“Бүген мин әти булдым! Бүген дөньяга тагын бер әти кызы (үпкәләмә, әнисе) аваз салды! Рәхмәт Бөек Раббыбызга!Рәхмәт сөеклемә!Рәхмәт әти-әниләребезгә!Рәхмәт якыннарга!”, – дип язган алып баручы социаль челтәрдә.

Чыганак: Инстаграм

Запись Айваз Садыйров тәүге тапкыр әти булган впервые появилась Tatar Today - татар яңалыклары..

Җинаять эше Татарстанда Нурлат шәһәрендә яшәүче 44 яшьлек кешегә карата кузгатылган. Ир ун яшьлек кызын даими кыйнауда шикләнелә.

Тикшерү версиясе буенча, быелның март-июнь айларында ир баласын кыйнаган. Әйтик, май аенда ир кызның яшерен генә сатып алынган куертма эчүен ачыклый, шуннан соң аңа консерв банкасын ыргыта. Бәрелүдән кызның башында тиресе киселә.

Туганының хокук саклау органнарына мөрәҗәгать иткәннән соң, Татарстан кешесенә карата тәрбияләү бурычларын үтәмәү турындагы маддә буенча җинаять эше кузгатылган.

Хәзер тикшерү нәтиҗәсендә килеп чыккан хәлнең барлык шартларын билгеләүгә юнәлдерелгән гамәлләр башкарыла. Җинаять эшен тикшерү дәвам итә.

Фото: Shutterstock

Чыганак: KazanFirst

Запись Татарстанда әтисе 10 яшьлек кызының башын… впервые появилась Tatar Today - татар яңалыклары..

Җырчы Әнвәр Нургалиев үзенең Инстаграм битенә әтисенең елап җырлаганын видеога төшереп салган. 

“Әтине йортыбызга алып кайттым.
Әти бераз биреште. Без ир-атлар шәп чагыбызда гына күкрәк киереп йөрибез шул. Яныбызда яраткан кеше булмаса, шунда ук ятимгә әйләнәбез .Әтиемнең чәй эчеп утырган җиреннән куңеле тулып китте, узе җырлый, кузенлә яшь тамчылары ялтырый. 60 ел бер-берсенә терәк булып мәхәббәттә яшәделәр”, – дип яза җырчы.

“И, бабай, сагына инде. Түземлелек кенә телисе килә. Матур җырлый, моңлы тавышлы. Молодец, озын-озак еллар, тазалык телибез!!”

“Дөрес эшләгәнсең, Әнвәр! Әтиеңне олыласаң,үзеңне Аллаһы Тәгалә олылар! Күңелен күрергә күп кирәкми бит! Кайнар аш, тәмле сүз, якты чырай бик җитә!” – дип язалар инстачылар.

Чыганак: Әнвәр Нургалиевның инстаграмыннан

Запись Әнвәр Нургалиев: “Әти бераз биреште” [видео] впервые появилась Tatar Today - татар яңалыклары..

«Башка җырчыларга язу авыррак…»

– Бик актив иҗат итәсез. Автор, композитор Илнат Фәрхуллинны нәрсә яки кем илһамландыра?

– Беренче чиратта, Ходай. Барысы да аның кулында. Икенчедән, алдыма куелган максатлар. Айдар абый Фәйзрахманов белән ансамбльдә (ТР Дәүләт фольклор ансамбле. – Ред.) эшләгәндә, ул безне болай дип өйрәтә иде: кеше көн саен ни дә булса эшләргә, нинди дә булса яңалык ачарга тиеш. Әле дә мин шуңа омтылам, бу – минем тормыш девизым. Үземне, ялкаулыгымны җиңеп, көн дә профессиональ яктан үсәргә тырышам. Әлбәттә, минем дә башкалар кебек үк ял итәсем, күңел ачасым килә, тик әлегә менә шушы үсеш – беренче урында.

– Иҗат «бармый» торган, авыр чорларсыз да булмыйдыр. Аларны ничек кичерәсез?

– Булганның кадерен белер өчен андый чорлар да кирәк. Авыр чакларда үземне яхшы эмоцияләргә, хисләргә «көйлим». Шул ук җыр үзе дә бик ярдәм итә: мин барыбер язам. Гадәттә, андый вакытларда салмак, моңсу, күңелгә үтеп керердәй җырлар туа.

– Заказга җыр язып бирергә кирәк, ләкин теләк тә, көч тә юк. Мондый очраклар буламы? Ничек җиңәсез үзегезне?

