Беренче ысул — барлык кәрәзле операторлар да тәкъдим итә торган «Суперопределитель номера» хезмәтен тоташтыру. Әмма әлеге функция түләүле, дип билгеләп үтте эксперт.

Икенче ысул — оператордан шалтыратуларны детализацияләүгә, ягъни билгеле бер чор эчендә шалтыратулар булган барлык номерларны бастыруга заказ бирү. Бу хезмәт шулай ук түләүле, ә аны компания офисында гына алырга мөмкин, дип өстәде Мясоедов.

Шул ук вакытта яшерен номерлардан шалтыратуларны блокировкалау да шактый гади. Тик яшерен номерлардан һәрчак та мошенниклар шалтыратмый, дип кисәтте ул.

«Билгесез номердан теләсә кем шалтырата ала — телефонын югалткан таныш, мәктәп укытучысы яки поликлиникадан регистратура хезмәткәре», — дип ассызыклады Мясоедов.

Чыганак: ТИ

АКШта шундый мини-прибор ясаганнар, ул тиз арада пациентта коронавирус инфекциясе барлыгын ачыкларга мөмкинлек бирәчәк. Бу хакта MedicalXpress порталына сылтама белән РИА Новости хәбәр итә.

Эшләнмә авторлары – Колумбия округындагы Джордж Вашингтон университетыннан тикшеренүчеләр төркеме.

Уйлап табуның нигезендә газның төрле төрләренә реакция ясый торган инде гамәлдә булган җайланма ята. Ул калынлыгы бер тотам чәчтән артмаган алтын катламы белән капланган үткәргечләрдән гыйбарәт.

Университетта хәбәр итүләренчә, пандемия вакытында галимнәр бу приборны башка ысул белән дә кулланырга мөмкин дигән фикергә килгән. 50 мең доллар күләмендә грант алганнан соң, алар кешедә Covid-19 булуын яки булмавын ачыклый алырлык җайланма эшләүгә керешкән.

Тикшеренүчеләр шулай ук җайланманың ничек эшләве турында да сөйләде. «Приборның өслегенә инфекция тәэсир итәрлек реагент сылыйлар. Вирус булса, индикаторның төсе үзгәрә, аннан аны телефон камералары ярдәмендә ачыклап була», диелгән хәбәрдә.

Галимнәр фикеренчә, киләчәктә алар уйлап тапкан җайланма коронавирус инфекциясе йоктырган кешеләрнең зур мәгълүмат базасын булдырырга ярдәм итәчәк. Мәгълүматны болытлы саклагычлар аша тулыландырырга мөмкин булачак.

Чыганак: ТИ