Архивы татарчаблог - Tatar Today - татар яңалыклары.

Блогер Альбина Солнце: “Шушы әйләнчектән шушы әйбер килеп чыга?!”[видео]

Рамиля Валиахметова — Thu, 23 Sep 2021 14:36:20 +0000

Ул Каппадокиядән үзе ясаган балчык савыт алып кайтты.

Башкортстанның Туймазы шәһәре блогеры Альбина Солнце @albina.sun күптән түгел Төркиянең Каппадокия шәһәрендә булып кайтты.
Монда ул махсус остаханәдә булып, балчыктан бер зур савыт ясаган.

– Элек мондый осталар балчыктан шикәр сала торган савыт ясый торган булганнар. Әгәр дә ул савытка аның капкачы туры килсә, димәк, оста чын мәгънәсендә үз эшен белеп башкарган. Өйләнә дә алган! – дип аңлата блогер.

Альбинаның хис-кичерешләргә бирелеп, чиелдап балчык савыт ясаганын күзәтергә була.

Запись Блогер Альбина Солнце: “Шушы әйләнчектән шушы әйбер килеп чыга?!”[видео] впервые появилась Tatar Today - татар яңалыклары..

Рөстәм Нәбиев: “Элек боларга гарьләнсәм, хәзер рәхмәттән башка сүз юк” [видео]

Лейла — Wed, 22 Sep 2021 12:48:42 +0000

Хәзерге вакытта Непал илендә булган татар-башкорт блогеры Рөстәм Нәбиев @rustam_nabiev92 Инстаграмга үзенең керләрен юган видеосын куйды. Әйтергә кирәк, Нәбиев дөньяның иң биек тауларының берсе булган Манаслуга кулларында гына менәргә һәм Дөнья рекорды куярга җыена.

Миңа 6 яшьләр чамасы булганда, әти мине һәм абыемны мунчадан соң үз әйберләребезне юарга мәҗбүр итә иде. Ул чагында мин моңа ачуландым, гарьләндем хәтта! Балалар бит моны эшләргә тиеш түгел дип уйладым. Мин әтиемә әлеге кечкенә генә булса да тормыш дәресе өчен рәхмәтлемен, хәзерге вакытта нәкъ шулар мине мөстәкыйль итә.

Тауларда, син тышкы дөньядан тулысынча аерылгач, беркем дә сиңа бишенче ноктаңны (бу образлы гына әйтәм) сөрткәләп йөрмиячәк, хәтта син ике аяксыз булсаң да! Син тулысынча автономияле, син тулысынча үз кулыңда, – дип яза Рөстәм.

Запись Рөстәм Нәбиев: “Элек боларга гарьләнсәм, хәзер рәхмәттән башка сүз юк” [видео] впервые появилась Tatar Today - татар яңалыклары..

Татар дальнобойщигының музей-тукталышта күргәннәре. 2нче серия [видео]

Лейла — Wed, 22 Sep 2021 08:43:26 +0000

Блогер Нәзим Галимов @nazim__galimov Инстаграмга М-7 (Казан-Чаллы) трассасында урнашкан “музей-тукталыш”ны урнаштырган иде.
Бу видеода ул тукталыш территориясендә булган төрле махсус биналар белән таныштыра.

Игътибарны җәлеп итүче әйберләр арасында су тегермәне бар, аның янында ясалма тегермәнче бабай утыра, шунда ук ашлык үлчи торган махсус үлчәүләр, үргән читән, кирза итекләр эленеп тора. Чыннан да үзеңне башка җирдә, элеккеге заманнарга әйләнеп кайткан шикелле хис итәсең.

Запись Татар дальнобойщигының музей-тукталышта күргәннәре. 2нче серия [видео] впервые появилась Tatar Today - татар яңалыклары..

Блогер Энҗе Нармаева дүртенче бала итеп кемне алып кайтачакларын хәбәр итте [видео]

Лейла — Sun, 19 Sep 2021 07:56:21 +0000

Казан мөселман блогеры Энҗе Нармаева дүртенчегә бәби көтә. Шушы көннәрдә ул туганнарын, якын дусларын җыеп, “Гендер-пати” дип исемләнгән бәйрәм оештырды.

Ягъни кыз баламы яисә малаймы алып кайтачакларын якын кешеләр белән билгеләү бәйрәмен үткәрде.

Бәйрәмгә күп кеше җылган. Кемнәрдер кыз бала булачагына ышана, ә кемнәрдер малай булуын тели. Энҗе һәм аның тормыш иптәше Евгений уртага олы шар алып чыгалар. Тантаналы төстә ул шарны шартлаталар һәм аның эченнән тагын кечкенә генә зәңгәр төстәге шарлар очып чыга. Димәк, Нармаевлар дүртенчегә ир бала көтәләр.

Әйтергә кирәк, Энҗенең инде 3 малае үсеп килә: Әмирхан, Тамерлан һәм Арслан.

Запись Блогер Энҗе Нармаева дүртенче бала итеп кемне алып кайтачакларын хәбәр итте [видео] впервые появилась Tatar Today - татар яңалыклары..

