Татарстанның атказанган артисты Филүс Каһировның тормыш иптәше Эльмира Каһирова инстаграмда үзләре белән булган хәлләрне сөйли килә. Бу юлы ул уллары Айдар белән сөйләшен язды.

Эльмира Каһирова әйтүенчә, олы уллары әти-әнисенә башка бәхәсләшмәскә кушкан. Әнисенең “без бәхәсләшә башласак, кисәтү ясарсың”, дигән сүзенә Айдар: “Яхшы, әника! Ләкин мин ике тапкыр кабатламаячакмын”, – дип җавап биргән. “Филүс, шулай булгач, башка ачуланышмыйбыз”, – дип комментарий калдырган Эльмира.

View this post on Instagram

A post shared by Гастроли Путешествия Бизнес (@kagirovaelmira86)

Мәгълүмат Эльмира Каһирова инстаграмыннан

Запись Эльмира Каһирова: “Филүс, шулай булгач, башка ачуланышмыйбыз” впервые появилась Tatar Today - татар яңалыклары..

Татарстанның атказанган артисты Филүс Каһировның хатыны Эльмира Каһирова тамашачылар тарафыннан иң еш бирелә торган сорауларга җавап бирү өчен, үзенең укыган вакытларындагы хатирәләре белән бүлеште.

“Ни өчен сез дуэт буларак бергә җырламыйсыз?” – дигән сорауны Филүс һәм Эльмира Каһировларга тамашачылар еш бирә икән. Шунлыктан Эльмира Каһирова үзенең музыка белән кайчан шөгыльләнә башлавы, Филүс Каһиров белән икесе ничек бер уку йортына килеп эләгүләре турында искә алды.

Эльмира Каһирова мәктәптә башлангыч сыйныфларда ук башкорт фольклор ансамблендә җырлый, ә югары сыйныфларда музыка мәктәбендә белем ала. 11 сыйныфны тәмамлаганнан соң, үзе дә ни өчен икәнен белмичә, Хәрби университетка керергә хыяллана. Ләкин монда керү өчен физик әзерлеге җитеп бетмәүне аңлап ала ул. “Җәйнең яртысы узды инде, югары уку йортларында имтиханнар бирү тулы куәтенә бара. Ә мин әле дә кая укырга керергә белми идем. Минем өчен иң җиңеле музыка көллиятенә укырга керү иде”, ди җырчының тормыш иптәше.

Шулай итеп, Эльмира Каһирова музыка көллиятенә укырга керә. 1 нче курска урыннар тулу сәбәпле, музыка мәктәбен тәмамлап килгән кеше буларак, аны 2 нче курска алалар. Шул ук елны Филүс Каһиров та бирегә укырга керә. “Бергә укымысак та, бер бүлектә белем алганлыктан, уртак фәннәр дә була иде. Ул вакытта бер-беребезгә игътибар да итмәдек”, ди Эльмира Каһирова.

View this post on Instagram

A post shared by Гастроли Путешествия Бизнес (@kagirovaelmira86)

Мәгълүмат Эльмира Каһирова инстаграмыннан

Запись “Ул вакытта бер-беребезгә игътибар да итмәдек” – Филүс һәм Эльмира Каһировларның танышуына сәбәп булган хатирәләр впервые появилась Tatar Today - татар яңалыклары..

Татарстанның атказанган артисты Филүс Каһировның хатыны Эльмира Каһирова беренче баласын көткән вакыттагы хатирәләрен инстаграмдагы язылучылары белән бүлеште.

Эльмира Каһирова беренче баласы белән йөкле булганда, үзен яхшы хис итүе, әлеге торышыннан канагать булуы турында искә ала. Ләкин ул бала көткән вакытта, аның әнисе үлеп китә. “Бу кыен вакытларны тыныч кичердем. Бала хакына үземне кулда тотарга тырыштым. Мин – әти, ә ул минем өчен кайгырдык. Еламадым дияргә була. Барлык туганнардан бернәрсә турында да искә алмауларын, мине кызганмауларын үтендем. Әнине күреп кала алмадым… Карамаска киңәш иттеләр, үзем дә эмоциональ киеренкелектән курыктым. Әле дә дөрес эшләгәнменме, юкмы икәненә төшенә алмыйм. Әни матур һәм шат йөзле булып күңел туремдә саклана,” – ди ул.

