Әбри Хәбриевкә “10 сорау” тапшыруында провокацион сораулар бирүен искәртәләр.

“Бу сорауларны мин бирмим, редакторлар әзерли. Аларны мин алдан күрмим дә. Мин артистлар турында күп беләм. Редакторлар әзерләгән сорауларны ишеткәч, мин: “Их, әгәр мин белгәнне сорасалар, шундый скандал булыр иде!” дип уйлыйм. Мин гайбәт яратмыйм, башкалар турында начар сөйлисем килми. Һәм этик яктан бу дөрес дип уйлыйм, мин килгән кунак белән әңгәмәне бозарга тиеш түгел. Шуңа аларның проблемаларын халыкка чыгармыйм”, – ди.

Интервью алучы, сорауны кем генә әзерләсә дә, тапшыруда нәкъ менә Әбри Хәбриев бирүен, тамашачының да аны Әбри Хәбриев соравы дип кабул ителүен әйтә. “Сез үзегез кара пиарны кабул итмим, кешеләрне үпкәләтмим дип әйтәсез. Әмма мондый формат кешене үпкәләтергә мөмкин”, дигән фикерен әйтә.

Әбри Хәбриев әйтүенчә, тапшыруга килгән артистлар “уңайсыз” сораулар булуына әзер булып килә, әмма берсе дә үпкәләмәгәнен белдерә. “10 сорау” кара пиар түгел, без пычрак сораулар бирмибез, без бары тик артист тормышына нигезләнгән сорауларны гына бирәбез”, – ди ул.

— Алайса менә Руслан Кираметдинов белән Ильмира Нәгыймованың гаугалы вакыйгасы турында ни әйтәсез? Бергә яшәгәндә, Руслан Ильмираны үзенә хыянәт иткән дип белдерде. Бу зур тавыш чыгарды, Ильмира ягыннан үпкә булды, ул социаль челтәрләр аша элекке иренә җавап бирергә мәҗбүр иде. Бу кара пиар түгелме?

— Русланның җавабы – аның җаваплылыгы. Аңа сорау бирделәр, Руслан башкача да җавап бирә ала иде. Ул үзе теләгәнчә җавап бирде. Без артистлар өчен җавап әзерләмибез, алар үзләре җавап бирә. Әгәр ул башкача җавап бирсә, ажиотаж булмас иде. Мәсәлән, ул “белмим” дисә, берни дә булмас иде. Әмма ул шулай җавап бирде. Ул моның нинди җаваплылык икәнен, моның нинди тавыш чыгарасын белгәндер, – дип җавап бирә Әбри Хәбриев.

Әбри Хәбриев “10 сорау” тапшыруында Руслан Кираметдиновка бер сорауга җавап бирүне сорый. «Ильмираның сезгә хыянәт иткәне булдымы?» –дип сорауга Руслан:  «Минем уйлавым буенча, булды. Булгандыр дип саныйм. Чөнки гаиләдән хатын-кыз просто китми, гаиләне таркатмый беркайчан да. Чөнки ул сизелә башлады соңгы вакытларда. Салкынлык, башкасы. Мин аны сизә башладым, тоя башладым. Шуның өчен мин аны булгандыр дип саныйм», – дип җавап бирде. Ильмира Нәгыймова моңа социаль челтәрләрдә «Инде артыкка китте… Син бөтен чикләрне узасың. Миңа яла якканчы, чын ир-атларча балаларыңа булышыр идең. Мин шок хәлендә. Дәвалан!» – дип җавап бирде. Руслан Кираметдиновны яклаучылар да, “мужик башы белән шуны сөйли” дип гаепләүчеләр дә күп булды.

чыганак: https://kazanfirst.ru/interviews/abri-habriev-zhvaneczkij-hazanov-sejchas-ne-ponyatny-slushatelyu-im-ne-nuzhna-filosofiya-ih-yumora

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Әбри Хәбриев ни сәбәпле Руслан Кираметдиновка хыянәт турында сорау биргәнен әйткән впервые появилась Tatar Today - татар яңалыклары..

Юмор остасы һәм җырчы Әбри Хәбриев Инстаграм битенә видео салган. Анда ул ферма ачып җибәрүе турында сөйли. 

“Дуслар, ферма ачтык бит, котлагыз. Әлеге ферма безгә пандемиядән соң зур акчалар китерәчәк. Бәлки, ресторан да ачып җибәрербез. Безнең фермага кушыласыгыз килсә, рәхим итегез. Менә әкәм-төкәмнәр фермасы. Нинди матурлар, нинди симезләр. Йодрык хәтле зур булып үсә ала диләр. Әкәм-төкәм кирәк булса, килегез, бушка биреп җибәрәбез”, – дип шаярта ул.