– Юк. Мин йә алынам һәм, бөтен күңелемне биреп, эшне ахырына кадәр җиткерәм, йә алынмыйм. Һәм бу кагыйдә бар кешегә дә кагыла. Гади студент килеп сораса да, танылган җырчы булса да – барысына да күңелем кушканча, яхшы итеп эшләп бирергә тырышам.

– Кем өчен язу кыенрак: үзегезгәме, әллә башка җырчыгамы?

– Башка җырчыларга язу авыррак. Миңа киләләр дә: «Менә болай булырга тиеш, менә шулай сизәм», – дия башлыйлар. Соң сизгәч, үзең яз инде аны (көлә). Кешеләр төрле бит, текстларны да, көйне дә төрлечә кабул итәләр. Ә мин үзем – ничек тоемлыйм, шуннан тайпылмыйча иҗат итә торган кеше. Аннан соң, бер язган әйберне кат-кат үзгәртү дә авыр бирелә. Алай иткәнче, яңа җыр язам мин, чөнки беренче язган әйбер иң яхшысы булып тоела.

 «Начар әтидер дә мин…»

– Ә үзизоляция чорын ничек кичердегез соң? Аңлавымча, бу чорда сезнең иҗат күпкә активлашты гына…

– Һәр начар әйбернең яхшы ягы булган кебек, үзизоляциянең дә минем өчен яхшы яклары булды. Бу чорны студиядә уздырдым: бик күп җырлар иҗат иттем, яздырдым, аранжировка эшләргә өйрәндем, клиплар төшердем. Гомумән, бу соңгы дүрт ай гел иҗатта гына үтте.

«Мин җырчылар тарафыннан әйтелгән «подписчиклар» сүзен кабул итмим. Мыскыллый торган сүз кебек тоела ул миңа хәтта. Сиңа язылганнар икән, алар – синең тамашачың. Бигрәк тә бүгенге вазгыять шартларында тамашачыларны шул «Инстаграм залы»на гына җыеп була бит».

– Көнозын студиядә эшлим, дисез. Гаиләгезнең моңа мөнәсәбәте нинди?

– Үз алдыма максатлар куйгач, бернигә карамастан, мин аларга ирешергә тиеш инде. Гаиләм моны аңлый дип беләм. Дөрес, минем белән бер дә җиңел түгел. Күпмедер дәрәҗәдә начар әтидер дә мин, чөнки балаларыма тулысынча игътибар бирә алмыйм. Үзем белән студиягә алып барырга, алар белән булырга тырышам тырышуын, шулай да аз тоела. Тик хәзер миңа бар көчемне биреп эшләргә кирәк. Бу вакытлыча булыр дип уйлыйм. Ә радио, телевидениедә эшләү балачак хыялым иде. Шуңа Байбулат белән («Татар радиосы»нда алып баручы Булат Фасахов. – Ред.) сөйләштек тә, «Татар радиосы» җитәкчеләренә «Авыл яшьләре» исемле тапшыру башлап җибәрергә тәкъдим иттек. Менә хәзер атнага бер тапкыр кичке тугыздан унбергә кадәр республикабызның төрле авыллары турында сөйләшәбез. Яшьләр форматын кулланырга булдык: һәр авылның үз тарихы, үз танылган кешеләре бар бит, тыңласыннар, белсеннәр, дидек.

«Шәхси әйберен беркем дә башкаларга калдырып китми…»

– «Казан егетләре»ннән киткәч, тамашачы аптырашта калды. Бу адым егетләр белән шәхси мөнәсәбәтләр бозылу аркасында булдымы, әллә эш бары тик аерым җырчы буларак иҗат итү теләгендә генәме?

– Егетләр белән мөнәсәбәтләр бозылды, дип әйтә алмыйм. Мин киткәч, димәк, бу – минем генә теләк. Бу турыда инде бик күп сөйләдем: беркемне дә гаеплисем килми, бу адымым бер урында озак тукталып тору ошамаганлыктан, яңалыкка омтылганлыктан ясалды. Үсәсе килгән кеше бер урында тукталып тормый ул. Бигрәк тә иҗат өлкәсендә.

– Ә бүген егетләр белән аралашасызмы?

– Безнең хәзер карашлар төрле, аралашыр темалар да юктыр инде. Үткәндә-киткәндә исәнләшеп китәбез, шул.

 «Инстаграмда һәркемгә җавап бирергә тырышам…»

– Төркемнән киткәндә, тамашачы үземне генә кабул итмәс, дигән уйлар килмәдеме?

