Күптән түгел Марсилия инстаграм аккаунтында үзе үстергән чәчәкләр янында төшкән фотосын урнаштырды. Без җырчының буш вакытларында тагын ниләр белән шөгыльләнүен ачыклар өчен, элемтәгә кереп, әңгәмә корып алдык.

 – Марсилия, эштән, иҗаттан бушаган арада, вакытыгызны ничек уздырасыз? Яраткан шөгылегез нинди?

– Яраткан шөгыльләремнең берсе – өйдә үзем тәрбияләп, гөлләр үстерәм. Иртән уянгач, иң беренче эш итеп, чәчәк атып утыручы гөлләрем янына ашыгам. Алар минем һәр тәрәз төбемдә һәм махсус гөлләр үстерергә дигән максат белән җылытып, эчтән тышлатылган балконымда иркенләп үсеп утыралар.

View this post on Instagram

A post shared by Марсилия (@marsiliya_official)

– Гөлләр яхшы үссен өчен, алар белән сөйләшергә кирәк, диләр, Сез сөйләшәсеме? Гөлләр үстерүнең нинди серләрен беләсез?

– Һәрбер гөлне аерым хәстәрләргә, карарга, ашламалап торырга кирәк. Шул вакытта гына ул сине үзенең купшы, аллы-гөлле чәчәкләре белән сөендерә. Әлбәттә, мин алар белән сөйләшергә яратам, җырлап та алам, гөлләр мине тынычландыра, кәефне күтәрә.

– Ялгышмасам өйдә этегез дә бар бугай. Ул ничә ел Сезнең белән? Нинди һөнәрләре бар?

– Әйе, Малыш исемле асрамага алган этем бар. Без аны балалар белән чыгып, базардан, кеше кулыннан сатып алган идек. Бу көчек үзенең акыллылыгы, матурлыгы, тынычлыгы белән (юкка-барга өрми) үзен бик тиз яраттырды. Унберенче елын яши инде, бик күп сүзләрне аңлый, һәрберебезнең кәефен, характерын чамалый. Аннары ул, бөтенесенә дә түгел, кайбер җырларга кушылып, үзенчә улап жырлый да. Бу этебез безнең гаилә әгьзасенә әйләнде. Әлбәттә, ул да игътибар сорый, вакытында ашатырга, иртә-кич урамга алып чыгарга, юындырып торырга кирәк.

View this post on Instagram

A post shared by Марсилия (@marsiliya_official)

– Тагын нинди шөгыль күңелегезгә ята? Ә нәрсә белән шөгыльләнә алмас идегез? Мәсәлән, парашюттан сикерер идегезме?

– Сәхнә кешесенә гел үзен карап торырга, формада булырга кирәк. Сәхнә матурлыкны ярата. Әмма яшь барган саен, үзеңне формада тоту авыр бирелә башлый. Болай да вакыт булганда спорт залларына йөрештергәли идем, бервакыт, чыгыш ясар алдыннан, яратып кия торган күлмәгемә үземне көчкә генә бөкләп тыгарга туры килгәч, икенче көнне үк спотзалга, дип сүз бирдем.

Спортның “көч кую” (силовая тренировка) төрен сайладым. Бу спорт төре гәүдәне һәм мускулларны үстерә, ныгыта. Баштарак үземне көчләп, ихтияр көчен җигеп кенә йөрдем, ярты ел узгач, бу минем чынлап торып яраткан шөгылемә әйләнде. Нишләп моңарчы йөрмәгәнмен икән, дип үкенеп куйдым.

Әлбәттә үз белдеклелегем белән түгел, профессиональ тренер өйрәтүе, күзәтүе астында бара тренировка, шулай итеп спорт белән дә дуслаштым.

Мин чыннан да парашюттан сикерә алмас идем, бик тиз башым әйләнә, карусельләргә дә утырырга яратмыйм.

– “Булмый модасыз яшәп”, дип җырлыйсыз, тормышта брендлы әйберләр белән кызыксынасызмы? Мода буенча киенәсезме?

– Мода дип, минем алай исем бик китми. Кеше кия дип, берничек тә, тишекле джинсы кия алмыйм. Матур, зәвыклы киенергә яратам, әлбәттә, күберәк сәхнә өчен. Тормышта гади, уңай, җылы киемнәр сайларга тырышам. Нинди генә кием кисәң дә, ул иң беренче чиратта, үз гәүдәңә ятышлы булырга тиеш дип уйлыйм.

