Уенның кагыйдәләрен Камилла “укый”, калган гаилә әгъзәләре уенчыкны җыю белән шөгыльләнә. Камилла белән Самир Яңа елны искә төшереп, бәйрәм шигырьләрен дә сөйләп үтәләр.

Уен ничек барган соң? Әби уянганмы? 

Блогны карагач күрерсез!

Запись Гүзәл белән Илдар нинди әбине йокыдан уяткан? [видео] впервые появилась Tatar Today - татар яңалыклары..

Запись Эт елыннан халык ни көтә? [сораштыру] впервые появилась Tatar Today - татар яңалыклары..

Биредә Уразова нинди шампунь, кремнар, маскалар кулланганын күрсәтә, матурлык серләренә төшендерә, чәчен нинди төскә буявы турында әйтә.

Запись Гүзәл Уразова үзе турында серен ача: чәче нинди төскә буялган? [видео] впервые появилась Tatar Today - татар яңалыклары..

Кытайга җырчы әнисе белән барган. 10 сәгатьлек юлны ул ничек узган, нинди кызыклы хәлләргә юлыккан, ниләр күргән, кемнәр белән танышкан – боларның барысы хакында да Гүзәл үзе сөйли.

Запись Гүзәл Уразованы Кытайда пешеп бетмәгән, тозсыз ипи белән сыйлаганнар [видео] впервые появилась Tatar Today - татар яңалыклары..

Искәндәр тумышы белән Үзбәкстан якларыннан, тик тормыш җилләре аны Нурлат районының Көрнәли Әмзә авылына илтә. Быел ул Казан шәһәренең Ильяс Әүһадиев исемендәге музыка көллиятенең 2 курсын тәмамлады. Видео төшерү белән җыр бер-берсе арасында тыгыз элемтәдә торалар, ди Искәндәр, чөнки бары тик җыр тыңлаганда Искәндәргә “кунакка” илһам килә.

https://www.instagram.com/p/BWUlwQig93K/?taken-by=iskandargaysin

– Искәндәр, сәлам! Белгәнемчә, уртача синең бер видеоңны 30 меңнән артык кеше карый. Сиңа әле бары тик 20 яшь, шушы яшеңдә инде танылган кеше булу өчен күпме көч түгәргә туры килде?

– Мин әле тәҗрибә туплап кына киләм. Видеоларны бу елның кышыннан гына төшерә башладым. Беренче видео гыйнвар аенда дөнья күрде. Башлаганда, гадәттәгечә, авыр була, тик халык минем иҗатымны кире какмады. Төшерә барган саен, минем кызыксыну даирәм киңәя барды. Хәзер видеолар төшерү минем өчен хобби гына түгел, ә эшем дә.

– Нәрсә турында төшерергә яратасың?

– Башка блогерлардан аерылып торасым килә, видеоларның бер типта булуыннан читләшергә тырышам. Чын дөресен әйткәндә, видеоның темасы минем башымда көннәр буе чуалып йөри. Шуны әйтергә кирәк: әгәр дә башыма берәр фикер килсә, мин аны шундук дусларыма сөйлим. Алар үз чиратында миңа ярдәм итеп, әлеге видеоның сценариен тагы да камилләштерә.

https://www.instagram.com/p/BVr0o8ggGtd/?taken-by=iskandargaysin

– Бер видео төшерер өчен күпме вакыт кирәк?

– Уртача 4-5 сәгать кирәк, ә монтажга 5-6 сәгать сарыф ителә.

– Минем сиңа кызык бер соравым бар иде: әгәр дә мөмкинлегең булса, блогерлар өчен мәктәп яисә көллият ачар идеңме?

– Әйе, әлбәттә, ачар идем. Минемчә, яшүсмерләр һәм яшьләр арасында видеолар төшереп, аларга дөрес итеп монтаж ясарга өйрәнергә теләүчеләр күп булачак.

– Әлеге уку йортының директоры шулай ук танылган блогер Ринат Галиәхмәтов була алыр идеме? Син үзең нинди фән укытучысы булыр идең?

– Минемчә, Ринат директор була алыр иде, чөнки ул татар блогерлары арасында беренче. Мин шәхсән үзем аның видео язмаларын карап барам. Миңа калса, мин режиссура дәресен алып барыр идем. Укучыларга ничек дөрес итеп сценарий язарга һәм видеоның планы белән сюжетын төзергә өйрәтер идем.

