“Барс Медиа” ширкәте “Татар җыры” фестивале алдыннан шоу ясап аласылары килгән күрәсең. Хәмденюшаның чираттагы чыгарылышын “Алтын барс” сынын тапшыру тантанасына бәйләп төшергәннәр. Видеоның эчтәлеге түбәндәгедән гыйбарәт: 

“Ватаным Инстаграм” газетасы статистикасы буенча соңгы арада Хәмденюша лайклар аз җыя! Топ-блогер моны “мәгънәсезлек” дип атый һәм МС Шеф-Шәриф белән челлендж ясый. Ул рэп баттл форматында үзенең текәлеген раслый һәм ел вакыйгасы – “Татар җыры” алдыннан Хәмденюша калган җырчыларга да мөрәҗәгать итә. Алар да барлык лайкка һәм “Алтын барс”ка лаекмы икәнлекне сорый һәм җавап көтеп кала. Ә сез Хәмдүнә апаны #лайккалаек дип саныйсызмы? – дип постны сорау белән тәмамлыйлар. Моның кадәр шаулагач, “Татар җыры”нда Хәмдүнә апагызга да “Алтын барс” эләгәчәгенә шигебез юк хәзер.

View this post on Instagram

A post shared by ТАТАР РАДИОСЫ (@tatarradiosi)

“Хәмденюшаның чираттагы текә видеосы инстаграмчыларда ризасызлык тудырды. Халык артистына килешми, Илһам да ычкынды, тәки тырыштылар”, диелгән фикерләр күренә Хәмденюша видеосы астында.

“Позор, мәгънәсезлек, яшеңне уйла, җүләрлек, тиле, карарлык та түгел,” дип коендыралар гына Хәмдүнә Тимергалиеваны.

Өлкәннәр яшьләрне сүгә, ә яшьләр өлкәннәрне… Миңа мәктәптә дөрес тәрбия бирмәгәннәрме соң, әллә инде КФУда(шунда укыйм) дөрес тәрбия бирмиләрме? Мине искечә тәрбияләделәр ахры, – дип бер яшь кыз баланың язганы уйландырды бит әле.

Исегездә булса, Хәмдүнә Тимергалиева быелның апрель аенда Элвин Грей белән “ХәмДудь” булып интервью алган иде.

Запись “Олы башы белән кеше көлдереп йөрмәсен. Тиле!” – Хәмденюшаның яңа видеосын сүгәләр впервые появилась Tatar Today - татар яңалыклары..

12 ноябрьдән балалар өчен тәүлек буена татарча “Шаян ТВ” каналы күрсәтә башлый. Яңа канал тәүлек буе татар телендә эшләячәк. Татарча аңлап бетермәгән кунакларга урысча да аңлатма бирәчәкләр. Алып баручы сүзләрне урысчадан татарчага тәрҗемә итеп бара.

View this post on Instagram

A post shared by Tatarstan News. Tatar (@tatnews.tatar)

“Шаян ТВ” Татарстанның мәгариф министрлыгы ярдәме белән эшли. Шуңа күрә яңа каналның балаларны уку-укыту мәсьәләсендә дә өлеше зур булачак. Оригинал програмнар, уен-шоулар, викториналар, тәрҗемә ителгән фильмнар, мультфильмнар, фәнни-популяр, әдәби тапшыруларны караган балалар татарча гына сөйләшә башлаячаклар, дип фаразлый каналны оештыручылар. Сүз уңаеннан, Илшат Әминов беренче нәтиҗәләрне төгәл 3 айдан соң күрергә өметләнә. “Өч айдан “Шаян” балалар арасында популяр булыр дип көтәм”, ди ул.

Яңа каналда күрсәтеләчәк мультфильмнарны сыйфатына һәм эчтәлегенә карап сайлаганнар. Аларга күп тавышлы тәрҗемә ясалган. “Шаян ТВ” балалар өчен популяр каналга әйләнергә тиеш. Күрсәтеләчәк мультфильмнар да аларга ошар дип өметләнәбез”, ди ТНВ җитәкчесе.

“Шаян ТВ” тулысынча дәүләт канаты астындагы канал. Бюджеты 100 миллион сумнан күбрәк булачак, диде Әминов. Чыгымнарның өчтән ике өлеше җиһазлар алу, студия ясауга киткән, калганы сигнал тарату, контент һәм башка чыгымнар.

Әлегә каналны “Таттелеком” операторында, кабель аша, цифрлы мультиплекста, shayantv.ru сайтында һәм Youtube-та карап булачак. Калган операторлар белән дә сөйләшүләре бара.

https://www.instagram.com/p/Bp6vZaAgSX6/

Запись Илшат Әминов “Шаян ТВ” балалар каналының кайчан популяр булачагын юрады [видео] впервые появилась Tatar Today - татар яңалыклары..

Илсөя 8 айлык булып дөньяга килә. Табиблар ул вакытта баланың исән калачагына өмет бирмиләр. “Теләсәң өеңә алып кайтып кит, бүгеннән дә калмас кызың” – диләр Илсөянең әнисенә. Баласының өзгәләнеп елаганы йөрәген телгәч, өметен өзә ана. Күрше хатынының сүзен тыңлап, кызын самогонлы чүпрәккә төреп бишегенә сала да, бәхилләшеп чыгып китә. 1,8 кило авырлыкта ярым үле тууы, 6 сәгать самогон эчендә ятып исән калуы турында Илсөя быел беренче мәртәбә тамашачыга ачылып сөйләде. “Күңел куша” тамашасы Филармониядә 3 көн дәвам итте. Залда утырган халык күз яшьләрен тыя алмыйча авыз ачып Илсөяны тыңлап утырды. Анда без дә булдык.