Запись Җырчы Марсилия 11 ел кемне асырый? Иртән тору белән кая ашыга? [әңгәмә] впервые появилась Tatar Today - татар яңалыклары..

ДӘВАМЫ…

БАШЫ МОНДА Филүс Каһиров «алтын тавыш» иясе диюгә, Сабантуйларга фикерен белдерә. Җаваплары безне гаҗәпләндерде | Tatar Today – татар яңалыклары.

Менә сөйләп тә торасыз Филүс! Күпме мәртәбәле конкурслар лауреаты, лаеклы исемнәр һәм гадилек. Димәк бүген сүзебез, гадилекне кем ничек аңлый? Дустын бел диләр иң алда сөйләр кешеңнең, ә бу очракта мин инде кумирларын белик әле Филүснең дип әйтәсем килә.

Кайда гына булмасын, Рәшит Ваһапов, Хәйдәр Бигичев кебек бөек моң ияләре аның телендә. Бик күп җырчыларның тормышында якты эзләрен калдырган бу аһәңле җырчыларның һәр киңәшен васыять итеп кабул итеп алган Филүс Каһиров үзенә. “Мин алар барган юлдан атлыйм, тик аларны кабатламыйм!”. Җир йөзендә ике Филүс булмаган кебек, ике Хәйдәр Бигичев та булмасын бик яхшы аңлый җырчы. Җырчының бөеклеге – аның гадилегендә! Шулай булгач, Филүс кебек гади булудан курыкмагыз иптәш җырчылар, тик “гади булам диеп, тамашачы белән җырчы арасында аралык булырга тиеш икәнлеген берүк онытмагыз”. Бу да җырчы сүзләре.

− Тамашачыдан бикле тормыш булырга тиешме дигән соравыгыз бик ошады әле. Бу мәсьәләдә мин тагын үз фикерем белән яшим. Беләсезме, артист тормышы болай да күз өстендә каш кебек, көне-төне халык игътибарында. Итәк җиңне җыеп йөрү дигән әйтем бөтенләй миңа кагылмый кебек. Ничек бар, мин шундый. Халык алдына мин җырчы булып чыгам. Шәхси тормышым турында артык сөйләргә яратмыйм: гаиләле, балалар үсә, өйдә, Аллага шөкер, тәртип! Үзебезнеке генә булган шәхси тормыш дип аңлыйм гаилә тормышын.

View this post on Instagram

A post shared by Певец Эстрада Гастроли (@kagirov.filyus)

− Афишалардан соңгы араларда, төшеп кала башлаган бик тә кирәкле бер сүзне эзләп карыйк әле бергәләп Филүс?Җырчының исеме язылган, фотосы беркетелгән афишалар хәзер искитмәле. Баннерлар әллә каян, ерактан тамашага чакырып тора. Әмма бу җырчының концертын кем алып бара? Шул сорау борчый иде тамашачыны элек.  Җырчыны һәм аның белән җитәкләшеп диярлек йөрегән конферансьены көтә торган иде тамашачы.

− Кирәкле сорау, урынлы сорау. Соңгы 2-3 елда безнең афишада да югалды кебек бу сүз. Башка җырчылар бу сүзне эзләп тапкан кебек, мин дә эзләп таптым. “Җырчы+конферансье”. Ошыймы шулай? Башка артистлар кебек үзем турында кирәген сөйли алам кебек тоелды миңа да. Җырчы җырласын, телгә оста сөйләсен дисез дә, җырчылар да “тел бистәсе” дигән исемне бик тә кызу темплар белән яулап баралар. Рәхәтләнеп сөйлим җыр язылу тарихларын, юмор хисенә дә алай саран түгелмен, кирәк чакта рәхәтләнеп көлдерәм, кирәк чакта күз яшьләре чыгартам. Тамашачы алдында үземне иркенрәк тотарга мөмкинлек бирә менә шушы “конферансье” дигән сүзне үземә беркетеп кую!