Инстачылар арасында кайберләре Әбри Хәбриевлар гаиләсе бәби көтә дип белгән: “Мин, видеоны караганчы, Хәбриевлар бәби көтә дип уйлаган идем”

Икенчеләре әкәм-төкәмне бушка таратмаска кушалар, чөнки ул бит тиресе өчен бик файдалы икән. Берсен 250 сумга сатарга киңәш иткәннәр.

View this post on Instagram

A post shared by Әбри Хәбриев (@abri_xabrieff)

Фото: Әбри Хәбриев инстаграмыннан

Чыганак: Әбри Хәбриев инстаграмыннан 

Запись Юмор остасы Әбри Хәбриев: “Нәселебез арта!” впервые появилась Tatar Today - татар яңалыклары..

Танылган юмор остасы Әбри Хәбриев тәнкыйть төшенчәсенә карашы, Салават Фәтхетдиновның аңа карата мөнәсәбәте, татар эстрадасы, юморлар языр өчен фикерләрне кайда туплавы турында сөйләде. Шулай ук сәхнә тормышыннан тыш, бик кызыксынып башкарган шөгылен, авылны да искә алып үтте ул.

– Фонограммага җырлаганың бармы?

– Гомеремдә бер тапкыр 2004 нче елда “Урмай моңы” фестивалендә фонограммага җырлап карадым. Фонограммага мин эләгә белмим. һәрвакыт һәрбер җырны башкарганда каядыр сузыбрак җибәрәсең, каядыр басымны үзгәртеп аласың. Уфада да бер концертта ялгыш “минус” урынына “плюс”не җибәрделәр. Дер калтыранып җырлап чыктып мин шул чакта. Әлбәттә, дискотекаларда фонограммага җырларга туры килә, чөнки анда аппаратура башка төрле, үз-үзеңне ишетмисең. Концерт вакытында кайда гына чыгыш ясасам да, бервакытта да фонограммага жырламыйм. Минем бер пародиямнең дә яздырылып куелганы юк.

– Синең тавышың “Ласковый майлар”ны хәтерләтә. Электән шулаймы ул? Җырлаганда үзгәрә дә куя.

– Әйе. Бөтен кешенең шулай бит ул, сөйләшкәндә бер төрле, җырлый башлагач, үзгәрә. Менә Салават абыйныкы да шулай бит.

– Салават абыйдан күп “эләкте”ме?

– Укыган вакытта гел мине сүгә иде ул. Мин, гомумән алганда, соңгы елларда үземне “студент-отшельник” итеп хис итә идем. Әле хәзер генә бераз башка төрле. Укыган вакытта һаман тәнкыйтьләде ул мине. Миндә “Салават абый мине яратмый” дигән комплекслар да барлыкка килде. Дөресен генә әйткәндә, бу әйбер миндә хәзер дә бар.

– Тәнкыйтьне ничек итеп күтәрәсең син? Һаман алга барырга нәрсә этәргеч бирә?

– Бәлки яшь өстәлә барган саен, акыл төшенчәсе дә артадыр. Дөньяны кабул итү башка төрле була башлыйдыр. Мәсәлән, сине бүген тәнкыйтьләделәр, ди. Тәнкыйтьне дә бит әле шул өлкәдә белеме булган, эшләгән, авырлыкларын үз җилкәсендә тойган кеше генә әйтә ала. Ә калганы тырнак астыннан кер эзләү генә. Мин үзем дә, мәсәлән, белмәгән өлкәм турында сүз әйтә алмыйм.

– Син җырчыларга пародияләр ясыйсың. Аларны интернет аша күзәтеп барасыңмы?

– Әйе, инстаграм, ютуб аша күзәтеп барам. Үземә кызыклы мәгълүмат булып, фикерләр барлыкка килсә, Фәриткә җиткерәм.

– Син аңа “Мәдәният министры буласым килә”, дип әйттеңме әле? Шундый теләк белдергән идең бит. Ничек кабул иттеләр?

– Әйе, шундый теләк белдергән идем. Бер җавап та килмәде әлегә.

– Син моны шаяртып әйттеңме?

– Мин Мәдәният министры була алыр идем. Ким дигәндә, бу өлкәдә 15 еллык тәҗрибәм бар. Радиода эшләү, концертлар алып бару тәҗрибәсе бар. Җырчыларның да “плюс”ка яисә “минус”ка җырлаганын аерам.

– Мәдәният министры дигәннән, синең ул бинадагы кешеләр белән аралашканың бармы?

– Юк.

Запись Әбри Хәбриев Татарстанның мәдәният министры? Нигә “Салават абый мине яратмый”, ди ул? [видео] впервые появилась Tatar Today - татар яңалыклары..