View this post on Instagram

A post shared by Tatarstan News. Tatar (@tatnews.tatar)

“Үзәк өзгеч салкын көн иде. Өйгә кайтсам, әтиең дә, әбиең дә минем белән сөйләшмиләр. Әкрен генә эчтәге бүлмәгә үттем. Сине бишеккә салдым да, тыела алмый еладым. Күрше хатыны кергән. “Гөлсинә, син болай азаплама сабыйны. Самогонны җылыт та, шунда чүпрәкләреңне батырып тот. Аннары балаңны шул чүпрәккә төреп яткыр. Спирт бала тәненә бик тиз сеңә. Азапланып ятмасын, әкрен генә китсен” – ди. Әни күрше хатынының сүзен тыңлап, мине самогонлы чүпрәккә төрә дә юрган белән каплап калдыра, үзе  чыгып китә. 6 сәгать буе өйгә керә алмыйча урамда тилмереп, елап йөри. “Караңгы төшеп беткәч кенә кердем. Бишегең янына утырдым да: “Кызым, бәхил бул, яме?!” дидем. Юрганыңны ачып җибәрсәм, акырып ашарга сорап ятасың бит!?” – диеп елап сөйли иде әни. Әни, ашыйсы килми иде, эчәсем килә иде минем. Алты сәгать самогонда ятып карале син!” – дип мышык-мышык елап утырган тамашачыны көлдереп куйды Илсөя.

Оливерга акча җитмәгән?

Еллар узган саен төркем үзгәрә, яшьләр киләләр дә китәләр. Бары Сергей Тихонов кына Илсөягә тугъры булып кала бирә. Бәдретдинованыкы кебек үзенчәлекле иҗат төркеме татар эстрадасында бер кемдә дә юк. Состав быел тагын яңарган, ишәйгән. Элек эшләгән баянчылары Илшат Хисәметдинов кире кайткан. Палестинадан Хамза Истатия исемле рэп укучы егет өстәлгән. Оливер киткән. “Йолдыз чире” йоккан дип аңладык. “Оливер безнең төркемдә эшләсен дисәк, билет бәяләрен 2 меңнән дә түбән куеп булмаячак” – диде Илсөя. Кара егет бәясен күтәргән күрәсең. Аның урынына менә дигән Саба егетен алганнар. Фәнзил Шәрифуллин әллә ничә төрле уен коралында уйный, оста итеп бии дә белә.

Башкортостан егете Илнур Колахмәтов 5 ел Айдар Фәйзрахманов җитәкчелегендә эшләгәннән соң, Илсөя Бәдретдинова төркеменә күчә. “Күп нәрсәгә өйрәндем, рәхмәт. Әмма дәүләт ансамблендә киләчәгемне күрмим. Үз исемем белән үсәсем, камилләшәсем килә” – дип сөйләгән иде ул чагында. Бүген ул Казан тамашачысы алдында үзенең уникаль артист булуын тагын бер кат исбатлады. Илнур татар һәм башкорт эстрадасында тамак төбе белән җырлый белүче бердән-бер җырчы әлегә. Андыйлар башка юк, диде Илсөя.

Якутиядән кайткан Айсхана – шаманнар нәселеннән. Караңгы урманда әбисе карамагында үскән бала. Күңелсезләнгән вакытларында урманга чыгып, кошлар, җәнлекләр белән сөйләшеп йөри торган була. Илсөя аны бик үзенчәлекеле кеше, ди. “Концерт беткәч 10-15 минут үзе янына якын җибәрми, беркем белән дә сөйләшми. Чөнки аңа бик авыр. “Бөтен көчемне тамашачыларга биреп керәм” – ди.  Кичә концерт алдыннан килеп хәлемне сорады. “Мин борчылам. Сез сизмисез, яныгызда арагыздан киткән якын кешеләрегезнең рухлары йөри, алар сезнең өчен борчыла” – диде. Телсез калдым” – дип сөйләде Илсөя Айсхананың үзенчәлекле сәләтләре турында.

“Кияүгә чыккач җырлаудан туктармын бәлки…”

Илсөягә һәрвакыттагыча тамашачыларның сораулары күп иде. Концертта дүрт почмаклап төрелгән “сәлам хатлары”ның чиге булмады.

“Бер көнне җитәкчеләрне сүккән идегез. Сүзе булмадымы?” – дип борчылып язганнар. “Мин аларны көн саен сүгәм. Әле берсе концертка 15-20 чакыру билеты сорап килгән. 7 миллионлык машинада йөри үзе. Әби миңа: “Кызым, кул-аягың исән чакта бөтен хәерчеләргә дә ярдәм итеп яшә” – дип әйтә иде. Менә шул хәерчеләргә ярдәм итеп яшәп ятабыз” – диде Илсөя.

“Кайчан кияүгә чыгасың, җырлаудан кайчан туктыйсың?” – кебек сорауларны да җавапсыз калдырмады җырчы.

“Кияүгә чыккач җырлаудан туктармын бәлки. Тик әлегә чират торып чакырып торучылар юк. Дөресен әйтәм, киләләр, матур итеп сүз катып карыйлар да, хатыннары янына очтырып кайтып китәләр. Килеп алып китә торган бөркет чыкмасмы дип көтеп утырам әле, туйдым бу бозаулардан” – дип җебегән ирләрдән зарланып алды җырчы. Шулай да ул ялгыз кебек тоелмады. Сәхнәдә бер кочак чәчәк бәйләме күргәч, халык аһ итте. “Букет турында сорап язмагыз, барыбер җавап бирмәячәкмен. Әлегә әйтмим. Берәр кайчан сөйләрмен” – диде.

