Архивы татар тудей - Tatar Today - татар яңалыклары.

“Никахсыз яшәдек…”

Рамиля Валиахметова — Fri, 24 Apr 2026 08:29:57 +0000

Гөлназ Асаева бу хакта кызына әйтмәячәк. Ни өчен?

«Уфа хит» сәхифәсендә Гөлназ Асаева шәхси мөнәсәбәтләр, гаилә корылышына кагылышлы сорауларга җавап биргән.

Баксаң, ул гаилә корганчы йөргән егетләренә “Сәлам, брат!” дип тә әйтә ала икән. Ә ире Вилданны проблемалар белән артык борчып тормый, чөнки ул аларны 15 яшеннән үзе хәл итәргә күнеккән. Тик шулай да, иренең, “Туктап тор, монысын үзем хәл итәм”, диюе аңа бик ошый. Күңелен кырып торган бер уй – Вилдан белән никахсыз ярты ел яшәве, моның өчен ул бигрәк тә аның тәрбиясенә күп көч салган нәнәсеннән читенсенә.

Никахка кадәр бергә яшәргә ярамый, дип әйтер идем. Ләкин мин Вилдан белән ярты ел никахсыз яшәдем. Үкенәм дип әйтә алмыйм. Ләкин никахлашып яшәсәк, әйбәтрәк булыр иде. Мине «Мин бит башкача тәрбияләнгән» дигән уй борчый иде. Нәнәйнең сүзен тыңламадым һәм без ярты ел никахсыз яшәдек. Мин моның начарлыгын күрмим. Ләкин без – мөселманнар, дөрес эшләргә кирәк. Кызыма бу хакта әйтмәячәкмен, – ди җырчы.

ЧЫГАНАК: https://kiziltan.ru/articles/gail-uchagy/2026-04-23/nikahsyz-yash-dek-4662483

Запись “Никахсыз яшәдек…” впервые появилась Tatar Today - татар яңалыклары..

“Башкорт хуҗабикәсе”н ташлап киткәннәр

Рамиля Валиахметова — Fri, 24 Apr 2026 08:28:02 +0000

Аның холкына чыдый алмыйлар бугай.

“Башкорт хуҗабикәсе”ннән ассистенты киткән.

Әйтергә кирәк, ул, чыннан да, бик нык, шәп эшли. Командадан да шуны ук таләп итә. Аның темпы, чиксез бурычлары бөтен кешенең дә көченнән килми. Хезмәткәрләр китә – бу инде имеш-мимеш түгел, ә тренд. Блогер үзе дә яшерми: аның белән эшләү җиңел түгел.

“Башкорт хуҗабикәсе”нең ассистенты вакансиясе ачык. Таләпләр: корыч нервылар, үзеңне данлау теләге булмау. Миллионлы аудиторияле хуҗабикә булу җиңелме? Күрәсең, юк. Аның белән эшләү җиңелме? Шулай ук юк.

Ә теләге булучылар бәхетен сынап карый ала.

ЧЫГАНАК: https://kiziltan.ru/articles/raznoe/2026-04-24/bashkort-hu-abik-se-n-tashlap-kitk-nn-r-4663433

Запись “Башкорт хуҗабикәсе”н ташлап киткәннәр впервые появилась Tatar Today - татар яңалыклары..

Балалы гаиләләр өчен яңа түләү кертелә. Нинди?

Рамиля Валиахметова — Thu, 23 Apr 2026 11:48:17 +0000

Яңа гаилә салым түләве якынча 11 миллион бала тәрбияләүче 4 миллионнан артык гаиләгә кагылачак, дип хәбәр итте РФ вице-премьеры Татьяна Голикова.

Аның сүзләренчә, быелдан башлап ике һәм аннан күбрәк баласы булган, керемнәре түбән булган эшләүче ата-аналар өчен ел саен бирелә торган гаилә түләве кертелгән.

Мәгълүматларга караганда, бу түләүне алу өчен ата-аналар да, балалар да Россия гражданнары булырга һәм ил территориясендә даими яшәргә тиеш, диелә хәбәрдә.

ЧЫГАНАК: https://ria.ru/20260423/vyplata-2088494690.html

Запись Балалы гаиләләр өчен яңа түләү кертелә. Нинди? впервые появилась Tatar Today - татар яңалыклары..

Чәчкә: «Ниһаять, озын паузадан соң…»

Рамиля Валиахметова — Thu, 23 Apr 2026 11:41:38 +0000

Икенчегә әни булганнан соң шактый вакыт социаль челтәрләрдән һәм иҗат мәйданыннан югалып торган җырчы Чәчкә янә тамашачылары һәм язылучылары белән элемтәдә. Җырчы үзенең өр-яңа җырын тәкъдим итте. Дөрес, әлегә фикер алышу өчен артистның шәхси сәхифәсенә җырның бер өлеше генә урнаштырылган.