View this post on Instagram

A post shared by Филюс Кагиров (@kagirov_filyusfun_official)

Ни дисең, җырчының теләге шундый, димәк бу сүзнең дә урынын таптык. Бу көннәрдә мин сезнең белән, иҗатыгыз, тормышыгыз белән яшәдем Филүс! Бөтенләй якын күреп белмәгән җырчы белән, телефон аша егерме минутлык сөйләшү нәтиҗәсендә, шулай да матур итеп гапләшеп утырып булган икән, рәхмәт сезгә. Киләчәк өчен вакламыйча саклагыз иҗатыгызны! Тормышыгызның халыкка кирәкле азмы-күпме иҗат битләрен ачтык сезнең белән!

Запись Филүс Каһиров: “Үзебезнеке генә булган шәхси тормыш ул…” [әңгәмә] впервые появилась Tatar Today - татар яңалыклары..

Төркем 4 егеттән тора.
Айназ Ахунов – әйдәп баручы вокалист, лидер.
Дамир Зиннәтуллин – вокалист.
Булат Нәбиуллин – рэпер, әйдәп баручы биюче.
Руслан Жакипов – вокалист.

Егетләр 2018 елның сентябрь аеннан башлап, көн саен студиядә вокал, хип-хоп, акробатика, актерлык осталыгы, сәхнә сөйләме, гомумфизик әзерлек кебек юнәлешләрдә шөгыльләнәләр. Шулай ук үз номерларын кую өстендә эшлиләр.

View this post on Instagram

A post shared by КАРАШ (@karash_official)

Төркемнең төп максаты: заманча сыйфатлы музыка аша балалар һәм яшьләр арасында татар телен популярлаштыру. Алар яшьләрнең татар телендәге җырларга карашын үзгәртергә, татар музыкасының заманча поп-музыка тенденцияләреннән калышмавын күрсәтергә тели. Шуңа төркеменең исеме дә – «КАРАШ» дип атала.

Шунысын да әйтеп үтәргә кирәк, күптән түгел егетләрнең “Шаян ТВ” каналында егетләр турында барган реалити-шоу тәмамланды, барлык чыгышлар да аларның ютуб каналында урнаштырылган.

“Караш” төркемен зур проектлар, планнар һәм үсеш көтә. Шуңа күрә аларга бишенче катнашучы кирәк. Әгәр синең әлеге төркем белән бергә эшлисең, иҗат итәсең килсә, аларга кушылырга ашык.

Моның өчен нибары түбәндәгеләрне үтәргә кирәк:

1. Инстаграм аккаунтына #КАРАШкастинг хэштегы белән җырлы видеоязмаңны куярга.

2. Анкета тутырырга һәм өстәмә фото-видеоматериаллар белән җибәрергә. Анкетага сылтама https://forms.gle/4hneMbUzceugkdUw5

3. Булган бар сәләтләреңне күрсәтергә.

Анкеталар 16 июньгә кадәр кабул ителә. “КАРАШ” нәкъ менә сине көтә!

Запись “ШАЯН ТВ” каналында реалити-шоудан соң, “КАРАШ” төркеме нигә кастинг оештыра? впервые появилась Tatar Today - татар яңалыклары..

Җырчы Гөлназ ханым Гафурова иҗаттан тыш, музыка мәктәбендә балаларга вокал дәресләре укыта, аларны чыгышларга, төрле конкурсларга әзерли. Бу юнәлештә эше белән тирәнерәк кызыксынып, җырчының үзе белән аралаштык. 

– Гөлназ ханым, үзегез генә җырлап калмыйча, балаларга да музыка дәресләре бирәсез икән?

– Әйе. Мин музыка мәктәбендә 10 елдан артык укытам. Вокал бүлегендә җыр дәресләре бирәм. Монда балалар җырларга гына түгел, үзләрен сәхнәдә тотарга, дөрес сулыш алырга өйрәнә, диафрагма өстендә эшли. Алар белән җырлар сайлап, репертуар туплыйбыз, бәйрәмнәрдә чыгышлар ясыйбыз, бәйгеләрдә катнашабыз. Алар минем барысы да халыкара конкурслар лауреатлары.

– Күптән түгел алар белән съемкаларда да катнашасыз бугай?