“Мин бит әткәй синең малаең”

“Кыска гына вакыт эчендә нәрсәләр генә булып бетмәде. Әни китте, Илфак китте, әти китте… Мин малай булырга тиеш булган әти кызы. Кунаклар килгәч табын артында әтигә сүз бирәләр иде. Әти шул вакыт: “Миңа мени инде ул сүз әйтергә? Кәкре тәпиле малаем, әйдәле, Илсөя, әйт әле бер матур сүз” – дип мине чакырып китерә. Кечкенәдән Урал мотоциклының бензобагына утыртып йөртеп кәкрәйтеп бетерде ул минем аякларны. Әти лесник иде. Төнге сәгать икеләргә кадәр аның белән пилорамада такта яра идек. Арып беткәннән соң әти: “Малай, анаңа күрсәтмичә генә гармунны алып чык әле” – дип мине өйгә кертеп җибәрә иде. Төннәр буе җырлашып утыра идек. Әтигә багышлап җыр язасым килде. Соңгы көннәре иде. Әтине мендәр арасына терәп утырттык та, җыр тыңлатам. Күзеннән мөлдерәп яшь ага. Мин тыңлатам, әти елый. Карават башына чытырдатып ябышты да, күземә туп-туры карап аягын шуыштырып китереп, минем аякны кәкрәйтеп куйды. Үзе елмаймакчы була. Мин сине таныдым, Илсөям, дигән сүзе иде бу. Шуннан соң озак тормады, әти китте” – дип әтисенең соңгы көннәре турында сөйләде Илсөя.

Илсөя кинода төшәчәк!

Популяр җырчы Илсөя Бәдретдинова Казанда 3 көн рәттән шаулатып концерт куйды. “Татаркино” җитәкчесе Миләүшә Айтуганова Илсөягә кинода төшергә тәкъдим ясады. Әлеге тәкъдимне тамашачы да хуплады. Шуннан соң Илсөя ризалык белдерде. “Илсөя риза, димәк, киләсе елга Илсөяле киноны кинотеатрларда күрә алачакбыз” – дип вәгъдә бирде Миләүшә ханым. 3 сәгатьтән артык барган тамаша элеккеге заман җырларыннан торган тезмә белән тәмамлады. Концерт алдан төзелгән сценарий буенча бармады. Барысы да нәкъ Илсөячә булды, аның күңеле кушканча…

P.S. Тиздән Татар тудей порталында Илсөя Бәдретдинованың Казандагы ахыргы концертыннан Илшат Вакказов алып баруында махсус видео тапшыру да чыгачак. 

Запись “Бишегең янына утырдым да:”Кызым, бәхил бул, яме?!” дидем”- Илсөя Бәдретдинова Казан концертында үзәк өзгеч хәтирәләрен сөйләде [репортаж] впервые появилась Tatar Today - татар яңалыклары..

Әлфия Авзалованың фестивале турында тискәре фикерләр күп булды. Гала-концертны, мәсәлән, халыкара “солянка”га әйләнде дип тә сөйләделәр. Бәйгенең жюри рәисе Венера Ганиева бу сүзләр белән килешмәде. Ул безгә акча артыннан кумавын, чын күңелдән иҗат, шәкертләрен укыту белән шөгыльләнүен сөйләде.

– Халыкара “солянка” дип әйтү дөрес түгел. Бу безнең тар күңелле булуыбызны күрсәтә. Әлегә кадәр республикабызда узучы бер бәйге турында да уңай фикер ишеткәнем булмады. “Татар моңы”, “Үзгәреш җиле”, Ваһапов фестиваль-концертыннан соң да “менә ичмасам шәп узды” дип язмадылар. Бәйге булгач фикерләр дә төрле була, моны дөрес аңларга кирәк,  дип башлады сүзен Әлфия Авзалова фестиваленең жюри рәисе.

– Венера ханым, ни өчен мәшһүр татар халык җырчысы фестивалендә әллә ни билгеле булмаган чит ил кешеләрен чакыртып җырлату, биетү кирәк иде?

– Конкурсның нигезләмәсе әзер булгач, Әлфия апаның кызы белән кияве Зөлфия һәм Равил Нигъмәтҗановлар, бәйгенең дәрәҗәсен күтәрү ниятеннән Европа ассоциациясенә мөрәҗәгать иттеләр. Европада узучы конкурсларда катнашу өчен бөтен дөньядагы музыкантлар, җырчылар һәм биючеләр шушы ассоциация аша анкета тутыра. Чит илдән килгән катнашучыларыбыз да безгә әнә шулай үзләре теләк белдереп килделәр. Килешәм, безнең биюләр белән аларныкын чагыштырып та булмый. Махсус шушы бәйге өчен барлык чыгымнарны үзләре күтәреп Һиндстаннан, Американың Монтана штатыннан килгән катнашучыларны гала-концертта күрсәтмичә кире борып кайтару безнең тарафтан матур булмас иде. Читтән килгән кунакларны ачык йөз белән каршы алып, мең еллык Казаныбызның истәлекле урыннарын күрсәтеп, тиешле дәрәҗәдә кунак итеп озатып җибәрә алуыбыз белән без бәхетле.

– Алып баручылар Салават Фәтхетдиновны да жюри әгъзасы дип әйтте, Салават әфәнде безгә, минем монда бернинди катнашым юк диде. Моны ничек аңларга?

– Конкурсның генераль продюсеры итеп Салават Зәки улының кулы куелды һәм ул җюри әгъзасы булып билгеләнде. Аның килү-килмәве миннән тормый. Шуңа күрә кеше өчен җавап бирә алмыйм. Бәйгегә килмәгәч, жюрида утырмагач нәрсә дисен инде? Әлбәттә катнашым юк, дип әйтәчәк. Минемчә, продюсер ул бик зур вазыйфа. Әлеге фестивальгә ул да үзенең өлешен кертә ала иде. Бәлки, соңгы нәтиҗәләргә йогынты да ясаган булыр иде. Ләкин ул килмәде.

