Анет тапшыруда “Black Star” командасыннан икәне билгеле. Ул үзенең җырын башкаручылар арасында бәйге башлаган иде, катнашучылар да күп булган.

View this post on Instagram

A post shared by Хаким (@khakim_ak)

Хәким үзенең башкаруы белән күпләргә ошаган. Анет та җиңүчене билгеләгәч, үзенең аккаунтында Хәкимгә бергә видео төшерергә тәкъдим ясаган. Җиңүчене Мәскәүгә чакырганнар.

Гузәлия дә бу бәйгене игътибарсыз калдырмаган. Шулай ук инстаграм аккаунтында “Җиңү безнеке!Барыгызга да рәхмәт” дип  фото куйган.

https://www.instagram.com/p/ByNxuPpIMtj/

Запись Хәким җиңде! впервые появилась Tatar Today - татар яңалыклары..

Мәскәүдә яшәп иҗат итүче автор-башкаручы Гүзәлия 19 яшьтән татар җырлары яза. Ел ярым элек продюсер буларак эшчәнлеген башлый. Аның соңгы яңалыклары, рус телле яшьләрне татар җырына тарту эше турында, татар эстрадасындагы яңалыкларга, “Үзгәреш җиле” фестиваленә мөнәсәбәтен белергә булдык.

—​ Сез килеп кергәндәге һәм хәзерге татар җыр сәнгатендә аерма зурмы, татар эстрадасында ниләр үзгәрде? Уңай үзгәрешләр күбрәкме, әллә кимчелекләр дә арттымы?

— Аерма бар инде ул. Яңа стильдә җырлар туа башлады, эстрада яшәрде. Аранжировкалар үзгәрде, сыйфат турында уйлаучылар күбәйде. Кимчелекләр дә бар, плагиат артты, каверлар белән мавыгалар хәзер, чөнки кеше чыгарган җырны бераз үзгәртеп башкару җиңелрәк. Автор материалы туплау, яна җыр чыгару бик авыр.

—​ Ул вакытта милли хисләр, татар теленә игътибар зур идеме, әллә хәзерме?

— Милли стильдә башкаручылар элек тә бар иде, хәзер дә бар. Артистлар хәзер үзләре дә, балалары белән дә татарча сөйләшергә тырыша.

— ​Татарча җиңел аралаша алмаган башкаручы Хәкимнең продюсеры булу тарихы каян башланды?

— Хәким Европа җырчыларын тыңлап, русча сөйләшеп үскән. Үзе дә русча, инглизчә репертуар белән вокал дәресләре алган. Мин аны очраклы рәвештә Вконтакте челтәрендә күреп алдым, җырын тыңладым, тавышы үзенчәлекле, игьтибарсыз калдырасым килмәде. Тембрың шәп, диеп язып җибәрдем. Икенче көнне ул вакытта анын белән эшләүче Артур Җамалетдинов миңа шалтыратып, Хәким белән дуэт тәкъдим итте. Минем өчен бу көтелмәгән булды. Радик Юльякшин белән булган низагтан соң, дуэтлар башка яздырмыйм, беркемгә дә ярдәм итмим дигән карарга килгән идем. Ләкин мин Артурга каршы килә алмадым, чөнки кайчандыр ул миңа ярдәм иткән иде.

Мин җавап бирергә ашыкмадым. Әмма шул ук көнне автордашым Гөлүсә Әхмәтҗанова матур җыр тексты җибәрде, аңа көй язганда мин Хәкимнең тавышын искә алып яздым. Үзенчәлекле җыр килеп чыкты. “Әйтер сүзем калган” дигән дуэт шулай туды, халык бик яратты, клип төшердек. Ярты елдан соң мин уйламаган җирдән Хәкимнен продюсеры булып киттем. Дуэт яздырырбыз да, шуның белән бетте дип уйлый идем. Ләкин Хәкимне татар эстрадасы белән якыннан таныштырып, аны күп кенә концертларга керткәннән соң, аның белән эшләгән егетләр продюсерлык вазифасын үти алмауларын әйттеләр. Ә миңа инде эшләгән эшләрем жәл иде, Хәким дә “Мине ярты юлда ташлама инде”, диде. Шулай продюсер булып киттем, үзем дә сизмәдем.

— ​Ул русча да җырлый, татарча җырлавы ихластанмы, әллә татар сәхнәсен яулау өченме?

