз. XXI гасыр көнен социаль челтәрләрсез күз алдына китереп булмый. Вакыт таләбе дә шундый – төрле аккаунтлар алып барырга, кушымталарда утырырга кирәк. Мәгълүмат агымы бик көчле. Вакыт бик тиз уза. Ничек барысына да өлгерәсез?

– Әлбәттә, җиңел түгел. Минем администраторларым, ярдәмчеләрем бар. Алар хатларга җавап бирәләр, мин үзем генә түгел. Ләкин барыбер бөтен текстларны мин үзем язам, бернинди копирайтерларым юк. Мин блогер түгел. Үземнең тормышымны ачып бирәм. Менә мин нинди – инстаграмым да шундый.

– Нинди биш әйбердән башка үз тормышыгызны күз алдына китерә алмыйсыз?

– Һәрвакыт телефон, чәй, җылы носки, шампунь, органайзер булырга тиеш.

– Сез үзегезне тәнкыйтьлисезме?

– Һәрвакыт. Үземне дә, кешеләрне дә тәнкыйтьлим. Мин үз-үземә карата бик таләпчән.

– Сезнеңчә, нинди адымыгыз яисә вакыйга бүгенге Гөлназ Сәфәрова булуына зур йогынты ясады?

– Алтынчы сыйныфта укыганда әни мине “Тамчы” дип исемләнгән балалар тапшыруының кастингына алып барды. Шуннан башланды.

– Драйв яисә күңел тынычлыгымы?

– Күңел тынычлыгы.

– Үзегезне нинди мультипликацион персонаж белән ассоцияләр идегез?

– “Красавица и чудовище”дан тигез итеп красавица да, чудовище да итеп күрәм.

– Әгәр мөмкин булса, нинди чорда яшәргә теләр идегез?

– Хәзерге. Бары тик хәзерге.

Ландыш Гобәйдуллина / Татар Тудей

Запись Арча электричкасында хәер сораучы абзый Гөлназ Сәфәрованың журналист булып китүенә этәргеч ясый [видео] впервые появилась Tatar Today - татар яңалыклары..

Илназ Сафиуллинга өстәмә “права” нигә кирәк булган?! [видео]

Лейла — Thu, 07 Oct 2021 21:22:02 +0000

Татарстанның атказанган артисты, җырчы Илназ Сафиуллин @ilnaz.official инде күптәннән квадроциклда йөри икән, әлегә кадәр моңа “правасы” булмаган.

Җырчы исә квадроциклда һәм снегоходта йөрергә мөмкинлек булсын дип, махсус укулар узган икән. Ул теорияне дә, практиканы да уңышлы гына тапшыруы турында хәбәр итте.

– Җырчы булмасам, мин квадроциклда яисә снегоходта йөрер идем. Ә, гомумән алганда, минем математик белемем бар. Мин математика укытучысы булыр идем. Гомер буе укыйбыз без. Гомер буе нәрсәгә дә булса өйрәнәбез, – дип яза җырчы.

Килешәсезме бу фикер белән?

Запись Илназ Сафиуллинга өстәмә “права” нигә кирәк булган?! [видео] впервые появилась Tatar Today - татар яңалыклары..

Җырчы Гөлнара Тимерҗанова беренче укытучысын котлап, нәрсә бүләк итте? [видео]

Лейла — Thu, 07 Oct 2021 07:52:29 +0000

Укытучыларны һөнәри бәйрәмнәре белән котлау дәвам итә. Җырчы Гөлнара Тимерҗанова да @gulnara_timerzhanova
беренче укытучысын котлап, бүләкләр җибәргән.

Укытучысы Башкортстанның Борай районы Чалкак авылында яши икән.

– Кадерле кешебез күптән түгел юбилеен да билгеләп үтте. 75 яшь тулды безнең яраткан мөгаллимәбезгә. Без, укучылары, укытучы апабызга саулык-сәламәтлек телибез, балаларының тәрбиясендә, муллыкта, бәрәкәттә яшәргә язсын сезгә. Амин.

