Архивы татар блогерлары - Tatar Today - татар яңалыклары.

Блогер Альбина Солнце: “Шушы әйләнчектән шушы әйбер килеп чыга?!”[видео]

Рамиля Валиахметова — Thu, 23 Sep 2021 14:36:20 +0000

Ул Каппадокиядән үзе ясаган балчык савыт алып кайтты.

Башкортстанның Туймазы шәһәре блогеры Альбина Солнце @albina.sun күптән түгел Төркиянең Каппадокия шәһәрендә булып кайтты.
Монда ул махсус остаханәдә булып, балчыктан бер зур савыт ясаган.

– Элек мондый осталар балчыктан шикәр сала торган савыт ясый торган булганнар. Әгәр дә ул савытка аның капкачы туры килсә, димәк, оста чын мәгънәсендә үз эшен белеп башкарган. Өйләнә дә алган! – дип аңлата блогер.

Альбинаның хис-кичерешләргә бирелеп, чиелдап балчык савыт ясаганын күзәтергә була.

Запись Блогер Альбина Солнце: “Шушы әйләнчектән шушы әйбер килеп чыга?!”[видео] впервые появилась Tatar Today - татар яңалыклары..

Рөстәм Нәбиев: “Элек боларга гарьләнсәм, хәзер рәхмәттән башка сүз юк” [видео]

Лейла — Wed, 22 Sep 2021 12:48:42 +0000

Хәзерге вакытта Непал илендә булган татар-башкорт блогеры Рөстәм Нәбиев @rustam_nabiev92 Инстаграмга үзенең керләрен юган видеосын куйды. Әйтергә кирәк, Нәбиев дөньяның иң биек тауларының берсе булган Манаслуга кулларында гына менәргә һәм Дөнья рекорды куярга җыена.

Миңа 6 яшьләр чамасы булганда, әти мине һәм абыемны мунчадан соң үз әйберләребезне юарга мәҗбүр итә иде. Ул чагында мин моңа ачуландым, гарьләндем хәтта! Балалар бит моны эшләргә тиеш түгел дип уйладым. Мин әтиемә әлеге кечкенә генә булса да тормыш дәресе өчен рәхмәтлемен, хәзерге вакытта нәкъ шулар мине мөстәкыйль итә.

Тауларда, син тышкы дөньядан тулысынча аерылгач, беркем дә сиңа бишенче ноктаңны (бу образлы гына әйтәм) сөрткәләп йөрмиячәк, хәтта син ике аяксыз булсаң да! Син тулысынча автономияле, син тулысынча үз кулыңда, – дип яза Рөстәм.

Запись Рөстәм Нәбиев: “Элек боларга гарьләнсәм, хәзер рәхмәттән башка сүз юк” [видео] впервые появилась Tatar Today - татар яңалыклары..

Татар дальнобойщигының музей-тукталышта күргәннәре. 2нче серия [видео]

Лейла — Wed, 22 Sep 2021 08:43:26 +0000

Блогер Нәзим Галимов @nazim__galimov Инстаграмга М-7 (Казан-Чаллы) трассасында урнашкан “музей-тукталыш”ны урнаштырган иде.
Бу видеода ул тукталыш территориясендә булган төрле махсус биналар белән таныштыра.

Игътибарны җәлеп итүче әйберләр арасында су тегермәне бар, аның янында ясалма тегермәнче бабай утыра, шунда ук ашлык үлчи торган махсус үлчәүләр, үргән читән, кирза итекләр эленеп тора. Чыннан да үзеңне башка җирдә, элеккеге заманнарга әйләнеп кайткан шикелле хис итәсең.

Запись Татар дальнобойщигының музей-тукталышта күргәннәре. 2нче серия [видео] впервые появилась Tatar Today - татар яңалыклары..

Блогер Энҗе Нармаева дүртенче бала итеп кемне алып кайтачакларын хәбәр итте [видео]

Лейла — Sun, 19 Sep 2021 07:56:21 +0000

Казан мөселман блогеры Энҗе Нармаева дүртенчегә бәби көтә. Шушы көннәрдә ул туганнарын, якын дусларын җыеп, “Гендер-пати” дип исемләнгән бәйрәм оештырды.

Ягъни кыз баламы яисә малаймы алып кайтачакларын якын кешеләр белән билгеләү бәйрәмен үткәрде.

Бәйрәмгә күп кеше җылган. Кемнәрдер кыз бала булачагына ышана, ә кемнәрдер малай булуын тели. Энҗе һәм аның тормыш иптәше Евгений уртага олы шар алып чыгалар. Тантаналы төстә ул шарны шартлаталар һәм аның эченнән тагын кечкенә генә зәңгәр төстәге шарлар очып чыга. Димәк, Нармаевлар дүртенчегә ир бала көтәләр.