View this post on Instagram

A post shared by Гастроли Путешествия Бизнес (@kagirovaelmira86)

Мәгълүмат Эльмира Каһирова инстаграмыннан

Запись Эльмира Каһирова: “Бала хакына үземне кулда тотарга тырыштым” впервые появилась Tatar Today - татар яңалыклары..

Запись Филүс Каһировның уллары күбрәк кемгә охшаган? [фото] впервые появилась Tatar Today - татар яңалыклары..

Җырчы Филүс Каһировның хатыны Эльмира ханым Инстаграмында еш кына круиз белән ял итү турында хәбәрләр урнаштыра. Бу төр ял итү белән ничек кызыксына башлаган? Ни өчен аны сайлаган? Каһировлар гаиләсе үзләре дә круизда ял итәргә җыенамы? Бу турында Эльмира ханымның үзеннән сораштык.

– Эльмира ханым, кайчаннан круизлар белән кызыксына башладыгыз?

– Элегрәк круизлар турында берни дә белми идем. Танышымның Инстаграмында бу төр ял итү, InCruises клубы турында язма күрдем дә, миңа да аңлатуын сорадым. Шул вакытта круиз белән ял итү төре барлыгын белдем. Әлбәттә, бу хакта Филүскә дә сөйләдем. «Зур лайнерда ялны татып карау турында күптән уйлаган идем», диде ул. Моңа кадәр круизларда булган кешеләрнең фикерләрен дә ишеткән булган. Танышым клуб шартлары турында аңлаткач, без дә киңәшләшеп, керергә булдык.

– Ни өчен нәкъ менә бу төр ял итүне сайладыгыз?

– Чөнки без моны тирәннән өйрәндек тә, элиталы ял итү икәнен аңладык. Бу планетабызның барлык илләрендә, матур почмакларында 4-5 ел эчендә булып чыгу өчен уникаль мөмкинлек. Лайнерларда бер сәяхәт итеп кайтканда 3-4 ил һәм 6-7 шәһәрне күрергә була.

Иң кызганычы шул, мондый ял турында кешеләр бик аз белә. Белгәннәре дә аны кыйммәтле дип саный. Статистика буенча, безнең планетадагы халыкның нибары 2 проценты гына кайчан да булса круизда булган.

View this post on Instagram

A post shared by Гастроли Путешествия Бизнес (@kagirovaelmira86)

Нәкъ менә шундый круизларда ял итәргә мөмкинлек бирү өчен, InCruises клубы төзелгән. Чөнки бу ялны бер тапкыр күргән кеше, аңа гашыйк була һәм ел саен йөри башлый.

– Әлеге клуб турында тирәнерәк сөйләп китсәгез иде?

– InCruises клубы эре круиз линияләре белән озак вакытлы мөнәсәбәтләр төзеп, үз сайтын булдырган. Анда турыдан-туры, турагентларсыз круизларны мөстәкыйль рәвештә броньлап була. Сайтта бөтен дөнья буенча 5000 юнәлеш бар. Монда круизларга иң түбән бәяләр куела һәм болар барысы да яхшылап уйланылган партнерлык программасы аркасында булдырыла.

Хәзер ял итәргә һәм дөньяны үз күзләре белән күрергә теләүчеләр бу уңайлы программа аша тур сайлый ала. Компания легаль, рәсми рәвештә теркәлгән. Моны бик күп кешеләр һәм шул исәптән без дә, тикшердек.

