23 февраль – ир-егетләр бәйрәмендә, билгеле бер татар егетенең кызыклы тормыш юлын берничә сериядән торган видео тапшыру аша таныштырырга булдык. Автор-башкаручы, җырчы Илназ Гарипов белән тулы бер көн йөреп, аның узган гомер юлын күзалларга тырыштык.

Артист кешенең тормышы җиңел, дип әйтүчеләр шактый, ә син көн саен юлда йөреп кара әле? Барлык мәсьәләләрне руль артында була торып чишеп кара, хәтта тормышта булган көтелмәгән хәлләрне дә. Әлеге видеода, автор-башкаручы, татар эстрадасында Ska-Punk музыка стилендә бердәнбер иҗат итүче җырчы Илназ Гарипов, балачагы үткән авылы — Арча районы Хәсәншәехка юл тота. Әйдәгез бергәләп, Илназның көндәлек ритмына кереп, аның белән бер көн үткәрик әле. Илназ машинада барганда нинди җырлар тыңлый, ничек концертларга әзерләнә, ЮХИДИ хезмәткәрләре белән нинди мөнәсәбәттә, ришвәт бирәме? Илназны тәрбияләп үстергән 82 яшьлек әбисе Рәзинә нинди эшләргә оста? Җырчы үзе укыган мәктәбендә кайсы кабинеттан куркып йөргән? Моның барысын да әлеге видеода күрә аласыз.

ДӘВАМЫ БАР…

Запись “Өч ел элек әни…”- Илназ Гариповның бер көндә узган гомеренең иң нечкә кылларына тидек [#1 серия] впервые появилась Tatar Today - татар яңалыклары..