– Дөрес, “Шаян ТВ” каналы гимнын яздыру буенча музыкаль проект җитәкчесе Радик Сәлимов балалар хоры табуымны сорап, мөрәҗәгать итте. Монда “Туган тел” җырын кыска вакыт эчендә өйрәнеп, башкарырга кирәк иде. Күп кенә музыка мәктәпләре баш тарарттылар. Без, минем группадагы балалар белән, бу җырны 2-3 көн эчендә өйрәнеп, каналның съемкаларында катнаштык. Видеооператор Артур Баязитов белән клип төшердек.

Шунысын әйтергә кирәк, балаларның яртысы урыслар, татар телен бөтенләй белмиләр. Күбесенең татар телендә җырлаганнары да юк иде. Ләкин мине уңайсыз хәлдә калдырмас өчен, сүземне тыңладылар, бик тиз өйрәнделәр.

View this post on Instagram

A post shared by Гульназ Гафурова🌹Гөлназ ханым (@gulnazgafur)

– Әти-әниләр балаларын татарча җырлатуга каршы түгелме?

– Дөресен әйткәндә, мин укыткан музыка мәктәбе – урыс мәктәбе булып санала, әмма монда татар балалары да бар, алар татарча җырлый. Безнең монда хәтта татарча концертлар да уза, татарча конкурслар оештыралар.

Съемкаларда катнашкан сабыйларның да ата-аналары балаларына татарча җыр өйрәтүгә бик теләп риза булдылар, хәтта аларга өйдә кабатлатып, тизрәк өйрәтергә булыштылар, аларның хезмәте бик зур.

Мәктәптә эшләгәндә мин күп кенә ата-аналарның, киресенчә, балаларын татарча җырлатырга теләүләрен күрәм. Хәтта аптырап та китәм, бу мине бик сөендерә. Мәсәлән, татар балаларына татарча җырлар бирәсең дә, ә урысларга урысча бирергә тырышасың. Бу балаларның да әниләре: “Безгә татарча да бирегез, без өйрәнәбез”, дип мөрәҗәгать итәләр. Урыс балаларын да татарча җырлатам, Аллага шөкер.

Запись Ничек балаңны телевизорда җырлатырга? Җырчы Гөлназ Гафурова аша мөмкинлек ачыла [эксклюзив] впервые появилась Tatar Today - татар яңалыклары..

–        Айдар, сине бии белми дип әйтәләр, бию дәресләре ала башладың әллә?

–        Әйе, хәзерге вакытта бию белән дә шөгыльләнәм. Элегерәк кирәк дип тапмый идем. Күберәк вокалга басым ясадым. Артист кеше бар яктан да килгән булырга тиеш, дип уйлыйм, шуңа күрә, эстрада бию күнегүләрен дә үзләштерәм.

Кечкенәдән татар халык җырларын ишетеп, биюләрен биеп үскәнгә күрә, алар миңа якын. Ә эстрада биюләре минем өчен яңалык, авыррак бирелә. Без моның өстендә эшлибез, тырышабыз. Киләчәктә куйган максатларга ирешербез дип уйлыйм.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

–        Моңа кадәр бию белән шөгыльләнгәнең бар димәк?

–        Әйе, мәктәптә укыганда, сыйныфташлар белән, бик яратып, бию түгәрәгенә йөрдем. Ул вакытта халык биюләре белән генә шөгыльләндек. Хәзер инде алар да онытылып бара.

–        “Бәхет телим, шатлык телим” җырына чыккан клибың каршылыклы фикерләр уятты, нишләп татар җырына кавказ көе?

–        Төрле мәҗлесләрдә, туйларда кавказ музыкасын куйсалар, бөтен кеше биеп китә, мин татар, дип тормый. Моның бер начарлыгын да күрмим. Сәнгатьнең теле, милләте юк. Нишләп мин мондый мотивта җыр җырламаска тиеш? Ямьсез сүзләр әйтмим, сүгенмим, киресенчә, бәхет телим, шатлык телим, дип җырлыйм. Җыр – ул төрле булырга тиеш. Бу җырга кагылышлы бик күп уңай фикерләр дә җиткерделәр. Миңа калса, үзенчәлекле җыр.

View this post on Instagram

A post shared by АЙДАР РАКИПОВ (@aidar_rakipov)

–        Айдар, син кызларны талгын биюгә еш чакыра идеңме?

