Сабантуйлар, чыгышлардан бераз бушап торган арада, Татарстанның атказанган артисты Филүс Каһиров белән элемтәгә кереп, үзебезнең гадәти булмаган сорауларны бирдек, экспресс-әңгәмә корып алдык.

– Филүс әфәнде, үзегезне ничә яшьтә дип хис итәсез?

– Кешеләр үзләрен, мин 18-19да диләр, ә мин ничек бар – шулай. Чөнки иртән уянасың да, ике балаңны күрәсең, сиңа берничек тә 18 була алмый. Ничек бар, шулай инде. 33не куып барам.

– Иң зур җиңү һәм җиңелүегез?

– Бөтен җирдә дә җиңеп барам дисәм, дөрес булмас, әмма зур җиңүемне сәнгать юлын сайлап, шул юлдан китү дип саныйм. Җиңелүне атый алмыйм.

– Тормышыгыздагы бер көнне кабатлата алсагыз, ул кайсы көн булыр иде?

– 2006 ел иде бугай, мин Казанга килгән ел, Ульян шәһәренә концерт белән баргач, беренче тапкыр гримеркага Илһам абый Шакиров белән Әлфия апа Авзалова килеп керделәр. Мин шунда аларга шаккатып карап утырдым. Бәләкәй чактан яратып тыңлап үскән артистларны, шәхесләрне үз күзем белән тере килеш беренче күрүем иде. Менә шушы вакыйганы бер кабатласаң, шушы хисләрне кабат тойсаң, шәп булыр иде дип уйлап куйдым.

– Улларыгызның нинди мультфильмнар караганын беләсезме?

– Әлбәттә, балаларның нинди мультфильмнар караганын беләм, чөнки мин алар белән бергә карыйм. Олысы “Черепашки-ниндзя”, дигәнне ярата. Аларның коралларын сатып алабыз, шулар белән уйнап, сугышып йөри ул үзенчә, кечкенәсе “Три кота”ны карый. Аларның иң яраткан мультфильмнары шул.

– Телефоныгызда соңгы шалтырату кемнән?

– Әлеге вакытта безнең төзелеш бара, шуңа күрә, иртә таңнан шалтыратучы – төзүчеләрнең берсе.

– Көненә ничә сәгать интернетта утырасыз?

– Аны берәрсе чутлый микән? Мин күп утырам дип әйтмәс идем, чөнки иҗади эшләр дә шактый. Ләкин аңлыйм, хәзер интернет заманы, шуңа күрә, кирәк булганга кулланам.

– Лотореяда 10 миллион акча отсагыз, нишләтер идегез?

– Иң беренче – төзелешне бетерер идем дә, калганын иҗатка салыр идем.

– Тормышыгыз турына кино төшерсәләр, ул ничек аталыр иде?

– Мондый хәл булса, киноның  исеме дә гади генә булыр иде – “Тормыш”, дигән.

– Көндәлек тормышта күберәк “әйе”, дип әйтергә туры киләме, “юк” дипме?

– Көндәлектә “әйе”, дип күбрәк әйтәм.

– Хатыныгызның холкында иң ошаган сыйфатлар

– Намуслык һәм тырышлык.

View this post on Instagram

A post shared by Филюс Кагиров (@kagirov_filyusfun_official)

 – Сезне үпкәләтү авырмы?

– Мине үпкәләтү кайчагында җиңел, качагында тырышырга кирәк. Чөнки мин үзем шаян кеше, күберәк, шаяруга борам, ләкин бик тырышсалар, үпкәләтергә дә була.

– Әгәр үзегезнең кечкенә чагыгызга юллама җибәрә алсагыз, ни дип әйтер идегез?

– “Шулай ук дәвам ит”, дияр идем.

– 10-15 елдан соң да иҗатыгыздагы юнәлеш сакланыр дип уйлыйсызмы?

– Дөресен әйткәндә, минем иҗат белән 10-15 елдан соң нәрсә буласын күз алдыма да китерә алмыйм, чөнки иртәгә, берсекөнгә, бер елдан нәрсә булачак, күңел нәрсә белән кызыксына башлаячак, анысын да әйтеп булмый, ә 10-15 елдан дөньялар бик үзгәрер дип уйлыйм мин.

– Сезнең өчен хатын-кызлар белән дуэтлар уңышлыракмы, әллә ир-атлар беләнме?

