Интернеттагы шәхси битенә ул: “Бүген мин никах күлмәкләре саттым. Кешеләр үлгәнче никах укытып калырга ашыга! Тагын кемнәрнең укылмаган әле?!”– дип язып куйган. Без аның белән элемтәгә чыктык һәм хәбәрнең ни дәрәҗәдә дөреслеккә туры килүен ачыкладык:

– Анысы мәзәк өчен язган идем, ләкин алдау да юк ул хәбәрдә. Чөнки соңгы вакытта сату өлкәсендә җанлылык сизелә. Ел башы бик авыр булган иде. Аннары Рамазан алдыннан халык никах укытып калырга ашыга бит ул. Һәр елны шул хәл. Никах күлмәкләренең гадәттәгедән күбрәк сатылуын шуннан күрәм. Гомумән, кешеләрдә паника сизмим. Сәүдә үзәгендә медицина маскаларын киеп йөрүчеләр дә күренми. Гадәти тормыш белән яшиләрдер кебек. Үземнең дә әллә ни ис китми. Бер генә нәрсә бар: карантинга япсалар дип тауар алмый торабыз.

Мәгълүмат Ватаным Татарстан

Запись “Кешеләр үлгәнче никах укытып калырга ашыга! Тагын кемнәрнең укылмаган әле?!” впервые появилась Tatar Today - татар яңалыклары..

Бүген күпчелек танышу-кавышулар социаль челтәрләр, танышу сайтлары аша барса да, яучыларга мөрәҗәгать итүчеләр дә юк түгел. Гөлназ Мөхәммәт – ялгызларны таныштыручы һәм кавыштыручы.

– Гөлназ ханым, яучылык эше белән күптән шөгыльләнәсезме?

– Студент чактан ук. Анда ук берничә парны бәхетле иткән идем. Ә аңлы рәвештә соңгы ун елда шөгыльләнәм. Ялгызлардан анкета тутырттырып, рәсемнәрен алып, сәгатьләрчә сөйләшүләр алып барып, кабул итә башладык, офис арендаладык.

– Эш процессы белән якыннанрак таныштырыгыз әле?

– Безгә килгән ялгызлар иң башта шәхси анкета тутыра. Шундагы сораулар нигезендә әңгәмә үтә. Яучы үз чиратында клиентның холкын өйрәнә, ни теләгәнен ачыклый. Соңрак клиент теләге буенча альбомда урнаштырылган анкеталарны карауга күчәбез. Ошаса, номерларын язып бирәбез яки үзебез аларга шалтыратып сөйлибез.

– Ничә яшьтәгеләр күбрәк мөрәҗәгать итә?

– Күбрәк 20-35 яшьлекләр. 25 яшькә кадәргеләр яхшы кешене эләктереп калу өчен булса, 30дан соңга калганнар “утырып калам бугай” дигән шөбһә белән килә. Яше олыгая барган саен кешеләрнең килүе азая. Бу ялгызлар аз дигәнне аңлатмый. Бары тик кайберәүләр балаларны урнаштырганчы, пенсиягә чыкканчы дип тормыш коруны кичектереп тора. Ә пенсия яшендәгеләр ялгызлыкны авыр кичерә. Аларга тормыш кору суга сусагандай кирәк. Андыйларның да анкеталары бездә байтак.

Әңгәмәне "Акчарлак" газетасының 13нче саныннан укый аласыз
Фото: Свадьбаголик

Запись Яучы Гөлназ Мөхәммәт: “Андыйларга тормыш кору – суга сусагандай кирәк…” впервые появилась Tatar Today - татар яңалыклары..