«Дусларым, без зур югалту кичерәбез. Моны бернәрсә белән дә чагыштырып булмый. Берничә генә сүз әйтәм. Ирек гел кешедән алда, беренче булды. Эшләгән эше һәрвакыт кешенекеннән зур, яхшы булды. Фикерләре буенча да кешедән аерылып тора иде. Гомерен дөрес итеп, тарихта кала торган итеп яшәде. Рәхмәт сиңа, улым», — диде ул.

Җәүдәт Миңнәхмәтов бирегә килүчеләргә рәхмәт әйтте.

«Дусларга балалар, оныклар белән уйнарга, күбрәк вакыт уздырырга әйтер идем. Аларны югалткач кына кадерен беләсең. Менә Ирекне югалттык. Сөйләшеп булмый. аралашып булмый. Балаларның кадерен белегез, матур итеп яшәргә тырышыгыз. Калган вакытыгызны юкка уздырмагыз. Бу дөнья шулкадәр кадерле, ул тиз узып китә. Сак булыгыз барыгыз да. Шушы авыр көндә Ирекне озатырга килгән өчен рәхмәт барыгызга да», — диде ул.