Шагыйрә әйтүенчә, ул аны, әти-әнисенә күрсәтер өчен, үз концертына чакыра, шунда танышалар һәм Фидан Гафаров бергә концерт куярга тәкъдим итә.

«Йөриләр икән, алай икән, болай икән», – дип, әй сөйләделәр безне. Бергә эшләгән чагында безнең турыда төрле гайбәтләр күп йөрде. Безнең арада шундый сөйләшү булган иде: «Фидан абый, сәхнәдә минем белән нишләсәгез дә ярый. Ә тормышта – 1 метрдан ары якын киләсе түгел», – дидем. Фидан абый башта бу сүзләргә бик үпкәләгән иде. Соңыннан үтенечемне ачуланмыйча кабул итә башлады, күнекте. Нәрсә генә сөйләмәсеннәр, йөрәгемә кулымны куеп әйтәм: тормышта Фидан абыйның мине биттән дә үпкәне булмады. Саф, матур чәчкәгә караган кебек карады ул миңа. Хатын-кызны хөрмәт итә белгән артистлар, ир-атлар бик аз. Фидан абый андыйларга үрнәк.

Аны, бик күп хатын-кызлар яраткан, дип сөйлиләр бит инде. Чыннан да, Фидан абыйдан сөйкемлелек бөркелеп тора иде. Концерттан соң әбиләр, апаларның, бүлмәмә атылып кереп: «Кая Фидан?» – дип сораганнары истә. «Үз бүлмәсендә», – дигәч: «Ник, сез бер бүлмәдә түгелмени?» – диләр иде, сәхнәдәгегә ышанып. Миңа көнләшеп тә, ачу белән дә карыйлар иде. Менә шундый хатирәләр яңара…

Әле соңгы тапкыр берничә ай элек шалтыраткан иде. «Мин Казанга киләм, очрашып сөйләшик, чәй эчеп утырырбыз», – диде. Кызын бик ярата иде. Аңа хәзер 14-15 яшьләрдер инде. Фәридә апаны һәрвакытта да яратып сөйләде. Алар Фәридә апа белән бер-берсенә гел шалтыратышалар иде. Аларның шундый матур мөнәсәбәтенә соклана торган идем.

Бергә концертлар куйганда, Фидан абыйның чирләп киткән чаклары була иде. «Аллам сакласын, гастрольләребез вакытында Фидан абыйга берәр нәрсә була күрмәсен», – дип, бик курка торган идем. Берсендә Фидан абыйга: «Фидан абый, чирли генә күрмәгез», – дигәч: «Сәхнәдә үлү – минем теләгем. Сәхнәдә үлү – минем өчен бәхет булачак», – диде ул миңа.

Фидан абый – минем өчен бик зур шәхес һәм гомер буе шулай булып калачак. Сезгә сөйлим, ә үземнең елыйсым килә”.

ЧЫГАНАК: https://intertat.tatar/news/fidan-gafarov-turynda-bez-fidansyz-zamanda-kalabyz-haman-saegabyz-yatimlanabez-5872596

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Ләйлә Дәүләтова: “Фидан абый, минем белән нишләсәгез дә була, дидем” впервые появилась Tatar Today - татар яңалыклары..

“Әни яман чир белән үлде. Авыр… Әни киткәндә, минем популярлашып килгән чагым иде. Без биш бала — бер кыз һәм дүрт малай идек. Хәзер энем белән икәү генә калдык… Улымны үтерделәр. Авыр… Аны искә төшермик әле, зинһар. Улым өйгә кайтып җитә алмады… Подъезд янында башына сукканнар. Балакаем өйгә кайтып барган, инде кайтып җиткән хәтта… Кемнең гаепле булуын ачыклый алмадылар. Әмма улым үлгәч, шул ук елны кызым туды”, – дип сөйли артист.

 

– Артист турында гайбәт сөйлиләр, әйеме?

– Сөйлиләр. Ләйлә Дәүләтова әйтмешли, сөйләсеннәр, әйдә, сөйләсеннәр. Шуны яз әле: Ләйләнең кызы минеке түгел. Ләйлә белән гастарольләрдә йөргәндә мин бервакытта да аңа мондый тәкъдим белән мөрәҗәгать итмәдем. Күзгә-күз карашып җырлагач, халык боларның арасында берәр нәрсә бардыр инде дип уйлады. Уйласыннар, әйдә. Менә мин сиңа дөресен әйтәм, апаем, ул минем кыз түгел. Ләйлә кияүгә чыкканмы, чыкмаганмы — монысын да белмим. Ул бит үзе дә сер итеп тота. Ләйлә белән безнең арабызда бары тик иҗат, гадел мөнәсәбәтләр. Мин аның әнисен, абыйларын беләм. Аларда кунакта булганым бар.