–        Иң беренче тапкыр талгын биюгә бер кызны лагерьда ял иткәннең соңгы көнендә чакырдым. Аннан соң, нишләп беренче көнне үк чакырмадым икән, дип уйладым. 7 классны тәмамлагач булды бу хәл. Аңа кадәр мине биергә кызлар үзләре чакыра иде, шат кына була идем, чөнки бик оялчан булдым. Минем өчен ул уйланылган адым булырга тиеш иде. Хәзер дә биюгә чакыруга җитди карыйм. Бөтен кеше белән дә биемим.

–        Ә Гөлназ Шакированы биергә чакырганың булдымы? Дискотекаларга йөри идегезме? Хәзер нинди мөнәсәбәттә сез?

–        Әйе, биегән булды, ә менә дискотекаларга йөргәнне хәтерләмим. Без бит аның белән җитди мөнәсәбәтләрдә идек, бергә иҗат иттек, клиплар төшердек.

Ул бик тәрбияле, акыллы кеше. Бергә уздырган вакытлар минем тормышымда бер матур хатирә булып калды. Әмма шулай язгандыр, юлларыбыз аерылды. Уртак дусларыбыз Гөлназ турында хәбәрләр җиткереп тора. Бүгенге көндә аның бар да яхшы, матур кыз үстерә. Интернетта бер-беребезне күзәтеп торабыз. Мин аның өчен бик шатмын.

Запись Айдар: “Аның белән уздырган вакытлар матур хатирә булып калды…” [эксклюзив әңгәмә] впервые появилась Tatar Today - татар яңалыклары..

Шушы көннәрдә Гүзәлиянең Фирдүс Тямаев белән уртак иҗат җимешләре – “Көт мине” дип исемләнгән дуэтлары дөнья күрде. Бу уңайдан җырчы Гүзәлия белән әңгәмә кордык. Аңа Фирдүс Тямаев белән эшләве авыр булганмы, үзенең иҗатында үзгәрешләр көтеләме икәнлеге хакында сораштык.

“Минем өчен Фирдүс белән эшләү бер яктан җиңел булса, икенче яктан авыр, чөнки аның характеры минекенә охшаган. Бер елмая, бер көлә, бер сүгеп ата. Мин үземнең яшемә, ул үзенең тәҗрибәсенә таяна. Шуңа күрә, ике мишәр, килешергә тырыштык”, дип уртаклашты Гүзәлия.

https://www.instagram.com/p/ByC8nCDIhXo/

Үзенең иҗатына килгәндә,  күптән түгел, “Бары тик” дигән яңа җыры чыккач, ул безгә: “Бер ел ярым җыр язганым да булмады, чыгармадым да, нишләптер халәтем шундый иде”, дип сөйләгән иде.  Хәзер Гүзәлиянең планнары арткан. “Үземнең иҗатымны да читкә куймаска иде. Менә яңа клип төшерегә уйлап йөрим”, диде җырчы.

View this post on Instagram

A post shared by Гузелия – 89150458787 (@guzelyi)

Дуэтларны җырчылар Гүзәлиягә үзләре тәкъдим итә икән. “Дуэтлар минем язмыш микән. Аларны шулкадәр күп сорыйлар. Күбесенә “юк”, дип әйтеп булмый, чөнки мин алар белән иҗатташ дуслыкта. Дуэтлар яздырасым килми, менә ничектер шулай туры килә”,  ди автор-башкаручы Гүзәлия.

Запись “Ике мишәр, килешергә тырыштык” – Гүзәлия Фирдүс Тямаев белән эшләү нечкәлекләрен сөйләде впервые появилась Tatar Today - татар яңалыклары..

Килер, барыбер бер килер, килми калмас дигән өметле уйлар белән, җәйне дә көтеп алдык. Мең-мең төрле мәшәкатьләре, яллары, тәмледән-тәмле җиләк-җимешләре белән, әллә каян куллар болгап чакыра кебек үз хозурына җәй. Нинди эшләр белән мәшгуль булмакчылар икән бу ямьле җәйдә артист халкы дигән уйлар белән, Казанда яшәп иҗат итүче Винарис Ильегет белән телефоннан сөйләшеп алырга уйладым.Әйе, сөйләшәсе килеп тора инде җәйге ялында синең белән, әллә кайчан диңгез буенда комда кызынып ятадыр дигән уйлар инде башта. Беркая да китмәгән, Казаныбызда икән Винарис!

