Күпләргә “Язларда табылдың сөйгәнем” җыры аша таныш Лилия Хаснулова, әлеге җыры белән хид-парадларда югары баскычларны яулап килә. Җырчы җәйгә иҗат белән бәйле нинди планнар корган? Кайда, ничек ял итәчәк? Бу хакта үзеннән сораштык.

“Җәйге планнарга килсәк, алар бик күп. Татарстанның төрле районнары Сабантуйларында чыгыш ясаячакмын. Эшлисе эшләр, яздырасы яңа җырлар көтеп тора. Планлаштырылган эшләрне бетергәч, җылы якка ял итәргә барачакбыз. Татарстанның Буа районындагы матур табигатьле авылга, дәү әти белән дәү әни янына да кунакка кайтачакбыз. Электән җәй көннәрендә барча туганнар очрашып, эшләргә, ял итәргә кайта торган гадәтебез бар.

Бакча эшләрен дә бик яратам. Кышка кирәкле җиләк-җимешләрне, яшелчәләрне, күнел өчен чәчәкләрне үзем утыртып үстерәм”, дип сөйләде җырчы Лилия Хаснулова.

View this post on Instagram

A post shared by Лилия Хаснулова 🎤(Певица РТ) (@lilia_hasnulova)

Запись Җырчы Лилия Хаснулова: “Электән гаиләбезнең мондый гадәте бар” впервые появилась Tatar Today - татар яңалыклары..

“Язларда табылдың сөйгәнем” җыры аша күпләргә таныш булган Лилия Хаснулова әлеге җыры белән татар телеканаллары хид-парадларына үтеп кереп, үз урыны өчен көрәшә. Җырның тарихын, клипны төшергәндә нинди хәлләр булганын, Лилиянең ни өчен сәхнәне сайлавын сораштырыр өчен, җырчының үзе белән аралаштык.

—            Лилия, бу җырыгызның тарихы нинди?

—            Беренче ишетүдә үк “бу – минем жыр”, дидем. Җырның сүзләр авторы Айгөл Вәлиуллина аны миңа үзе тәкъдим итте.

—            Клип төшергәндә булган нинди хәлләр исегездә калды?

—            Клип 2017 елнын маенда төшерелде. Ул елны май ае бик салкын иде. Көн дә яңгыр явып торды, болытлы булды. Шуңа күрә, без клипны төшерүче режиссер белән съемкаларны кичектереп килдек.

Һава торышын алдан күзәтеп, бер кояшлы көнне съемкаларга керештек. Көне кояшлы булса да, җилле, салкын иде. Клипта төрле җәйге күлмәкләр киеп төштем. Урамда чама белән 6-7 градус булгандыр, шулай да салкын икәнен, туңганны сиздермичә, елмаеп җырны җиткерергә тырыштым.

Тәнәфес вакытында режиссер җылы курткалар биреп, кайнар чәйләр эчертте. Иң истә калганы тагын шул булды – учак янында төшкән өлештә яраткан курткамны учактан чыккан очкын яндырды.

–                Әлеге җырыгыз белән хит-парадларда катнашасыз, алар өчен ничек тавыш биреп була?

–                Әйе, бүгенге көндә әлеге клибым ТМТВ каналындагы “Музыкаль каймак” һәм ТНВ каналында барган “Кайнар хит” хит-парадларында катнаша.

ТНВ каналында клипка тавыш бирү өчен, атна давамында 5577 номерына ТНВ сүзен язып, буш ара калдырып, 339 санын язып, смс хәбәрләр җибәрергә кирәк. Ә инде шимбә көнне тапшыру барышында сәгать 10 нан 11 кадәр 8 (843) 221 58 74  номерына өй һәм кәрәзле телефоннардан шалтыратып, тавышлар бирергә була.

View this post on Instagram

A post shared by Лилия Хаснулова 🎤(Певица РТ) (@lilia_hasnulova)

—            Лилия, ни өчен сәхнәне сайладыгыз? Сәхнәдәге көндәшлектән курыкмыйсызмы?

—            Сәхнәгә мәхәббәт кечкенәдән булды. Җырлау сәләтем әнием ягыннан күчкәндер. Әнием, дәү әнием, дәү әтием бик матур җырлыйлар.

Сәхнәсез, җырсыз тора алмаганга җырчы тормышын сайладым. 9 сыйныфны тәмамлап, Казанга Әүхәдиев исемендәге Казан музыка көллиятенә укырга кердем. Башлангыч музыкаль белемем булмаса да, тавышымны тыңлагач, уку йортына алдылар. Музыкаль көллиятне тамамлагач, КФУның музыкаль факультетында, Айдар Файзрахмановта белем алдым.

Көндәшлеккә килгәндә, бүгенге көндә җырчылар бик күп, ләкин алар арасында җырлый белмәгәннәре дә, сәхнәгә лаек булган җырчылар да бар. Көндәшлектән курыкмыйм, чөнки һәр җырчының үз вакыты һәм үз тамашачасы бар.

Запись “Язларда табылдың сөйгәнем” дип җырчы Лилия Хаснулова нинди тарих төшерә? [видео] впервые появилась Tatar Today - татар яңалыклары..