– Киткәндә, мин бер нәрсә турында да уйламадым. Нинди генә профессияне алсак та, бар көчен биреп, тырышып эшләгән кешеләр барыбер игътибарсыз калмый. Аларны йә начар, йә яхшы бәялиләр. Начар бәяләсәләр – яхшы, яхшы бәя бирсәләр, тагын да яхшырак булсын дип тырышасың. Тәнкыйтьтән курыкмыйм. Аның да бит төрлесе була. Көнозын диваннан тора алмыйча гомерен үткәргәннәр тәнкыйтьли икән, аны тыңлаган буласың инде, тик игътибар бирмисең. Бәхәсләшкән чаклар да була. Әгәр тәнкыйть сүзләрен үз максатларына ирешкән, тормыш күргән, минем һөнәрне аңлый торган кешедән ишетәм икән, әлбәттә, аларга колак салачакмын, уйланачакмын.

– Социаль челтәрләргә, бигрәк тә Инстаграмга карап, үз тамашачым формалаша башлады, дип әйтә аласызмы?

– Әйе, тамашачым хәйран гына артты. Монда «Татар радиосы» һәм «TMTV» музыкаль каналының өлеше зур. Шул ук Инстаграм аша да бик күп фикерләр ишетәм. Язган һәр хатны, бәяләмәне укып, җавап бирергә, миңа язган һәр кеше белән аралашырга тырышам. Тамашачымның һәркайсын бик яратам, һәркайсына мең рәхмәтле. Алар – минем терәгем.

Әңгәмәдәш – Лилия Гыймазова

Чыганак: Ватаным Татарстан

Запись Җырчы Илнат Фәрхуллин: “Начар әтидер дә мин…” впервые появилась Tatar Today - татар яңалыклары..

Алсу Фазлыеваның әтисе 2020 елның 9 мартында үлгән иде. 

Алсу Инстаграм битендә әтисе турында язган. Хаман аның юклыгына ышанып бетә алмый һәм бик сагына.

“Әтине искә алмаганбер көнем дә юк… бик сагынабыз… Эле генә Камазында меңәр километрараларны йөреп кайткан Әтинең юклыгына ышанасы килми… бик яшь киттең , Әти,эшләп йөргән җиреннән юк булдын…
Бары тик эш белән генә онытылып торам. Куңелемдә сагыш урнашты, бетмәс сагыш…
Ләкин, син минем белән кебек, миңа ярдәм иткән кебек тоям.
Рухын шат булсын, Әти🙏
БИК сагынабыз🙏”

View this post on Instagram

A post shared by Алсу Фазлыева (@alsufazlyeva)

Запись Алсу Фазлыева: “Аның юклыгына ышанасы килми…” впервые появилась Tatar Today - татар яңалыклары..

Башлангыч укытучылары белә: без үзебезнең һәрбер балабыз өчен өчен кайгырып яшибез. Тәртибе, билгеләре өчен генә түгел, тормышы өчен борчыласың. Балаларның кемнең кем икәнлеге, ничегрәк яшәгәннәрен тәнәфестә нәрсә ашап алуларыннан да белеп була. Тулысынча түгел, билгеле. Әмма барыбер күзаллап куясың.

Әле менә кичәдән бирле үземә урын таба алмыйм. Бер кызым өчен борчылам. Әйбәт укучы ул, тырыш бала. Сәнгать мәктәбенә дә йөри иде. Күптән түгел шунда йөрүеннән туктавын белдем. Урамда укытучысы күреп әйтте. “Балаларның өй эшләре күп инде, шуңа йөрми башлагандыр”, – ди. Әле анда да әлләни шикләнмәдем. Бала-чага шулай бит инде ул: яратып йөри башлый да, аннан йөрми, сызыла. Әмма ул кыз мәктәптә дә бераз аксый башлады. Йокымсырап та утырган төсле. Берничә атна күзәттем дә, кичә әнисенә шалтыраттым.

