Җырчы Винарис Ильегет “Туган тел” телеканалы һәм “Йолдызлы хит-парад” концертлары белән озын гастрольләргә кузгалды. Без җырчы белән элемтәгә кереп, мондый ерак сәфәрләрдә үзен ничек хис итүен, авырлыгы кыенлыклар тудырмыймы икәнлеген белештек, шәхси тормышы турында сораштык.

 – Винарис, озын гастрольләргә йөрисез, авырлыгыгыз комачауламыймы? Бар җиргә дә ничек өлгерәсез?

– Кайда гына барсам да, озын гастрольләрме, кыскамы, авырлыгым беркайчан да комачауламый. Миңа аның белән уңайлы, үземне яхшы хис итәм. Ә ничек барысына өлгерәм? Чөнки минем яшисем, тыңлаучыларымны үземнең иҗат белән таныштырасым, шатландырасым килә.

View this post on Instagram

A post shared by Ведущий свадеб Казань (@vinaris_ilyeget)

– Ябыгыр өчен кайчан да булса диеталар тотканыгыз булдымы?

– Әйе, бик күп диеталар тотып карадым, ләкин хәзер тотасым килми, миңа болай да рәхәт, мине яраталар һәм миңа бу ошый.

– Таза кеше, игелекле була диләр, килешәсезме?

– Әйе, шундый халык әйтеме дә бар бит. Мин үземне бик игелекле дип әйтә алмас идем, ләкин күпләр мине шундый ди. Моны кешеләр әйтергә тиеш, мин түгел.

– Вадим Захаров интервьюларында Сезнең аннан тазарак булуыгызны еш искә ала. Сез моңа ничек карыйсыз? Вадим Захаров белән Сез танышмы?

– Без Вадим Захаров белән таныш, яхшы аралашабыз. Әйе, “алай да сәхнәгә чыкты әле”, дип, ул минем турда еш әйтә. Ләкин хәзер Вадим авырлыгы буенча мине куып бара. Ул үз өстендә эшләгәнен дә беләм. Афәрин, алга барсын.

– Шәхси тормышыгызны интернетта ник күрсәтмисез?

– Шәхси тормыш дип Сез нәрсәне әйтәсез? Интернетта булган бар әйбер – минем шәхси тормышым: концертларым, әнием, дусларым. Гаиләм юк, дисәгез, ул миндә генә түгел, күпләр гаиләсез. Гаиләсе булганнарның барысын да бәхетле дип атап булмый.

View this post on Instagram

A post shared by Ведущий свадеб Казань (@vinaris_ilyeget)

– Яраткан кешегез Сезне “фанатка”ларыгыздан көнләмиме? Гастрольләргә тыныч күңел белән җибәрәме?

– Яратканым бер дә көнчел түгел, мин иҗатымны аңлаган кеше белән генә була алам. Фанаткалар күп булуына ул сөенә генә. “Молодец син минем”, ди. Гастрольләргә дә һәрвакыт тыныч күңел белән җибәрә. Минем иҗатка багышлар вакытым булса да, аның янында булсам да, сөенә генә.

Запись Винарис Ильегет: “Гаиләм юк, дисәгез, ул миндә…” впервые появилась Tatar Today - татар яңалыклары..

Җәй айларында Винарис Ильегет “Йолдызлы хит-парад”тан тыш, үзенең сольный концертын оештыру өстендә дә эшли икән. Моңа ул ничек батырчылык иткән?  Ни өчен УНИКСны сайлаган? Кемнәр катнашачак? Бу хакта тулырак белешер өчен, җырчы белән элемтәгә кердек.

– Винарис, сольный концерт оештыруга ничек батырчылык иттегез? Бу концертны кайчан планлаштыра башлаган идегез?

– Бу идея күптәннән бар иде, гаилә сәбәпләре аркасында, узган елны оештыра алмадым. Концерт куюымны сорап, бик күпләр яза, шалтыраталар. Шуңа күрә, быел әниемнең туган көне көнне, 11 октябрьдә, уздырырга булдым.