– Минем өчен аерма юк. Монда барысы да синең белән дуэт җырлаган кешенең  тырышлыгы, талантыннан, нәрсә җырлавыңнан тора. Иң мөһиме – тамашачыларга ошасын.

– Айдар Галимовның кайсы сыйфатларын үзегезгә алыр идегез, яки аның кайсы сыйфатларына сокланасыз?

– Аның тәртиплелегенә, әдәплелегенә, кешелеклелегенә, кеше белән аралаша белүенә сокланам, гомумән, аңардан бик күп сыйфатларны үземә генә түгел, һәр кешегә тәкъдим итәр идем. Руслар әйтмешли, холодной головой, горячим сердцем, карар кабул итү бар анда. Соклангыч кеше ул, гомумән.

View this post on Instagram

A post shared by Певец Эстрада Гастроли (@kagirov.filyus)

Запись Филүс Каһиров һәм 10 миллион сум акча, нишләтер дип уйлыйсыз? [әңгәмә] впервые появилась Tatar Today - татар яңалыклары..

ДӘВАМЫ…

БАШЫ МОНДА Филүс Каһиров «алтын тавыш» иясе диюгә, Сабантуйларга фикерен белдерә. Җаваплары безне гаҗәпләндерде | Tatar Today – татар яңалыклары.

Менә сөйләп тә торасыз Филүс! Күпме мәртәбәле конкурслар лауреаты, лаеклы исемнәр һәм гадилек. Димәк бүген сүзебез, гадилекне кем ничек аңлый? Дустын бел диләр иң алда сөйләр кешеңнең, ә бу очракта мин инде кумирларын белик әле Филүснең дип әйтәсем килә.

Кайда гына булмасын, Рәшит Ваһапов, Хәйдәр Бигичев кебек бөек моң ияләре аның телендә. Бик күп җырчыларның тормышында якты эзләрен калдырган бу аһәңле җырчыларның һәр киңәшен васыять итеп кабул итеп алган Филүс Каһиров үзенә. “Мин алар барган юлдан атлыйм, тик аларны кабатламыйм!”. Җир йөзендә ике Филүс булмаган кебек, ике Хәйдәр Бигичев та булмасын бик яхшы аңлый җырчы. Җырчының бөеклеге – аның гадилегендә! Шулай булгач, Филүс кебек гади булудан курыкмагыз иптәш җырчылар, тик “гади булам диеп, тамашачы белән җырчы арасында аралык булырга тиеш икәнлеген берүк онытмагыз”. Бу да җырчы сүзләре.

− Тамашачыдан бикле тормыш булырга тиешме дигән соравыгыз бик ошады әле. Бу мәсьәләдә мин тагын үз фикерем белән яшим. Беләсезме, артист тормышы болай да күз өстендә каш кебек, көне-төне халык игътибарында. Итәк җиңне җыеп йөрү дигән әйтем бөтенләй миңа кагылмый кебек. Ничек бар, мин шундый. Халык алдына мин җырчы булып чыгам. Шәхси тормышым турында артык сөйләргә яратмыйм: гаиләле, балалар үсә, өйдә, Аллага шөкер, тәртип! Үзебезнеке генә булган шәхси тормыш дип аңлыйм гаилә тормышын.

View this post on Instagram

A post shared by Певец Эстрада Гастроли (@kagirov.filyus)

− Афишалардан соңгы араларда, төшеп кала башлаган бик тә кирәкле бер сүзне эзләп карыйк әле бергәләп Филүс?Җырчының исеме язылган, фотосы беркетелгән афишалар хәзер искитмәле. Баннерлар әллә каян, ерактан тамашага чакырып тора. Әмма бу җырчының концертын кем алып бара? Шул сорау борчый иде тамашачыны элек.  Җырчыны һәм аның белән җитәкләшеп диярлек йөрегән конферансьены көтә торган иде тамашачы.