Әйтергә кирәк, Энҗенең инде 3 малае үсеп килә: Әмирхан, Тамерлан һәм Арслан.

Запись Блогер Энҗе Нармаева дүртенче бала итеп кемне алып кайтачакларын хәбәр итте [видео] впервые появилась Tatar Today - татар яңалыклары..

Блогер Айдар Габидуллинның сайлау лозунгы: “Кем хотяб 3 класс укыган, шул Надутычны сайлаган!” [видео]

Лейла — Fri, 17 Sep 2021 13:29:08 +0000

Шаян блогер Айдар Габидуллин кызыклы видео-вайннар төшерә. Сайлаулар алдыннан да махсус бер вайн төшергән. Ул үзе, имеш, депутатлыкка кандидат – Нәкыйп Надутыч!

Надутыч та башка депутатлардан бер дә калышмый.

– Беренчедән, балалар мәйданчыгы төзелеше, икенчедән, һәр ишегалдына балалар уйнау өчен махсус урын, өченчедән, бөтен ишегалдына яңа балалар бакчасы, дүртенчедән, бөтен җиргә балалар уйнау өчен махсус урын проекты булдыру – менә безнең планнар. Болар бөтенесе дә шул ук әйбер түгел! Без һәрбер депутатның сайлаулар алды программсына кертелгән проектларыннан бер пунктлап алдык та, үзебезгә куйдык инде! – дип сөйли бер мандатлы округ буенча депутатлыкка кандидат Нәкыйп Надутович.

Аннары исә баннеры белән таныштыра. Анда «Я как вакцина! Не хочешь? Заставим! Нәкыйп Надутович!» дип язып куелган икән, ләбаса.

Үзен депутат итеп хис итүче Надутыч үзенең ярдәчеләре турында да сөйли. Берсе кыска буйлы кеше, анысы “доходы населения До”, ди, ә инде озын буйлы ярдәмчесенә төртеп, “Это после Надутыча”, – дип сөйләнә.

Аннары кызыклы лозунглары белән таныштыра.

Запись Блогер Айдар Габидуллинның сайлау лозунгы: “Кем хотяб 3 класс укыган, шул Надутычны сайлаган!” [видео] впервые появилась Tatar Today - татар яңалыклары..

“Кояшлы” малай Булат Нигъмәтуллин Уфадагы мәктәптә укый башлый [видео]

Лейла — Wed, 15 Sep 2021 07:43:57 +0000

Даун синдромлы блогер Булат Нигъмәтуллин @bulat_x_live Инстаграм битен бик актив алып бара. Бу көннәрдә ул үзенең олы шатлыгы – мәктәптә укый башлавы белән уртаклашты.

– Мин мәктәптә! Директор исеме шулай ук Булат, мине бик яхшы каршы алды. Укытучылар, тәрбиячеләр – барысын да ошаттым, алар искиткеч. Бу мәктәптә нәкъ өйдәге кебек. Монда мин кунарга да калачакмын, кайвакыт өйгә дә кайтырга исәплим. Хәзер мин бик зур һәм мөстәкыйль – шуңа шатланам, – дип яза Булат.

Запись “Кояшлы” малай Булат Нигъмәтуллин Уфадагы мәктәптә укый башлый [видео] впервые появилась Tatar Today - татар яңалыклары..

Блогер Рәмис “МТС”ны да уздыра, үзе яңа “Авылище” дигән бушлай тариф тәкъдим итә [мәзәк видео]

Лейла — Sat, 11 Sep 2021 10:58:39 +0000

Хәзер күпләребез авылда. Кемдер бәрәңге, чөгендер ала, кабакларны коры урыннарга ташый, көзге уңышын җыештырып кую ягын карый. @dnevnik_tatarina да бу уңайдан өр-яңа, кеше кызыгырлык тариф тәкъдим итә.

Шаян блогер Рәмис Гыйльметдинов үзенең блогын бик кызык алып бара, яңа вайннар төшерә. Әйтик, авыл турында МТС операторы кебек мәзәк тариф уйлап тапкан, аны «Авылище» дип атаган.

– Авылда телефон тотмый икән, димәк, сездә шул авыл тарифы. «Авылище» – ул сәнәк белән бәрәңге алышу. Аңа бонус буларак чөгендер алышу абсолютно бесплатно бара. Интернет авылда юк, аңа карамастан күп нәрсә бушка: таң белән сыерларны көтүгә озату, ишегалдын себерү, утын әзерләү, кабакларны келәткә ташу, малларга су эчертү дә бушка бара. Әле бит түләүле хезмәт тә бар. Анысы инде ял итү, – дип уенын-чынын кушып аңлата Рәмис.