Танылган юмор остасы Әбри Хәбриев 2 нче ел рәттән үз концертларын Казан тамашачысы хозурына җиткерә.  Бу уңайдан, ул Татар Тудейга башлангыч чор иҗаты һәм хәзергесе арасында нинди җитди үзгәрешләр бар, бу нәрсәгә бәйле, Салават Фәтхетдинов быелгы концерт программасына нинди бәя биргән һәм башка кызыклы  яңалыклары турында сөйләде.

– Концертыңда юморлар барысы да чама белән генә эшләнгән. Элегрәк башка төрле иде. Моңа күчү этабы кайчан башланды?

– Бу этап күптәннән бара инде. Без бит элек “Рәвешләр” белән эшләдек. Ул вакытта безнең нәкъ менә сәхнәгә чыга башлаган чор иде. Экспериментлар үткәрү, төрле-төрле юморлар сынап карау. Башлангыч чорда, килешәм, бераз гына билдән түбәнлек бар иде.

– Нәрсәгә кирәк иде ул?

– Чөнки тамашачы үзе шуны таләп итә иде. Халык аннан үзе көлә, аннан соң чыгып шуны хурлый иде.

– Хәзер дә сорый түгелме соң әле?

– Хәзер дә шулайдыр, ләкин минем хәзер дөньяга, сәхнәгә карашым үзгәрде. Ә менә шул вакытта билгеле бер тамашачыларда Әбри билдән түбән әйбер сөйли дигән фикер формалашкан. 3 ел тирәсе шулай эшләгәннән соң, мин бу әйбердән киттем. Элек туйларда да кулланган булсам, хәзер анда да минем бары тик адекват юмор гына, билдән түбәнлеккә минем 6-7 ел төшкәнем дә юк һәм төшәсем килми дә, кирәк түгел ул. Тамашачыны, киресенчә, икенче яктан юморны кабул итәргә өйрәтү максатыннан эшлибез. “Рәвешләр” белән без соң елларда шулай эшли башлаган идек. Юморның билгеле бер өлешен бирәбез, калганын тамашачы үзе уйлап бетерергә тиеш иде, тик тамашачы уйларга яратмый. Андый юморга тамашачы әзер булмаганга күрә, ул проектны без бетердек. Һәм инде икенче ел үземнең сольный концертлар белән йөрим.

– “Рәвешләр” беттеме?

– Әйе, “Рәвешләр” бүтән юк.

– Ләкин сезне халык Фәрит Галиев белән бергә күргәч, “Рәвешләр” буларак кабул итә.

– Без инде Фәрит белән “Рәвешләр” барлыкка килгәнче үк, 2000 елдан бирле бергә идек.

– Бик җитди егет, ахрысы?

– Ул үзенчәлекле кеше. Бер-беребезне аңлыйбыз. Кайвакыт кычкырып та атабыз.

– Тандем сезнең юморлар сөйләгәндә көчле.

– Юмор сөйләгәндә, дуэт буларак, бергә башладык. Мин Фәрит белән икебезне татар юморында җырларны үзгәртеп, оригинал өлешен калдырып, яртысын мәзәккә әйләндереп, шуны баян белән тереләй чыгып җырлый торган беренче дуэт. Шушы юнәлешне татар юморына кертеп җибәргән кешеләр дип курыкмыйча әйтә алам, чөнки моңа кадәр андый әйбер юк иде.

– Авторы да үзегез инде?

– Әйе, үзебез язабыз. Менә былтырлары Сирин Бәйрәмов белән эшләп алдык карикатураларын. Темаларын табу кыен.

– Быел төп тема нинди соң?

– Монда бөтенесе бар. Бераз гына авыл темасын чагылдыру да бар, тормышка караш, мәхәббәт, эстраданың китекләрендә күрсәтү бар. Төрлесеннән. Мин тоташ бер темага гына эшләргә яратмыйм.

– Программага үзгәрешләр керттегезме?

– Быелгысында 3 җыр күбрәк иде. Без аны алдык та, киләсе сезонга калдырдык. Беренче куя башлаганда, концерт 3 сәгатькә сузылса, соңыннан шомара-шомара, ике сәгать ярымга кала инде.

– Быел Салават Фәтхетдинов сольный концертыңны беренче тапкыр карады. Мин аны күзәтеп утырдым, бик җентекләп күзәтте. Үзеңә нәрсәләр әйтте?

– Концертыңның структурасын дөрес төзегәнсең. Әгәр юмор өлешен беренче биреп, төпле фикерләрне ахырга калдырган булсаң, чыгып киткән булырлар иде. Ә болай тамашачы чыгып китә алмый, чөнки ияләнеп утыра. Шуңа күрә уйландыра торган әйберләрне беренче бүлектә бирүең бик әйбәт, диде.

– Салават Фәтхетдинов синең остазың бит инде. Аның сиңа карата үзенә генә хас кагыйдәләре бармы?