− Кирәкле сорау, урынлы сорау. Соңгы 2-3 елда безнең афишада да югалды кебек бу сүз. Башка җырчылар бу сүзне эзләп тапкан кебек, мин дә эзләп таптым. “Җырчы+конферансье”. Ошыймы шулай? Башка артистлар кебек үзем турында кирәген сөйли алам кебек тоелды миңа да. Җырчы җырласын, телгә оста сөйләсен дисез дә, җырчылар да “тел бистәсе” дигән исемне бик тә кызу темплар белән яулап баралар. Рәхәтләнеп сөйлим җыр язылу тарихларын, юмор хисенә дә алай саран түгелмен, кирәк чакта рәхәтләнеп көлдерәм, кирәк чакта күз яшьләре чыгартам. Тамашачы алдында үземне иркенрәк тотарга мөмкинлек бирә менә шушы “конферансье” дигән сүзне үземә беркетеп кую!

View this post on Instagram

A post shared by Филюс Кагиров (@kagirov_filyusfun_official)

Ни дисең, җырчының теләге шундый, димәк бу сүзнең дә урынын таптык. Бу көннәрдә мин сезнең белән, иҗатыгыз, тормышыгыз белән яшәдем Филүс! Бөтенләй якын күреп белмәгән җырчы белән, телефон аша егерме минутлык сөйләшү нәтиҗәсендә, шулай да матур итеп гапләшеп утырып булган икән, рәхмәт сезгә. Киләчәк өчен вакламыйча саклагыз иҗатыгызны! Тормышыгызның халыкка кирәкле азмы-күпме иҗат битләрен ачтык сезнең белән!

Запись Филүс Каһиров: “Үзебезнеке генә булган шәхси тормыш ул…” [әңгәмә] впервые появилась Tatar Today - татар яңалыклары..

«Бик файдалы дигәч, мин дә йога белән шөгыльләнә башладым әле… Файдасын сизә башладым, жәмәгать», дип яза артист Инстаграмда.

 

Посмотреть эту публикацию в Instagram

 

Помните я рассказывала про Йогу Садхгуру Сегодня делали Йогу для Успеха?

Публикация от Эльмира Кагирова (@kagirovaelmira86) 9 Апр 2019 в 12:12 PDT

Запись Филүс Каһиров: “Файдасын сизә башладым, жәмәгать” впервые появилась Tatar Today - татар яңалыклары..

Гадәттә артистлар фитнес, залда шөгыльләнүне сайласа, Филүс Каһиров футболны үз иткән. Ул Инстаграм аккаунтында да, коцертларында да бу спорт төре белән бәйле яңалыкларын әйтә килә.  Әлеге кызыксынуы ничек башланган? Нинди уңышлары бар? Иҗатына ничек тәэсир итә? Бу хакта җырчының үзеннән белештек.

“Ике еллап вакыт үтеп киткәндер бу шөгылемә. Татарстан һәм Башкортстан артистлары бергә футбол уйнарга килешкән чак булган, бу хакта миңа Фәнил Вакказов һәм Илнар Ялалов шалтыратты. “Синең футболга барасың киләме, уйныйсыңмы?”, дигәч, мин: “Балачактан бирле уйнаганым юк, ләкин кызыксынам, өйдә балалар белән уйныйм”, дидем. Алар мине башта тренеровкаларына чакырдылар. Бардым да, егетләргә карап шаккаттым. Алар бик яхшы уйный, мин бик каты аерылып тора идем. Әмма шуңа карамастан, беренче көнне үк 6 гол керттем. Бәлки алар минем күңелне үстерү өчен дә бирешкәннәрдер. Мин үземчә тырышсам да, уйнавым начар иде.

Бу спорт төре миңа бик ошады. Башкортстан артистлары белән уйнарга бара алмасам да, ныклап шөгыльләнү шул вакыттан башланып китте. Атнасына 2 тапкыр Фәнил Вакказовның футбол командасында “Ак бүре” спорт сараенда шөгыльләнәбез.

Хәзер ике ел уйныйм, үземне футболсыз күз алдына да китерә алмыйм. Иҗади сәфәрләрдә дә футбол күңелне җәлеп итеп, уйныйсы килеп тора. Җырчылар арсыннан безнең командада Раяз Фасыйхов, Фәрид Низамиев, Риназ Фазлыйәхмәтов, Инсаф Бәдретдиновлар бар.

View this post on Instagram

A post shared by Певец Эстрада Гастроли (@kagirov.filyus)

Бу өлкәдә уңышларыбыз да бар. 2018 декабрьендә беренче тапкыр Мәскәүдә үткәрелгән Бөтенрусия арт-футбол ярышында катнаштык. Монда 16 төбәктән җыелган артистлар катнашты. Бик матур бәйрәм булды. Без 1988 елда җәйге Олимпия уеннарында футбол буенча җиңгән СССР командасы белән уйнадык. Аннан соң кайтып, үзебездә артистлар арсында да бу бәйрәмне оештырдык.  Бүгенге көнгә кадәр футболга йөрүемә шатмын.