– Яшь чакта туташлар, ханымнар күп булгандыр шулай да, ә?

 – Күп иделәр.

 – Аларның балага узганнары юк идеме?

– Бар, карыйм бит. Әйтмәүчеләр дә бардыр. Әмма алтынчы сыйныфта укучы кызым бар.

 – Бу кызның әнисе сезгә: «Балага уздым», — дидеме?

 – Әйе. Кызым турында хатыным да, улым Азамат та белә. Без бер-беребезгә ярдәм итешеп яшибез. Кызымның исеме Самира.

(Фидан Гафаров “Һаман бергә” концертында кызы белән җырлады)

 – Калганнары әйтмиме?

 – Әйтмәделәр. Бардыр…

– Хатыныгыз бик акыллы ханым.

 – Бик акыллы. Менә шушы дәрәҗәләремә җитүемдә, менүемдә аның өлеше зур.

 – Аннан соң хыянәтегезне дә кичергән бит.

 – Кичерде. Күпләр кичерми. Ә кичерергә кирәк. Бу бит кешенең табигате. Минутлы яисә сәгатьле теләктән дә бала туарга мөмкин. Кеше үзен контрольдә тота алмый. Эш җенестә дә түгел. Контроль югала, әмма нәтиҗәдә бала туа. Безнең ялгышуыбызга бала гаеплеме? Гаепле түгел. Балалар фәрештә бит. Үскәч: «Әтием кайда?» — дип сорыйлар. «Нигә әтием юк?» — дип еларга да мөмкиннәр. Аларның гөнаһлары юк. Ник мин балага әтисез яшәеш бүләк итәргә тиешмен?.. Ә әйтмәүчеләр үзләре гаепле. Миндә түгел гаеп.

 – Әйтсәләр, аларга да ярдәм итәрсезме?

 – Мөмкинлек булган саен, әйе.

– «Бу синең балаң», — дип әйтсәләр дә, тикшерәсезме?

 – Тикшерәм. Ике тапкыр ДНК эшләгәнем булды.

  – Бу тормышта кешегә ышанырга ярыймы?

 – Кешегә ышанырга ярамый. 21 гасырда барысын да акча хәл итә. Сине сатарга, сиңа аркылы төшәргә мөмкиннәр… Үз-үзеңне контрольдә тотарга кирәк.

ЧЫГАНАК: https://intertat.tatar/news/fidan-gafarov-chitt-tugan-kyzym-turynda-hatynym-da-ulym-da-bel

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Фидан Гафаров истәлекләреннән: “Әни яман чир белән үлде, улымны үтерделәр…” впервые появилась Tatar Today - татар яңалыклары..

Өфе юкәләре

Сиңа килдем, иркәм

Кыр казлары

Кышкы романс – Син гомер агышларым

Галия белән Заһир җыры – Нурия Ирсаева белән

Мур-мур-ки

Адаштым – Ашыгулар һәлакәткә илтә

Озак торды, атым чапмады

Үз ягыма кайтсам

Керкәле таулары

Язмыштан узмышлар табармын

Юкка түгел, юкка түгелдер

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Фидан Гафаров җырлары впервые появилась Tatar Today - татар яңалыклары..

“Җиденче класста укып йөргән чагы. Укучыларны мәк басуына чүп утарга чыгарганнар, Шунда олы абыйсы Раиф йөгереп килә дә: “Артистлыкка кеше җыялар, бар, җырлап күрсәт!” – дип киңәш итә. «Раушаниям, бәгырем» җырыннан башлый Фидан чыгышын һәм сайлау турын үтә. Озак та үтми, Уфага – сәнгать училищесына имтихан бирергә чакыралар. Анда да Фидан үзен бик җитди тота һәм театр бүлегенә кабул ителә.

Менә шунда очрата инде ул Фәридәсен. Студент егетләр тулай торакта ашарга әзерләүне чиратка салган булалар. Чират Фиданга җитә. Ул бәрәңге кыздырырга була. Караса, табалар юк икән. «Хәзер», – дип чыгып китә дә, «Таптым!» – дип бүлмәгә атылып килеп керә. Тик бу кыяфәте аның таба тапканга сөенгәннеке булмый. Егетләр яшәгән икенче каттагы бүлмәләрдән тапмагач, кызлар ягына төшә Фидан.

