Новосибирск өлкәсенең Смоленский поселогында 8нче сыйныф укучысын мәктәпнең завучын үтерүдә гаепләп кулга алганнар. Бу хакта “Вести Новосибирска” хәбәр итә.

Фаҗига 9 июль төнендә булган. Хокук сакчылары фаразы буенча, үсмер хатынны таларга уйлый, моның өчен аның торагына үтеп кергән. Күрәсең, ханым, шау-шудан уянып, укучыны тоткарларга маташкан, шунда ул аңа берничә тапкыр пычак белән чәнечкән. 56 яшьлек укытучы шунда ук җан биргән.

Полиция хезмәткәрләре үсмерне калдырган әйберләре — перчаткасы һәм кроссовкасы аркасында оператив тоткарлый алган. Ул җинаять кылуда гаебен таныган. Үтерү факты буенча җинаять эше кузгатылган, укучы кулга алынган.

Фото: vladtime.ru

Чыганак: Кызыл Таң

Запись Үсмер укытучысын таларга өенә керә һәм пычак белән… впервые появилась Tatar Today - татар яңалыклары..

“Фатирлар дөньясы” порталы мәгълүматлары буенча, узган ел дәвамында Русиядә бер квадрат метрның уртача бәясе 6,4% ка (57,3 мең сумга кадәр), ә фатир сатуның уртача бәясе 8,7% ка (3,28 млн сумга кадәр) арткан. Арту тенденциясе Русиянең 69 шәһәренең 66сында (300 меңнән артык халкы булган шәһәрләрдә) күзәтелгән.

Владивосток, Сочи, Казан һәм Иркутскида бәяләр арту аеруча сизелерлек булган. Казанда үсеш 14,7% тәшкил иткән (1 кв.метр өчен 77,4 мең сумга кадәр). Гыйнвар аенда да бәяләр үсеше сакланган.

Гыйнвар нәтиҗәләре буенча, ЦИАН аналитиклары Ростов-Донда һәм Краснодарда торак бәясенең кимүен билгеләп үткән.

Kazanfirst.ru
Фото:https://kazan.naydidom.com/

Запись Казанда торак бәяләренең күпмегә артуы билгеле впервые появилась Tatar Today - татар яңалыклары..

Аның сүзләренчә, указ җомга көнне республика башлыгы Рөстәм Хәмитов тарафыннан имзаланган. Документ демографик вәзгыятьне яхшыртуда өстәмә чара булып тора.

Указ нигезендә, 2017елның 1 гыйнварыннан яшь гаиләләргә ярдәм йөзеннән һәм туучы балалар санын арттыру максатыннан беренче балаларын табучыларга 300 мең сумлык бер тапкыр бирелә торган социаль түләү билгеләнә. Акчаны торак алуга яки төзелешкә, яисә ипотека торак кредитының калган өлешен каплауга тотарга мөмкин.

“Акчаны яше икесенең дә 35тән узмаган һәм торакка ихтыяҗ булган гаиләләр ала ала”, — дип сөйләгән агентлык әңгәмәдәше.

Башкортстан хөкүмәтенә бер тапкыр бирелә торган социаль түләү шартларын, бирү һәм куллану тәрибен, финанс чыганагын ачыклау һәм әлеге чараның 2019 елның 1 гыйнварына кадәр гамәлдә булуын тәэмин итү йөкләмәсе бирелгән.
 

Запись Башкортстанда беренче бала өчен 300 мең сум биреләчәк, ә Татарстанда? впервые появилась Tatar Today - татар яңалыклары..

Иринаның балалары шушында туган, кызганычка каршы, шушында ук ятим калганнар: игезәкләргә ике яшь кенә булган вакытта аларның әтиләре юл һәлакәтендә вафат була.

Күпбалалы гаилә бу фатирны 20 ел элек Якутиядән үзенең туган ягы – Кукмарага күчеп киткәч сатып ала. 

Теге елның язында Ирина Лезина һәм аның балаларын суд приставлары бу фатирда яшәү шартлары бозылган, торырга ярамый дип, куып чыгару турындагы хөкем карарын кабул итәләр. 

Ләкин гаиләне болай гына куып чыгармыйлар. Уйламагыз! Кукмара башкарма идарәсе (исполком) фатирның квадрат метры өчен 11022 сум тәкъдим итә икән. Гомумән алганда, Ирина Лезинага Кукмара идарәсе барлыгы 476 мең бирергә һәм тагын хөкүмәттән яңа фатирны социаль ипотекага алып, аның өчен алган 1 миллион акчаны (аны мәҗбүри алырга кирәк) аз-азлап кертеп барырга (рассрочка) тәкъдим иткән.

Ләкин, дүрт баласын берүзе үстергән ананың мондый акчалары да, әгәр миллион алса (рассрочка) түләргә дә мөмкинчелеге булмавы ачык көн кебек билгеле.

Кукмара район администрациясендә Ирина Лезинага ике вариант барлыгы турында әйткәннәр:

1. Ул Кукмара идарәсе әйткәнчә, аларның шартларын кабул итеп яңа фатирга күчә һәм акча түли;
2. Әгәр суд аркылы эш итсә, барыбер ахырдан идарә шартлары белән килешеп, күчәргә мәҗбүр булачак. “Газ һәм утны сүндергәч, сез аннан үзегез дә качачаксыз. Хәзер күпбалалы гаиләләргә дә, инвалидларга да бернинди ташламалар (льгота) каралмаган”, дип әйткәннәр.

Запись Кукмара идарәсе 4 балалы тол хатынны өеннән куып чыгарып, музей ясамакчы впервые появилась Tatar Today - татар яңалыклары..