View this post on Instagram

A post shared by Певец Эстрада Гастроли (@kagirov.filyus)

Бу шөгылем иҗатка да йогынты ясый. Дөрес сулыш алырга ярдәм итә, чыдамлылык арта.  Спорт белән мәдәният һәрвакыт бер-берсенә ярдәм итә дип саныйм”, дип уртаклашты җырчы Филүс Каһиров.

View this post on Instagram

A post shared by Певец Эстрада Гастроли (@kagirov.filyus)

Запись Филүс Каһиров: “Бардым да шаккаттым – мин бик каты аерылып тора идем” впервые появилась Tatar Today - татар яңалыклары..

12, 13 мартта Казанның Филармония залында Татарстанның атказанган артисты – Филүс Каһировның концертлары үзды. Тамашаның беренче өлешендә алтын хәзинә, мираска әйләнгән җырлар яңгырады. Тәүге тапкыр концертларын карарга килгән тамашачыны җырчы музыкантлары белән таныштырырга ашыкты. “Бас гитарада – Руслан Сафин, гитарада – Марсель Шәмсетдинов, бәрмә уен коралларында – Максим Куприянов, саксофонда – яшь һәм яңа музыкантабаз, чып-чын татар егете – Андрей Аношин, флейтада – 13 ел бергән эшлибез – Гөлнара Ярмиева, баянда “Мирас” ансамбле җитәкчесе, Татарстанның атказанган артисты (почти брат, дип әйтәм мин аны) – Рөстәм Рәхматуллин”, диде, җырчы.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

“Казакъ кызы сөйгән ярым” җырын, зинһар, репертуарыгыздан төшермәсәгез иде”, дип социаль челтәрләрдә бик күп язасыз, теләкләрегезне тормышка ашырабыз, дип Филүс Каһиров “Казакъ кызы сөйгән ярым” җырын башкарды.

Моңа кадәр Филүс Каһиров халыкка мөрәҗәгать итеп, “Авыл көйләре”нә нинди куплетлар, сүзләр кушып җырлауларын сорап, язып җибәрүләрен үтенгән. Концертта ул шул куплетларны җыеп, бер җыр итеп башкарды.

“Безнең әниләребез авылда булган хәлләрне сөйләшеп, чәйләр эчеп, бераз шунда гайбәтен дә кыстырып җибәрәләр иде. Әтиләребез, бабайларбызы кәрт суга торганнар иде, без инде шулар яныннан йөгереп йөри торган идек, уеннар уйный идек. Ә иң кызыгы, соңрак, табын артында җыелышып, барсы бергә утырып, “Авыл көйләре”н җырлыйлар иде. Минем хәтеремдә калган, куплетларны шушы җырга өстиләр иде.

Сезгә мөрәҗәгатем шул иде – сезнең якта нинди көйләр, сүзләр, куплетлар, дүртьюллыклар бар, миңа җибәрегез әле иде, дип теләк белдергән идем. Сез битараф булмадыгыз, яздыгыз. Без шушы куплетларны җыйдык, хәзер сезгә башкарып үтәсебез килә”, диде җырчы.

Филүс Каһиров сәхнәдән дусларына рәхмәтен дә җиткерде. “Минем җан дустым, якташым да. Ул мине ничек җырларга, киенергә, кеше белән сөйләшергә өйрәтте – Татарстанның атказанган артисты – Рөстәм Асаев. Бер концертымны да калдырмый”, диде Филүс Каһиров.

Шулай ук аның белән янәшә утырган дустын: “Без аның белән бергә футбол да уйныйбыз, Мәскәүләргә кадәр барып җиттек. Ул чакыру буенча, шушы спорт белән кызыксына башладым, ул – Фәнил Вакказов”, дип атады.

Концертта яшь җырчы Айгөл Гардисламова, “Мирас” ансамбле дә катнашты.

Филүс Каһиров төрек телендә җыр башкарыр алдыннан, концертында булган бер хәлне искә алды. Төбәкләрдәге концертларында ул залдан алынган хатларга җавап биргән.

