– Бердәм булып калыйк! Без татарлар – без бер кан. Себер татарлары, мишәрләр, тагын әллә кемнәр бар – бу диалектика гына, ә бүленеп йөрү – җүләрлек ул. Кайдадыр барып, без татарча сөйләшә башлыйбыз икән, безгә рәхәт булып китә! Монда аерылышу, бүлешү дип, гомумән, сүзгә дә алырга ярамый! Башка милләтләрнең безне аерырга теләве – монысы инде көнчелек, җүләрлек! Тиздән безнең халык санын алу. Бердәм булганда гына, без җиңә алабыз, чөнки бу – көрәш, зур сынау безнең өчен! Бердәм булмасак, безне таркатачаклар. Бабайлардан калган васыять: без милләтебезне, телебезне беркемгә дә бирергә тиеш түгел, – ди Татарстанның атказанган артисты Фирдүс Тямаев.

Запись Фирдүс Тямаев бабайлардан калган васыять буенча эш итәргә өнди [видео] впервые появилась Tatar Today - татар яңалыклары..

Гаугалы роликта журналистлар “Ср…й Азнакайдан килгән колхозниклар кебек, әйдә, Корстонда көзге алдында фотога төшик”, дип ямьсез кыланалар. Әлбәттә, журналистларның кеше турында болай мыскыллап сөйләшүен һәм кылануын берни белән дә аклап булмый.

View this post on Instagram

A post shared by Фирдус Тямаев (@firdustyamaev_official)

Әлеге видеоязманы беренчеләрдән булып күргән Фирдүс Тямаев азнакайлыларны яклап һәм район башлыгына мөрәҗәгать итеп: “Мин Азнакайда биш ел эшләгән кеше буларак, шуны әйтәм, бүгенге көндә Азнакай алдынгы, мәдәният ягыннан алга киткән район. Марсель Зөфәр улы, бу эшне болай гына калдырмассыз дип уйлыйм”, – ди.   Җырчы инстаграмда кыегаеп басып фотога төшү флешмобы башлап җибәрә һәм интернет кулланучыларны бу эштә үз артыннан чакыра.

Запись Фирдүс Тямаев “Азнакай колхозниклары” дип көлгән журналистларга каршы флешмоб белән чыга [видео] впервые появилась Tatar Today - татар яңалыклары..

Ришат еллар үткәч Ваһаповтан китүенең сәбәбен сөйләде. Җырчы әйтүенчә, аны алдаганнар! “Бу мөстәкыйльлеккә чыгуым белән мин Фирдүс Тямаевка рәхмәтле. Ул күп нәрсәләргә карата күзләремне ачты. Мин бүгенгә кадәр үземнең күпчелек хыялларымны чынга ашыра алмаган булыр идем.

Игътибар иткәнсездер: концертларыбыз елдан-ел камилләшә бара. Яшерен-батырын түгел, без акчасын да эшлибез. Әмма эшләгән кадәрне тамашаларыбызның сыйфатына тотабыз. Кемгәдер эшләгән очракта син үз теләгәнеңә ирешә алмас та идең”, дип Ришат үзенең инстаграмына язып элде.

Ришат Тямаевның нинди киңәш бирүе һәм ничек итеп акча эшләргә өйрәтүе турында сторис аша сөйләде.

“Фирдүс Тямаев нинди киңәш бирде соң?”, дигән сорауга:

– Дөресен әйтте. Ул үзаллы эшли иде, ә мин ул вакытта продюсер белән. Бөтен нечкәлекләрен, мине ничек алдаганнарын әйтте. Фирдүс брат рәхмәт!” – дип җавап кайтарды Ришат Төхвәтуллин.

 

Посмотреть эту публикацию в Instagram

 

#татартудей #эксклюзив #ришаттухватуллин Ришат еллар үткәч Ваһаповтан китүенең сәбәбен сөйләде. Җырчы әйтүенчә, аны алдаганнар! “Бу мөстәкыйльлеккә чыгуым белән мин Фирдүс Тямаевка рәхмәтле. Ул күп нәрсәләргә карата күзләремне ачты. Мин бүгенгә кадәр үземнең күпчелек хыялларымны чынга ашыра алмаган булыр идем. Тулырак -> Ришат Төхвәтуллинны Рифат Фәттаховтан китәргә Фирдүс Тямаев котырткан? | Tatar-today.ru

Публикация от Tatar today порталы (@tatar_today) 13 Ноя 2018 в 3:44 PST

Запись Ришат Төхвәтуллин белән Рифат Фәттаховның арасын кем бозган? впервые появилась Tatar Today - татар яңалыклары..