View this post on Instagram

A post shared by Гастроли Путешествия Бизнес (@kagirovaelmira86)

Заманча круиз лайнерлары – су өстендә зур шәһәр дияргә була, анда балалар өчен дә, өлкәннәр өчен дә барысы да каралган. Куркынычсызлык һәм стабильләштерү системалары булдырылган.

– Димәк, үзегез дә ял итәргә барачаксыз?

– Әйе, сентябрь аенда бөтен гаиләбез белән Европа буенча беренче круизга барырга планлаштырабыз. 3 ил, 6 шәһәр күрәчәкбез. Шунысын да әйтергә кирәк, Төркиягә 7 көнлек юллама бәясе белән чагыштырганда, бу круиз безгә арзанракка төште.

Әлбәттә, бу круизлар турында бик күп сөйләргә була. Кызыксынучылар булса, минем белән элемтәгә керсен. Барысын да җентекләп аңлатам.

https://www.instagram.com/p/Bw94SEHAvvt/

Запись Филүс Каһировның хатыны Эльмира ханым: “Иң кызганычы шул – моның турында бик аз кеше белә” впервые появилась Tatar Today - татар яңалыклары..

“Төрле төбәкләрдән шалтыратып, Сабантуйларга чакырдылар. 7-10 июньдә Новосибирск шәһәрендә, Мәдәният министрлыгы оештырган, федераль Сабантуйда катнашабыз. Шулай ук Татарстан шәһәрләре дә безне Сабантуйларда күрергә теләкләрен белдерде, әлегә сөйләшүләр алып барабыз. Башкортстанның бер авылында төркемебез белән чыгыш ясаячакбыз.

View this post on Instagram

A post shared by Певец Эстрада Гастроли (@kagirov.filyus)

Җәйге планнарга килгәндә, җиребездә төзелеш бара, аны тәмамларга уйлыйбыз. Шулай ук яңа программага әзерләнү өстенә эшлибез, аңа әзерлекне язга керү белән башлаган идек.
Гаилә белән туган якка кайтып, табигатькә чыгып, җәйнең рәхәтен дә күреп каласы килә.

Сентябрьгә круиз белән ялга чыгуны планлаштырдык, билетларны броньлап куйдык. Гаилә белән ял итәргә барабыз, Алла бирса.  Круизны оештыручылар буларак, сүз белән генә түгел, үзебезнең мисалда ял итеп күрсәтәбез. Без аны түземсезлек белән көтеп торабыз”, дип уртаклашты җырчы Филүс Каһиров.

View this post on Instagram

A post shared by Гастроли Путешествия Бизнес (@kagirovaelmira86)

Запись Филүс Каһиров: “Сүз белән генә түгел, үзебезнең мисалда күрсәтәбез…” впервые появилась Tatar Today - татар яңалыклары..

 Филүс Каһиров гаилә һәм актив иҗат тормышы алып барса да, социаль челтәрләргә артыгын куймый, күрсәтми. Сәбәбен, интернетка карата фикерен белер өчен, җырчының үзенә мөрәҗәгать иттек. 

– Филүс әфәнде, социаль челтәрләрдә Сезне даими күзәтеп барабыз, кайбер урнаштырган постларыгыз арасында көннәр түгел, атналар узган була, бу ни белән бәйле? Вакытыгыз җитмиме? Күнегеп бетә алмыйсызмы?

– Бөтен кешенең дә вакыты җиткәнне, минеке генә җитми түгелдер, эш вакыты белән бәйле дип әйтмәс идем. Күнегеп бетә алмыйм, дигәне дөресрәк булыр, чөнки мин тере аралашу яклы. Берәр вакыйга, кызыклы, матур күренешләр булса, социаль челтәрләргә чыгарырга тырышам, ләкин үзенме интернет кешесе дип әйтмәс идем. Хатыным да: “Синең тамашачыларың кызыксына, нишләп инстаграмга чыгармыйсың”, дип сүгә. Ничектер өйрәнеп бетә алмыйм ахрысы, шул гына. Ара-тирә, күңел булганда, искә төшкәндә генә чыгарам.

