ТНВ телеканалы булачак татар журналистлары өчен “ӘЙДӘТНВга2019” бәйгесен игълан итте. Бу мөмкинлек 11 сыйныф, көллият яки техникум тәмамлаган, үз фикере булган, журналистика белән кызыксынган һәм ТНВда эшләргә хыялланганнар өчен.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Бәйгедә катнашучылар “Якын дустым!” темасына инша язарга, эссеның текстын 2019нчы елның 19нче апреленнән дә соңга калмыйча, телекомпаниянең PR-бүлегенә pr_tnv@mail.ru электрон адресына юлларга тиеш.

Тулырак мәгълүматны tnv.ru сайтында яки социаль челтәрләрдә белергә була.  Белешмәләр өчен телефон: 89083435073.

Запись Чыгарылыш сыйныф укучылары КФУда белем алуга грант ота ала впервые появилась Tatar Today - татар яңалыклары..

Быелдан республикада бушлай журналист белеме алу булмаячак. Шул нисбәттән, “Яңа Гасыр” телеканалы, татар журналистлары әзерләү өчен, телеканалның махсус грантына конкурс игълан иткән иде.

“Әйдә ТНВга” конкурсына 2018 елның 5нче апрелендә старт бирелде. “Яңа Гасыр” каналының максатчан грантын алу өчен татар телен камил белгән 11нче сыйныф укучылары катнашты. Ул өч турда уздырылды. Беренче турда конкурсантларга “Якын дустым” темасына эссе язып җибәрергә кирәк иде. Икенче тур да читтән торып үткәрелде. Ул «Мин – кадрда» дип аталган иҗади бәйге кысаларында, үз-үзеңне кадрда үзенчәлекле итеп тәкъдим итүдән гыйбарәт. III тур – йомгаклау конкурсы, телекомпаниядә үтте.

Икенче турдан узган 6 конкурсант үзләрен, “Интервью” жанрында сынады. “Бәйгедә 41 укучы катнашты. Беренче этаптан 27 кеше калды. Шуның 6сы ярымфиналга узды. Әйтергә кирәк, лаеклылар җиңде”, – диде Илшат Әминов.

Шулай итеп, “Әйдә ТНВга” конкурсының җиңүчеләре:

– Арча шәһәренең 5нче гимназия укучысы Алия Сабирова;
– Лениногорск районының Иске Куак төп гомуми белем бирү мәктәбе укучысы Сиринә Сәхәпова;
– Азнакай шәһәренең 8нче урта гомуми белем бирү мәктәбе укучысы Инзилә Хөсәенова.

“Татар информ” хәбәрчесе Чулпан Шакированың “Бәйгедә егетләр катнаштымы?” дигән соравына Әминов: “Бер генә егет катнашты, әмма көче ягыннан аерылып тормады”, – диде.

“Яңа Гасыр” телерадикомпаниясе Казан федераль университетының журналистика һәм медиакоммуникацияләр Югары мәктәбендә журналистика белгечлеге буенча, яңа милли медиа (бакалавриат) юнәлешендә белем алу буенча конкурс җиңүчеләре белән контракт төзиячәк.

Конкурсның максаты – татар мәктәпләрен тәмамлап, татар телен камил белгән, иҗади яктан сәләтле балаларга телевизион журналистика һөнәрен үзләштерергә ярдәм итү, “Яңа Гасыр” республика каналында эшләү өчен югары белемле милли кадрлар әзерләү, “2014 – 2020нче елларда Татарстан Республикасы дәүләт телләрен һәм Татарстан Республикасындагы башка телләрне саклау, өйрәнү һәм үстерү” дәүләт программасын гамәлгә куюда катнашу.

Запись КФУ журфагына 100әр меңнәр түләсәләр, ТНВ бушлай укытачак өч кызны күрсәтте впервые появилась Tatar Today - татар яңалыклары..