4 февраль  җырчы Айгөл Рәхимова  Инстаграм битендә “Барс Медиа” ширкәтенә кагылышлы вакыйгаларга тукталды.

“Бу ширкәттә мин 7 ел буе низагларсыз эшләдем. Динә Маратовна белән дә мөнәсәбәтләребез яхшы иде. Әмма барысы да бер көндә үзгәрде. 2019 елның 26 февралендә җырчы Иркә белән бер зур чарада эшләргә туры килде. Ул  миңа шат түгел иде, хәтта тавыш күтәрде. Мин аңа игътибар итмичә генә эшләдем. Икенче көнне миңа продюссерым шалтратып, мине телевидениядән, радиолардан һәм TMTV каналы премиясеннән алдылар дигән хәбәр җиткерде. Шунысын да әйтергә кирәк: премиягә 5 көн калган иде. Башта беркем дә миңа карата бернинди дәгъва белдермәде, әмма теге чарадан соң әллә нинди сылтамалар табып, мине премиядән төшереп калдырдылар. Сәбәбен дә төгәл генә аңлата алмадылар. Бу кемнең эше икәне шунда ук аңлашылды. Мин үпәләдем, нык борчылдым. “Барс Медиа”га карата хөрмәтем зур булганга гына тавыш күтәрмәдем. Әмма хәзер берсе артыннан берсе әллә нинди куркыныч вакыйгалар булып тора. Шуңа күрә мин дә сүз әйтергә булдым. Мин гаделлек ягында. Гади генә артист башка шундый ук артистлар белән җитәкләргә тиеш түгел” – дип сөйли җырчы.

Мәгълүмат Айгөл Рәхимованың Инстаграм битеннән

Запись “Ул миңа …” – Иркә Айгөл Рәхимова нәрсә эшләгән? [видео] впервые появилась Tatar Today - татар яңалыклары..

Күптән түгел Айгөл Рәхимованың беренче сольный концертлары үтте. Әлеге концертлардан соңгы чорын җырчы авыр кичергән, коллегаларыннан да яман сүзләр килеп ирешкән. Әмма “Мин бу уңышларга ничә еллар килдем, тукталып калырга җыенмыйм”, дип сөйләде Айгөл Рәхимова Tatar todayга.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Айгөл Рәхимова концертларыннан соң авыр чор кичерә [видео] впервые появилась Tatar Today - татар яңалыклары..

28 февральдә танылып килүче яшь җырчы Хәкимнең Казанда тәүге концерты үтте. Концерт татар җырчылары өчен гадәти булмаган форматта, “Шутка-бар” банкетлар залында оештырылды.

Әлеге концерттан Tatar Today порталы махсус видеотапшыру әзерләде. Бу язмада Хәкимнең сәхнә артында нинди булуы, аның продюсеры Гүзәлия фикерен, Хәкимнең Айгөл Рәхимова белән мөнәсәбәтләре, иҗаты турында башка яшь җырчыларның ни уйлавын ишетә аласыз.

Хәкимнең продюсеры Гүзәлиянең сүзләренә караганда, әлеге концерт Хәкимнең иҗаты белән таныштыру, нинди икәнен күрсәтү максаты белән оештырылган, шуңа күрә концертың исемен дә “Хәким”, дип атаганнар.

Концертны Хәким рус телендә алып барды. Сәхнә артында безгә татар телен ныклап өйрәнү өстендә эшләвен әйтте. “Мин татар телен яхшы беләм дип әйтә алмыйм, ләкин һәрвакыт баетырга омтылам. Татар телендә китаплар укыйм, сөйләшергә тырышам”, диде Хәким.

Хәким татар эстрадасыннан Салават Фәтхетдинов, Айдар Галимовның җырларын белә, әмма күбрәк чит ил җырларына өстенлек бирә икән. Татар һәм урыс телләрендә генә җырлап калмыйча, чыгышы барышында инглиз телендә махсус аның өчен язылган җырны да тәкъдим итте.