Миннән сорап язалар, бүләкнең эчендә нәрсә ул дип? Дуслар, аның эчендә мамык шәл hәм тәм-томнар.
Моннан 39 ел элек нәкъ менә безгә 7 яшь булганда, укытучы апабыз буранлы кышкы ачы салкыннарда үзенең башыннан салып, мамык шәле белән безне урап, өйгә озата иде.
Бу вакытлар минем исемнән бер вакытта да чыкмый. Олы йөрәкле, үз баласы кебек безне күреп, укытып, кеше итте. Барыбызга да үрнәк алырлык мөгаллим ханымнар алдында баш иябез. Аларны укытучылар көне белән кайнар котлыйбыз, безне белем оясына алып кереп, тылсым дөньясында яшәткәнегез өчен зур рәхмәт.

Запись Җырчы Гөлнара Тимерҗанова беренче укытучысын котлап, нәрсә бүләк итте? [видео] впервые появилась Tatar Today - татар яңалыклары..

Илсөя Бәдретдинова: “Телефонда иң кадерле кешеләрнең фотолары юк” [видео]

Лейла — Sun, 03 Oct 2021 13:43:59 +0000

Җырчы Илсөя Бәдретдинова @ilsiiabadretdinova Инстаграмга апалары белән төшкән фотолар урнаштырды.

-,Узган елны шушы вакытта ясаган идек бу фотоларны. Әле без өчәү вакыт… 😢
Бергә төшкән фотоларыбыз да юк башка. Ә төшәргә кирәк булган икән… Уртанчы апай авылдан кунакка киләм дигәч, тиз генә фотографыма шалтыраттым. Яшермим… күңелем ашыктырды…
Әле дә шул вакытта җыенып чыга алганбыз дим хәзер. Бөтенебезнең кулында фотоаппаратлы телефон. Анда кемнең генә фотолары юк. Ләкин иң кадерле, иң якын кешеләр белән сирәк була гадәттә!
Хәзер зурайтып-зурайтып көн дә карыйм, апай. Искә алмаган көн юк…
Бик сагынабыз…
Урының оҗмах турләрендә булсын!

Олы апам – Лилия. Кыска чәчлесе.
Иң уңганы…
6 май көнне арабыздан мәңгелеккә китте.
Уртанчы апам – Люция. Җизнәй белән авылда яши. 20 сыеры, 10 үгезе, санап бетергесез тавык, индоутка тагын әллә нәрсәләре бар.
Аллага шөкер, әле миңа “иркәәәәм” диюче, минем “апааааай” дип дәшәр кешем бар. Исән сау була күрсен! – дип яза Илсөя Бәдретдинова.

Запись Илсөя Бәдретдинова: “Телефонда иң кадерле кешеләрнең фотолары юк” [видео] впервые появилась Tatar Today - татар яңалыклары..

Марат Бәшәров күпбалалы әти?! [видео]

Лейла — Mon, 27 Sep 2021 15:34:31 +0000

Актер һәм телевидение алып баручысы Марат Бәшәров ике бала тәрбияли. Аның директор Елизавета Круцкодан 17 яшьлек Амели исемле кызы һәм Елизавета Шевырковадан 5 яшьлек улы Марсель бар. Моннан тыш Татарстанның атказанган артисты Марат Бәшәров Сүриядән булган тагын ике бала – 7 яшьлек Әсма һәм 5 яшьлек Әхмәдне тәрбияли икән.

Аларны Бәшәров 3 ел элек Сүрия качаклары лагеренда булганнан соң опекага алган. Актер Ливанга гуманитар ярдәм итү максатыннан очып килгән, әлеге балаларның нинди коточкыч шартларда үсүен күргән, һәм күз яшьләрен тыя алмаган.

Марат сүзләренә караганда, Әсма белән Әхмәднең үз әниләре, абыйлары һәм апалары бар, әмма ул аларга матди ярдәм итә, кием-салым һәм уенчыклар даими җибәреп тора. Балалар ярты ел Сүрияда яшиләр һәм ярты ел – Мәскәүдә, монда яшәгәндә алар актерның өендә булалар, инглизчә укыйлар, ә менә рус теле аларга авыр бирелә икән.

– Быел кыш көне балалар бирегә килде. Яңадан кар күрделәр, бу карга бик шатландылар, алар яңадан килер дип өметләнәм, – дип сөйли актер НТВ каналында баручы “Ты не поверишь!” программасы алып баручысына.