Бик озак сөйләштек. Баксаң, болар ире белән аерылышканнар икән. Әти кеше башка хатынга чыгып киткән. Бергә алган кредитлар да хатынга өелеп калган, җитмәсә ипотека да бар ди. Ир шуларның берсен дә түләми икән. Бу әни кеше документлар җыеп, суд юлында йөри. Әҗәтләрне аңа да бүлеп бирергә кирәк бит инде. Ә анысын суд кына эшли. Тормыш булгач, аерылышулар да булганын мин үзем дә бик әйбәт беләм. Ирем белән бераз гына яшәп аерылышкан идек. Бердәнбер кызымны үзем генә үстердем, иремнән шулай ук бер тиен ярдәм булмады. Авыр булды инде. Әмма без яшь чакта ипотекасы, банк кредитлары юк иде бит. Бер хезмәт хакыннан икенчесенә яшәдек. Яки яшәргә тырыштык. Ә хәзер башка заман бит. Хәзер бөтен ата-анада кредит өстенә кредит, ирле-хатынлы бер-берсенә шул яклап та бәйле.

Гаиләләрен ташлап киткән аталар белән ярты ил тулган. Укытучы буларак, миңа балалар кызганыч. Бергә алган кредитлар булгач, инде аерылып башка хатынга китсәң дә, ник шул бурычларны түләп бармаска инде ир кешегә? Балалар бит мәктәпкә нидер ашап, нидер киеп тә китәргә тиешләр. Бу әтиләр шуны бер дә уйламыйлар микәнни соң? Менә хәзер салкыннар җитте. Аягына кияргә ни бар аның кызының, тәнәфестә ашарга дип рюкзагына салып китәргә өйдә ризык бармы анда, юкмы – бер дә шуны уйламый микәнни соң? Бергә яшәгәндә тормышка күпме киткәнен белгән бит инде ул әти кеше. Ә хәзер ни үзгәргән соң?

Әтиләре чыгып китте дип, бала ашаудан да, үсүдән дә туктамый ләбаса. Бала-чага бер-берсеннән кызыгып та ашый бит әле ул. Күзләре күрә бит, аларның да кеше ашаганны ашыйсы килә. Кемдер үзенекен бүлеп бирергә мөмкин, кемдер – юк. Төрле бала була, берсен дә мәҗбүр иттереп булмый. Сәнгать мәктәбеннән дә артык акча булмаудан сызылган булып чыкты ул бала. Ашауга да тартып-сузып кына җиткергәндә, җырлап-биеп йөрисе килмидер шул.

Аңа кәеф тә, гәүдәне күтәреп йөрергә хәл дә кирәк бит. Үсә торган чорлары. Бүген иртән торуга, беренче эш итеп, әти кешенең дә номерен җыеп караган идем. Телефон номерын үзгәрткән, күрәсең, сөйләшеп булмады. Укытучы буларак, минем аңа баласы турында әйтергә хакым бар бит. Әмма сөйләшеп кенә булмады шул, бик кызганыч. Ах, бу әтиләрне! Үз йөрәгеңне ярып саласыңмени инде аларга?! Минем шуны әйтәсем килә: аерылышмагыз! Инде дә бергә яшәп булмыйча, китәсез икән, зинһар, балаларыгызны акчага тилмертмәгез. Акчага тилмерү – ачка тилмерү дигән сүз бит ул. Совет чорында мәктәп балаларга бушка ипи тарата иде. Хәзер бушка бер кисәк ипи дә юк бит.

Язмыш кочагы

Запись “Ах, бу әтиләрне! Үз йөрәгеңне ярып саласыңмени инде аларга?!” [тормыш хәле] впервые появилась Tatar Today - татар яңалыклары..

Укымаганлыкмы, ялкаулыкмы, язмыштырмы ул, белмим. Югыйсә, әни гел эшләде инде. Әти аның кебек үк булдырмаса да, айнык чакта тик тормый иде шикелле. Әни бала җанлы булды. Бәйрәм көннәрендә генә булса да, юкны бар итәргә тырышып тәмлерәк, башкачарак итеп табын кора иде. Ә әти – коры кеше. Аңа әллә бәйрәм көне, әллә юк.

Дөрес, бер шешәлек булса да эшли алса, аннан да бәхетле кеше булмый иде инде. Аңа бәйрәм ясар өчен шул җитте. Ничәнче сыйныфта укыганмындыр, хәзер төгәл генә белмим дә. Башлангычлар иде бугай. 8 март – безнең көн дип, әни камыр куйды, күп итеп кабартмалар пешерде. Өй тәмле таба, кызган май исе белән тулды. Шулчак, бөтен ямне җибәреп шактый кәефләнеп әти кайтып керде.