– Фирдүс, яшерен-батырын түгел, бүгенге көндә син – эстрадада үз йөзеңне булдырган популяр җырчы. Зур сәхнәдәге 5 еллык иҗатыңа нәтиҗә ясап ни әйтә аласың?

– Биш ел кем өчендер әз, кемгәдер күп кебек тоелырга мөмкин. Ләкин бу вакыт эчендә нәтиҗә ясарлык уңышка ирешергә өлгердек. Әйтик, 5 ел эчендә 1500гә якын концерт куелды. Шушы дәвердә “Алтын Барс” фестивале, TMTB премиясе лауреаты булдым. Бу сезонда Казан һәм Чаллыда 6шар көн концерт бирелде. Апрель аенда Чаллы шәһәрендә янә 2 концертым көтелә. Зур сәхнәдә 5 ел булсам, гомумән, бу өлкәдә эшләвемә – 7 ел. Нурлат, Аксубай, Алексеевск, Лениногорск һәм башка районнарда 7 ел элек үк концертлар куйдык. Бер елга 120 мең чакрым юл үтелә. Димәк, биш елда 600 мең чакрым юл йөрелгән. Машинам никадәр генә кыйммәтле булмасын, аны ел саен алыштырырга туры килә. Җәйге һәм кышкы тәгәрмәчләрне елына ике тапкыр алыштырам. Шәхси машинамнан тыш, 2 автобус та бар әле. Төркемебез – зур, 15 кеше без.

– Төркем дигәннән, син һәркайсына карата җылы мөгалләмәдә. Үзеңне дә хөрмәт итәләр. Дусларың концертка бәлеш, торт кебек зур күчтәнәчләр, бүләкләр алып килгән. Тормышта да юмартмы син?

– Төркемдә эшләүчеләр белән бер гаилә кебек без. Ялларда мунча кертәм, волейбол уйныйбыз, матур ял оештырам. Туган көннәре булса, аерым үз исемемнән акчалата бүләк тапшырам. 8 март, 23 февраль бәйрәмнәрендә үз бюджетымнан акча бирәм. Берәрсенең гаиләсендә кыенлыклар килеп чыкса, бергәләшеп хәл итәбез. Кредит түли алмаса, ярдәм итәбез. Дус-тату, бердәм булганда, уңышка, зур нәтиҗәгә ирешергә мөмкин. Төркемемдә эшләүчеләр арасында төрле бәйгеләр үткәрәм. Әйтик, гер күтәрү, иң күп дога белүчеләр һәм башкалар. Җиңүчене акчалата бүләклим. Мин шуны төгәл әйтә алам: бу кешеләр теләсә нинди очракта минем өчен күкрәк киереп чыгачак.

– Фирдүс, концертыңа эләккән кеше көчле энергетикага ия булуыңа шакката. Һәр тамашачы елмайтасың, елатасың, биетәсең. Кыскасы, халык синнән зур кичерешләр белән кайтып китә.

– Мин концерт башланганда ук тамашачыга гайбәт сөйләмәскә, ә рәхәтләнеп ял итеп утырырга кирәклеген әйтеп куям. Халыкның ләззәтләнеп утырганын күрәсем килә. Әгәр ялгыш сүз әйтеп, яисә башка сәбәп белән берәрсен үпкәләтсәм, гафу үтенәм. Аллага шөкер, бүгенге көндә үз тамашачым бар. Тамашачыма, дусларыма, туганнарыма, гаиләмә, Аллаһы Тәгаләгә мең рәхмәтле мин!

Фирдүс Тямаевның концертында эстраданың танылган җырчысы, композитор Гүзәлия дә катнашты. Гүзәлиядән Фирдүс Тямаев турында фикерен сораштык.

Эльвира ШАКИРОВА

Запись Фирдүс Тямаевның 5 еллык иҗатына нәтиҗә: 600 мең чакрым үтелгән [фото-видео] впервые появилась Tatar Today - татар яңалыклары..