— Хәким төрле телдә җырлый, татар телендә дә. Гомумән аның максаты – иҗат белән шөгыльләнү, җырлау. Күкрәк киереп, “Мин татарча гына җырлаячакмын” дими ул. Үз эшен яратып башкара, сәхнәдә 100 процентка эшләп чыга, тере тавышка гына җырлый.​

— ​Үзегезнең яңа буын татар башкаручылары өчен продюсер үзәген ачу нияте юкмы? Сез балалар белән дә шөгыльләнә идегез, бу эш хәзер дә барамы?

— Продюсерлык үзәге турында уйлау әле иртәрәк, мин әле продюсер эшен үзем дә өйрәнәм генә. Балалар белән эшләү планда гел бар.

— Сез милли, татар телен яклау чараларында катнашасызмы? Без сирәк күрәбез, сәбәбе?

— Милли, татар телен саклау, яклау чараларында бик теләп катнашыр идем, чакырсыннар гына.

— ​Татар телен популяр итәр өчен нинди юллар уңышлырак, күңел ачуга корылган проектлармы, әллә уку-укытуга күбрәк игътибар бирергәме?

— Бөтен яктан да эшләргә инде, укытуда да, сәнгатьтә дә.

Гүзәлия һәм Азалия Вәлиева

​— Элвин Грей белән Гүзәл Уразова уртак җырларының хокукларына бәйле низагка нокта куйдылар, үзара килешеп дуслаштылар. Конфликт юк, дип белдерделәр. Мондый хәл сезнең белән Радик Юльякшин ​белән дә булырга мөмкинме. Сезнең дә аның белән уртак “Яныңа агылам” җырын башкарганнан соң аңлашылмаучанлык булды. Бергә җырламый башладыгыз. Бу мәсьәләне интернетка чыгармыйча гына хәл иттегезме әллә?

​— Бөтен низагны да халыкка чыгарырга кирәкмәс дип уйлыйм мин. Минем төп максат – иҗат белән шөгыльләнү. “Һәр пиар – пиар” дигән белән килешмим. Мин тавыш-гауганы гомумән яратмыйм. Нәрсә белән дә булса килешмәсәм үз фикеремне әйтәм, “шалт” иттереп ишекләрне ябып куям, ләкин зурга жибәрмим. Мин кызу кеше, үзегез беләсез, дөреслек яклы мин.

— Ландыш Нигъмәтҗанова татар эстрадасы алга да бармый, артта да түгел. Артистларыбыз сүздән, гайбәттән, ниндидер адымнардан курка. Шуңа күрә, без шул бер дәрәҗәдә басып торабыз. 50 ел эчендә аранжировкалар гына үзгәргәндер, дип белдерде. Бу фикер белән килешәсезме?

— Эстрада бөтенләй дә үзгәрми түгел, үзгәрешләр бар.

— Татар җыр сәнгатенең легендар җырчылары башкарган җырларны яңартып, үзгәртеп җырлауга мөнәсәбәтегезне беләсе иде. “Үзгәреш җиле” бер төрле үзгәртә, аерым җырчылар үзләренчә. Кемдер стадионнар җыя, кемдер 80 миллион сум дәүләт акчасына “үзгәреш” кертергә маташа…

— Элеккеге җырларны үзгәртеп җырлау, каверлар белән генә җырчы булып йөрү кызык түгел, минемчә. Тамашачы андый җырларны башкаручыларның үзләренә түгел, ә җырның беренче башкаручысына кул чаба дип уйлыйм. Үз репертуарыңны булдыру кирәк.

“Үзгәреш җиле”н Татарстанда башка артистлар ясый аны. Хәким, Нурминский, Said Olur, “Гауга”. Авторалардан Нур Амстердам, Артур Җамалетдинов. Алар бар, барысын да әйтә алмыйм хәзер. “Үзгәреш җиле” шәп идеялы проект ул, ләкин анда яңа автор җырлары башкарырга кирәк минемчә, яңа исемнәр белән.

Кайсылары тез башы ертык джинсы киеп, 80нче еллар стилендә язылган аранжировка белән җырны бизәүне яңа сулыш, үзгәреш дип бутый. “Fuck you” дип язылган куртка белән татар сәхнәсенә чыгу да текәлекне күрсәтми, тәрбиясезлекне, наданлыкны гына күрсәтә. Ләкин нишләптер моңа игьтибар итүче юк.