View this post on Instagram

A post shared by Певец Эстрада Гастроли (@kagirov.filyus)

– Ришат Төхвәтуллин безгә “Инстаграмның мөмкинлекләре зур. Ул билгеле бер дәрәҗәдә халык  фикерен өйрәнергә һәм аны формалаштырырга мөмкинлек бирә”, дигән иде, Сез моның белән килешәсезме?

– Килешәм, анысы шулай инде, хәзер бөтен кеше социаль челтәрләрдә утыра. Элек тамашачы концертка килгәч кенә артистны күрә, бу елына бер генә булырга мөмкин иде.

Социаль челтәрләр тамашачы белән артист арасын бик якынайтты, монда матур күренешләр дә, ямьсезләре дә бар. Тамашачылар кайчагына төрле фикерләр белдерәләр, ярап бетмәгән сүзләр дә әйткәләп куялар, төрле очраклар була, ләкин бу сүзләрдә дә хаклык бар.

Гади генә мисал китерәм: “Сезнең концертыгызда шул җырны ишетер идек, шундый җырчылар, музыкантлар булса иде”, дип әйтәләр. Бу – тамашачылар белән бертөрле тыгыз элемтәгә керү. Бер карасаң, файдалы, чөнки тамашачыларның теләген, сорауларын ишетә белү кирәк. Социаль челтәрләр шундый мөмкинчелекләр тудыра.

– Социаль челтәрләрдә дусларыгыз язганнарны укыйсызмы? Тискәре фикерләр булганда, алар Сезне борчуга саламы? Җавап бирәсезме аларга?

– Барлык фикерләрне дә укып барам. Җавап язганым бар, ләкин бик сирәк, чөнки кайвакытта кеше белән бәхәсләшәсе килми. Бәлки җавап бирергә кирәктер дә, ул бит шулай ук аралашу.

Була, кайчагында, берәр язылучым уйлап бетермәгән фикерен язса, ризсызлык тудыра. Ул кадәр артык төшемкелеккә бирелеп, кайгырып йөрмим. Һәр кешенең үз фикере, дип куям да, шуның белән бетте.

Гомумән, ясалма рәвештә үземә пиар ясап, подписчиклар арттыру максаты белән шау-шу куптарып йөрмим, хайп, фейк дигән әйберләрне кулланмыйм. Ничек бар, шулай, табигый гына.

View this post on Instagram

A post shared by Филюс Кагиров (@kagirov_filyusfun_official)

Запись Филүс Каһиров: “Пиар ясап, подписчиклар арттыру максаты белән шау-шу куптарып йөрмим” впервые появилась Tatar Today - татар яңалыклары..

Шушы көннәрдә  Казанның Муса Җәлил исемендәге опера һәм балет театрында композитор Резедә Әхиярова һәм шагыйрь Ренат Харисның “Сөембикә” операсы янәдән күрсәтелде. Анда төп рольләрнең берсен, Шаһгали ролен, Филүс Каһиров башкарды. Бу чарадан соң, Филүс Каһировның хатыны Эльмира бу уңайдан үз фикере белән уртаклашты, җырчының ни өчен операда хезмәт куямавына ачыклык кертте. 

“Резедә Әхиярованың чираттагы «Сөембикә» операсы  зур уңыш белән узды, анда төп рольләрнең берсен тормыш иптәшем Филүс Каһиров башкарды. Филүскә классик һәм эстрада әсәрләреннән тыш, хәзер опера партияләрен башкара алуы күпләргә билгеле.  Әлбәттә аны опера һәм балет театрының зур сәхнәсендә күрү бик рәхәт. ️Бу дулкынландыручы һәм сөендерүче мизгел.

Филүснең ни өчен операда җырламавы хакында бик күп сүзләр булды. Филүс үзе дә журналистларга да бу сорауга бер генә тапкыр җавап бирмәде. Минем дә бу уңайдан үз фикерем бар.