– Юк, бәлки башка студентларына бардыр. Салават абый белән еш аралашкан да юк. Ләкин “Рәвешләр” белән беренче концертны хәйрия концерты итеп үткәргән вакытта, Салават абый белән киңәшләштек. Ул “Балалар” фонды җитәкчесе бит. Концерттан кергән акчаны без әлеге фондтагы кайбер балаларга өләштек. Концертның хәйрия концерты буларак үткәрелүен рекламаларга да чыгармадык, тамашачы да шунда гына белде.

– Кайсы якларыңны булса да төзәтергә киңәш бирдеме?

– Бу турыда сөйләшергә өлгермәдек.

– Ул үз-үзенә соклану дигән хис бар кебек, ди. Үзең сөйлисең дә, тамашачы көлгәнче, үзең көлеп куясың кебек.

– Миндә андый үз-үземә соклану дигән әйбер гомумән юк. Шәхсән мин андый әйберне сизмим, бәлки читтән күренәдер ул. Бәлки ул миңа гадәт буларак кергәндер. Ә болай үземне мактаганнарын да яратмыйм, кызара башлыйм.

– Ләкин эшләгән эшеңне күреп, әйткән вакытта, сиңа көч, рух өстәлә торгандыр бит инде?

– Анысы әйе, әлбәттә.

– Бик гади әйбер кебек, ә бик озак әзерлисез бит инде.

– Әйе, бик озак әзерләнә. Кайвакыт көннәр буе утырасың, юк, язылмый. Аннары икенче көнне җыелабыз инде.

– Ниндидер форматсыз урыннарда эшләгән юкмы?

– Без болай да “Рәвешләр” белән эшләгән вакытта мунчада иҗат итә идек. Юморның нигезендә ике параллель. Берсе аның – адекват юмор, икенчесе – билдән түбән. Кайсын кабул итәргә икәнен халык үзе сайлый. Бу инде аның тәрбиясеннән килә. Русларда сүз уйнату дигән нәрсә бар, бер сүз берничә мәгънәгә ия.

– Татарларда бармы ул?

– Бар ул, ләкин сирәк, бик авыр аны тудыруы. Безнең бит татар теле – матур, ләкин сай тел.

// ДӘВАМЫ БАР //

Запись Салават Әбри Хәбриев концертында ниләр әйтә? “Уральские пельмени” форматы нигә татарга бармый? [видео] впервые появилась Tatar Today - татар яңалыклары..

25-26 ноябрь Казанның Филармония залында шоумен, пародия остасы Әбри Хәбриевнең концертлары үтте.

Әлеге концертларда Әбри Хәбриев тамашачыга яңача ачылды, иҗади үсеше күренде! Фәрит Галиев белән юморлары, халык хатирәләре, авыл, балачак истәлекләреннән мәзәк язып, оста итеп сөйләүләрен, үзе иҗат иткән җырлары, себер татарлары такмакларын яңартып башкаруларын тамашачы алкышларга күмде! 25 ноябрь аларны карарга килгән җитди остазлары, халык артисты Салават Фәтхединовның күңеленә дә концерт ошады. Ул азактан, “Талантлы шәкертем, фикерле егет”, дип Әбри Хәбриев белән фотога төшеп инстаграм посты да чыгарды. Шулай ук ике көнлек концертта өлкән остазы Шәмси Закиров та, иҗатташ дуслары, хезмәттәшләре дә тамаша кылды. Автор-башкаручы Илназ Гарипов та әлеге тамашаны ошатуын, бигрәк тә юморларны яратып каравын әйтте.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Тиздән Татар Тудейның ютуб каналында репортаж, Әбри Хәбриев белән эксклюзив әңгәмә чыгачак! Безне күзәтеп барыгыз.

Запись Әбри Хәбриевнең Казанда үткән концертлары турында Салават Фәтхетдинов, иҗатташ дуслары нинди фикердә? [видео] впервые появилась Tatar Today - татар яңалыклары..

View this post on Instagram

A post shared by Ведущий Фарит Галиев (@farit_galiev)

Запись Әбри Хәбриев белән Фәрит Галиевнең Арчада гектар бәрәңге алу тарихы кайберәүләрнең тынычлыгын боза впервые появилась Tatar Today - татар яңалыклары..

Татарстанның халык артисты Асаф Вәлиевның буйдаклыгы темасы татар матбугатында 90 елларда бик популяр иде. Җырчыны әллә кемнәргә “өйләндереп” бетергәннәр иде ул вакытта. Аннары, “Асаф буйдак егет” дигән белән килешеп булса кирәк, җырчыны тынычлыкта калдырдылар.

Запись Асаф Вәлиевнең өйләнүен халык белми дә калган диме? [видео] впервые появилась Tatar Today - татар яңалыклары..