Запись Блогер Рәмис “МТС”ны да уздыра, үзе яңа “Авылище” дигән бушлай тариф тәкъдим итә [мәзәк видео] впервые появилась Tatar Today - татар яңалыклары..

Рөстәм Исхаков: “Татар блогерлары, яңа заманны үзгәртергә, яхшыртырга кирәк”

Alina — Tue, 11 Jun 2019 09:47:42 +0000

8 июнь көнне Теләче Сабан туенда татар блогерларының Татарстан Дәүләт шурасы рәисе Фәрит Мөхәммәтшин белән очрашуы булып узды. Tatar Today порталы җитәкчесе Рөстәм Исхаков әлеге очрашуда татарларга кагылышлы җитди сораулар бирелмәүгә гаҗәпләнүен видеоязма аша белдерә.

Ул әлеге очрашуга, аралашуга уңай каравын билгеләп үтә. Ләкин анда блогерлар тарафыннан татарларга кагылышлы җитди сораулар бирелмәве аның күңеленә борчу сала.

“Әлеге очрашудан соң берничә көн үткәч, дәүләт яңалык сайтлары татар блогерлары татар стратегиясен язуда катнашырга тиеш дип, язып чыктылар. Шуннан мин, журналист буларак, кызыксына башладым, нәрсә сорадылар микән алар анда”,- дип бу хакта сүзен башлый Рөстәм Исхаков. Постларны укып чыккан соң, Фәрит Мөхәммәтшинга гомум сүзләрдән башка, конкрет сораулар бирелмәвенә төшенә ул.

“Министрлыклар, депутатлар аккаунтларын татарча да алып барсыннар, татарча язулар бар җирдә дә булсын, булачак депутатлар ике телдә сөйләсен, министрлыкларга ике телне камил белгән җитәкчеләр килсен иде. Депутатлар татар телен кыскарту карарына бердәм тавыш бирделәр. Ни өчен шулай эшләдегез дип, әйтергә була бит инде. Теләчедән үз рецептларын социаль челтәрләр аша тәкъдим итүче ханым да очрашуда бар иде. Хәзер бит үз эшләре белән ирекле шөгыльләнүчеләрне тикшерү башланды, аларның күпсанлы сораулары бар. Менә шуларны әйтергә була иде бит!” – дип бирелергә мөмкин булган сорауларны яудыра татар журналисты.

https://www.instagram.com/p/BydmyLDoyDa/

Әлеге видеоязманы Рөстәм Исхаков яңа буын татар блогерларына турыдан-туры мөрәҗәгате белән тәмамлый: “Сез хәзер сәясәтче-блогерлар. Без күзәтеп барачакбыз: сезнең хәрәкәтегез татар милләтенә файдага булырмы, әллә инде битарафлыкка китерерме? Бәлки әле сез алга таба конкрет сораулар бирә башларсыз, очрашулар тагын булыр. Без сезгә өмет белән карыйбыз. Татар блогерлары, яңа заманны үзгәртергә, яхшыртырга кирәк!”

Мәгълүмат Рәфилә Татарча рецептлар, Кызык-Мызык, Татар Малай Инстаграм битләреннән

Запись Рөстәм Исхаков: “Татар блогерлары, яңа заманны үзгәртергә, яхшыртырга кирәк” впервые появилась Tatar Today - татар яңалыклары..

Татар блогерлары ничек лайк җыя һәм язылучылары өчен елыймы, көләме, сүгәме, сүгенәме?

Гузель — Wed, 13 Feb 2019 12:21:42 +0000

//Tatar today// Гүзәл Гыйбадуллина//

Instagramда татар блогерлары булып теркәлүчеләр саны көннән-көн арта. Алар һәрберсе язылучыларына оригиналь, мәзәк, сәер видеолар, постлар тәкъдим итәләр. Без соңгы елларда барлыкка килгән кайбер татар блогерларын барладык, максатларын белештек, 2019 елда Instagramда татар теле актуаль булачакмы, русчага күчмиләрме дип сораштык.

2018 ел азагында татарча вайннар төшерә башлаган Башкортстанның Кырмыскалы районыннан Резедә Нəбиуллинаның (@rezeda_blog) максаты – татарча көнкүреш сөйлəшү стилендə позитив постлар куеп, татар кешесенең кəефен күтəрү, татар телен саклау, уйландыру һəм көлдерү икән. Резедәнең 2 меңнән артык язылучысы бар. Ул Instagramда рус телендә дә аерым бит алып барырга ниятли, әлегә татарча битенең язылучылары озак арта дип аңладык.