Блогер Айдар Габидуллинның сайлау лозунгы: “Кем хотяб 3 класс укыган, шул Надутычны сайлаган!” [видео]

Лейла — Fri, 17 Sep 2021 13:29:08 +0000

Шаян блогер Айдар Габидуллин кызыклы видео-вайннар төшерә. Сайлаулар алдыннан да махсус бер вайн төшергән. Ул үзе, имеш, депутатлыкка кандидат – Нәкыйп Надутыч!

Надутыч та башка депутатлардан бер дә калышмый.

– Беренчедән, балалар мәйданчыгы төзелеше, икенчедән, һәр ишегалдына балалар уйнау өчен махсус урын, өченчедән, бөтен ишегалдына яңа балалар бакчасы, дүртенчедән, бөтен җиргә балалар уйнау өчен махсус урын проекты булдыру – менә безнең планнар. Болар бөтенесе дә шул ук әйбер түгел! Без һәрбер депутатның сайлаулар алды программсына кертелгән проектларыннан бер пунктлап алдык та, үзебезгә куйдык инде! – дип сөйли бер мандатлы округ буенча депутатлыкка кандидат Нәкыйп Надутович.

Аннары исә баннеры белән таныштыра. Анда «Я как вакцина! Не хочешь? Заставим! Нәкыйп Надутович!» дип язып куелган икән, ләбаса.

Үзен депутат итеп хис итүче Надутыч үзенең ярдәчеләре турында да сөйли. Берсе кыска буйлы кеше, анысы “доходы населения До”, ди, ә инде озын буйлы ярдәмчесенә төртеп, “Это после Надутыча”, – дип сөйләнә.

Аннары кызыклы лозунглары белән таныштыра.

Запись Блогер Айдар Габидуллинның сайлау лозунгы: “Кем хотяб 3 класс укыган, шул Надутычны сайлаган!” [видео] впервые появилась Tatar Today - татар яңалыклары..

“Кояшлы” малай Булат Нигъмәтуллин Уфадагы мәктәптә укый башлый [видео]

Лейла — Wed, 15 Sep 2021 07:43:57 +0000

Даун синдромлы блогер Булат Нигъмәтуллин @bulat_x_live Инстаграм битен бик актив алып бара. Бу көннәрдә ул үзенең олы шатлыгы – мәктәптә укый башлавы белән уртаклашты.

– Мин мәктәптә! Директор исеме шулай ук Булат, мине бик яхшы каршы алды. Укытучылар, тәрбиячеләр – барысын да ошаттым, алар искиткеч. Бу мәктәптә нәкъ өйдәге кебек. Монда мин кунарга да калачакмын, кайвакыт өйгә дә кайтырга исәплим. Хәзер мин бик зур һәм мөстәкыйль – шуңа шатланам, – дип яза Булат.

Запись “Кояшлы” малай Булат Нигъмәтуллин Уфадагы мәктәптә укый башлый [видео] впервые появилась Tatar Today - татар яңалыклары..

Блогер Рәмис “МТС”ны да уздыра, үзе яңа “Авылище” дигән бушлай тариф тәкъдим итә [мәзәк видео]

Лейла — Sat, 11 Sep 2021 10:58:39 +0000

Хәзер күпләребез авылда. Кемдер бәрәңге, чөгендер ала, кабакларны коры урыннарга ташый, көзге уңышын җыештырып кую ягын карый. @dnevnik_tatarina да бу уңайдан өр-яңа, кеше кызыгырлык тариф тәкъдим итә.

Шаян блогер Рәмис Гыйльметдинов үзенең блогын бик кызык алып бара, яңа вайннар төшерә. Әйтик, авыл турында МТС операторы кебек мәзәк тариф уйлап тапкан, аны «Авылище» дип атаган.

– Авылда телефон тотмый икән, димәк, сездә шул авыл тарифы. «Авылище» – ул сәнәк белән бәрәңге алышу. Аңа бонус буларак чөгендер алышу абсолютно бесплатно бара. Интернет авылда юк, аңа карамастан күп нәрсә бушка: таң белән сыерларны көтүгә озату, ишегалдын себерү, утын әзерләү, кабакларны келәткә ташу, малларга су эчертү дә бушка бара. Әле бит түләүле хезмәт тә бар. Анысы инде ял итү, – дип уенын-чынын кушып аңлата Рәмис.

Запись Блогер Рәмис “МТС”ны да уздыра, үзе яңа “Авылище” дигән бушлай тариф тәкъдим итә [мәзәк видео] впервые появилась Tatar Today - татар яңалыклары..

Блогер «Татар Малай»ны урындыкка бәйләп куя торган булганнар [әңгәмә]

Редактор1 editor1 — Thu, 06 Apr 2017 15:01:37 +0000

Интернетта блог алып баручылар көннән-көн күбәя бара. Кечкенә генә видеолар төшерә башлыйлар да, вакыт үткәч, чын блогерга әйләнәләр. Татарлар арасында блог алып баручыларны бармак белән генә санарлык. Тик шул берничә блогер арасында бик кызыклы шәхес бар. Ул – “Татар малай”. Татар малай… Ә ул татар малайның исеме дә бар бит – Ринат абый. //Татаr today//

-Татарча блог тудыру идеясы ничек туды?

