Җырчы Эльвира Хамматова “Татар кызы, татар егете – 2019” конкурсы турындагы сорауларга ачыклык кертте.

“Әлеге конкурс үтү белән 2 атна эчендә, мин юрист табып Мәгариф министрына хат юлладым! Совет районыннан ниндидер сәбәпләр аркасында шәһәр этабына 2 пар үтүен, балаларның су, өчпочмак эзләп йөрүләрен, чөнки буфет табын кору белән мәшгуль иде, дипломнар һ.б. хакында…
Шушы эшләр белән янып-көеп, балалар өчен үртәлеп, бу гаделсезлекне төзәтик, дип йөргән чакта барысының да чын йөзе күренде!

Мәктәп директорының “Татар кызы, татар егете – 2019” турында төн чыкканчы фикере үзгәргән, Мәгариф идарәсенең миңа “әйтер сүзләре” барлыкка килгән… Моңа кадәр белем бирү системасының бу кадәр “көчле” эшләвен белми идем… Ә иң тетрәндергәне, министрлыкка юланган хат астында кул куйган 5 коллеганың 4 сенә шалтыратып, “үз кулыгыз белән, үзегез теләп куйдыгызмы… эшсез каласыгыз киләме, дигән сүзләр булды.
“Сезнең өчен миңа оят”, дип язып чыкканнан соң, күп кенә гәҗит-журналларга үз фикеремне җиткердем. Искәндәр Сираҗи белән “Сираҗи сүзе” гәҗите өчен язма әзерләгәндә 2 сәгать буе бу хәлләрне сөйләп бетерә алмадым… «Эльвира кебек шактый тыныч холыклы ханым, тиктомалдан гына мондый хисле хат язмас… Димәк, җирлек бар һәм аның бу хакта чаң сугуы бик кирәк иде. Чөнки алдагы елларда да “Татар егете, татар кызы” бәйгеләреннән соң сүзләр шактый йөрде”, дип язып чыкты ул!

Миннән моны, күрәмсең, бер кем көтмәгән… Башка мәктәп укытучыларыннан директка килгән “дөрес әйтәсез, алга…” дигән хатлар көч биреп торса, Яңа ел алдыннан кинәт кенә педагог-организаторның эш сәгатьләре артып китеп, банкет, концертларга бара алмау минем бюджетка шактый сукты.

Ә хәзер уйлап карагыз, нәрсә өчен бу? Дөреслекне әйтеп, язып, балаларымның лаеклы икәнен җиткергәнем өчен!Мин зур өметләр баглаган хатка да анык җавап булмады , янәсе шулай булырга тиеш булган!
Әлеге “конкурсның” нәтиҗәләре кабат каралмый дип җавап юллаганнар…

Кыскасы, җавап билгеле иде… Тормыш “багажы” туплап, мәгариф өлкәсендә башка эшләмәячәгемне, үз балаларымның бер генә конкурста да катнашмаячагын аңлап мин эштән киттем. Мин башка укытучы да, бу гимназия кешесе дә түгел”, дип яза Эльвира Хамматова үзенең инстаграмында.

View this post on Instagram

A post shared by Ильвира Хамматова (@ilvirakhammatova)

Мәгълүмат Эльвира Хамматова инстаграмыннан

Запись Эльвира Хамматова: “Барысының да чын йөзе күренде…” впервые появилась Tatar Today - татар яңалыклары..

Җырчы Эльвира Хамматова да эстрадада булган соңгы хәлләргә бәйле үз фикерен җиткерде.

“Башлагач әйтеп бетерик инде… Эстрада да булган соңгы хәлләрне сез генә түгел, без дә күзәтәбез! Ландыш Нигъматҗанованың видеосына кушылып шактый гына артистлар үз фикерләрен җиткерделәр. Мине бу хәлләр читләтеп узды, чөнки 2014 елда мин компаниядән киттем. Тик менә Элвин Грейның кичәге тузга язмаган постыннан соң (язма) мин дә бу хәлләрдән читтә кала алмадым.