– Венера ханым, Әлфия Авзалова фестивале сезнең укучылардан торган “йолдызлар фабрикасы”на охшап калды дигән фикерләр әйттеләр. Моңа бит җирлек бар, катнашучылар, җиңүчеләр арасында сезнең укучылар балкыды!? Нигә сез гел үзегезнең укучыларны гына үстерү яклы?

– Минем укучыларым җырлый белгәнгә мин гаепле түгел бит! Жюри әгъзалары абруйлы шәхесләр. Алар белән ике көн дәвамында сайлап алу турларын үткәрдек. Җиңүчеләрне дә гадел итеп, бер фикергә килеп барладык. Гран-прины бирү буенча гына бераз канәгатьсезлек белдерүчеләр булды. Ләкин минем намусым чиста. Илнар Миранов эстрада жанрында, ә халыкчан җырлау буенча Лилия Хөсәенова гран-прига ия булды. Әлфия апа җырчы булгач, гран-прины да җыр жанрларына бирергә булдык. Үзем жюри рәисе буларак, концертта шәкертем Марсель Вәгыйзов белән җырладым. Конкурста “Элмәлек”не Лилиана Ирназаровадан да яхшырак җырлаучылар булмады. Илнар Мирановны алкышлаган кебек берәүне дә алкышламадылар. Илнар Ялаловка килгәндә, ул триода, ә Раяз Фасыйхов ялгыз җырлады. Алинә Шәрипҗанова жюрида утырды һәм концертта кунак буларак катнашты. Укучыларым яхшы җырлаганга минем гаеп юк. Яхшы укытучы булсаң, шәкертләрең дә яхшы булачак. Җиңүчеләр арасында сезнең укучылар балкыды, дисез. Минем укучыларым бик сәләтле һәм актив. Бу безнең алар белән уртак тырышлыгыбыз нәтиҗәсе. Мин теләгәнгә генә түгел, алар үз тырышлыклары белән сәхнәгә менгән җырчылар. Бүгенге көндә Ваһапов фондында хезмәт куючы җырчыларның дүртесе дә минем укучыларым. Җыр һәм бию дәүләт ансамблендә дә, “Бермәнчек”тә, Опера театрында, Айдар Фәйзрахмановның ансамблендә, Казан шәһәр филармониясендә һәм тагын бик күп дәрәҗәле урыннарда эшли миндә белем алып, тәҗрибә туплап чыгып киткән укучыларым. Шуннан чыгып безнең институтны йолдызлар чыгаручы фабрика дип атарга була. “Йолдызлар фабрикасы” дигән сүз дә минем күңелемә хуш килә.

– Фестиваль дәүләт һәм спонсорлар ярдәме белән үтте. Нигә катнашучылардан 2 мең сум акча җыярга кирәк булды?

– Финанслау бик әз булды. Гомумән, конкурсның чыгымнары күп. Мисал өчен “Татар моңы” конкурсын уздырырга 5 миллион, Ваһапов фондына 12 миллион бирсәләр, Әлфия Азвалова исемендәге бәйгегә нибары 600 мең сум күчерелде. Гомер буе татар җыр сәнгатенә хезмәт иткән олугъ җырчыны шулай түбән бәяләргә ярамый дип саныйм. Конкурс кысаларында Әлфия апага кабер ташын да куярга теләгән идек. Президенттан акча бирелүгә карамастан, таш әлегә кадәр әзерләнеп бетмәде, кызганыч.

– Ни өчен үзегезгә шулкадәр күп авырлык аласыз – “Үзгәреш җиле“, “Сөембикә“ операсы, Әлфия Авзалова фестивале... Жюри рәисе булырга, оештыручы эшләрен үз өстенә алучы башка шәхес юкмы, әллә үзегез теләк белдердегезме?

– Фонд оешты, конкурс уздырасым килә. Әни үлгәч бәйгеләрен уздырырбыз, ярдәм итәрбез, дип вәгъдәләр биргәннәр иде. Оныттылар. Барысы да үз эшләре белән мәшгулъ, дип март аенда Зөлфия ханым аптырап миңа мөрәҗәгать итте. Бәйгеләр уздыру буенча тәҗрибәм дә булгач, бик теләп ризалаштым. Юк, бу бернинди дә авырлык түгел, рәхәтлек кенә. Мәсәлән, Салават “Татар моңы”ның жюри рәисе, Зилә Сөнгатуллина “Йолдызлык” (“Созвездие”) та утыра. Шушы дәрәҗәле конкурсның жюри рәисе булып миңа нигә утырмаска?

Минем күптән укып бетергән шәкертләрем дә бар. Алар күбесе “Үзгәреш җиле” фестивалендә катнаша. Әгәр алар начар җырласа, анда катнашмаслар инде. Чөнки анда начар җырлаган берәүне дә тотмыйлар. Начар җырлаучылар конкурстан төшеп кала бара. Анда алга таба яңа катнашучылар булачак. Мин аларны ел буе барлыйм. Аларга репертуарлар туплыйм, аранжировкага җибәрәм. Минем өчен бу бер рәхәтлек кенә. Мин сәнгатьтә үз урынымны таптым. Файдалы кеше булып яшәргә кирәк. Тегесе начар, монысы начар дип сүз болгатып утыру кирәкми.

Шулкадәр күп авырлык аласыз, дисез. Хезмәт беркайчан да җиңел булмый. Ничек уйлыйсыз, айлар буе гастрольләрдә йөргән Салаватка авыр түгелме?  Тавышым, Аллага шөкер ялтырап тора әле. Гастрольләргә дә йөри алам. Ләкин мин акча артыннан кумыйм, башка юл сайладым. Бүгенге көндә иң зур байлыгым – ике театрда күп көч һәм хезмәт куеп тупланган тәҗрибәмне укучыларыма өләшәм, аларга төпле белем биреп, зур сәхнәгә әзерлим. Бу минем изге бурыч.