-Беренчедән, мин аккаунтымны ачканда аның исеме башка төрле иде, анда Татарстан турында Инстаграмдагы төрле матур видеоларны куеп бардым, соңыннан татарча кызык мәзәкләр куйдым, инде 10000 кеше җыелгач, үзем белән таныштыра башладым. Кеше минем белән кызыксына башлады, күбрәк үзем турында сөйләвемне сорап яздылар. Шуннан 15 секундлык, төрле кызыкы дәресләр алып бара башладым. Үземнең ниләр күрүем, ниләр эшләвем турында сөйләдем…Идеяне беркем дә бирмәде, үзеннән үзе туды.

-Блог ачканда нинди максат белән ачтыгыз? Шулай күп кеше карар дип уйлаган идегезме?

–Минем төп максат- бөтен дөнья татарларын берләштерү, ягъни чит илгә киткән, башка төбәкләрдә яшәүче татарлар да карый алсын, татар телен онытмасын һәм Татарстан белән соклансыннар өчен республикабыз турында видеолар яздыру иде. Моның өчен төре темаларга видеолар яздырдым: татар кухнясы, гореф-гадәтләребез. Гомумән, шушы нәрсәләрне онытмасыннар, дип ачкан сәхифәм ул. Дөресен генә әйткәндә, чыннан да, кызыксынучылар шулай күп булыр дип уйладым, чөнки эшемне башлаганда ук, аны яхшылап, ныклап эшләргә тырыштым. Хәзер инде, Аллага шөкер, 40 меңнән артык дустым бар!

-Элеккеге фотосүрәтләрегезне Instagram челтәренә куйганыгыз бар. Чын дөресен әйткәндә, сезне анда танырлык та түгел. Ни өчен ябыгырга будыгыз, кем этәргеч бирде? Спорт белән кайчан шөгыльләнә башладыгыз?

–2013 елда ябыга башладым. Этәргечне үзем, тормышым, кызлар бирде. Хәзерге заманда матур, сәламәт булу шарт. Бер ел буе ябыктым, 2014 елда спорт белән шөгыльләнә башладым. Мин аз гына ашасам да, тиз тазарам, шуңа форманы тотар өчен спорт белән шөгыльләнергә кирәк дидем. Ябыккач, тормышым да яхшы якка таба үзгәрде. Кызлардан да игътибар артты!

-Блог алып барудан башка тагын нәрсә белән шөгыльләнәсез?

–Минем тормышым Instagram белән бер адымда бара. Мәсәлән, нинди дә булса яңа нәрсә күрсәм, менә моны төшереп, сәхифәмә куярга кирәк, дим. Ә болай шул спорт белән шөгыльлләнәм: иртән күнегүләр ясыйм, урамга йөгерергә дә чыгам. Дуслар белән аралашып, кайда да булса йөрергә яратам.

https://www.instagram.com/p/BRbIy_cgOOa/?taken-by=tatar__malay%20%20

-Сез нинди һөнәр буенча белем алдыгыз?

-Беренче белемем – юридик, икенчесе – банклар эше буенча. Юристлык буенча эшли алмадым. Элек полициядә эшлисе килә иде, әмма, армия сафларында хезмәткә ярамагач, кызганыч, полициягә дә алмадылар. “Хоум кредит” банкында, соңыннан “Лето Банк”та, “Авирс Банк” та хезмәт куйдым.

-Кечкенә чагыгызда булган нинди дә булса кызыклы вакыйганы сөйләгез әле.

-Кечкенә чак дигәч тә мәктәп еллары искә төште. Мине тәнәфесләр вакытында урындыкка бәйләп куялар иде, чөнки шук, шаян малай булганмын. Әле дә исемдә: мине кызыл лента белән урындыкка бәйләп куйдылар һәм мин тәнәфес вакытында, бер кая да чыкмыйча, урындыкка бәйләнгән килеш утырдым. Шул ук мәктәптә, укытучы апа гел миңа: “Сагыз чәйнәмә, башыңа беркетеп куям!”- дия иде. Укытучының сүзен тыңламадым, ул сагызны чыннан да башыма беркетеп куймасынмы! Ябышып калды бу. Укытучы чәчне кайчы белән кисеп атарга мәҗбүр булды. Бу хәлне әти-әнигә әйтмәдем.

Ринат абый бик тә кызыклы һәм аралашучан кеше булып чыкты. Әгәр дә аның тормышы турында күбрәк беләсегез килсә, Instagram, Вrонтакте һәм Ютуб челтәрләренә кушылыгыз, карагыз!

Алсу РӘШИТОВА

Запись Блогер «Татар Малай»ны урындыкка бәйләп куя торган булганнар [әңгәмә] впервые появилась Tatar Today - татар яңалыклары..