— 4 ел элек иҗатташ дусларыгызны җыеп концерт үткәргән идегез, алга таба аерым тамашаларыгыз булачакмы, әллә продюсерлыкка төп көчегезне куячаксызмы? Якын айларда сезнең тарафтан иҗади яңалыклар булачакмы?

— Иҗат кичләре ясау планда бар, әмма продюсерлыкка бик күп вакыт, көч китә.

Запись Гүзәлия: “Fuck you” дип язылган куртка белән татар сәхнәсенә чыгу текәлекне күрсәтми впервые появилась Tatar Today - татар яңалыклары..

Күптән түгел Казанда беренче концертын куйган татар эстрадасының яшь һәм талантлы җырчысы, TMTV-2018, Татар җыры-2018 премиясе иясе, 22 мартта Мәскәүдә тәүге сольный концертын биргән Хәким “Ел ташкыны” номинациясендә җиңде. Сәхнәдә ул эпатаж образда “Бул гына” җырын башкарды:

Фото: Ютубтан скриншот

Запись Эпатаж Хәким эстрадага “ташкын” булып бәреп керә [видео] впервые появилась Tatar Today - татар яңалыклары..

Күптән түгел Казанда беренче концертын куйган татар эстрадасының яшь һәм талантлы җырчысы, TMTV-2018, Татар җыры-2018 премиясе иясе ХӘКИМнең Мәскәүдә сольный концерты узачак!
⠀
Хаким – хис-тойгылар, энергия һәм әлбәттә, вокал белән баетылган җырчы, татар яшьләренең яңа кумиры.
Ул үзен төрле музыка юнәлешләрендә сынап карый, музыкада креативлык һәм ихласлыкны өстен куя.
Аның “багажында” татар, рус һәм инглиз телләрендә композицияләр бар.

https://www.instagram.com/p/Buv4gtKgSfa/

“Алга таба барырга минем өчен барысын да эшләгән гениаль продюсерым бар. Татар эстрадасындагы иҗатымны рус эстрадасы белән бергә алып барырга дигән уйлар да бар. Җырланы рус телендә дә, инглиз телендә дә язабыз”, дип уртаклашкан иде Хәким Tatar today белән.

Проектның продюсеры – Гүзәлия
Гүзәлия – авторы-башкаручы, популяр татар хитларының композиторы.
«Болгар Радиосы», «ТАТАР Җыры», «TMTV» премияләре лауреаты.

View this post on Instagram

A post shared by Гузелия – 89150458787 (@guzelyi)

⠀
МӘСКӘҮдәге концертта тамашачыларны тере тавыш, җылы атмосфера, драйв һәм уңай кичерешләр көтә!

View this post on Instagram

A post shared by Муз. Ресторан "У Дяди Макса" (@udiadimaxa)

Кайчан?

▪22 март көнне 21:00
⠀
Кайда?

▪ “У Дяди Макса” рестораны
Адресы: Мәскәү шәһәре, ТРК Vegas Крокус Сити
⠀
▪Бәясе
Керү – 500 сум.
1 кешегә депозит – 1000 сум.
⠀
▪Билетларга заказ

+7 (916) 207-39-94
+7 (915) 045-87-87
⠀
▪Өстәлләгә заказ
+7 (495) 236-13-58 номеры яки әлеге сытама буенча http://udiadimaxa.ru/news/

Запись Хәким: “Алга таба барырга минем гениаль продюсерым бар” впервые появилась Tatar Today - татар яңалыклары..

Күптән түгел Казанда тәүге концертын куйган җырчы Хәким, тиздән Мәскәүдә чыгыш ясаячак. Сер түгел Хәким продюсеры Гүзәлия белән эшли. Аларның киләчәккә дә планнары зурдан икәнен Хәким Tatar todayга белдергән иде. “Алга таба барырга минем өчен барысын да эшләгән гениаль продюсерым бар. Татар эстрадасындагы иҗатымны рус эстрадасы белән бергә алып барырга уйлыйбыз. Җырланы рус телендә дә, инглиз телендә дә язабыз”, дип уртаклашкан иде Хәким.

Ә Гүзәлиянең киләчәккә планнары нинди соң, үзенең сольный иҗаты өстендә эшләячәкме, продюсерлык белән шөгыльләнүен дәвам итәчәкме? Әле сорауларга җавапны без Гүзәлиянең үзеннән сорадык.