2004 елда Барс-Медиа компанмясе оештырган кастингта 200 кеше арасыннан 8 ен сайлап алып, зур хезмәт куйдылар! Ә мине Балык бистәсенең Социаль яклау бүлегендә эшләп йөргән җиремнән,тавышым үзенчәлекләрен ишетеп, тоеп, продюсером – Артемьев Радик Иванович иҗат юлымны “бер тиенсез” башларга ярдәм итте. Популяр җырчы итте!
Мин эстрадага 2007 нче елда «Ел ачышы» номинациясе белән килеп кердем. Ул вакытта яңгыраган “үлмәс хитым”(Яшьли сөйгән ярым) продюсерым дөрес сайлап тәкъдим иткән җыр! Гап-гади 19 яшьлек кыздан бәлки нидер өмет иткән диярсез… Тик бу миңа кагылмый!
Иң беренче очрашуга ук әнием миңа ияреп барып, Радик Ивановичка: “Безгә сәхнә арты “пычраклары” кирәкми, зур акчаларыбызда юк, артист ясый аласыз икән – эшләгез” – диде. Ул аңа каршы: “Апа мин сезне аңладым, мин аны юкка гына сайламадым, киләчәге өметле” – диде.
Менә шушы рәвешле дөрес башланган продюсер һәм артист арасындагы мөнәсәбәтләр бу!
Радик Ивановичны хәзергесе вакытта әллә нинди “язмыш уеннарында”гаепләп, тамашачының башын бутап игътибарны башкага юнәлтергә тырышалар. Әлеге кешенең өстенә ялган ялалар якканчы, ул әлеге компаниядә күпме йолдызлар кабызганын, никадәр талантлар ачканын, куйган хезмәтен белү өчен ким дигәндә Барс-Медиада 7 ел эшләргә кирәк, дип саныйм мин .Ә мондый язып тоттырган хатны, Элвин Грей, кем дә җиткерә.
Барс-Медиа җырчыларын брендка әйләндергән, чөнки кайда гына чыгыш ясасак та, кыяфәт тә, костюмнар да каралган, сайланган, бер съемкада киеп төшкән сәхнә костюмы башка кабатланмас, тере тавышка бар ҮЗ җырчыларын күчереп өйрәтергә тырышкан, компанияны яңа дәрәҗәгә күтәргән, гастрольлләрне чит төбәкләргә чыгарган, үзе һәрвакытта кырыйда кала белгән Радик Иванович ул!
Мин бердәмлек һәм дөреслек яклы! Ландыш Нигъмәтҗанова башлап әлеге эшкә керешкән икән, димәк, башкалар да курыкмыйча үз сүзләрен әйтергә тиеш, читтә генә чәйнәшергә түгел!” – дип яза инстаграмда Эльвира Хамматова.

Мәгълүмат Эльвира Хамматова инстаграмыннан

Запись “…читтә генә чәйнәшергә түгел!” – Эльвира Хамматова татар эстрадасындагы соңгы вакыйгаларга бәйле үз фикерен җиткерде впервые появилась Tatar Today - татар яңалыклары..

Җырчы Эльвира Хамматова үзенең инстаграм битендә фотосын урнаштырган һәм язылучыларыннан үзендәге үзгәрешләрне сизәләрме икәнлеген сораган.

Язылучылары арасында бу сорауга төрлечә җавап бирүчеләр бар. Кемдер чәчен кистергәнлеге, ябык булуы турында уйласа, кемдер җырчының кулындагы балдагына игътибар итеп,” кияүгә чыктыңмы әллә”, дип сораган. Әлегә бу фаразларның кайсы дөрес икәнен белеп булмый, чөнки Эльвира Хамматова бу турыда берни дә язмаган.

View this post on Instagram

A post shared by Ильвира Хамматова (@ilvirakhammatova)

Мәгълүмат Эльвира Хамматованың инстаграм битеннән

Запись Эльвира Хамматовада сизелерлек нинди үзгәрешләр бар? впервые появилась Tatar Today - татар яңалыклары..

Татар эстрадасы җырчысы Эльвира Хамматова Казан шәһәренең татар телендә белем бирә торган 27 гимназиягә оештыру эшләре буенча укытучы булып урнашкан. Ул “Татар-информ” хәбәрчесенә эшенең татар теле белән бәйле булуы сөендергәнен әйткән.

“27нче гимназиягə килеп эләккәч тә, эш урынымның татар теле белән бәйле булуы сөендерде. Монда рәхәтләнеп саф татар телендә сөйләшеп була”, – дигән Эльвира Хамматова.

“Моңа кадәр үземдә укытучылык сәләте яшәгәнен белмәгән идем. Ул безнең нәселдә, канда бар: әнием татар теле һәм әдәбияты укытучысы булды, абый да физкультура буенча тренер булып озак еллар эшләгән кеше”, – дигән ул.

“Татар телен белүчеләрнең саны арта бармый дип саныйм. Кызганыч, гаиләләребездә татар телен белүче балалар сирәгәя. Күп кенә әти-әниләр балаларын тормышка яраклаштыру өчен, рус, инглиз теле белән мавыктыра, татар теле соңгы планда кала”, – дип уртаклашкан җырчы.