– Ничек уйлыйсың, 20 ел үзгач та, син әлеге шөгылеңне ташламассыңмы?

– Юк, ташламам, дип уйлыйм. Хәтта алдагы тормышта балаларым белән дә кызыклы видеолар төшерергә планлаштырам.

– Әти-әниең шөгылеңә каршы килмиләрме?

– Юк, хәтта әтием Интернет челтәрләрдән видео язмалар табып, миңа берсеннән-берсе кызыклы темалар юллый. Аларның эшемә уңай карашта булуы миңа көч һәм дәрт биреп тора.

– Видеоларыңа геройлар каян уйлап табасың?

– Минем дусларым бик күп һәм аларның күбесе талантлы, шуңа күрә әлеге проблема авырлыклар тудырмый.

– Миңа мәгълүм булганча, син музыка көллиятендә укыйсың. Белемең буенча син кем булып чыгачаксың?

– Әйе, Клара апа Хайретдинова сыйныфында укыйм. Тагын 2 елдан соң артист, вокалист һәм халык коллективы җитәкчесе дипломын алачакмын. Миңа җырлау бик нык ошый. Бүгенге көнне клип төшерәсем килә, аның өчен миңа продюссер кирәк.

– Искәндәр, уйлап кара әле: Татарстан Республикасы президенты Рөстәм Миңнеханов турында видео төшерергә тәвәкәлләсәң, ни төшерер идең?

– Кызык сорау. Рөстәм абый көн саен диярлек үзенең эш урынының тәрәзәләре аша төшерелгән фотосүрәт җибәрә. Мин дә, аннан калышмыйча, өемнең тәрәзәләре аша фотосүрәт төшереп, үземне президент булып хис итәр идем. Бик күпләр аңлавынча, әлеге гамәл аның вазыйфаларына керә.

– Ә журналистлар турында ни әйтерсең?

– Оу, сез бик кызык халык инде. Бәлки сезнең кызыксынучанлыгыгыз турында төшерер идем. Сез бит Себердә нидер булган, дисәң, бар эшегезне ташлап, шунда очарга әзер.

– Кызык, димәк, журналистларның максаты –  күбрәк мәгълүмат туплау. Ә синең максатың нидә?

– Минем алдагы тормышта үземнең эшемнән һәм, гомумән, үземнән кәнәгать булып яшисем килә. Әти-әниемә яхшы ул булып, аларга булышып, гаиләм өчен ышанычлы ир һәм әти буласым килә. Һәм, әлбәттә, илһамым кимемәсен иде, чөнки аннан башка видеолар төшереп булмаячак.

Алинә Айдарова

Запись Татарча вайннар ясаучы Искәндәр Гайсин Миңнеханов турында видео төшермәкче [әңгәмә] впервые появилась Tatar Today - татар яңалыклары..

Бу юлы иҗади гаилә ни белән шаккаттыра дисезме? Гүзәл һәм Илдар … әкият укый! Балаларына түгел, аларның каналын караучыларга, ягъни безгә. Әмма алар әкиятне кызыклы итеп, төрле образларга кереп тәкъдим итә. 

Карап карыйк!

Запись Гүзәл Уразова – убырлы, Илдар Хәкимов – Борис Ельцинга әйләнгән? [шаян видео] впервые появилась Tatar Today - татар яңалыклары..

Эш башланыр алдыннан җырчы кечкенә генә “гримерка”сында ниләр барлыгын әйтә. Кызларының фотосурәте, бизәнгечләре, энҗе-мәрҗәнле таҗларыннан тыш,  Коръән сүрәләре язылган шамаиле дә бар икән.

“Минем “знаменитый” прическа бу!”- ди Гүзәл, чәчен ясар алдыннан. Күпләр “Ничек ясала?”, “Кем ясый? Кая ясыйсыз?” кебек сораулар бирә икән.

Менә Гүзәл Уразованың җавабы: видеоны карыйбыз!

Запись Гүзәл Уразова һөнәр алмаштыра, “прическа”лар ясый башлаган? [видео] впервые появилась Tatar Today - татар яңалыклары..

Кечкенә стилистлар җырчы әниләренә матур һәм кызыклы образ тудырырга ярдәмгә Париждан үк “килгән”. Гүзәл киенгән арада Франциядәге хәлләр, яңа мода турында да сүз кыстырып җибәрә кечкенә “белгечләр”. Кыскасы, балалар Гүзәл Уразованы ничек итеп киендергәннәр икән, видеоны карыйк!