“Хәзерге вакытта җырлыйм да, язам да. Бөтенесе бергә бара инде. Киләчәктә үземне күбрәк продюсерлык белән бәйлисем киләм. Минем яшем дә бара, сәхнәдә яшьләр, матурлар, талантлылар бик күп, аларга юл бирергә кирәк. Җыр язуга килсәк, кайчандыр мин дә яза аламам, дигән уй бар, чөнки һәр композиторның үз вакыты бар”, диде Tatar todayга Гүзәлия.

Башка композиторларга карап, әйтә алам, ниндидер билгеле бер вакыт аралыгында эшли дә, ул популяр була, күтәрелә, аны яраталар, аның җырларын җырлыйлар, ә аннары әкрен-әкрен генә сүрелә бара. Мондый хәл минем белән дә булачак, аннан куркырга кирәк түгел, мин аңа әзерлек алып  барам”, диде җырчы.

Яңа  җырчылар белән дә эшләргә теләге бармы икән дип тә кызыксындык. “Мин продюсер булырак әле өйрәнәм генә, аның нечкәлекләре бик күп икән. Әлегә әйтә алмый, көчем Хәкимгә генә җитә, ләкин планда бар”, дип уртаклашты Гүзәлия.

Соңгы арада продюсерлык мәктәбе ачу турында җырчылар арасында популярлашып киткән фикер Гүзәлиядә дә бармы икәнлеген белештек. “Андый амбицияләрем юк минем, җырчылар белән генә шөгыльләнергә исәп. Ә укыту, миңа калса, авыр эш ул. Үз өстемә андый зур вазыйфаны ала алмыйм мин. Минем укыта торган белемем дә юк, теләгем дә”, диде Гүзәлия.

Запись Җырчы Гүзәлия: “Мондый хәл минем белән дә булачак, аннан куркырга кирәк түгел” впервые появилась Tatar Today - татар яңалыклары..

28 февральдә танылып килүче яшь җырчы Хәкимнең Казанда тәүге концерты үтте. Концерт татар җырчылары өчен гадәти булмаган форматта, “Шутка-бар” банкетлар залында оештырылды.

Әлеге концерттан Tatar Today порталы махсус видеотапшыру әзерләде. Бу язмада Хәкимнең сәхнә артында нинди булуы, аның продюсеры Гүзәлия фикерен, Хәкимнең Айгөл Рәхимова белән мөнәсәбәтләре, иҗаты турында башка яшь җырчыларның ни уйлавын ишетә аласыз.

Хәкимнең продюсеры Гүзәлиянең сүзләренә караганда, әлеге концерт Хәкимнең иҗаты белән таныштыру, нинди икәнен күрсәтү максаты белән оештырылган, шуңа күрә концертың исемен дә “Хәким”, дип атаганнар.

Концертны Хәким рус телендә алып барды. Сәхнә артында безгә татар телен ныклап өйрәнү өстендә эшләвен әйтте. “Мин татар телен яхшы беләм дип әйтә алмыйм, ләкин һәрвакыт баетырга омтылам. Татар телендә китаплар укыйм, сөйләшергә тырышам”, диде Хәким.

Хәким татар эстрадасыннан Салават Фәтхетдинов, Айдар Галимовның җырларын белә, әмма күбрәк чит ил җырларына өстенлек бирә икән. Татар һәм урыс телләрендә генә җырлап калмыйча, чыгышы барышында инглиз телендә махсус аның өчен язылган җырны да тәкъдим итте.

Интервью барышында Айгөл Рәхимова белән мөнәсәбәтләренә дә ачыклык кертте. “Айгөл Рәхимова чибәр, мөлаем кыз. Миңа матур кызлар ошый, бу бик  яхшы”, дип белдерде Хәким.

Җырчының киләчәккә планнары зурдан. “Алга таба барырга минем өчен барысын да эшләгән гениаль продюсерым бар. Татар эстрадасындагы иҗатымны рус эстрадасы белән бергә алып барырга дигән уйлар да бар. Җырланы рус телендә дә, инглиз телендә дә язабыз”, дип уртаклашты Хәким.