“Гаилә темасын да актарып чыктылар, нинди генә сораулар булмады, нинди генә җаваплар кайтармадык. Күбесенчә, җыр сорадылар. “Сандугач”ны җырласагыз иде, “Кара урман”ны җырласагыз иде, бу җыр, теге җыр, күптән онытылып беткән җырларны да сорадылар.

Бер вакытбер хатны алдым да, башта карап чыктым инде, куркыныч бит, минем бит хатын үзем белән йөри, шуңа күрә, башта укып чыгам. Карадым да, болай дигән: “Филүс, мин беләм Сезнең төрле телләрдә җырлаганыгызны, зинһар өчен, таракан җырын җырлагыз әле”, дигән. Мин карап тордым да, баштан аңламадым, укып тормадым, кесәгә генә салып куйдым, шуның белән онытылган. Шушы концерт программасына әзерләнгәндә, егетләр: “Филүс, әйдә, быел төрекчә дә җырла”, дигәч, искә килеп төште, теге “таракан” түгел, “таркан” икән. Хәзер белмим, кайсы төбәктә булды ул хәл, шуңа күрә, бөтен концертларыбызда да бу җырны башкарабыз”, дип сөйләде Филүс Каһиров.

Җырчы концертның бер өлешен Илһам Шакиров истәлегенә багышлады. Үзе исән чагында, аның белән бергә башкарган “Сандугач” җырының видеосын күрсәтте һәм микорофонсыз әлеге җырны башкарды. Шулай ук Хәния Фәрхинең якты истәлегенә дә җыр атады.

“Менә шундый легендар шәхесләребез – Илһам Шакиров, Әлфия Афзалова, Хәйдәр Бигичев, Фәридә Кудашева безнең арадан китеп баргач, күңелдә  тынгысызлык урнашты. Моңа кадәр болай да татар җыры сәнгате өчен бочылып торган чак иде. Алар булганда күңелдә өмет чаткылары бар иде. Хәзер тынгысызлык биләп ала. Ләкин без, яшь җырчылар, шушы даһи җырчыларның традицияләрен дәвам итергә тиешбез. Аларның халыкка җиткергән җыр-моңнары киләсе буынга тапшырырга тиешбез”, дип ассызыклады Филүс Каһиров.

Тамаша кылырга килгән халык җырчыга “Афәрин”, әйтеп, аягурә басып саубуллашты.

———————————————————————————————————————————————————————————— Тапшыруны Tatar Today иҗат төркеме әзерләде. Фото-видео – Рөстәм Исхакый, текст Гүзәл Гыйбадуллина.

Tatar Today порталы җырчыларның концертларыннан фото-видео репортажлар, махсус видеотапшырулар ясый, яңалыклар яза.

Кем үзләрен күрергә тели, шалтыратыгыз, элемтәгә керегез!

тел: 240-24-99 

СЕЗ БЕЗГӘ ЯРДӘМ ИТӘ АЛАСЫЗ – https://money.yandex.ru/to/410017377157443

WhatsApp: +7966-240-24-99 (Сбербанк Онлайн)

Запись Филүс Каһиров ни өчен тараканнар турында җырлавын аңлата [концерттан фоторепортаж-видео] впервые появилась Tatar Today - татар яңалыклары..

– Бик туры килеп бетми. Әлбәттә, гаилә булгач, төрле хәлләр була. Ләкин ул вакытта ниндидер зур проблема булды дип әйтә алмыйм. Безнең гаиләгә кереп, безнең араларны бозу кемгәдер кирәк булды, шул гына.

Әткәй белән безнең мөнәсәбәтләргә кысылып, урыслар әйтмешли: “Из мухи слона сделали”. Янәсе, мин әткәйнең күршесендә яшәүче әбигә кунакка кайтам, ә әткәй янына кермим дә икән. Бу дөрес түгел. Ничек инде әтиеңә кермисең? Авылга кайткан саен мин әнкәйгә дә, әткәйгә дә, әбигә дә керәм. Бервакытта да берсен дә игътибарсыз калдырганым юк.

Андый аңлашылмаучанлыклар барлык гаиләдә дә була, монда аптырыйсы түгел. Проблеманы хәл итү өчен, шул ук вакытта, җаен да таптык. Артык авыр булмады ул, барысы да җайланды. Әйтәм бит, бу бер кешенең яман эше иде. Миңа шул рәвешле авырлыклар эшләмәкче булдылар. Белмим, начар исем тагасылары килде микән?!