Опера театры солисты булу, әлбәттә, зур җаваплылык, үзеңне бары тик театрга гына багышларга кирәк. Ул зур тәҗрибә һәм түземлек сорый. “Ә бәлки?… дигән уйлар бер генә тапкыр тумады.  Тик нигәдер мин һәрчак үземә мондый сорау бирәм: “Филүстән башка кем татар җыры мәдәниятен ышанычлы һәм горур алып барыр? Халык җырларын һәм классиканы кем башкарыр?”

Ләкин бер кеше дә Аллаһ тәкъдирен белә алмый…

Барлык составка бу кичерешләр өчен зур рәхмәт”, дип уртаклашкан җырчы Филүс Каһировның хатыны Эльмира Каһирова.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

View this post on Instagram

A post shared by Гастроли Путешествия Бизнес (@kagirovaelmira86)

Запись Филүс Каһировның хатыны Эльмира: “Ә бәлки?… дигән уйлар бер генә тапкыр тумады” впервые появилась Tatar Today - татар яңалыклары..

Җырчы Филүс Каһировның хатыны Эльмира Каһирова, Инстаграмда ире белән иҗади тормышларының «җенси» нечкәлекләрен аңлатып, постлар урнаштырган. Ул нинди авырлыклар, сөенечле вакыйгалар аша, кемнәрнең ярдәме белән уңышларга ирешүләре хакында язган. Әлеге язмаларны бергә җыеп, без сезгә дә тәкъдим итәргә булдык.

“Ачыктан ачык сөйләшәбезме?

Артист хатыны булу, Филүс белән бергә эшләү, концертлар оештыру авырмы? Сез Филүснең продюсеры, администраторы яки директорымы? Матбугат чаралары һәм гади кешеләр ягыннан мондый сорауларга еш җавап бирергә туры килә. Мин әкеренләп барлык серләрне, иҗади тормышыбызның «җенси» нечкәлекләрен ачарга булдым. Ничек иремнең директоры булып китүемнән башларгадыр, мөгаен.

Филүснең берничә ел продюсер белән эшләвен күпләр беләдер. Әмма бу урында туклып тормыйм, шунысын әйтергә кирәк, билгеле бер мизгелдә, дөресрәге 2013 елның, 17 декабрьендә, тормышыбызда ул көне җитте! Эшне мөстәкыйль башлау турында карар кабул ителде! Әлеге карарны кабул итүгә минем дә фикерем йогынты ясады дип әйтә алам. Филүс өчен бу җиңел булмады, ләкин мин аның яклы идем һәм үземә җаваплылык алып, «безне иң яхшы киләчәк көтә», – дип әйттем. Мөгаен, ул вакытта мин хаклы булганмындыр.

Безнең өчен катлаулы чор җитте (берничә елга сузылган тикшерү эшләре турында җентекләп сөйләп тормыйм). Без бернәрсәсез калдык! Аранжировкалар, барлык җырларга, клипларга хокуклар, аларны башкару, концерт костюмнары, чараларны оештыручылар белән элемтәләр – берсе дә калмады. “Хәл итә алмастай авырлыклар булмый” дип уйладык ул вакытта… һәм ялгышмадык.

View this post on Instagram

A post shared by Филюс Кагиров (@kagirov_filyusfun_official)

Филүс сәхнәдән бер елга якын югалып торды.

Безгә яхшы администратор табарга кирәк, дигән карарга килдек. Ул вакытта концертларны оештыру тәҗрибәсе бездә бөтенләй юк иде, шуңа күрә минем башымда бер яхшы кандидатура барлыкка килде. Филүскә: «Җыен, сөйләшеп кайт», – дидем. Әйе-әйе, бу Чулпан иде. Гүзәл кыз ул чакта «нигә администратор сиңа, үзегез эшләп карагыз әле, дигән (бәлки сүзләрне ул әйткәнчә дә язмаганмындыр, әмма мәгънәсе якынча шундый инде). Рәхмәт сиңа!

