Архивы хәвеф- хәтәр - Tatar Today - татар яңалыклары.

Казанда баланың башы баскыч култыксасына кысылып кала

Алина — Wed, 27 Feb 2019 12:22:33 +0000

Гадәттән тыш хәл кичә, 27 февраль, көндез Казанның Журналистлар урамындагы йорт подъездын да була. Сабыйга коткаручылар ярдәм итә.

Бер яшьлек бала йорт подъездындагы баскыч култыксасының тимер рәшәткәләре арасына башын тыга һәм кысылып кала. Әнисе баланың башын чыгара алмый һәм коткаручыларны ярдәмгә чакыра.

Коткаручылар баланың башын тимер рәшәткә арасыннан чыгара һәм сабыйны әнисенә тапшырган , дип яза kazan.kp

Фото: novayagazeta-ug.ru

Запись Казанда баланың башы баскыч култыксасына кысылып кала впервые появилась Tatar Today - татар яңалыклары..

Казанда янгында биш яшьлек кыз һәм бер яшьлек малай төтен белән агулана

Алина — Sat, 05 Jan 2019 10:14:53 +0000

Казанда тугыз катлы йортта чыккан янгында биш яшьлек кыз һәм бер яшьлек малай төтен белән агуланган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Фатыйх Әмирхан проспектындагы 37нче йорт фатирларының берсендә 0,5 квадрат метр мәйданда җиһаз янган.

Балаларны исле газдан агулану билгеләре белән Казан республика клиник балалар хастаханәсенә озатканнар.

Беренчел мәгълүматлар нигезендә, янгын электр җиһазын дөрес кулланмаудан килеп чыккан.

tatar-inform

Запись Казанда янгында биш яшьлек кыз һәм бер яшьлек малай төтен белән агулана впервые появилась Tatar Today - татар яңалыклары..

Татарстанда бер кыз “ватрушка”да таудан шуганда тимер конструкциягә бәрелә [видео]

Алина — Fri, 04 Jan 2019 08:05:10 +0000

1 гыйнварда Әлмәттә “Снежинка” ял базасы территориясендә бер кыз “ватрушка”да таудан шуганда тимер конструкциягә бәрелгән. Әлеге мизгел видеокамерага эләккән. Бу хакта “Татар-информ” агентлыгына фаҗигане үз күзләре белән күргән кешеләр хәбәр итте.

1 гыйнварда 15.10 сәгатьтә 23 яшьлек кызны “ашыгыч ярдәм” машинасында “Татнефть” ГАҖ медсанчастенә алып килделәр, дип искәрттеләр ТР Сәламәтлек саклау министрлыгы матбугат хезмәтендә.

“Зыян күрүченең оча һәм кулбаш сөякләре сынган. Аңа операция ясаганнар. Хәзер ул реанимациядә ята. Табиблар кызның хәлен уртача дип бәяли”, – диде ТР Сәламәтлек саклау министрлыгының матбугат сәркатибе Әлфия Хәсәнова.

Чыганак һәм видео: tatar-inform

Запись Татарстанда бер кыз “ватрушка”да таудан шуганда тимер конструкциягә бәрелә [видео] впервые появилась Tatar Today - татар яңалыклары..