Исегезгә төшерәбез, 2018 елда олы җәнҗал купкан иде – Марат Бәшәров хатыны Елизавета Шевыркованы каты кыйный, аның хәтта борынын да сындыра. Соңрак билгеле булганча, хатын-кыз аерылышуга 5 елдан соң гариза биргән булган. Актер гаебен кире какты, ләкин Елизавета ачыктан-ачык интервью бирде, анда ире аңа бер генә тапкыр кулын күтәрмәвен белдерде. Беренче тапкыр хатын белән ир-ат арасында низаг, Елизавета 3 айлык авыр белән булган вакытта була – Марат эчеп, хатынын буа башлый. Икенче көнне иртән актер бернәрсә дә хәтерләми. Елизавета сөйләгәнчә, ул тиран иреннән иртәрәк китмәгәненә һәм кыйнауларга түзгәнлегенә үкенгән.

Кызганычка, Шевыркова актер кулыннан бердәнбер зыян күрүче түгел. 2014 елда ул элеккеге хатынын, Екатеринаны каты кыйный. Хатын-кыз баш җәрәхәте ала. Әмма актерның беренче никахтан кечкенә кызы булу сәбәпле, Бәшәров белән судлашып тормаган.

Хәзер Марат Бәшәров төзәтү юлына баскан – алкогольдән баш тарткан, 5 килограммга ябыккан һәм өлкән кызы белән кулинар программалар төшерә икән.

Запись Марат Бәшәров күпбалалы әти?! [видео] впервые появилась Tatar Today - татар яңалыклары..

Рифат Фәттахов: “Безнең хезмәттәшлек бары тик яңа баскычка күтәрелә” [видео]

Лейла — Mon, 27 Sep 2021 12:46:02 +0000

Продюсер Рифат Фәттахов r_fattakhov_ җырчы Гөлсирин Абдуллина @gulsik9313 белән контракт вакыты чыкты, дип хәбәр итте.

Гөлсирин белән Рифат Фәттахов Ваһапов фестивале @vagapovfest кысаларында каралган контракт буенча 7 ел гына түгел, ә 8 ел эшләгәннәр.

– Матур эшләдек, Аллага шөкер! Бернинди җитди конфликтлар, аңлашылмаучанлыклар булмады! Бу еллар эчендә Гөлсирин халыкка танылды, үзенең репертуарын, тамашачысын булдырды.
Гөлсирин безнең фестиваль үсешенә бик зур өлеш кертте. Бик зур рәхмәт сиңа! – дип җылы сүзләр яза продюсер.

Шулай ук Рифат Фәттахов форсаттан файдаланып, ике арадагы матур хезмәттәшлеккә һәрдаим ярдәм итеп торган Гөлсириннең әти – әнисенә, ире Азатка, @azat_abitov , Азатның әти – әнисенә дә бик зур рәхмәтләрен әйтә.

– Мин ышанам: Гөлсириннең җырчы буларак киләчәге бик зур! Мин аңа бары тик уңышлар телим! Һәм, әлбәттә, сәламәтлек, гаилә тынычлыгы, шәхси бәхет!
Инде безнең арага килгәндә – бар да яхшы, Аллага шөкер! Без хушлашмыйбыз! Безнең хезмәттәшлек бары тик яңа баскычка күтәрелә. Беренчедән, Гөлсирин безнең фондның штатында эшләвен дәвам итә.
Икенчедән, ул Ваһапов фестивале концертларында да актив катнашачак, – дип тә белдерә Татарстанның атказанган мәдәният хезмәткәре, Рәшит Ваһапов исемендәге фонд җитәкчесе Рифат Фәттахов.

Запись Рифат Фәттахов: “Безнең хезмәттәшлек бары тик яңа баскычка күтәрелә” [видео] впервые появилась Tatar Today - татар яңалыклары..