Хәзер нәрсәдән башларга кирәк икәнен аңларга кирәк иде. Иншаллаһ! Тугры дуслар, “цех” буенча иптәшләр – “Мирас” ансамбле йөзендә Рөстәм Рахматуллин һәм Замирә Рәҗәпова бер тавышка «әлбәттә, без сезнең белән», – диделәр. Алардан башка булдыра да алмаган булыр идек.

Беренче бурыч – залларны тутырып, концертлар графигын төзү иде… кулыма ручка һәм блокнот алып Миләүшә Сабирова янына ярдәм сорап киттем.  Шәһәр, зал исеме, телефон, администраторларның исеме, нәрсә сөйләргә, нинди документлар кирәк, кассаны ничек алырга һәм башка мәгълүматлар җыйдым. Шәхси эшмәкәр исеме ачтык, “Биг зур”га барып, яңа пиджак һәм чалбар сатып алдык (ул вакытта костюмнар тектерү яки зур акчаларга сатып алу мөмкинлеге булмады), шәһәрләргә шалтыраттык, концертлар өчен көннәр билгеләдек.

Рөстәм Рахматуллин һәм Замирә Рәҗәпова белән концерт программасы турында уйлый башладык. (Монда да нечкәлекләр бар иде – бу җырны җырларга ярамый, моңа юридик хакыбыз юк, монысы өчен судка бирергә мөмкиннәр, моны җырларга куркыныч. Кыскасы – зур авырлык белән программа җыйдык).

Ул вакытта бездә бер үк вакытта зур кайгы һәм зур шатлык булды: башта әниемне югалттык, аннан, 3 айдан соң, мин Айдарымны таптым. Барнәрсәгә ышанычым тагын да артты. Минем әни Филүсне бик ярата иде (кайчагында хәтта миннән дә күбрәк яраткан кебек тоелды). Һәм мин Филүскә боларның барысын да әни истәлеге өчен эшләячәкбез, дидем, артка юл булмаячагын әйттем. Чөнки нәкъ менә әни, беренчеләрдән булып, җырчы Филүс Каһировның яңа тормышына ышанычлы адымнар ясавыннан бик бәхетле булыр иде. Ә улымның тууы – күкләрнең тагын бер билгесе булды. Хәзер барысы да әйбәт булачак.

Команда рухы, һәркемнең ярдәме – безне сындырмады. Без беркемнән дә, бернидән дә курыкмавыбызга ышандык (һәрхәлдә, мин төгәл белдем).

Состав җыелган, программа расланган, сценарий язылган. “Үзебезнең” беренче гастрольләр башланды.

Әлбәттә, башта концертларга йөрүем турында сүз дә булмады. Хәтта андый уйлар кереп тә чыкмады. Балабызга 3,5 ай. Мин декреттагы әни. Ярар, иремә барысын да оештырырга ярдәм иттем һәм бетте. Тик беренче концерт алдыннан, мин янда булсам, яхшырак булыр, дип хәл иттек. Үзебез оештырган концертлар белән беренче тапкыр бит. Ничек? Нәрсә? Ни өчен?

Без монда әнибез, Филүснең әнисенең ризалыгын алырга тиеш идек, чөнки кулыбызда кечкенә сабый бар иде бит. Һәм нәрсә дип уйлыйсыз?! Әлбәттә, ул безнең яклы иде (бүгенге көнгә кадәр ул балалар белән бик ярдәм итә). Аллага шөкер, шундый кайнанам булганга мин бик бәхетле.

Бу хәлне бик тыныч кабул иттек. Көн буе бала катнашма ашаячак, ә кич белән, концерттан соң, без улыбыз янына кайтабыз (4-5 ай тулгач, Айдарны үзебез белән концертларга ала башладык). Шулай итеп, ничек бергә эшләп китүебезне хәтта үзебез дә аңламыйча калдык. Болар барысы да миңа рәхәтлек китерде (бүгенге көнгә кадәр дә шулай).