– Нинди җәйге ял турында сөйлисез апа җаным? Артист халкы өчен җәй ул, җиң сызганып эшли торган вакыт. Үзем дә аптыраплар утырам әле, ничек бу эшләрне җиңеп чыгарга соң дигән уйлар да кереп алгалый башка. Әйдә сорадыгыз, җавап бирим әле бер рәхәтләнеп. Сабантуйлардан башларга инде җәйге эшне. Халык очрашулар, көрәш-йөгерешләр өчен көтсә сабантуйны, без һаман сәхнәдән җыр-моңнарыбыз белән ямьләп торабыз сабантуйларны. Кайда, кем килә икән диеп халык сабантуйдан Cабантуйга чаба. Безнең өчен бу мәртәбә инде!

View this post on Instagram

A post shared by Ведущий свадеб Казань (@vinaris_ilyeget)

Аның арасында туйлар, юбилейлар… “Йолдызлы хит-парад” үз эшен дәвам итәчәк. Елдагыча теплоходта концертлар бирү, яшьләр өчен урам дискотекалары оештыру − санап бетермәле түгел алда торган эшләрне.

– Бу сезнең көндәлек эшләрегез инде Винарис. Кеше киләчәк белән яши. Алга таба нинди уйлар йөртәсез бу акыллы башыгызда?

−Яңа сезонга нинди планнар белән яшәп ятуыбыз борчый ахры сезне?

− Шул-шул, үзем Башкортостаннан булгач, әллә быел да безнең якларга сугылмый гына, урап үтмәкче буласыз микән димен?

− Нәкъ өстенә бастыгыз, яңа сезонда беренче концертларыбызны нәкъ үзебезнең күршеләрдән, Пермь якларыннан башларга исәп тотабыз да инде. Ноябрь башларында без сезнең янда булачакбыз.

– Ниләр белән шаккатырмакчы буласыз соң күршеләрегезне?

− Ләйсән Мәхмутова белән бергә әзерләгән дуэтлар белән дисәм… Алар берничә булачак! Уйда Ләйсән белән берничә клип төшерү дә бар әле. “Туган тел” каналы белән берлектә Уфада концерт оештыру − төп максатыбыз.

View this post on Instagram

A post shared by Ведущий свадеб Казань (@vinaris_ilyeget)

−Чыннан да, Винарис, бу дуэтлар үзегез өчен генә түгел, бар тамашачы өчен ел ачышы булып тора дисәк тә, артык булмас бит. Үзен төрле жанрларда гел уңай яктан күрсәткән Ләйсән Мәхмутова белән дуэтыгызны халык бик яратып кабул итәчәк. Тамашачының игътибарын бигрәк тә сәхнә костюмнарыгыз җәлеп итә Винарис? Күпләр сәхнәгә гади генә футболкалар киеп чыкканда, сез..

− Мактану түгел, соравыгызга җавап кына бирәм, яме. Бу сәхнә костюмнарының хуҗасы − Казаныбызның данлыклы модельеры Рөстәм Исхаков. Миңа сәхнә костюмнары тегәр өчен генә яралган җан ул, бу дизайнер. Исән-имин эшләсен, яңа модельләр иҗат итсен.

Шаккатырлык әллә нинди планнары белән дә уртаклашмады кебек Ильегет, ләкин андагы дәрт, үз эше өчен янып-көеп яшәве, сөйләшергә иренмәве, телефон аша миңа да күчте бугай. Менә ичмасам Винарис, менә ичмасам артист дип сокланып утырам әле. Күпме ямь, тормыш матурлыгы бүләк итәргә җыена Винарис үз тамашачысына төркемдәшләре белән. Безгә бары “Афәрин Ильегет!” диеп, Башкортостанда да аның тамашаларын көтеп аласы!

Запись Винарис Ильегет: “Нинди җәйге ял инде ул безгә апа җаным?” впервые появилась Tatar Today - татар яңалыклары..

