Архивы Шереметьево - Tatar Today - татар яңалыклары.

Мәскәү аэропортында калган балаларның тормышы ничек хәл ителде?

Alina — Wed, 29 Jan 2020 09:18:25 +0000

Профилактика органнары системасы белгечләре әтиләре Мәскәүнең Шереметьево аэропортында ташлап калдырган балаларны кире туган якларына, Амурдагы Комсомольск шәһәренә кайтарырга тырышачак. Малайларны, әти кеше белән әниләреннән тыш, әби белән бабай да үзләренә алырга теләк белдергән. Бу хакта Хабаровск краеның халыкны социаль яклау министры Светлана Петухова хәбәр итте.

26 гыйнварда 41 яшьлек ир үзенең биш һәм сигез яшьлек уллары белән Хабаровск–Мәскәү авиарейсы белән Шереметьево аэропортына килә һәм анда балаларын калдырып китә. Әтиләре улларының рюкзагында туу турында таныклыкларын һәм аларны сыендыру үтенече белән язу калдырган. Ир финанс кыенлыклар аркасында балаларны вакытлыча карый алмавын, соңрак килеп алачагын язган.

Билгеле булуынча, полиция хезмәткәрләре балаларның башта әнисен тапкан. Хабаровск краенда Бала хокуклары буенча вәкил Виктория Трегубенко белдерүенчә, хатын ире белән берничә ел элек аерылышкан. Шул вакыттан бирле ул аның белән дә, уллары белән дә элемтәдә тормаган.
Дүшәмбе көнне малайларның әтиләре дә табылды, ул үзе тикшерүчеләр янына килгән.

Светлана Петухова белдерүенчә, балаларны атна ахырына кадәр төбәккә алып китәргә тиешләр. “Профилактика системасы учреждениеләре белгечләренең төп бурычы — балаларны гаиләгә кайтару. Малайларның әниләре яклап әбисе һәм бабайсы бар, алар үзләренә алырга әзер булуларын белдерде. Анда шартлар яхшы, — ди ул.

Мәгълүмат Кызыл Таң

Запись Мәскәү аэропортында калган балаларның тормышы ничек хәл ителде? впервые появилась Tatar Today - татар яңалыклары..

“Мин куркып калдым” – Мәскәү аэропортында улларын калдырган ата җавабы [видео]

Alina — Tue, 28 Jan 2020 13:25:46 +0000

Тикшерү комитеты Шереметьево аэропортында ике баланы ташлап калдырган 41 яшьлек Виктор Гавриловның видеосын тәкъдим итте. Ир-ат улларыннан гафу үтенә, аларны яратуын әйтә һәм бу гамәләнең сәбәбен аңлата.

“Мин куркып калдым. Аэропортта кешеләр, полиция хезмәткәрләре күп булганга, сезгә куркыныч янамавын белеп, сезне калдырып киттем. Мин яхшы эшкә урнашып, кире сезнең яныгызга кайтырга уйладым. Бу гамәлгә бары тик сезгә яхшы тормыш бирергә теләгәнгә генә бара алдым,”- дип сөйли ир-ат.

Билгеле булганча, 26 гыйнвар көнне Виктор Гаврилов Шереметьево аэропортында 5 һәм 8 яшьлек улларын калдырып китә. Малайларның үзләре белән бөтен документларыннан тыш, әтиләреннән аңлатма хаты да була. Ир-ат балаларын тәэмин итә алмау сәбәпле, аларны ташлап китүен аңлата.

Малайларның әниләре алардан аерым яшәгән, ире һәм уллары белән элемтәдә тормаган. Әмма бу вакыйгадан соң, ул балаларын үзенә алырга теләк белдергән.

Мәгълүмат Бизнес Online

Запись “Мин куркып калдым” – Мәскәү аэропортында улларын калдырган ата җавабы [видео] впервые появилась Tatar Today - татар яңалыклары..

Шереметьевода самолеттан пассажирларны эвакуациялиләр: зыян күрүчеләр бар [видео]

Лейла — Fri, 19 Jul 2019 09:41:33 +0000

19 июльдә Шереметьево авиакомпаниясенең Мәскәү-Ереван рейсы пассажирларын самолет бортыннан эвакуацияләве билгеле булды. Эвакуация вакытында сигез кеше зыян күргән. Аларның икесе хастаханәгә салына.

Шереметьево да N477 рейсы якынча 01:00 күтәрелә башлый башлады, әмма салон эчендә төтен чыга башлый, дип хәбәр итәләр. Самолет командиры җир өсте хезмәтләренә штаттан тыш хәл турында хәбәр итә. Бортта янгын булмады,дип ассызыклыйлар Шереметьевода. Бортта барлыгы 173 пассажир һәм алты экипаж әгъзасы булган, дип хәбәр ителә.

Чыганак: ТАСС

Запись Шереметьевода самолеттан пассажирларны эвакуациялиләр: зыян күрүчеләр бар [видео] впервые появилась Tatar Today - татар яңалыклары..