Запись Айлар буе гастрольләрдә йөргән Салаватка авыр түгелме? Мин акча артыннан кумыйм, ди Венера Ганиева впервые появилась Tatar Today - татар яңалыклары..

– Лилия, синдә нәрсә үзгәрде?

– Дөньяга карашым, иҗатыма карата фикерем һәм сәхнәдәге образым үзгәрде.

– Тамашачыны нинди шоу белән шаккаттырмакчы буласың?

–  Әле моңарчы татар эстрадасында булмаган үзенчәлекле концерт белән. Элек мин башка җырчылар кебек күп халыкчан стильдә иҗат итә идем. Шушы бер төрлелек туйдырды һәм үзгәрергә булдым. Концертта яңгыраячак җырлар, минем киемнәрем, сәхнәдә куелачак биюләр барысы да үзгә хәзер. Сәхнә куелышына аерым игътибар бирдек.

– Нурминский белән дуэт башкарасызмы?

– Әйе, яңа җыр. Тиздән әзер булачак, көтәбез.

– Ничек таныштыгыз?

– Аның иҗаты кызыклы тоелды. Егетнең үз юлы, үз стиле, фикере бар. Дуэт җырлап карыйк әле, дип яздым.

View this post on Instagram

A post shared by 🅻🅸🅻🅸🆈🅰️ 🅺🅷🅰️🅸🆁🆄🅻🅻🅸🅽🅰️ (@liliya_khairullina_official)

– Альберт, Лилия сиңа язганчы аны белә идеңме?

– Юк. Мин татар эстрадасы белән танышып кына киләм әле. Җырчыларны аз беләм.

– Кемнәрне беләсең?

– Салават абыйны, Элвин Грейны, Илназ Гариповны…

– Татар сәнгате белән кызыксынмавыңны әйттең. Җырчыларны да, җырларны да белмим, дидең. Сиңа яшәргә дә, иҗат итәргә дә җиңел, миңа калса, чөнки сиңа барыбер. Әгәр син элеккеге җырчыларны белсәң синдә комплекс барлыкка килер иде, шулаймы?

– Әйе, шулай. Мин татар җырларын белмим, тыңламыйм, алар минем өчен үрнәк түгел. Миңа ул җырчыларны белү кирәк тә түгел иде. Аларның үз юлы, минем үземнеке. Үземә ничек ошый шулай иҗат итәм. Миңа лайк куегыз әле, репост ясагыз әле, дип дусларга ялынып утырмыйм. Кемгә ошый шул тыңлый минем җырларны.

– Милли азатлык турында җырлар булачакмы?

– Минем уйлавымча, хәзерге яшьләргә әлеге тема бөтенләй кызык түгел. Чөнки тормышлар яхшы, тамак тук, рәхәт заманда яшибез. Хәзер яшьләргә нәрсә кирәк? Клубларда ял итү, кызлар, егетләр, яхшы машина, яхшы кием. Аларга татарның милләте кирәк түгел. Мин ул җырны язсам да, “Шәп, шәп җырлыйсың, тавышың матур” – дип кенә әйтәчәкләр. Бетте. Җырның темасы, мәгънәсе алар өчен мөһим түгел.

– Татарда мондый юнәлешләр озак яшәми, кызганыч. Синең дә иҗатың кайчан да булса сүнәчәк, аңлыйсың бит?

– Әйе, килешәм.

– Банкетларга йөрисеңме?

– Булгалый.

– Сине туйларда чыгыш ясарга еш чакыралармы?

– Әйе, хәзер яшьләр күп өйләнешә. Россиянең башка төбәкләренә дә чакыралар. Тик миңа туйларда җырлап йөрүне тыялар. Берничә җыр җырлар өчен генә үземнең дә барасы килми.

– Элвин Грейныкы шикелле яшерен продюсерың бар мәллә?

– Әйе, бар.

– Гүзәл Уразова белән Элвин конфликтына ни диярсең? Кем яклы син?

– Миңа барыбер. Нәрсә бүлүләрен дә белмим. Азагы яхыш бетсен. Бу безгә автор-башкаручы буларак сабак булды.

– Лилия, әлеге концертны оештыру күпмегә төшә? Чыгымнарны кем күтәрә?

–  Әйтә алмыйм, санап утырган юк. Барлык чыгымнарны да үзем күтәрәм.

– Ничек уйлыйсың, бу концерттан акча эшли алачаксыңмы?

– Белмим, чыгымнарны каплый алсам иде әле.

– “Мин Үзгәрдем SHOW“ белән гастрольләргә дә чыгачаксызмы?

– Әлегә әйтә алмыйм. Халык монысын ничек кабул итә бит әле…

 Юлия Насыйбуллина //Tatar-today.ru//

Запись Лилия Хәйруллина үзендәге үзгәрешне, Нурминский белән нәрсә бәйләвен яшермәскә булды [интервью-видео] впервые появилась Tatar Today - татар яңалыклары..

View this post on Instagram

A post shared by Tatarstan News. Tatar (@tatnews.tatar)

View this post on Instagram

A post shared by 🔺КИНОКОМПАНИЯ (Наши Новости)🔻 (@pixelfilmsproduction)

Әлеге бәйрәмдә халык артисты Салават Фәтхетдинов, аның бүгенге баянчылары, алып баручы Айрат Ильясов, җырчылар Илназ Миңвәлиев, Энҗе Шәймурзина, Алсу Әбелханова, Рафил Җамалиев белән Эльмира Гыйлфановалар катнаша. Шәфәгать абый кайберләре белән фотога да төшә өлгерә, үзенең Инстаграм битенең сторисына да юбилейдан бер өзек куела.

View this post on Instagram

A post shared by Tatarstan News. Tatar (@tatnews.tatar)

View this post on Instagram

A post shared by Ильназ Минвалеев (@ilnaz_minvaleev)

Әлеге чарадан ул кире Чаллыга ашыга, анда да Шәфәгать абыйның чыгышы була. Казан-Чаллы юлының күпчелек өлешен үтеп, Мамадыш районын чыкканда казага очрап һәлак була.