Дөресен әйткәндә, әнинең сәламәтлегендә авырлыклар булса да, ул беркайчан да төшенкелеккә бирелми, шуңа күрә, безнең программа да юморга корылачак. Ә безнең тормышта юмор, кызык хәлләр бик күп булды, без боларның барысын да концертта кулланачакбыз.

– Нигә УНИКСны сайладыгыз? Концерт ничек баетылачык? Сәхнәне ничек бизәргә җыенасыз?

– УНИКС – мең кеше сыйдыра ала торган бик яхшы, зур мәйдан. Сәхнәбезнең күп өлешен экраннар алып торачак. Дөресен әйткәндә, мондый бизәлеш кыйммәткә төшә (якынча 450 мең), шуңа күрә, югары дәрәҗәдәге тавыш, ут, лазер тамашасы, фейерверк белән  грандиоз шоу-программа әзерлибез. Баянга, оркестрга кушылып җырлаячакмын, хит булырга өлгергән һәм эстрада җырларымның яңалары яңгыраячак. Концерт видеога да төшереләчәк, DVD диск та чыгарырырга планлашытрабыз.

– Концертта кемнәр катнаша? Беренче зур концертыгыз бугай, ялгышмасам, борчыласызмы?

– Әлбәттә бик дулкынланам, борчылам. Әйе, бу минем беренче зур концертым, монда Хәмдүнә апа Тимергалиева, Ләйсән Мәхмүтова, Гүзәл Асылбаева катнашачак. Көчле тавышлы, уңай энергетикалы бу җырчылар тере тавышка җырлаячак. Программа безнең җырчыларга яраклаштырып төзеләчәк, бию ансамбле дә булачак, алып бара – Фаил Баязитов. Тамашачыларга да бик ошар дип уйлыйм.

View this post on Instagram

A post shared by Ведущий свадеб Казань (@vinaris_ilyeget)

Запись “Мондый бизәлеш якынча 450 меңгә төшә…”: Винарис Ильегет нинди тамаша әзерли? впервые появилась Tatar Today - татар яңалыклары..

Концерт сезоны тәмамлануга карамастан, Винарис Ильегет чыгышларын дәвам итә. Ул үзенең җәйге концерт сезонын ачкан. Күптән түгел Уфада, шушы көннәрдә Ләйсән Мәхмүтова белән “Кыстыбый шоу”да “Яшьлек” мәдәният йорты сәхнәсен “кыдырган”.

View this post on Instagram

A post shared by Ведущий свадеб Казань (@vinaris_ilyeget)

Бик тиздән җырчы теплоходта артистлар белән Идел буйлап сәяхәткә җыена. Чөнки 7 июньнән башлап, һәр җомга саен, “Ре Мажор” концерт агентлыгы теплоходта иң күңелле, якты кичәләр оештыра.

Программада :
– Иң шәп алып баручы
– Тере вокал, оригиналь жанр артистлары
– Дәртле татар хитлары һәм чит ил треклары
– Конкурслар, бәйгеләр, бүләкләр белән “Nastolgie” һәм “Йолдызлы хит-парад” ретро-кичәләре каралган.

Иң мөһиме – ризык һәм эчемлекләрне һәр кеше үзе белән алырга мөмкин.
Теплоход 20.00 сәгатьтә китә, 23.30 сәгатьтә кайта.
Бәясе нибары 1000 сум (Төркемнәр өчен ташламалар каралган)
Билетларга 8-987-225-17-70 яки 225-17-70 телефоннары буенча заказ бирергә була

View this post on Instagram

A post shared by Ведущий свадеб Казань (@vinaris_ilyeget)

Запись Винарис Ильегет сәяхәткә җыена… үзе генә түгел… впервые появилась Tatar Today - татар яңалыклары..