Әлбәттә, беркемдә  мине администратор, директор яки продюсер вазыйфасына рәсми рәвештә билгеләмәде. Чынлыкта мин нинди вазыйфада икәнлегемне дә белмим. Концертларда мине Филүс: “Безнең төркем җитәкчесе”, дип игълан итә, мин шаяртып үземне директор, дип атыйм. Төркемдәгеләр миңа шеф, ә Радик Иванович мине Филүс Каһировның бердәнбер продюсеры дип атый.

Асылда, мин бары тик уң һәм сул кул, илһамландыручы, рухландыручыдыр. Филүсне артык бурычлардан азат итүче, чөнки аның төп эше – иҗат белән шөгыльләнү, ә калганын үз өстемә алам.

View this post on Instagram

A post shared by Певец Эстрада Гастроли (@kagirov.filyus)

Мин катгый һәм принципиаль, әмма үземне гадел дип саныйм. Мин таләпчән, әмма рәхмәтле. Мин барысы да искиткеч булганын яратам, көн саен ничек тагын да яхшырак булдыру турында уйлыйм. Мин состав сайлауга җитди карыйм, репертуарны сайлаганда да тавыш бирү хокукым бар. Мин һәрвакыт төркемнән ярдәм сорыйм, чөнки бездә яхшы фантазияле кешеләр эшли. Мин тапталган әйберне яратмыйм.

Әлбәттә, мин беркайчан да бер мөһим карарны да Филүстән башка гына кабул итмим. Соңгы сүзне һәрвакыт ул әйтә. Кайчагында бик авыр була, әмма еш кына бу күтәренке рухлы эш процессы белән бәйле, бигрәк тә шәп идеяләр, җырлар, үзенчәлекле фикерләр туганда.

View this post on Instagram

A post shared by Филюс Кагиров (@kagirov_filyusfun_official)

Безнең бу сезондагы мини-фильмнар хәтерегездәме? Узган елны миндә бу идея тугач, йоклый алмыйча, ничек тормышка ашырырга икән, дип уйладым. Бу идея минем башымда утыра иде, тик мин аны сүз белән яза алмадым. Очраклы рәвештә Инстаграмда @havaprojects ролигын күрдем, (алар белән безнең хезмәттәшлек иткән бар иде), һәм бу мин теләгән фильм икәнен аңладым. Шунда ук аларның продюсерына шалтыраттым: “Телим! Кирәк!”, дидем.

Башта концертны башлап җибәрү өчен бу бер фильм идеясе булды. Аннары, мин очраклы рәвештә, “Матч” каналын куштым (аны гомеремдә дә караганым юк иде), Мария Шарапова турында фильм бара иде. Мин моның беренче фильмның дәвамы булырга тиешлеген аңладым. Бу безнең икенче ролигыбыз булды. Аннан соң, @allo_music белән берлектә, бездә өченче фильм өчен дә идея туды. Әлеге идеяләрне тормышка ашырган барлык катнашучыларга да без бик рәхмәтле.

Оештыру вакытында, әлбәттә, 15 кешене репетициягә җыя алмаган, кассада аңлашылмаучанлыклар чыккан, концерт залларында кискен чикләүләр булган хәлләр белән очрашырга туры килә. Һәрберсенә җайлашырга һәм ничек тә  булса алардан чыгарга кирәк.

View this post on Instagram

A post shared by Филюс Кагиров (@kagirov_filyusfun_official)

Дусларым минем! Әлбәттә, бу тарихларым – безнең “интим” иҗат тормышының кыска бер өлеше генә. Минемчә, Филүс белән тормышыбыз турында китап язарга була. Утны, суны күп кичердек. Белгәннәр аңлар. Мин җырчы Филүс Каһиров тормышының бер өлеше булуыма бик шатмын”.

Запись Филүс Каһировның хатыны иҗади тормышларының «җенси» нечкәлекләрен ачып сала впервые появилась Tatar Today - татар яңалыклары..