Эльвира Хамматова үзенең улын курыкмыйча татар телендә белем бирә торган мәктәптә укытырга телəвен дә әйткән.

“Без гаиләдә татарча гына сөйләшәбез. Әмма бала үзенә кирәкле мәгълүматны читтән ала. Шуңа күрә телне гаиләдә никадәр күбрәк саклап калырга теләсәң, шулкадәр аның киләчәге өметле булыр дип уйлыйм. Мәктәптә бер-ике сәгатьлек татар теле дәресен кертеп кенә телне бик үк саклап калып булмый”, – дип белдергән ул.

Татар информ 

Запись Җырчы Эльвира Хамматова яңа эшенең татар теле белəн бəйле булуына сөенə впервые появилась Tatar Today - татар яңалыклары..

…Аяктан егарлык хәбәр килде. «Эльвира, без сине күптән эзлибез, сигез дистә җырчы арасыннан дүрт кенә кеше сайланды. Шуларның берсе — син. Безгә килегез әле», — диләр. Миңа шок булды. Ерак туганым Резедә апага серемне ачкан идем, ул: «Әниең белән киңәш тә, чакырган җиргә бергә барыгыз», — диде. Әни инде: «Нинди кеше ул? Кем ул?» — дип тотынды. Продюсер Радик Иванович Артемьев янына икәү җитәкләшеп бардык. Продюсер аңа: Кызыгызның тавышында үзенчәлекле тембр бар, — дип аңлата. — ди.

Әни катгый сөйләште. «Мин аңа эшен ташларга ирек бирмим, мондагы хәлләрне белгән юк, әгәр сәхнә артындагы пычрак безгә ябышмаса, кызымны күтәреп җырчы итәргә уйласагыз, бу эшкә алыныгыз», — диде. Бәлки әнинең сүзләре үтемле булгандыр, миңа карата мөнәсәбәт җитди иде. Кеше бит инде җырчылар турында гайбәт сата, продюсер белән фәлән икән, төгән икән. Аллага шөкер, миңа андый кара ябышмады.

-Бу ширкәт белән җиде елга контракт төзегәнсез икән. Шактый вакыт. Җитә бер заман, җырчы иреккә омтыла.

-Без дусларча аерылыштык. Минем музыкаль белемем юк иде, атнага ике мәртәбә вокал дәресләренә йөрдем инде. Тавыш барыбер тәҗрибә белән үсә һәм ныгый. Концерт хыялда гына. Ә иҗат бара: дисклар әйләнә, радиодагы җырларым яңгырый. Йөзгә-биткә беркем дә белми, чөнки һаман социаль яклау бүлегендә эшлим. Тавыштан гына таный халык.

-Ялгышмасам, 2007 елда «Яшьли сөйгән ярым» (Р.Чурагулов сүзләре, Р.Хәмид көе) җыры белән танылдыгыз кебек. Аны интернет аша да 170 меңгә якын кеше тыңлаган. Бәяләр югары: «Матур җырлый… Бик нык ошады… Искиткеч…» һ.б. Бүген хитка әверелгән бу уртак җимешегез унбер елдан соң да репертуарда калдымы?

-Әйе, ул әле дә искермәде, әле дә популяр. Аңа бәхетле язмыш насыйп икән. Концертларда сорап-сорап җырлаталар.

Нәбирә Гыйматдинова
Фото җырчының архивыннан алынды, Сәхнә

Запись Эльвира Хамматова: “…аяктан егарлык хәбәр!” впервые появилась Tatar Today - татар яңалыклары..

Мәсәлән, җырчы. Ул: «Җитте, мин иҗатта үр яуладым», — дип тынычлана алмый. Аның өчен сәхнә очсыз-кырыйсыз ярыш мәйданы. Эльвира Хамматованың да фикере шундый: «Әз генә туктап торсаң да — оныталар. Шуңа күрә иҗат утын сүндермәскә кирәк».

— Мәктәптә укыганда мин бик оялчан кыз идем, концертларда катнашасым килә, ләкин мине дә җырлатыгыз әле дияргә кыюлык җитми. Безнең әниләр нәселендә җырга-моңга сәләтле кешеләр күп, тик аларның берсе дә сәнгатькә тартылмады. Кем дисәк, мөгаен миндәге сәләтне иң беренче әни сизгәндер.

Тикмәгә генә район күләмендәге конкурсларга йөртмәде бит инде ул. 6 нчы сыйныфта Казанда Салават уздырган «Йолдыз һәм йолдызчыклар» конкурсына да алып барды. Мин анда гран-при иясе булдым. Баянга кушылып җырлаган идем. Шуннан соң сәхнә үзенә гашыйк итте бугай.