Шәфәгать Салиховның казадан соң “Калина” машинасы

Легендар гармунчының төпчек кызы Миләүшә, улы Рубин әти, олы улы Рәзил, олы кызы Айгөл әтисез, хатыны Лариса ирсез кала.

View this post on Instagram

A post shared by Миляуша Салихова (@salikhovamilausha)

Миләүшә Инстаграм битенә үзәк өзгез сүзләр яза. Ул яшисе килмәвен, “Нигә без?”, “Әтием” дип өзгәләнә.

Алар бер-берсен бик нык яраталар. Миләүшә күптән түгел әтисе белән Чаллыда популяр җырчы Әнвәр Нургалиев концертында да була. Бу хакта Әнвәр әфәнде искә ала.

View this post on Instagram

A post shared by Анвар Нургалиев (@anvar_nurgaliev)

Җырчы Руслан Кираметдинов Татар тудейга белдергәнчә, Шәфәгать Салиховны 28 октябрь иртәнге 8гә Чаллыга алып кайтачаклар, аннары туган ягы Азнакай районы Татшуган авылы зиратына җирлиячәкләр.

https://www.instagram.com/p/BpcxJNWjqxQ/?taken-by=ruslan_kiramutdinov

View this post on Instagram

A post shared by Фирдус Тямаев (@firdustyamaev_official)

Шәфәгать абый безнең Татар тудей сайтын да карап барган, үзенең Инстаграм битенә Салават әфәнде белән җәен “Күңел көзгесе” программасында төшкән фотоны куйган булган.

View this post on Instagram

A post shared by Шафагат Салихов (@shafagat_salikhov)

Якыннарына Аллаһ сабырлык бирсен, мәшһүр гармунчыбызның җаны тыныч булсын, Аллаһ гөнаһларын кичереп, җәннәтләрнең түрләренә урнаштырсын!

View this post on Instagram

A post shared by Шафагат Салихов (@shafagat_salikhov)

Запись Шәфәгать Салиховның соңгы мизгелләре, казадан соң машинасы [фото-видео] впервые появилась Tatar Today - татар яңалыклары..

“Кичке җиде тула 15 минутларда була бу хәл. Казан – Чаллы юлында, Мамадыштагы “яшел тукталыш”ны узып 10-15 чакрым үткәч агач төягән йөк машинасына бәрелә. Бер сәгать аңына килмичә, сигезләрдә йөрәге туктый”, диде Вадим Фәтхинуров. Машинасында гармунчы үзе генә була.

Шәфәгать әфәндегә 60 яшь иде. 19 сентябрь үзе яшәгән Чаллы шәһәрендә юбилей концерты үткәрде. Салават Фәтхетдиновның быелгы Казан концертларында да ул катнашты.

Шәфәгать Әхәт улы Салихов

1957 елда Татшуган авылында туа. Кечкенәдән сәнгатькә гашыйк егет, Лениногорск училищесын тәмамлап, туган авылы мәдәният йортына эшкә кайта. Республика һәм район күләмендә “Яшьлек” вокаль инструменталь ансамбле оештырып яшьләрне сәнгатькә тарта. Соңрак зур сәхнәдә Салават Фәтхетдинов белән 11 ел һәм “Хөрмәт” иҗат берләшмәсендә эшли. Татарстанның атказанган  мәдәният хезмәткәре. Чаллыда яши.

View this post on Instagram

A post shared by Шафагат Салихов (@shafagat_salikhov)

View this post on Instagram

A post shared by Булат Хисматов (@bulat_khismatov_musicland)

Запись Чаллы юлында Салаватның легендар баянчысы һәлак була [кайгылы хәбәр] впервые появилась Tatar Today - татар яңалыклары..

Салават фестивальдән баш тарткан?

Катнашучылар ике көн дәвамында хореография, вокал, нәфис сүз осталыгы буенча көч сынашты. Җырчылар Әлфия Авзалова репертуарыннан да җырлар башкарды. Бәйгенең географиясе киң иде. Кытай, Америка, Һиндстан, Палестина, БДБ илләреннән, Россия төбәкләреннән бик күп җырчылар, биючеләр, нәфис сүз осталары килгән иде. Аларга бәяне җыр буенча халык артистлары – Венера Ганиева белән Зилә Сөнгатуллина, Хәмдүнә Тимергалиева һәм атказанган артист Алинә Шәрипҗанова бирделәр. Нәфис сүз сөйләүчеләрне шулай ук халык артистлары – Рәшит Сабиров белән Гүзәл Мостафина бәяләде. Биючеләрне Айрат Хәмитов сайлады. Мәртәбәле жюри әгъзалары арасында Салават кына күренмәде. Алдан аны фестиваль белән бәйләп, жюри әгъзасы дип тәкъдим иткәннәр иде, тик җырчы бу сүзләрне кире какты.

“Минем фестивальгә бернинди катнашым да юк. Мин Әлфия апаны исән чагында кадерләдем, бик хөрмәт иттем, хәзер дә яратам. Фестивальгә катнашым булмаса да килдем. Әлфия апага багышлап җырымны җырлыйм да, кайтып китәм” – диде Салават әфәнде. Мәшһүр җырчыбыз Әлфия апа Авзалованың беренче фестивалендә рухына дога булырлык чыгыш, чакырылмаган кунак, халык артисты Салават Фәтхетдиновныкы булды. Сүз уңаеннан, остазның бер укучысы да әлеге бәйгедә катнашмады.