Запись Гүзәл Уразованы танылган француз стилистлары киендерә [шаян видео] впервые появилась Tatar Today - татар яңалыклары..

 – Азизә, беренче соравым: дингә шулай бирелү, яулык кию теләге үзе тудымы? Әллә синең өчен бу алдан уйлап куелган идеме?

– Гаиләм дини булса да, бу минем үз теләгем.Минемчә,кешене көчләп ышанырга мәҗбүр итеп булмый. Моңа һәр кеше үзе киләргә тиеш.

– Нигә ютюбта үз каналыңны ачарга булдың? Каналыңның идеясе нинди иде һәм ул тора-бара үзгәрмәдеме?

– Каналның бик төпле идеясе элек тә, хәзер дә юк. Миңа кызыксынуларым, фикерләрем белән бүлешү ошый, ә кешеләргә бу кызык булгач, мин алардан җылы кайтавазлар алгач,нигә мондый форматтагы аралашуны дәвам итмәскә?

– Һичшиксез, бөтен блогерларның кебек үк, синең дә “антифанат”ларың бардыр. Бу юлыңны, иҗатыңны ялган образ, яулык ябуыңны модага иярү, популярлык өчен генә эшләнгән дип уйлаучылар да очрыйдыр. Моңа нәрсә дип әйтә аласың?

– Минем иманым, чын күңелемнән ышануым турында алай дип әйтүчеләр үзләренә генә зыян китерәрләр. Антифанатларым бик аз, күпчелек караучыларга минем иҗатым ошый, ә тәнкыйтькә мин тыныч карыйм.

– Син Казанның иң яхшы мәктәпләрендә белем ала идең, әмма анда яхшы мөнәсәбәтләр урнашмаганга киттең. Хәзер кайда белем аласың  һәм бу урын сиңа нәрсәсе белән ошады?

– Хәзер мин мөселманнар мәктәбендә укыйм,әмма бу мәдрәсә түгел. Бу мәктәптә бик гади атмосфера, яхшысын да, начарын да күзгә карап әйтәләр. Минем талантларымны күрәләр, шәхес буларак үстерәләр, хөрмәт итәләр. Сыйныфта унар укучы гына, һәрберсенә дә индивидуаль шәхескә кебек карыйлар, бу минем өчен иң мөхиме.

– Мөселман кызы булу һәм шул ук вакытта заман белән бер аяктан атларга авыр түгелме?

– Дин беркайчан да заманга каршы килми. Әлбәттә, минем тормышым яшьтәшләремнекеннән аерыла, әмма бик күпкә түгел. Мин блогер буларак Инстаграм, ютуб  очрашуларына йөрим, яңа кешеләр белән танышам.

– Син каналыңны рус телендә алып барасың, ә татар телендә алып бару теләге юкмы?

– Дөресен генә әйткәндә, бу турыда уйлаганым юк. Татар телендә видео төшереп карарга була, тик каналны рус телендә алып бару дөресрәктер,минемчә. Мин инде рус телле аудитория тупладым һәм “влогым” татар гына түгел, ә, гомумән, мөселман кызлары өчен. Ләкин татар телендә сөйләшешүче блогерларың барлыкка килүе мине, һичшиксез, сөендерә.

– Каналыңның үзенчәлеге нәрсәдә дип уйлыйсың?

– Минем уйлавымча, каналымның үзенчәлеге Исламны пропагандалуда түгел, ә мөселман кызының тормышы, мөмкинлекләре, кызыксынуларын күрсәтүдә. Күпчелек кешеләрнең мөселман кызларын шәхес буларак беләсе килә.

– Ә ютюбтан үзеңә нинди файда булды?

– Ютуюб миңа үз фикерләремне курыкмыйча әйтергә, ачылырга ярдәм итте. Каналым булмаса, минем 10 меңнән артык дустым да булмас иде

– Алга таба нинди планнарың бар? Каналыңны ничек үстерергә уйлыйсың?

– Алга таба да төрле очрашуларга йөреп, яңа кешеләр белән танышып, каналымның контентын кызыклырак итәсем килә. Шулай ук ютуб платформасы белән яхшырак танышырга, аны өйрәнергә уйлыйм.

Айсылу ХАФИЗОВА

Запись 16 яшьлек мөселман кызы Азизә Ютубта 10 мең язылучы җыя алган. Сере нидә? впервые появилась Tatar Today - татар яңалыклары..