Кайсыбер ирләр, исерсә, ята да йоклый торган була. Ә безнең әти андый түгел. Аңа кемгә булса да бәйләнергә, тавыш чыгарырга кирәк. Бу юлы да шулай булды. Тукта, бүген бәйрәм, бераз тыелып торыйм, дип беркайчан уйлый белмәде, җирбит. Сүз арты сүз ияреп әти белән әни шактый нык ук тавышлана башладылар.
Аннан әти әнигә әле генә өстәлгә алып куелган яңа пешкән ипине (!) тотып ыргытты. Аның белән генә дә тынычлана алмагач, кыйный ук башлады. Әнинең борыныннан шаулап кан акты, 2 кабыргасы сынды. Ул елны 8 март киче әнә шулай узып китте. Бәйрәм барыбызның да күз яше, мышык-мышык елаулар белән тәмамланды.

Бу вакыйгаларга инде байтак гомер узды, хәзер үзем әни. Ә шулай да теге 8 мартны һаман онытып булмый. Әтинең дә китеп барганына ике ел. Ике ел язны аннан башка гына каршылыйбыз. Ике ел бәйрәм ансыз үтә. Беләсезме, ничек тыныч, ничек рәхәт? Аның бу дөньяда булмавы да үзе бер бәхет икән. Әнигә дә, безгә дә беркайчан бүләк ясый белмәде. Ә китеп барып барыбызга берьюлы зур бүләк ясады. Кызганыч, алай дип бәлки әйтергә түгел, уйларга да ярамыйдыр, ләкин кайбер кешеләрнең булуыннан булмавы хәерлерәк шул.

Чулпан
Язмыш кочагы

Запись Аның бу дөньяда булмавы да үзе бер бәхет икән. Китеп барып, барыбызга берьюлы зур бүләк ясады впервые появилась Tatar Today - татар яңалыклары..

“Беренче видеоларны мин кертмәдем” – ди күпләребезгә интернет аша таныш булган тракторист, блогер Василий. Хәер, бүген аның турында ишетеп, белмәүчеләр бик аздыр. Заманасы, эше авыр, дип, уфтанмыйча, үз максатларына әкрен генә ирешә-ирешә хезмәт куя ул.

– Мин Кукмара районы Югары Чура авылы егете, – дип башлады ул сүзен. Хатыным Кукмара кызы, безнең авылга кунакка кайткач танышып киттек, озата башладым. Бүгенге көндә 2 бала үстереп, матур гына яшәп ятабыз, Аллага шөкер.

– Күп вакытны колхоз эше ала, шуңа да интернетка бик аз вакыт кала. Кайткач, өйдәге  эшләрне карыйм. Маллар бар, аларны ашатам. Шулай көн узып та китә, – ди, Вася абый.

“Колхозда эшләмәсәгез, кем була алыр идегез?” – дигән сорауга:

– Техниканы яраткач, барыбер техника янында булыр идем, мөгаен. Үземнең тракторым бар, аның белән дә эшлим. Тик утырганым юк, утыра да алмыйм, – ди ул.

View this post on Instagram

A post shared by василий (@vasilijivanov7864)

– Беренче видеоларны мин кертмәдем, хатыным кертте. Яздыра идем дә, үзем кертә алмый идем. Аннары өйрәнеп киттем, үземнең эшләгәнне куя башладым. Кызыксына, карый башладылар. Хәзер, көн саен, нәрсәдер куярга кирәк, дип уйлыйм. Бүген исә, миннән әзерәк ял итсеннән, дип, бернәрсәдә куймадым, ди, әңгәмәдәшем.

View this post on Instagram

A post shared by василий (@vasilijivanov7864)

Киләчәккә булган хыял, максатлары белән дә кызыксындым:

– Өйләрне, каралты-кураларны яңарту хыялы бар. Балаларны аякка бастырасы, кеше итәсе иде. Интернетка килгәндә, яңалыклар юк. Барсыда үз көенә бара, әле монсына көчкә җитешәм, ди ул.

Шалтыратучылар да бик күп икән. Номерны каян табып бетерәләр икән, дип аптырый ул. Араларында әйбәт, начар уй белән шалтыратканнары да бар. Мәгънәсез сораулар биреп шалтыратучыларда аз түгел. Тракторда, тыгыз эш вакытында шалтыратып, баш катырып ятулары бер дә рәхәт түгел. Ачу килә, ди.

Чын авыл кешесе – тырыш, патриот булуына карамастан, торыр җир, яхшы эш тәкъдим итсәләр, балалар хакына, аларның киләчәге өчен шәһәргә китәр идем. Перспектива булыр иде, диде Вася абый. Әлеге фикер белән килешми дә мөмкин түгел, бүгенге авыр заманада, киләчәкне алдан кайгыртырга кирәк шул.