Миңа калса, аларның ниятләре барыбер тормышка ашмады. Ялган озак яшәми ул. Барыбер бер көнне дөреслек җиңеп чыгачак. Бүген барысы да яхшы, кунакка йөрешеп яшибез, – дип аңлаткан моны Филүс үзе.

Кызыл таң
Фото: Бизнес онлайн

Читайте нас в Яндекс Дзен

Запись Филүс Каһиров турында чыккан сүз дөреслеккә туры киләме? впервые появилась Tatar Today - татар яңалыклары..

Исегезгә төшерик: Зөһрә Сәхәбиеваның шелтәсе Филүс Каһировның Хәйдәр Бигичев җырларын рөхсәтсез җырлавына риза булмавыннан гыйбарәт. “Аның җырларын кабатларга кирәкми, Хәйдәр Бигичевнең үзен тыңласыннар”, – дигән иде ул “Интертат” электрон газетасына биргән интервьюсында. Инде Татарстанның атказанган артисты Филүс Каһировның да бу шелтәгә карата фикерен сорадык.

– Филүс, сез ретро җырларны яздырып дисклар чыгарган вакытта һәм җырны сәхнәдән башкарганда аның кем репертуарыннан булуын әйтәсезме?

– Аудиодисклар, альбомнар чыгарганда, җырның кем репертуарыннан булуын күрсәткәнем юк. Әйтик, “Китмә, сандугач” җырын гына алыйк. Рөстәм Яхин көе, Гөлшат Зәйнәшева сүзләре дип язганнан соң, җәя ачып Илһам Шакиров, Хәйдәр Бигичев, Рөстәм Маликов, Георгий Ибушев репертуарыннан дип һәрберсен атап язып булмый бит инде?! Концертларымда мин сәхнәдән башкарган җырларның кем репертуарыннан булуын һәрвакыт әйтәм. Тамашачылар шаһит. Халык җырлары, ретро җырлар, классик әсәрләр – татар сәнгатенең байлыгы ул. Аларны башкарыр алдыннан кемнән дә булса рөхсәт сорау кирәк дип санамыйм.

– Сез Зөһрә Сәхәбиева белән нинди мөнәсәбәттә?

– Зөһрә апа белән начар мөнәсәбәттә булганым юк. Аның белән тәүге тапкыр күрешкән көнне әле дә хәтерлим. “Энем, мин синең җырлаганыңны күрдем. Хәйдәр абыеңның тавышын ишеткән кебек булдым, рәхмәт. Киләсе очрашуга Хәйдәрнең язмаларын да алып килермен”, – диде. Икенче тапкыр Зөһрә апа белән радиода күрештек. Ул анда миңа Хәйдәр абыйның дискларын бирде. “Хәйдәр абыеңны тыңла. Аның җырлары, җырлавы һәрвакыт югары дәрәҗәдә булды. Алга таба да шушы юнәлештә иҗат итәргә тырыш, юлыңнан тайпылма”, – диде. Зөһрә апа кебек зур җырчыдан шундый җылы сүзләр ишеткәч, мин, әлбәттә, канатланып китеп шул җырларны җырларга тотындым. Тик, кызганыч, күптән түгел генә басылып чыккан интервьюсындагы сүзләренә төшенә алмадым. Ни өчен ул үпкәсен үземә турыдан-туры шалтыратып әйтмәде икән? Әлегәчә бу сорауга җавап таба алганым юк…

– Әңгәмәне укыганнан соң Зөһрә Сәхәбиева белән үзегез элемтәгә кермәдегезме?

– Юк. Дөресен генә әйткәндә, мин әлегә нәрсә дип сүз башларга белмим.

– Ә бит кайчан да булса сезгә күзгә-күз очрашырга туры киләчәк…

– Һичшиксез, без күрешәчәкбез һәм сөйләшәчәкбез. Иң мөһиме, мин аңа үпкәләмим дә, рәнҗемим дә. Зөһрә Сәхәбиеваны бик хөрмәт итәм. Аның татар сәнгатенә керткән өлеше гаять зур.

– Гаебең булмаса да гафу сорап, үзара аңлашып алу комачауламас иде кебек. Сез ничек уйлыйсыз?