Нәфис сүзгә игътибар аз

Җиденче яртыда башланачак концерт программасын режиссерга кичке дүрт тирәсендә генә тапшырылуын ишеткәч, чара оешкан төстә уза дип әйтергә буламы икән? Концертны Венера Иванова-Аитова белән Байбулат Батулла алып бардылар. Дөрес, тамашачы алып баручы ролендә бик күп еллар Әлфия апа Авзалова төркемендә эшләгән Рәшит Сабировны көткән иде. Ләкин бу вазыйфаны яшьләргә тапшыруны кулай күргәннәр. Рәшит әфәнде үзенең аһәңле көр тавышы белән Лена Шагыйрьҗанның “Татар артисты” әсәрен укыды. Тел, милләт, нәфис сүзнең киләчәге турында борчылуын әйтте.

“Ниһаять, татар халкының бөек җырчысы, моңлы сандугачы, милләт кызы Әлфия апа Авзаловага багышлап Казанда халыкара бәйге-фестиваль оештырылды. Моңарчы конкурсларда нәфис сүзгә бернинди дә игътибар булмады. Бүген республика мәктәпләрендә татар балаларына ана телен укытырга кирәкме? – дигән мәгънәсез сорау туган вакытта, әлбәттә, нәфис сүзгә дә игътибар кимеде. Әлфия Авзалова конкурсы нәфис сүз осталарын барлауны башлады. Киләчәктә республикада нәфис сүз буенча бәйгеләр игълан ителсен иде. Телне саклыйк дисәк мондый конкурслар бик кирәк”, дип Рәшит әфәнде бәйгенең киләчәгенә зур өметләр баглады.

Чакырып китерелгән Голливуд йолдызы “Күбәләк”нең канатын сындырды

Америкадан махсус чакырылган кунак Лесли Стивенс фестивальдә “Күбәләк” җырын башкарды. Илле еллык сәхнә стажы булган Хәмдүнә Тимергалиева Голливуд йолдызының чыгышын күргәннән соң, “Сындырдылар “Күбәләк”нең канатын”, дип тел шартлатты.

“Әлфия апа көчле тавышлы, халык тыңлый торган җырчыларны ярата иде. Тавышым калын булгач, мине дә бик яратты. Сеңлем, миннән кала иң көчле җырчыларның берсе син, дип әйтә килде. Мине сәхнәдә алиһә диде ул. “Концертта ул булса, мин килмим”, дип талантлы кешеләрне үзләренә якын җибәрмәүче җырчылар бар бездә. Әлфия апаның андый күңел хәерчелеге булмады, ул талантлы кешеләрне яратты”, дип хәтирәләре белән уртаклашты Хәмдүнә ханым. Җиңүчеләрне билгеләгән вакытта бу минем укучым, моны урынсыз калдырырга ярамый, дигән вакытлар булдымы? – дигән сорау биргән идек. Соравыгызның юнәлеше дөрес, дигән кебек елмайды да, “Мин андый вак мәсьәләләргә игътибар итмим, үземнең сүземне, фикеремне генә әйтәм”, диде халык артисты. Шул рәвешле ул сәхнә артындагы серләрне ачмаска булды. Әлеге сорауны бирүебез очраклы түгел иде. Гала-концерт алдыннан социальчелтәрләрдә Кирам Сатиев язган түбәндәге юллар таралды:

Конкурста кемнәр җиңә?

I урын: Кемнең кесәсе калын

II урын: Кемнең укытучысы яки яклаучысы җюрида утыра

III урын: Чын талант

Ә гран-при кемгә?

Кемнең итәге кыска яки “төсе” туры килә! (Кирам Сатиев)

Әлфия апаның кызы Зөлфия ханым җырлый

Беренче коймак төерле

Тамашачылар арасында халык артистлары, җырчылар һәм башка сәнгать әһелләре дә бар иде. Залның ярым буш булуы, кайбер җырчыларның чыгышлары күңелләренә шом салган булса кирәк. Сәхнәдән башкарылган
җырларның күбесенә “Үзгәреш җилләре” тигән – көйләре башка, моң качкан. Тәнәфескә чыккач барысы да тәмләп “беренче коймакның” төерләрен санадылар.

“Бу фестивальнең киләчәге юк, акча туздыру гына! Түли-түли Америкадан кеше китерү көлке. Әлфия апаның Американы форточка аша да күргәне булмады. Татарстан районнарыннан барла син талантларны, шуларга түлә, үстер. Америкалар үзләре акча түләп безне карарга килсеннәр, менә булыр дәрәҗә” – диде исемен әйтергә теләмәгән билгеле шәхес.

Венера Ганиеваның үзенең дә фикерен белергә булдык, “Гадел үттеме бу фестиваль?” дигән соравыбызга, “Гадел әлбәттә, без монда профессионаллар утыргач, шунда ук ишетәбез, кеше талантка ияме, юкмы”, дип җавап бирде жюри рәисе.

Әлеге фестиваль-бәйгене оештырырга Әлфия апаның кызлары бик күп көч куйган. Концертта иң ихлас кешеләр шулар булдылар.

“Фестиваль ике елга бер тапкыр уздырылачак. Безнең максат – талантлы яшьләрне ачыклау, үстерү, аларга ярдәм итү. Әни талантлы кешеләрне бик ярата иде. Бүген бик дулкынланам, моңланам. Күңелемнән аның белән сөйләшеп йөрим. Концертка килгәндә дә юл буе еладым”, дип Әлфия апаны искә алды Зөлфия Нигъмәтҗанова.

Әлфия Авзалованың һәйкәле булачакмы?

Тиздән Әлфия апаның һәйкәле булачак. Безнең чыганаклар әйтүенчә, президенттан акча күчкән инде. Әлбәттә, бөтен гомерен сәнгатькә багышлаган моң алиһәсе моңа лаек, ди бер тавыштан сәнгать әһелләре.