Нәбирә Гыйматдинова
Фото: Инстаграм
Тулырак: «Сәхнә» журналының октябрь санында

Запись Эльвира Хамматова: Мине дә җырлатыгыз әле дияргә кыюлык җитми впервые появилась Tatar Today - татар яңалыклары..

– Эльвира, җәйге ялларың ничек уза?

– Җәйге ялларым бик яхшы уза. Әле күптән түгел генә ял итеп кайттым. Элек чит илләрдә ял итүне артык кирәксенми идем. Кечкенә чакта гына Анапага барганым булды. Шулай да Гарәп Әмирлекләренә барырга теләдем, әлеге хыялым чынга ашты. Күптәннән барлык мәшәкатьләрне онытып, рәхәтләнеп ял иткәнем юк иде. Дубайда “Бурдж-Халиф” небоскребын үз күзләрем белән күрдем, төрле музей комплекслары, архитектура һәйкәлләрен карадым, Ак мәчеткә барып дога кылып кайттым. Җиде көн ял иттем, бик кызу вакытка туры килдем.

Ялгышмасам, 45 градус эссе иде. Вконтакте һәм Инстаграм социаль челтәренә бик күп хатлар килде. Тамашачылар: “Эсседән курыкмадыгызмы?” – дип язды. Юк, курыкмадым. Гомумән, кан басымым түбән булганлыктан, гел туңып йөрим мин. Кышны яратмыйм, җәй миңа якын һәм шуңа күрә эссе көннәрне җиңел кичерәм. Кызу көннәр минем организм өчен стресс булмады. Тагын шуны әйтәсем килә: андагы матурлыкка таң калып кайттым, миңа ошады. Мин үземнең ни дәрәҗәдә арганлыгымны аңламаган булганмын икән. Ял кирәк түгел, дип йөри идем. Анда баргач ялның кирәк булгангын, үземнен нык арганымны аңладым. Башымда яңа төрле идеяләр, планнар туды. Яңа канатлар куелды, хәзер барысын да чынга ашырасы килү теләге көчле. Яңа клип төшерергә, үземне тулысынча иҗатка багышларга телим. Артист озак күренми башласа, тамашачы аны югалта. Шуңа күрә югалмаска иде исәбем.

– Улың Солтанга ничә яшь? Нинди һөнәрләре белән сөендерә?

– Улым Солтанга 20 июньдә 5 яшь тулды. Аны бик зурлап үткәрдек. Гомумән, туган көннәрне генә түгел, ул безнең һәрбер бәйрәмне ярата һәм түземсезлек белән көтеп ала. Ул яктан миңа охшаган (көлә). Әни булучылар мине аңлар, балаларыбызны һәрвакыт куандырып үстерергә тырышабыз. Безнең балачакта туган көннәрне алай зурлап үткәрүче булмады, тик әти-әни бәйрәм кәефе бүләк итәләр иде. Хәтерлим, мине уртага чыгарып бастыралар һәм түгәрәк эченә алып, әйләнәләр иде. Иң яратып көтеп алган бәйрәмнәремнең берсе – Яңа ел, икенчесе – туган көн. Солтаннын да туган көн бәйрәмнәрен үткәрми калган юк, бер яшеннән бирле үткәрәм. Быел бәйрәменә балалар бакчасына бергә йөргән иптәш малайлары, бертуганнарымнын балалары килде. Казанда үткәрдек, аниматорлар чакырттык һәм дискотека-шоу оештырдык.

Солтан вак уенчыклар белән уйнарга ярата. Өйдә мәш килеп пазллар, LEGO җыябыз. Җырга, моңга сәләте юкмы? – дигән сорауны бирергә яраталар. Юк, җырчы булуын теләмәс идем. Моңланып йөри ул үзе, хәерлегә булсын. Алдагысы ничек булыр, белгән юк, барысы да Аллаһы Тәгалә кулында. Тора-бара үзенең сәләтләрен күрсәтер әле. Артык шук ул безнең, шуңа күрә спортка борып җибәрә алсак, яхшы булыр иде. Әлегә каратэ белән шөгыльләнә.

– Икенче кат әни булырга теләмисеңме?