https://www.instagram.com/p/Br7GptRgNhH/

Актаныштан Раиль Гарифуллин (@railda_kunakta): “Минем блогның төп темасы юк, нәрсәне кызык дип күрәм, шуның турында видео төшерәм. Әлеге эшне нинди дә булса максат куеп башламадым”, дип белдерде. Раильны 7,5 мең кеше күзәтә. Аның рус теленә күчү планы юк. “Татар телендә булган эшләрне дә яратып караучылар җитәрлек”, ди ул. Раиль вайннар гына түгел, ә үз тормышын күрсәтә торган видеолар да төшерергә планлаштыра. Кешедән, килеп чыккан хәлләрдән көлү популяр булыр дигән фикердә.

https://www.instagram.com/p/Bp1-AGfA_Ix/

Татар блогерлары сүзләренчә, аларны төрле яшьтәгеләр укый. Көлдергеч, авыл темасына кагылган, тормышчан постлар, видеолар яраталар. Блогерлар үзләре дә шушы юнәлештә эшләргә тырыша, чөнки мондый иҗат җимешләрен укучылары көтеп үк ала.

“Хәзер урамда да таныйлар, төрле интервью, тапшыруларга чакыралар”, диде инстаграмда авыл тормышы турында әнисе белән төшереп, кызыклы видеолар урнаштыручы Илүзә Минһаҗева (@ilyuza_13_).

“Максатым – күбрәк авыл тормышын чагылдыру, без бит күбебез авылда үскән кешеләр”, ди 18 меңләп язылучысы булган Кама Тамагы кызы Илүзә. Ул алга таба да татарча авыл тормышын күрсәтергә планлаштыра. “Урыс теленә күчүне уйлаганым юк, татар телемне үстерәсем килә, бетмәсен иде, яшәсен иде безнең туган телебез. Көн саен диярлек яңа татар блогерлары, вайннар барлыкка килә, шулай булгач, телебез үлмәс, тагын да үсәр”, дип өметләнә ул.

“Шәп чыккан, молодец!”, “Минем дә шулай булганы бар!”, “Яшь чакка кайтардың!”, диеп күберәк уңай фикерләр язып калдырсалар, тискәреләр дә булгалый, дип ассызыклый блогерлар.

“Бер интервью биргәннән соң 40-50 яшьлек апалар сүгенгән өчен кызып минем блогны чәйни башлаган иде, ләкин бик тиз суындылар! Алар шул чәйни белә инде. Йот дисәң, йоталмый. Төкереп, башка теманы чәйни башлый”, ди татарча сүгенү блогы алып баручы Роберт Исламов (@robertislamov84).

8 меңләп укучысы булган Түбән Кама егете төрле актуаль темаларга, аеруча татар эстрадасына бәйле мультфильмлы видеолар ясый.

“Кемгә ошый, шул тыңлый. Без кызык өчен генә беренче татар сүгенү рубрикасы ясап карадык һәм китте”, дип белдерде блогер.

“Алга таба сүгенүсез тапшырулар булыр дип ышанып калам. Әлегә нинди юнәлештә икәне сер булып калсын. Мин язылучылар артыннан кумыйм, һичшиксез татар телен кулланачакмын”, диде Роберт Исламов. Киләчәктә Instagramда татар телен кулланучылар артыр дип өметләнә ул.

Бу юнәлештә авырлыклар да юк түгел. Блогны үстерү, таныту, алып бару өчен бик күп көч куярга кирәк. Иҗади караш, яңа идеяләр туплау, язылучылар белән даими аралашу вакыт таләп итә, ди блогерлар.
Җитешмәгән яклары да бар татар блогларының. “Уйландыргыч, тирән мәгънәле, татарча вайннар һəм постлар кирәк, дип фикер йөртә Резедә. “Шул уйландыргыч постлар аша, халык үзенең проблемасына жавап табар, бәлки киләчәктә хата да ясамас иде. Интернет челтəрендə ул үзенең күңелен күтəрергə, тынычланырга, татар телен онытмаска, бирешмəскə өйрəнергə тиеш”, дип фикерли Резедә.

“Оригиналлек җитми! Кыюлык! Татар блогерлары куркак җаннар!”, дигән карашта Роберт Исламов. “Урыс сүзләрен кыстырып язулары яки әйтүләре дә матур түгел. Үземдә дә андый ялгышлыклар була әлбәттә, ләкин бу гадәтне киләчәктә булдырмау өстендә эшлим. “Татар булгач, татарча сөйләш, диләр миңа һәм дөрес әйтәләр”, дип уртаклашты Илүзә.

———————————————————————————————————————————————————

Tatar Today порталы җырчыларның концертларыннан фото-видео репортажлар, махсус видеотапшырулар ясый, яңалыклар яза.

Кем үзен күрергә тели шалтыратыгыз, элемтәгә керегез!

тел: 240-24-99

WhatsApp: +7966-240-24-99

Запись Татар блогерлары ничек лайк җыя һәм язылучылары өчен елыймы, көләме, сүгәме, сүгенәме? впервые появилась Tatar Today - татар яңалыклары..