Күпләргә интернет аша гына таныш булган тракторист Василий абыйны, авылдашым буларак та бик яхшы беләм. Аңа тырышлык белән сабырлык кына түгел, тыйнаклык та хас. Инде ничә еллык тәҗрибәсе, тотып күрсәтерлек ирешкән уңышлары булса да, бер дә мактанырга, “Мин булдырам”, – дип әйтергә яратмый ул. Үзе турында газетага язасымны әйткәч тә, озак икеләнеп торды.

Керәшен халкы бүген ничек яши? Нинди авырлыклар белән очрашырга туры килә?

Әлеге сорауларга җавапны алдагы видеодан карагыз:

Элек дин-ара низаглар бик күп чыккан булса, бүген бөтенебез бертигез. Татарлар, керәшеннәр, урдмуртлар – бөтенебез бергә, бер халык булып яшибез. Катнаш никахлар бик күп, татар-керәшен, дип аеручылар бик әз хәзер. Булса да, андыйлар бездә юк, ди әңгәмәдәшем.

Чиркәүгә исә, елына 2 тапкыр барырга тырыша икән – берсе пасхага булса, икенчесе крещениега.

– Бүгенге көндә эшләгән, эшлим дигән кешегә авыл җирендә эш бар. Теләге булган кеше, теләсә каян эш таба ала. Эшлисе килмәгән кеше исә, эш юк дип “бот күтәреп” өйдә ята, дип уртаклашты Василий абый.

Авыл җирендә бер генә минус бар – яшьләргә күңел ачу, үзләрен үстерү өстендә эшләү мөмкинлеге юк дияргә була. Төрле түгәрәкләр, секцияләр күбрәк булсын иде, дип борчыла ул.

– Видеоларны ничек бар, шулай күрсәтергә тырышам. Рәхмәт, карап барасыз, комментарийлар язасыз. Алар миңа тагын да күберәк эшләргә, кызыклы видеолар кертергә этәргеч бирә, дип, үзенең укучыларына теләкләрен белдерә блогер Василий.

Менә шулай, үзе өчен генә түгел, авыл тормышы, аның киләчәге өчен дә борчылып яши блогер Василий. Тик утырмагач, гел эштә булгач, тормышлары да җитеш. Киләчәкне алдан күреп эш иткәнгә, максатларны дөрес куя белгәнгә, эштән курыкмаганга, уңышлары да күзгә күренерлек.

View this post on Instagram

A post shared by василий (@vasilijivanov7864)

Запись Чиркәүгә йөриме, авыл яки шәһәр – кем булыр иде — Instagram йолдызы, тракторчы Василий сөйли [видео] впервые появилась Tatar Today - татар яңалыклары..

“Лениногорскиның музыкаль училищесында соңгы курста укыганда телеграмма килде. “Тизрәк өйгә кайтыгыз, әтиегез үлгән”, диеп. Диплом алганга шатланып йөргән вакытта шушындый хәбәр килеп төште”, дип искә ала җырчы.

Күңелләрне телә торган сүзләр, җыр…барысы да әтисенә – Тямаев Фәрит Бари улына багышланган. Фирдүс Тямаев Инстаграмда да йөрәкләрне тетрәндергеч видео урнаштырган. Ул анда каберенә килгән дә, әтисе белән сөйләшә…

View this post on Instagram

A post shared by Фирдус Тямаев (@firdustyamaev_official)

“Бүген көн матур, рәхәт! Ләкин күңел буш… Яраткан кадерле әтиебез! Синең бүген туган конең! Әти, ишетәсеңме?

17 ел йөрәк сыкрый, 17 ел күз яше ага, 17 ел уйлар, 17 ел син юк …. Мәңге йәрәкләрдә син, әти! Рәхмәт, әти! Безне тәрбияләгәнгә күрә без чын ир-ат булып үстек ! Берәр шатлык килсә, әни гел әйтә: “Эх, әтиең генә күрә алмады”, диеп елап җибәрә, ә күңелгә авыр… Тыныч йокла, әти! Урының җәннәттә булсын!

Әни, кызың, ике улың, ике киленең, бер оныкчыгың, дүрт оныгың – без сине яратабыз!”, дип яза җырчы.

Запись Фирдүс Тямаев: “Әти үлде, дип хәбәр бирделәр. Шуннан башланды чын тормыш…” [видео] впервые появилась Tatar Today - татар яңалыклары..