Күп сөйләшә. Кунаклар ярата. Баш­лангыч белемне Чаллыда, рус мәк­тәбендә алган, аннары сәүдә училищесын тәмамлаган. Балаларын “Инстаграм” битендә, социаль челтәрләрдә күрсәтми. Вакчыл, игътибарсыз ир­ләрне яратмый. Сатучы булып эш­ләгәндә андыйларны күп күргән, ахры. Ире белән дә кибеттә танышкан.

– Бүгенге көндә сине яраталар, җырларыңны тыңлыйлар. Синеңчә бу танылумы инде?

– Концертлар оештырганда афиша җибәрәбез, рәсемемне күргәч, “без бу җырчыны белмибез”, диләр. Ә телефоннарында минем җырлар тора. Җырларымны беләләр, үземне – юк. Менә бу нәрсә дип атала? Танылу түгелдер әле. Кайбер артистлар кисәк кенә, тиз генә күтәрелеп китә. Минем иҗат юлым ул яктан авыр булды, акрынлап үсәм. Ләкин ышанычлы адымнар белән барам дип уйлыйм.

– Эльмира, узган ел “Татарстанның атказанган артисты” исемен бирделәр үзеңә. Дәрәҗәле исем алыр өчен нәрсә эшләргә кирәк?
  
– Беренче чиратта тырышлык, зур хезмәт булырга тиештер. Тәгаен беләм, әгәр: “Халык артисты исемен алу өчен ярымчишенеп сәхнәгә чык”, – дисәләр, риза булмас идем. Шуңа күрә ниндидер танышлар, урау юллар белән алынган исем кирәк түгел миңа. Бу дәрәҗәле бәяне иҗатыма бирүләрен телим.

– Төп керем җырданмы синең, әллә тамадалык эшеннәнме?

– Бары тик концертлардан гына.

Автор: Альбина Гайнуллина 
Әңгәмәне "Акчарлак" газетасының 21 нче саныннан укый аласыз.

Запись Эльмира Сөләйманова: “Исем алу өчен ярымчишенеп сәхнәгә чык”, – дисәләр…” впервые появилась Tatar Today - татар яңалыклары..

Бу хакта ул «Говорит Москва» радиосында әйткән. “Кызның шанслары искиткеч һәм ул бик талантлы”, дигән продюсер.

Алсуның кызы катнашкан “Голос” бәйгесендә тавыш бирүнең бик үк дөрес булмавы ачыкланды.

“Беренче канал” әлеге бәйгенең махсус чыгарылышын әзерләгән иде. Анда барлык финалистлар да җиңүче дип игълан ителеп, аларга берәр миллион сум вәгъдә иттеләр. Алсуның кызы әлеге чыгарылышта катнашмады. Соңгы вакытта чыккан шау-шудан соң психологик җәрхәт алу сәбәпле катнашмады, дип фаразладылар моны.

Фото: скриншот

Запись Алсуның кызы карьерасында көтелмәгән борылыш впервые появилась Tatar Today - татар яңалыклары..

Күпләргә “Язларда табылдың сөйгәнем” җыры аша таныш Лилия Хаснулова, әлеге җыры белән хид-парадларда югары баскычларны яулап килә. Җырчы җәйгә иҗат белән бәйле нинди планнар корган? Кайда, ничек ял итәчәк? Бу хакта үзеннән сораштык.

“Җәйге планнарга килсәк, алар бик күп. Татарстанның төрле районнары Сабантуйларында чыгыш ясаячакмын. Эшлисе эшләр, яздырасы яңа җырлар көтеп тора. Планлаштырылган эшләрне бетергәч, җылы якка ял итәргә барачакбыз. Татарстанның Буа районындагы матур табигатьле авылга, дәү әти белән дәү әни янына да кунакка кайтачакбыз. Электән җәй көннәрендә барча туганнар очрашып, эшләргә, ял итәргә кайта торган гадәтебез бар.

Бакча эшләрен дә бик яратам. Кышка кирәкле җиләк-җимешләрне, яшелчәләрне, күнел өчен чәчәкләрне үзем утыртып үстерәм”, дип сөйләде җырчы Лилия Хаснулова.

View this post on Instagram

A post shared by Лилия Хаснулова 🎤(Певица РТ) (@lilia_hasnulova)

Запись Җырчы Лилия Хаснулова: “Электән гаиләбезнең мондый гадәте бар” впервые появилась Tatar Today - татар яңалыклары..