Җырчының продюсеры Гүзәлия Хәким белән эшләү дәверендә күбрәк репертуарга кагылышлы мәсьәләләрдә бер-берсен аңламаган вакытлар булуын әйтте. “Бераз сүз көрәштереп алган чаклар була. Кайвакытта җырны алганда мин аңлап, кабул итеп бетерә алмыйм, ә Хәким: “Шәп җыр”, ди яки киресенчә, мин “Шәп җыр”, дим, ә ул: “Нәрсә инде бу?”, ди”, дип белдерде Гүзәлия.

Концертта татар эстардасының яшь җырчылары Айгөл Рәхимова, Лилия Хәйруллина, Миләүшә Сафина, Сөмбел Билалова, Ләйсән Басыйрова да бар иде.

Айгөл Рәхимова Хәким белән дуэт башкарса, Лилия Хәйруллина һәм Милүшә Сафина Хәкимнең иҗатын үз иткәнгә, чыгышын карарга килгән.

Хәким белән дуэт яздырырга Айгөл Рәхимова үзе тәкъдим иткән. “Минем концертыма язылган махсус җыр иде бу. Мин Гүзәлия һәм Хәким белән элемтәгә кереп, алардан рөхсәт сорадым. Халык бу җырны яхшы кабул итте, яратты”, диде Айгөл Рәхимова.

Хәким белән мөнәсәбәтләренә килгәндә, “Беренче чиратта, без иҗатташ дуслар, әлбәттә, без коллегалар. Менә шул”, дип белдерде җырчы.

Лилия Хәйруллина Хәким белән берничә ел таныш икән. “Хәким белән сөйләшүләре дә рәхәт. Безнең уртак тел бар. Аның белән дә, Гүзәлия белән дә бер-беребезне яхшы аңлыйбыз. Музыкага, эстрадага каршаларыбыз бер. Хәкимне мин хөрмәт итәм, анда перспектива күрәм”, диде Лилия Хәйруллина.

Хәким белән дуэт яздырып, бергә чыгышлар ясарга да теләге бар Лилия Хәйруллинаның. “Мин эксперементларга һәрчак әзер. Хәким белән дуэт җырларга теләгем бар. Киләчәктә берәр җыр килеп чыкса, мин шат булыр идем. Ләкин бу җиңел эш түгел, без моңа бик җаваплы карыйбыз. Кирәкле җырны табу, стильләрне, тавшларны, җырлау манерасын  туры китерү кирәк. Киләчәктә булыр дип, ышанып калам. Андый артист белән эшләү, бәхет ул”, дип сөйләде Лилия Хәйруллина.

Миләүшә Сафинага да Хәкимнең иҗаты якын булып чыкты. “Җырлары гына түгел, сәхнәдә үз-үзен тотышы, җырларны җиткерә белүе ошый”, диде. “Дуэт тәкъдим итсә, бик сөенеп, тиз ритмлы, энергияле берәр матур җыр башкарыр идем”, дип уртаклашты җырчы Миләүшә Сафина.

____________________________________________________________________________________

Видеотапшыруны Tatar Today иҗат төркеме әзерләде. Җитәкче – Рөстәм Исхакый, журналист Гүзәл Гыйбадуллина, видео Эльвира Гыйбадуллина

Tatar Today порталы җырчыларның концертларыннан фото-видео репортажлар, махсус видеотапшырулар ясый, яңалыклар яза.

Кем үзен күрергә тели шалтыратыгыз, элемтәгә керегез! тел: 240-24-99 

СЕЗ БЕЗГӘ ЯРДӘМ ИТӘ АЛАСЫЗ – https://money.yandex.ru/to/410017377157443

WhatsApp: +7966-240-24-99 (Сбербанк Онлайн)

Запись Хәкимнең Казанда концерты ничек үткән? Гүзәлия Хәким белән әйткәләшәме? Айгөл Рәхимова белән мөнәсәбәтләре нинди? [видеотапшыру] впервые появилась Tatar Today - татар яңалыклары..

Җырчы Хәким 28 февральдә Казанда узачак тәүге концертына ныклап әзерләнү белән мәшгуль. Әлеге вакыйга алдыннан без Хәкимнең үзе белән аралашып, хис-кичерешләрен, киләчәккә планнарын белештек, аның өчен борчылып, ярдәм итүчеләре хакында сораштык.