– Бер бүлмәнең ишеген каксам, зур, матур күзле, ягымлы карашлы бер кыз идән юа. Нигә кергәнемне оныттым башта. Ышанасызмы, беренче күрүдә гашыйк булдым. Бәрәңге кыздырдым да, егетләргә тизрәк ашап бетерергә куштым. Табаны кире кертергә кирәк, янәсе. Баштан ук: «Үзем кертермен», – дип кисәтеп куйдым. Икенче кергәндә, кызны кинотеатрга чакырдым.

Сүзгә Фәридә ханым кушыла:

– Юк, таныш түгел егетләр белән кинотеатрга йөрмим, дидем мин.

– Чынлап та, сынап йөрдем, берәүне дә үзенә якын җибәрми, кичләрен чыгып йөрми, гел укый да укый. Бер аз вакыт үткәч, тагын кинотеатрга чакырдым, – дип бүлдерә хәләлен Фидан.

– Шулкадәр йөдәттең, котылу өчен генә барам синең белән, дип ризалаштым, – дип хәтирәләрен барлый Фәридә ханым. – Чынлап та, бераз тынычландың бит.

– Синең күңелеңне яулавымны аңлап, тынычландым мин, – дип канәгать елмая Фидан Сафа улы, әйтерсең дә, яңа гына Фәридә белән беренче очрашудан кайткан.

Шул көннән башлап алар бер-берсенә якынаялар. Очрашып йөрергә дә күндерә кызны егет.

– Очрашуларга мине сагынып килүен сизә идем, димәк, үземнең януым белән анда да мәхәббәт уты кабызганмын…

Өченче курста укыганда Фәридәнең Туймазыда яшәгән апаларына кунакка кайталар яшьләр. Фидан шунда үзен ничек тә Фәридәнең туганнарына яхшы яктан күрсәтергә тели. «Шәп егет», – дисеннәр, Фәридә башка берәүгә карамасын, янәсе. «Кулыма гармун алдым да җырлап җибәрдем, исләре китте. Бик матур пар булырсыз, дип фатиха биргәндәй озатып калдылар», – дип хәтерли хәзер Фидан Гафаров.

Дүрт ел дуслашып, серләшеп йөриләр шулай. Бергәләп Мәҗит Гафури исемендәге Башкорт дәүләт академия драма театрына эшкә билгеләнәләр. Инде икесенең дә эш урыны, димәк, киләчәкләре билгеләнгәч, Фидан тәкъдим ясый. 1964 ел була бу. Фәридәнең кыз фамилиясе – Ягафәрова. Шуны әйткән саен, Фидан: «Мин – Гафарова, дисеңме? Әйе, син – Гафарова», – дип шаярта торган була. (Русчадан тәрҗемәдә “Я – Гафарова” кебек килеп чыкканга). Гафарова булып, Фәридә илле ике ел Фиданның һәм якыннарының уң кулы, киңәшчесе, фикердәше була.

Фәридә ханым 2022 елның августында вафат булды. Адарның ике уллары була – Айбулат (ул 2009 елда фаҗигале һәлак була), кече улы Азамат – Башкорт академия театры актеры. Фидан Гафаровның башка гаиләдә үсә торган Самира исемле кызы да бар.

ЧЫГАНАК: https://shonkar.com/articles/culture/2025-04-27/tamashasyny-la-ren-d-b-hetle-itk-n-afarovtar-4215244

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Фидан Гафаров хатыны белән ничек танышкан? (Истәлек) впервые появилась Tatar Today - татар яңалыклары..

ЧЫГАНАК: https://intertat.tatar/news/laila-daulatova-fidan-aga-gafarovnyn-vafaty-turynda-ioragem-elyi-5872579

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Фидан Гафаровның ничек вафат булуы билгеле впервые появилась Tatar Today - татар яңалыклары..

Фидан абыйга шул көнне үк тикшерү уздырганнар, вакытында тиешле ярдәм күрсәтелгән.

Хәзерге вакытта аның хәлен канәгатьләнерлек дип бәяләнә. Тиздән аны хастаханәдән чыгарачаклар, диделәр.