«Ниһаять, озын паузадан соң, яңа җыр яздым. Тыңлап карагыз әле. Фикерләрегезне көтәм. ә исемен бергә сайлыйк», – дип язган ул.

«Һәрвакыттагыча, моң чишмәсе. Көтәбез бу җырны», «Шәп», – дип уңай бәя биргән артистның иҗат җимешенә язылучылары. Алар: «Гүзәл яшьлек», «Узган яшьлек», «Кулларымда алсу гөлләрем», – дигән исемнәр дә тәкъдим иткәннәр.

ЧЫГАНАК: https://intertat.tatar/news/cacka-nihayat-ozyn-pauzadan-son-5879115

Запись Чәчкә: «Ниһаять, озын паузадан соң…» впервые появилась Tatar Today - татар яңалыклары..

Илсөя Бәдретдинова: “Мин синең белән еларга да көләргә дә әзер…”

Рамиля Валиахметова — Wed, 22 Apr 2026 15:18:54 +0000

Җырчы күңеленә бик якын булган кешесен котлаган.

Җырчы Илсөя Бәдретдинова ел саен, күңеленә бик якын булган кешесе – концерт директоры, дусты Гүзәл Карамиеваны туган көне белән котлап, матур сүзләр яза. Быел да җырчы Гүзәл Аликовна адресына үзенчәлекле котлау сүзләре юллаган.

Аликовна, туган көнең белән, нык кадерле кешем! Дустым, сердәшчем, түзүчем. Күпмене бергә уздык… Төрлесе булды… Таңга кадәр акырып елап чыккан һәм бәхеттән хисләрне тыя алмыйча сикергән чаклар да булды. Әле күпмесе алда! Мин синең белән еларга да көләргә дә әзер, дустым! Үзең әйтмешли: « Әйдә исән булабыз ә…» Яратам һәм нык рәхмәтлемен! Кипиш, директор апа, власть! – дип, социаль челтәрләр аша хөрмәтен белдергән Илсөя Гүзәл Карамиевага.

ЧЫГАНАК: https://omet-rb.com/news/yoldyzlar-tormyshynnan-/2026-04-21/ils-ya-b-dretdinova-min-sine-bel-n-elarga-da-k-l-rg-d-zer-4659943

Запись Илсөя Бәдретдинова: “Мин синең белән еларга да көләргә дә әзер…” впервые появилась Tatar Today - татар яңалыклары..

Алсу-Азат Фазлыевлар: «Шатлыгыбыз эчебезгә сыймый!»

Рамиля Валиахметова — Wed, 22 Apr 2026 12:08:57 +0000

Алсу һәм Азат Фазлыевлар гаиләсендә күптән көтелгән куанычлы вакыйга. Аларның бию белән шөгыльләнүче уллары Аяз спорт мастерына кандидат булган.

Дуслар, шатлыгыбыз эчебезгә сыймыыыый! Без моны көттек! Улыбыз – Аяз Фазлыев спорт мастерына кандидат булды, Аллаһка мең шөкер! Бүген барлык документларга да кул куелган, расланган хат килде!

17 яшеңдә мондый зур нәтиҗәгә ирешүең белән котлыйбыз сине, улым! Бу безнең өчең зур дәрәҗә! Йокысыз төннәреңнең чын нәтиҗәсе бу! Бик тә горурланабыз синең белән! Син молодец! Котлаулар кабул итәбез. Шундый зур шатлык бит бу! – дип хәбәр итәләр бу хакта Алсу белән Азат үзләренең сәхифәләрендә.

Аяз бик кечкенәдән бал биюләре белән шөгыльләнә. Аның төрле дәрәҗәдәге бәйгеләрдә яулаган җиңүләре бихисап.

ЧЫГАНАК: https://intertat.tatar/news/alsu-azat-fazlyevlar-satlygybyz-ecebezga-syimyi-5879073

Запись Алсу-Азат Фазлыевлар: «Шатлыгыбыз эчебезгә сыймый!» впервые появилась Tatar Today - татар яңалыклары..

“Костюмнар гына 7 миллионлык…”

Рамиля Валиахметова — Tue, 21 Apr 2026 11:46:46 +0000

Фирдүс Тямаев Казанда рәттән 12 концерт куйган. Блогер Олеся Лесная аның хәле белән кызыксынган.

“Мин арыганлык тоймыйм. Алтынчы һәм җиденче концертларда бераз авыррак булды. Атна буе системалар куйдылар, фониатр көн саен связкаларны тонуста тоту өчен килә иде, чөнки концерт 4 сәгать 20 минут дәвам итә — басым көчле, быел программа үзенчәлекле, яңа җырлар күп, һәм аларның һәркайсына без яңа биюләр, шоулар куйдык. Махсус бу сезон өчен 200гә якын костюм тектердек костюмнарга гына да 7 млн сум китте”, — дип сөйләде җырчы.