Бу концертта җырлар өч телдә һәм төрле стильләрдә яңгыраячак. Хәким бары тик тере тавыш, моң, үзенчәлекле энергетика белән шаккатырмакчы була.

Мондый концерт оештыру Хәкимнең күптәнге хыялы булса да, ул аны хәзер максатка ирешүнең бер баскычы, иҗаты белән якыннан таныштырырга ярдәм итүче бер адым итеп кабул итә.

“Зур дулкынлану хисе белән тәүге концертымны көтәм. Сәхнә артында минем өчен күбрәк продюсерым Гүзәлия борчыла, ә өйдә әти-әни”, дип сөйләде Хәким Tatar-todayга. Авыр чакларында дөрес киңәш бирүче, һәрвакыт ярдәмгә килүче дә нәкъ шушы кешеләр икән. “Алар минем иң якыннарым”, дип уртаклашты Хәким.

Алдагы планнары да иҗат белән бәйле. Яңа җырлар яздырырга, клип төшерергә уйлыйлар. Хәзерге вакытта Мәскәүдә узачак концертына әзерлек бара. Шулай ук Хәким ТМТВ премиясенә дә номинант, аңа әзерләнү өстендә дә эшлиләр.

https://www.instagram.com/p/BtwR1RmHjGE/?utm_source=i..

Проект продюсеры @guzelyi , саунд-продюсер @zamaletdinovartur

Хәкимнең 28 февральдә Казанда узачак концертына санаулы билетлар калган. Алып калырга ашыгыгыз. “Шутка-бар” банкетлар залы Әхтәмов урамы, 1

Белешмәләр өчен телефон 2251770, 8(987)2251770

Запись Җырчы Хәким Казаннарны гаҗәпләндерергә тели, төп ярдәмчеләрен атады впервые появилась Tatar Today - татар яңалыклары..

Тормышының авыр вакытында, алга таба нәрсә эшләргә дигән уйлар борчыганда, аның юлына Хәким очрый. Хәкимнең тавышын ишеткәч, ул бөтенләй башка стильдәге җырлар яза башлый. Ләкин киләчәген ул композитор буларак түгел, ә продюсер буларак күрә, чөнки һәр композиторның үз вакыты була, иҗат чишмәсе кайчан да булса бер саегачак дигән уйлар, аны продюсерлыкка алып кереп китә. Хәкимне беренче күргәч тә, ул аны мажор дип уйлый. Ә инде танышып киткәч, бергә җырлар яздыра башлагач, ул бөтенләй башка яклардан ачыла. Яшь кенә егетнең шундый тәртипле, акыллы булуын күргәч, ул аптырап кала, исе китә.

Алар бергә эшли башлагач, халык иң беренче чиратта Гүзәлия белән Хәким арасында мәхәббәт хисләре булу булмауны тикшерә башлый. Ә Гүзәлия чыннан да Хәкимгә гашыйк булуын яшерми, әйе гашыйк ул аңа, аның тырышлыгына, аның тавышына гашыйк, шулай булмаса бергә эшли дә алмаслар иде, иҗат кешеләре бит алар, аларга һәрвакыт илһам кирәк.

Хәкимне ул улы кебек якын күрә. Ә ире бу хакта нәрсә уйлый икән соң, ни дисәң дә алар Хәким белән күп вакытларын бергә уздыралар, гастрольләргә йөриләр, хатынының яшь егет янында булуына каршы түгелме икән ул? Гүзәлия үзе болайрак җавап бирә: «Ә менә мин иремнең эшендә матур хатын-кызлар белән эшләвенә ничек карыйм соң? Ул көн саен алар белән, мин бит белмим аның ни эшләп йөргәнен. Ләкин безнең арада бер-береңә ышану дигән әйбер бар, шуңа мин Хәким белән эшли башлагач, проблемалар булмады».

Автор: Г.Хәлиуллина, Сәхнә

Запись Гүзәлия: «Әйе, мин Хәкимгә гашыйк…» впервые появилась Tatar Today - татар яңалыклары..

– Лилия, синдә нәрсә үзгәрде?

– Дөньяга карашым, иҗатыма карата фикерем һәм сәхнәдәге образым үзгәрде.

– Тамашачыны нинди шоу белән шаккаттырмакчы буласың?