“Бүген яшьләр Әлфия апаның иҗаты белән кызыксына, җырларын өйрәнеп җырлый икән – бу үзе зур һәйкәл. Әлфия апаның җырлары беркайчан да яңгыраудан туктамасын, җырчылар шул җырларның моңын, эчтәлеген югалтмыйча киләчәк буыннарга тапшырсыннар иде. Әлфия Авзалова исемен йөрткән фестивальнең киләчәге дәвамлы булсын”, дип халык артисты Зилә Сөнгатуллина теләкләрен җиткерде.

Язманы укучыларга чыгарырга әзерләнгәдә татар сайтларында концертны караган кешеләрнең фикерләре дә безнеке белән аваздаш булуын күрдек.

“Татар моңын йөрәге аша үткәреп, үзенең мәңге кабатланмас тавышы белән татар халкының моңлы сандугачына әйләнгән, ничә буын җырчыларга якты маяк булып янып торган Әлфия апабызны искә алу концертын төрле милләт вәкилләренең чыгышы белән чуарлау ник кирәк булды икән? Әгәр үзе исән булса бөтен барлыгын, гомерен, көчен милләтенә багышлаган моң алиһәбез моңа риза булмас иде”, дигән Галия Фәрхетдинова.Tatar-today.ru 

Запись “Күбәләк”нең канатын сындырдылар” – Венера Ганиева Әлфия Авзалованың фестивален халыкара “солянка”га әйләндерә? [видео] впервые появилась Tatar Today - татар яңалыклары..

Филүс Каһиров Айвазны видеога төшерә

“Татар радиосы” мөхәррире янә хайп ясады, Элвин Грей белән Гүзәл Уразоваларның шау-шулы “Красивый-Хороший” җырын җанлы уен коралында уйнап, җырлап бирде. Бу күренеш Татарстанның атказанган артисты Филүс Каһировка бик тә ошады булса кирәк, ул журналистлар алдында утырган җиреннән торып басып видеога төшерә башлады.

Журналистларның тирән эчтәлекле сорауларына да җавап бирделәр. Фонограмманы тере тавышан аерырга да өйрәттеләр. 

Чарада «Татар радиосы»  директоры Динә Гәрәева, радионың редакторы Айваз Садыйров, алып баручы Гөлназ Сәфәрова һәм татар эстрадасының кайбер танылган җырчылары катнашты.

“Хәзер җырчылар  без  тере тавышка җырлыйбыз дип әйтергә ярата. Фонограммага җырлау, җырламау мәсьәләсендә һәр җырчы үзе өчен үзе җавап бирә. Без берәүне дә ник син фонограммага җырлыйсың дип гаепли  алмыйбыз.Тик  концертлар оештырганда иң беренче таләп ул – тере тавыш. Кешенең тере тавышка җырлаганын белеп була.  Кеше тере тавышка җырлаганда, аның тавышы аудиотасмага яздырылган кебек бертөрле бармый.  Аның эмоцияләре, хәрәкәте тавышта чагыла. Тереләй җырлаганда һәм сөйләшкәндә кан тамырлары бүртә. Аннары кеше тере тавышка җырлаганда үз-үзенә ышанып җырлый. Бу психологлар күзәтүе”, диде Гөлназ Сәфәрова.

“Популяр җырлар радиода гел яңгырый, кеше  ул яңгырашка ияләшә. Әгәр сәхнәдән нәкъ радиодагы яңгыраш ишетелә икән,  уйланып калырга урын бар”,  дип сүзгә кушылды Айваз Садыйров.

Гөлназ Сәфәрова һәм Айваз Садыйров сөйләгәннәрне раслау өчен, концертта катнашучыларның берсе,  җырчы Филүс Каһиров җырлап та күрсәтте.

Оештыручылар әйтүенчә  җанлы концертта 30 дан артык җырчы тере тавыш белән оркестрга кушылып җырлыячак. Болар – Айдар Галимов, Асаф Вәлиев, Әнвәр Нургалиев,  Иркә,  Гүзәлия –Хәким , Рифат Зариипов һәм башкалар.

“Җырчыларның бөтенесе дә, Филүс  Каһиров кебек  көчле вокалга ия булмаса да,  һәрберсе  үзенчәлекле тембрга ия.  Концертка оркестрга кушылып,  тере тавышка җырлый алмаган җырчылар чакырылмады”, диде  “Татар радиосы” директоры Динә Гәрәева.

Матбугат конференциясендә җырдан хит ясау темасы да күтәрелде. “Иң начар җыр өчен акча түләсәң, ул хит була аламы?” , дигән сорауга Айваз Садыйров болай үзенчә җавап бирде.

“Дөресен генә әйткәндә хитны акча гына эшләми. Әлбәттә, җыр радио-телеведениенең форматына туры килә икән,   аны халыкка чыгарырга,  әйләндерергә мөмкин. Тик әллә нинди зур суммалар түләп уйнатылган җыр да хит булмаска мөмкин. Акча хит булдыруның төп инструменты түгел. Барысы да  халыкның җырны ничек кабул итүеннән тора”, ди ул.

“Татар радиосы” концерты 27 октябрь,  17:00 сәгатьтә  «Пирамида» күңел ачу үзәгендә узачак. Мондый концерт  өченче ел рәттән оештырыла.  Гала- концертны  Татарстанның атказанган артисты Гөлназ Сәфәрова, “Татар радиосы” мөхәррире белән ди-джее Айваз Садыйров һәм Рамил Шәрәфиев алып барачак.

Алинә Кадриева // Tatar-today.ru  

Запись Яңа хайп – “Красивая/Хороший” җырын Айваз Садыйров җырлый, Филүс Каһиров видеога төшерә [видео] впервые появилась Tatar Today - татар яңалыклары..

Запись Ришат Төхвәтуллин Казанда 4 көн ниләр күрсәтте? [фоторепортаж] впервые появилась Tatar Today - татар яңалыклары..