Моңа кадәр инстаграмда Фидан Гафаров үлеме турында имеш-мимешләр йөрде. Әлеге сүзләрне җырчы озын гомергә юрап көлеп кенә кабул итте.

Мәгълүмат: vatantat.ru

Запись Фидан Гафаров ашыгыч рәвештә хастаханәгә озатылган впервые появилась Tatar Today - татар яңалыклары..

21 нче гыйнвар социаль челтәрләрдә “Татарстанның халык артисты Фидан Гафаровның юл һәлакәте нәтиҗәсендә гомере өзелгән”, дигән хәбәр таралган иде. Бу хәбәр күпләрне борчуга салды. Ләкин соңыннан моның дөрес түгеллеге ачыкланды. Танылган шагыйрә Ләйлә Дәүләтова да бу аңлашылмаучанлыкның үзенә ничек тәэсир итүен язды.

“Моны ишетүгә, Фидан абыйга шалтыраттым! Сез чыннан да үлдегезме әллә дип сорадым. Көлә-көлә сөйләште, “исән-сау мин, чәй эчеп утырам”, диде. Үзем дә ишеттем, әллә дөрес микән дип, шикләнә үк башлаган идем, диде “Не дождутся”, дип тә өстәде!” – ди бу хакта Ләйлә Дәүләтова.

View this post on Instagram

A post shared by Лейла Давлетова (@leyla_davletova)

Мәгълүмат Ләйлә Дәүләтова инстаграмыннан

Запись “Фидан Гафаровның һәлакәт нәтиҗәсендә гомере өзелгән”, дигән хәбәр Ләйлә Дәүләтовага ничек тәэсир иткән? впервые появилась Tatar Today - татар яңалыклары..

Моннан берничә көн элек, сәламәтлек белән бәйле сәбәпләр аркасында, Ләйлә Дәүләтова Фидан Гафаровның алдагы берничә концертында катнашмавы хакында әйткән иде. Моның өчен гафу үтенеп, Ләйлә Дәүләтова “Бернинди гаебебез булмаса да, сезнең алдыгызда гафу үтенәбез һәм гастрольләрне дәвам итәбез!”, дип язган иде.

Бу хәлдән соң, Ләйлә Дәүләтовадан “Фидан Гафаровны кемгә алыштырдың?”, дип еш сорыйлар икән.

“Менә бу ут кебек егетләргә! Рәсим Фасыйхов һәм Илшат Вәлиев! 30-40 яшьлекләр, как раз 70 чыга, әле сдачага Алисә исемле яшь, чибәр кыз биреп жибәрделәр”, дип җавап кайтарган Ләйлә Дәүләтова.

View this post on Instagram

A post shared by Лейла Давлетова (@leyla_davletova)

Запись Ләйлә Дәүләтова Фидан Гафаровны кемгә алыштырган? впервые появилась Tatar Today - татар яңалыклары..

Бәхеткә каршы, бу ялган хәбәр булып чыкты һәм тиз арада концерт дәвам иттерелде. Бу вакыйга кемнеңдер шаяртуымы, әллә инде Elvin Greyга аяк чалырга теләүчеләр эшеме? Билгесез…

Дөрестән дә, 9 меңлек стадионнар җыеп концерт куйганнан соң бу егет тирәсендә каршылыклы фикерләр саны артты. Үз тарафына яуган тәкыйть сүзләренә карата мөнәсәбәтен болай дип белдерә җырчы: «Тәнкыйтьләсеннәр. Иң мөһииме халык тыңларга килә икән – димәк без дөрес юлда. Сөйләүчеләр күп булыр ул, артистлар арасында бигрәк тә. Үз эшеңне эшләп тик йөрергә кирәк».

Бу урында Башкортстанның атказанган артисты Фидан Гафаровның Радикны яклап әйткән сүзләре искә төшә: «Кагылмагыз ул балага, үзенең сәнгате белән халыкны җәлеп итә икән, димәк 21 гасыр өчен ул кирәк». Башкача әйтеп тә булмый.

Социаль челтәрләрдә дә Радикны тәнкыйтьләүчеләр шактый. «Бер көнлек кенә җырчы», «бүген бар, иртәгә юк» кебек сүзләргә дә җырчы игътибар итмәвен әйтте.

Фото: скриншот

Запись “Шаяртумы, әллә инде Элвин Грейга аяк чалырга теләүчеләр эшеме?” впервые появилась Tatar Today - татар яңалыклары..