Аның сүзләренчә, ул үз тамашачысына рәхмәтле. Тямаев тулы заллы 12 концерт уздыруны яхшы нәтиҗә дип атады. Быел аның иҗат юлына инде 14 ел, хәзер ул 15нче юбилей сезонына әзерләнә.

ЧЫГАНАК:  https://kiziltan.ru/articles/kultura/2026-04-17/kostyumnar-gyna-7-millionlyk-4654925

Запись “Костюмнар гына 7 миллионлык…” впервые появилась Tatar Today - татар яңалыклары..

“Мин кеше сүзеннән куркып 30 ел яшәдем”

Рамиля Валиахметова — Tue, 21 Apr 2026 11:41:43 +0000

“Мин кеше сүзеннән куркып, 30 яшемә хәтле яшәдем инде һәм миңа бу бер дә ошамады.”

Хәзер үземә ничек ошый, шулай яшим. Югалтулар булды, ләкин минем ике балам бар. Алар миңа көч биреп торалар. Мин кулларымны төшереп, төшенкелеккә бирелә алмыйм, минем аңа хакым юк. Миңа эшләргә кирәк, чөнки аларны аякка бастырасым бар. Балалардан тыш, әле әти-әнием дә, сеңлем дә бар. Барысына да минем ярдәмем кирәк. Кешегә сиздермичә, кайвакыт юлда, машина эчендә рәхәтләнеп елап утырам. Арганнан ул һәм ир-ат кулы җитмәүдән… җыела, җыела да, күңелем тула. Бөтен нәрсә дә үз өстемдә. Елаганнан соң, ниндидер көч кереп китә, мин үземне яңа кеше итеп хис итә башлыйм».

Запись “Мин кеше сүзеннән куркып 30 ел яшәдем” впервые появилась Tatar Today - татар яңалыклары..

“Минем яшәргә көчем калмаган чаклар булды…”

Рамиля Валиахметова — Tue, 21 Apr 2026 11:32:10 +0000

Берара антидепрессантлар белән дә мавыгып алдым.

Ә ул сәламәтлеккә бик зур зыян китерә торган әйбер. Шул сазлыктан чыгарга тиеш түгел идем кебек… Әмма мине дин әһелләре тартып чыгарды. Аннан соң бит әле, теге ел май аенда Себердә мине «внутреннее кровотечение» белән поезддан ук алып киттеләр. 10 минут кына калган булган… Ул чакта яхшы табибка туры килүем генә коткарып калды.

Мин инде әнигә шалтыратып: «Әни, Әминә белән Сөембикәне ташлама инде», – дип саубуллашып куйган идем. Олысы Айсылу инде зур, үзе яши ала, ир кешегә дә хатын табыла ул, ике кечкенә кыз өчен генә бик нык борчылдым.

Җитмәсә, әле наркоздан бик авыр уяндым. Уяндым да, кулларымны селтәп, кычкырып ятам, ә ишетүче юк. Янда табиблар тавышын ишетәм, ә алар мине ишетми. Аннан соң гына мин түгел, ә җаным бәргәләнеп ятканын аңладым. Әнә шул мизгел дә нык тәэсир итте бугай. Хәзер үземне дога белән дәвалыйм, спиртлы эчемлекләрне кулга алганым да юк. Миңа ярдәм иткән дин әһелләренә рәхмәт.

ЧЫГАНАК: https://vk.com/tatar_estrad?z=photo-8323790_457247219%2F09171d9a0820c1cebf

Запись “Минем яшәргә көчем калмаган чаклар булды…” впервые появилась Tatar Today - татар яңалыклары..

Кычыткан ашы пешердегезме әле?

Рамиля Валиахметова — Mon, 20 Apr 2026 11:55:07 +0000

Яшел аш тансык та, файдалы да.

Язның иң файдалы үләненнән тәмле аш әзерлик, дуслар. Аны май аенда бер-ике тапкыр пешереп ашасаң, файдасы ел буена җитә, дип әйтә иде нәнәйләр.

Ит шулпасын кайнатырга, сөзәргә, шулпага бер-ике бәрәңгене саламлап турап салырга. Майда кыздырылган кишер белән суганны да кушып җибәрергә.

Яңа гына җыйган кычыткан яфракларын юып, кайнар су белән пешекләргә, аларны вак итеп турарга һәм дүрт-биш йомырка салып тугларга. Шулпага йомыркалы кычыткан яфракларын салырга, кайнап чыккач та бераз сүрән утта тотарга. Дәфнә яфрагы салырга онытмагыз.

Бу язгы аш файдалы да, тәмле дә була!

ЧЫГАНАК: https://kiziltan.ru/articles/raznoe/2026-04-19/kychytkan-ashy-pesherdegezme-le-4656900

Запись Кычыткан ашы пешердегезме әле? впервые появилась Tatar Today - татар яңалыклары..