–  Әле моңарчы татар эстрадасында булмаган үзенчәлекле концерт белән. Элек мин башка җырчылар кебек күп халыкчан стильдә иҗат итә идем. Шушы бер төрлелек туйдырды һәм үзгәрергә булдым. Концертта яңгыраячак җырлар, минем киемнәрем, сәхнәдә куелачак биюләр барысы да үзгә хәзер. Сәхнә куелышына аерым игътибар бирдек.

– Нурминский белән дуэт башкарасызмы?

– Әйе, яңа җыр. Тиздән әзер булачак, көтәбез.

– Ничек таныштыгыз?

– Аның иҗаты кызыклы тоелды. Егетнең үз юлы, үз стиле, фикере бар. Дуэт җырлап карыйк әле, дип яздым.

View this post on Instagram

A post shared by 🅻🅸🅻🅸🆈🅰️ 🅺🅷🅰️🅸🆁🆄🅻🅻🅸🅽🅰️ (@liliya_khairullina_official)

– Альберт, Лилия сиңа язганчы аны белә идеңме?

– Юк. Мин татар эстрадасы белән танышып кына киләм әле. Җырчыларны аз беләм.

– Кемнәрне беләсең?

– Салават абыйны, Элвин Грейны, Илназ Гариповны…

– Татар сәнгате белән кызыксынмавыңны әйттең. Җырчыларны да, җырларны да белмим, дидең. Сиңа яшәргә дә, иҗат итәргә дә җиңел, миңа калса, чөнки сиңа барыбер. Әгәр син элеккеге җырчыларны белсәң синдә комплекс барлыкка килер иде, шулаймы?

– Әйе, шулай. Мин татар җырларын белмим, тыңламыйм, алар минем өчен үрнәк түгел. Миңа ул җырчыларны белү кирәк тә түгел иде. Аларның үз юлы, минем үземнеке. Үземә ничек ошый шулай иҗат итәм. Миңа лайк куегыз әле, репост ясагыз әле, дип дусларга ялынып утырмыйм. Кемгә ошый шул тыңлый минем җырларны.

– Милли азатлык турында җырлар булачакмы?

– Минем уйлавымча, хәзерге яшьләргә әлеге тема бөтенләй кызык түгел. Чөнки тормышлар яхшы, тамак тук, рәхәт заманда яшибез. Хәзер яшьләргә нәрсә кирәк? Клубларда ял итү, кызлар, егетләр, яхшы машина, яхшы кием. Аларга татарның милләте кирәк түгел. Мин ул җырны язсам да, “Шәп, шәп җырлыйсың, тавышың матур” – дип кенә әйтәчәкләр. Бетте. Җырның темасы, мәгънәсе алар өчен мөһим түгел.

– Татарда мондый юнәлешләр озак яшәми, кызганыч. Синең дә иҗатың кайчан да булса сүнәчәк, аңлыйсың бит?

– Әйе, килешәм.

– Банкетларга йөрисеңме?

– Булгалый.

– Сине туйларда чыгыш ясарга еш чакыралармы?

– Әйе, хәзер яшьләр күп өйләнешә. Россиянең башка төбәкләренә дә чакыралар. Тик миңа туйларда җырлап йөрүне тыялар. Берничә җыр җырлар өчен генә үземнең дә барасы килми.

– Элвин Грейныкы шикелле яшерен продюсерың бар мәллә?

– Әйе, бар.

– Гүзәл Уразова белән Элвин конфликтына ни диярсең? Кем яклы син?

– Миңа барыбер. Нәрсә бүлүләрен дә белмим. Азагы яхыш бетсен. Бу безгә автор-башкаручы буларак сабак булды.

– Лилия, әлеге концертны оештыру күпмегә төшә? Чыгымнарны кем күтәрә?

–  Әйтә алмыйм, санап утырган юк. Барлык чыгымнарны да үзем күтәрәм.

– Ничек уйлыйсың, бу концерттан акча эшли алачаксыңмы?

– Белмим, чыгымнарны каплый алсам иде әле.

– “Мин Үзгәрдем SHOW“ белән гастрольләргә дә чыгачаксызмы?

– Әлегә әйтә алмыйм. Халык монысын ничек кабул итә бит әле…

 Юлия Насыйбуллина //Tatar-today.ru//

Запись Лилия Хәйруллина үзендәге үзгәрешне, Нурминский белән нәрсә бәйләвен яшермәскә булды [интервью-видео] впервые появилась Tatar Today - татар яңалыклары..