– Дөрес, килешәм. Без барыбыз да татар җыр сәнгате казанында кайныйбыз. Дошманлашып яшәү матур түгел, ул кешене бизәми. Үзем кешегә үпкә саклап, рәнҗеп яши алмыйм, намусым кушмый…

Автор: Юлия НАСЫЙБУЛЛИНА

intertat.tatar

Запись Филүс Каһиров Зөһрә Сәхәбиева турында: Нәрсә дип сүз башларга белмим впервые появилась Tatar Today - татар яңалыклары..

– Эльмира, Филүс сәхнәдә булса, сез һәрвакыт сәхнә артында, ирегезнең ышанычлы терәге. Артист хатыны булу ничек ул?

– Дөресен әйткәндә, ул җиңел әйбер түгел. Мин аның администраторы буларак, гел аның белән йөрергә тырышам. Мин аның чыгышына иң беренче анализ ясаучы кеше. Ул сәхнәдә булса, мин һәрвакыт сәхнә алдында аны видеога төшерәм. Өйгә кайтып, карап, бергәләп анализ ясыйбыз. Чыгышы ничек булды, костюмы ничек утырды – шуларына да игътибар итәм.

– Улларыгызны да Инстаграмнан күрсәтеп торасыз. Олы улыгыз Айдарның сәхнәгә чыгарга омтылышы бармы?

– Айдарда без андый талант күрмибез, ул күбрәк спортка тартыла кебек. Ә менә кечкенәсе – Рөстәм, аңа әле бер генә яшь. Әмма тавышы көчлерәк.

До ре ми фа соль?????

Публикация от Эльмира Кагирова (@kagirovaelmira86) 13 Сен 2017 в 1:00 PDT

– Филүс ерак гастрольләргә еш йөри. Сез өйдә ике бала белән каласыз. Ул гастрольдә чакта көненә ничә тапкыр сөйләшеп торасыз?

– “Сольный” концертларга без бергә йөрибез. “Солянка” ише җыелмаларга ул үзе генә бара. Телефоннан без көненә бер генә тапкыр да сөйләшергә мөмкинбез. Филүс ул телефоннан еш шалтыратышып, теләсә нәрсә сөйләшеп утыра торган кеше түгел. Кирәк әйберне генә шалтыратышып әйтәбез дә бер-беребезгә, шул җитте.

– Соңгы кисәтү, Филүс тарафыннан кылынган хатаны хәтерлисезме?

– “Татар җыры”нда әз генә аранжировкадан арткарак калып, музыкадан каушап калды. Мин шуны сиздем. Ул үзе дә сизде аны, әмма тамашачы аны сизеп, игътибар бирмәде. Мин инде соңыннан әйттем: “Репетицияңне яхшырак ясарга кирәк иде”, – дидем.

– Болай үзе өйдә репетицияләр ясыймы?

– Ясый. Яңа җыр булса, бигрәк тә. Һәр номерын автоматлашканчы кабатлый.

– Филүс – тамашачы алдында атказанган артист. Ә өйдә ул нинди әти һәм гаилә башлыгы?

– Ул – иң яхшы әти, иң яхшы ир. Ул бөтен әйберне дә эшли. Мин аңа рәхәтләнеп, ике баланы да калдырып чыгып китә алам. Көне буена карарга да мөмкин. Гыйнвар аенда ике тәүлеккә Казахстанга очкан идем. Ул берүзе ике бала белән калды. Филүс балаларны йоклата да, ашата да, балалар бакчасына да илтә. Туганнан бирле ул балаларны карарга ярдәм итә. Ашарга да пешерә, өйләрне дә җыештыра. Минем өчен ул – гаиләдә нык зур ярдәмче. Без бер-беребезгә ярдәм итеп яшибез.

– Филүс – Татарстанның алтын тавышы. Сез “Нинди зур артист белән яшим бит мин” дип уйлаганыгыз бармы?

– Әлбәттә. Мин аның белән бик нык горурланам. Мин – Филүснең фанаты. Без 9 ел очрашып йөрдек. 5 ел бергә яшибез.

Запись Филүс Каһировның хатыны Эльмира: Ике баламны иремә калдырып, рәхәтләнеп чыгып китә алам впервые появилась Tatar Today - татар яңалыклары..