Илсөя Бәдретдинова мәрхүм апасын искә алып: “Тәмамлый алмый калды…” [видео]

Лейла — Thu, 23 Sep 2021 11:27:09 +0000

Җырчы Илсөя Бәдретдинова телефонынына сакланган матур видео белән бүлеште. Баксаң, мәрхүм Лилия апасының чиккән кул эшләнмәләре калган икән. Мендәр тышын исә чигеп бетерергә өлгермәгән…

– Лилия апай, мәрхүмкәем… Өзелеп тормышны яраткан, уңган, чибәр, акыллы апам… Сабыр канатым минем. Күпме авыр булса да сиздермәскә, борчымаска тырышты.
Кул эшләренә бик оста иде. Инде соңгы ае барганда да мендәр тышлары чикте. Мин ясый тордым, ул чигә торды. Эшсез утыруны күз алдына да китерә алмый иде. Бу мендәр тышы чигелеп бетә алмады… Энәсе саплап, чәчкә үзәген чиккәндә кадап куелган килеш калды… Урының оҗмах турләрендә булсын, апай. Сагынабыз… – дип язган җырчы Илсөя Бәдретдинова.

Запись Илсөя Бәдретдинова мәрхүм апасын искә алып: “Тәмамлый алмый калды…” [видео] впервые появилась Tatar Today - татар яңалыклары..

Рамил белән Рамилә Хәйретдиновларны Казанга әниләре җырлап кына озата [видео]

Лейла — Sun, 19 Sep 2021 17:40:49 +0000

Җырчы Рамилә Хәйретдинова @ramilushkin Инстаграмга ишек алларыннан матур видео урнаштырды.

– Тиз генэ авылга әниләргә кайтып килдек. Бәрәңгеләрне алып бетердек, бозау суйдык. Әле әти белән берәр атнага Казанга әни дә киләм диде. Күзләребез биш тәңкәлек акча сыман зурайды. Әти Казанга килсә, авырый башлый, өйгә кайтасы килә, – дип яза җырчы.

Әниләренең ишегалдында җырлаганына без бик сокландык. Талант әниләреннән бирелгән икән бит! Җырчылар да әниләренең җыр башкаруын хуплап, кушылып торалар, биеп тә алалар.

Запись Рамил белән Рамилә Хәйретдиновларны Казанга әниләре җырлап кына озата [видео] впервые появилась Tatar Today - татар яңалыклары..

Салават Фәтхетдинов үзе ашаганны тавыкларына да бирә [видео]

Лейла — Sun, 19 Sep 2021 15:31:24 +0000

Татарстанның халык артисты Салават Фәтхетдинов @salavat_fatkhutdinov_official Инстаграмга кызыклы видео урнаштырды.

– Минем кулга ияләшкән тавыкларым. Бергә ашыйбыз, – дип тавыкка алма ашатканын күрсәтте артист.

Запись Салават Фәтхетдинов үзе ашаганны тавыкларына да бирә [видео] впервые появилась Tatar Today - татар яңалыклары..

Киләсе туй Ришат Төхвәтуллинныкы? [видео]

Лейла — Sat, 18 Sep 2021 18:21:05 +0000

Җырчы Элвин Грейның туй тантанасы булып үтте. Күпчелек Татарстан һәм Башкортстан артистлары әлеге туйда рәхәтләнеп ял итте. Алар арасында җырчы Ришат Төхвәтуллин да бар иде.

Туйның күркәм традициясе буенча киләсе туй кемнеке булыр дип, кияү кеше туйда костюмына кадап куелган кечкенә чәчәк бәйләмен әле өйләнмәгән дуслары, туганнарына ыргыта. Элвин Грей да үз туенда бу традициядән читкә китми. Ясалма түгәрәккә кияүнең өйләнмәгән дуслары җыела. Алып баручының махсус сигналыннан соң, бутоньерканы ыргыта Радик. Аны җырчы Ришат Төхвәтуллин тота. Димәк, киләсе туй синеке, Ришат!

– Алия, син дә кил әле, форсаттан файдаланып… – дип тә әйтә туйда Ришат үзе.
Бу сүзләрдән соң без дә Алия Карачуринага тәкъдим ясый дип уйладык. Тик әлегә алар арасындагы мөнәсәбәтләр сер булып калды.

Запись Киләсе туй Ришат Төхвәтуллинныкы? [видео] впервые появилась Tatar Today - татар яңалыклары..