– “Кайчан икенчесен алып кайтырга җыенасың?” – дип сораучылар күп. Социаль челтәрләремә дә бу хакта язалар. Һәр кешенең тормышка үз карашы бар. Мин хатын-кызлар 25 яшькә кадәр кияүгә чыгарга һәм 35 яшькә кадәр ике бала анасы булырга тиеш, дип саныйм. Беренчене алып кайткач, икенче баланы да алып кайтасы килә бит ул. Шуңа күрә, Солтанга иптәшкә кыз бала алып кайтырга телим. Бу минем иң зур хыялым.

– Шәхси тормышыңда яңалыклар юкмы? Янәдән кияүгә чыгарга җыенмыйсыңмы?

– Ай-яй, әлеге сорауны бирергә яраталар инде. Мин шәхси тормышка бәйле сорауларга җавап бирергә яратмыйм. Ни өчен икәнен күпләр белә. Шәхси тормышымда үзгәрешләр булыр. Озак көттермәм, калганы сер булып калсын. Тамашачыларның төрлесе бар. Яратып кабул итә, изге теләктә булучылар һәм начар уйда булганнары да җитәрлек. Бер сүзне электәреп алып, җиде төрлегә әйләндереп-әйләндереп киресен сөйләүчеләр бар.

– Эльвира, әниең берүзе Балык Бистәсендә яши. Еш кайтып йөрисеңме?

– Әйе, әни Балык Бистәсендә яши. Кызганыч, әтиебез үлде, төп нигездә әни үзе генә. Кыш көне ул күп вакытта безгә килеп тора, Солтанны карарга ярдәм итә. Балык Бистәсендә ике абыем бар, алар гаиләләре белән шунда яши. Җәй көне әни янына еш кайтабыз, чөнки бакча эшләре бар. Быел бакча эше бик эләкмәде, башка эшләрем күп булды. Банкет, концертлар да эшләдем, гастрольләр белән 10 көн Оренбургта, Казахстанда булырга туры килде. Әнигә быел кыенга туры килде, киләсе елга җиңеләйтергә тырышырбыз. Солтан балалар бакчасына йөрергә яратмый, шуңа күрә әбисе янына шатланып кайта. Авылда эш күп булса да, бик рәхәт. Монда шәһәрдә дүрт стена арасында утырганчы, Кама буйларына төшеп су коенуга ни җитә.

– Кешеләрдә нинди сыйфатларны үз итәсең?

– Мин – туры сүзле кеше, минем бу сыйфатымны күпләр белеп бетерми. Сәхнәдә тудырган образым бөтенләй башка төрле. Миңа продюсерлар үз күзаллауларыннан чыгып образ тудырдылар. Күпләр мине йомшак, тыныч, аз сүзле буларак күз алдына китерә. Никах, туй мәҗлесләре алып барырга мине тәкъдим иткән очракта кайберәүләр: “Аның кызу, дәртле җырлары бармы соң?” – дип сорыйлар.

Мин – таләпчән кеше, минем янәшәдә булучылар арттан сүз йөртмәскә һәм ялган сөйләмәскә тиеш. Кешеләрдә хөрмәт итә торган сыйфатларымның берсе – алдашмау, икенчесе – үз сүзендә тора белү. Берне сөйләп, икенчене эшләп йөрүчеләрне өнәмим. Андыйлардан бик тиз күңелем кайта. Вәгъдә иткәнсең һәм авызыңнан шул сүз чыккан икән, аны ничек булса да үтәргә кирәк. Бу тәрбиядән килә, әти-әни безне шулай үстерде. Кешеләрнең максатчан булуларын яратам. Хыялларым һәм максатларым күп, шуңа күрә дә шундый кешеләргә тартылам.

– Иҗатыңнан канәгатьме син?

– Юк, канәгать түгел. Артист кеше үз иҗатыннан канәгать булса, ул үсештән туктый. Үсештән тукталу иң куркыныч әйберләрнең берсе. Кайберәүләр якты йолдыз булып килеп керәләр дә, тиз арада сүнәләр. Мине дә башта гына популяр, хәзер инде сүнде диючеләр булыр. Мин моның белән килешеп бетмим, сүнмәс өчен төрле проектлар эшлим. Һәрдаим үсештә булыр өчен акча һәм сәләтле булу гына җитеп бетми. Аның өчен уңыш та, тамашачы мәхәббәтен яулый белү дә, хит була алырлык җырлар сайлау да кирәк. Үз өстемдә эшләргә тырышам, хәзер Казанда сольный концерт оештырырга хыялланам.

Автор: Ләйлә ХӘКИМОВА
Фото: instagram.com/elvirakhammatova/
intertat.tatar

Запись Эльвира Хамматова 5 яшьлек улына иптәш алып кайтырга тели впервые появилась Tatar Today - татар яңалыклары..