Интервью барышында Айгөл Рәхимова белән мөнәсәбәтләренә дә ачыклык кертте. “Айгөл Рәхимова чибәр, мөлаем кыз. Миңа матур кызлар ошый, бу бик  яхшы”, дип белдерде Хәким.

Җырчының киләчәккә планнары зурдан. “Алга таба барырга минем өчен барысын да эшләгән гениаль продюсерым бар. Татар эстрадасындагы иҗатымны рус эстрадасы белән бергә алып барырга дигән уйлар да бар. Җырланы рус телендә дә, инглиз телендә дә язабыз”, дип уртаклашты Хәким.

Җырчының продюсеры Гүзәлия Хәким белән эшләү дәверендә күбрәк репертуарга кагылышлы мәсьәләләрдә бер-берсен аңламаган вакытлар булуын әйтте. “Бераз сүз көрәштереп алган чаклар була. Кайвакытта җырны алганда мин аңлап, кабул итеп бетерә алмыйм, ә Хәким: “Шәп җыр”, ди яки киресенчә, мин “Шәп җыр”, дим, ә ул: “Нәрсә инде бу?”, ди”, дип белдерде Гүзәлия.

Концертта татар эстардасының яшь җырчылары Айгөл Рәхимова, Лилия Хәйруллина, Миләүшә Сафина, Сөмбел Билалова, Ләйсән Басыйрова да бар иде.

Айгөл Рәхимова Хәким белән дуэт башкарса, Лилия Хәйруллина һәм Милүшә Сафина Хәкимнең иҗатын үз иткәнгә, чыгышын карарга килгән.

Хәким белән дуэт яздырырга Айгөл Рәхимова үзе тәкъдим иткән. “Минем концертыма язылган махсус җыр иде бу. Мин Гүзәлия һәм Хәким белән элемтәгә кереп, алардан рөхсәт сорадым. Халык бу җырны яхшы кабул итте, яратты”, диде Айгөл Рәхимова.

Хәким белән мөнәсәбәтләренә килгәндә, “Беренче чиратта, без иҗатташ дуслар, әлбәттә, без коллегалар. Менә шул”, дип белдерде җырчы.

Лилия Хәйруллина Хәким белән берничә ел таныш икән. “Хәким белән сөйләшүләре дә рәхәт. Безнең уртак тел бар. Аның белән дә, Гүзәлия белән дә бер-беребезне яхшы аңлыйбыз. Музыкага, эстрадага каршаларыбыз бер. Хәкимне мин хөрмәт итәм, анда перспектива күрәм”, диде Лилия Хәйруллина.

Хәким белән дуэт яздырып, бергә чыгышлар ясарга да теләге бар Лилия Хәйруллинаның. “Мин эксперементларга һәрчак әзер. Хәким белән дуэт җырларга теләгем бар. Киләчәктә берәр җыр килеп чыкса, мин шат булыр идем. Ләкин бу җиңел эш түгел, без моңа бик җаваплы карыйбыз. Кирәкле җырны табу, стильләрне, тавшларны, җырлау манерасын  туры китерү кирәк. Киләчәктә булыр дип, ышанып калам. Андый артист белән эшләү, бәхет ул”, дип сөйләде Лилия Хәйруллина.

Миләүшә Сафинага да Хәкимнең иҗаты якын булып чыкты. “Җырлары гына түгел, сәхнәдә үз-үзен тотышы, җырларны җиткерә белүе ошый”, диде. “Дуэт тәкъдим итсә, бик сөенеп, тиз ритмлы, энергияле берәр матур җыр башкарыр идем”, дип уртаклашты җырчы Миләүшә Сафина.

____________________________________________________________________________________

Видеотапшыруны Tatar Today иҗат төркеме әзерләде. Җитәкче – Рөстәм Исхакый, журналист Гүзәл Гыйбадуллина, видео Эльвира Гыйбадуллина

Tatar Today порталы җырчыларның концертларыннан фото-видео репортажлар, махсус видеотапшырулар ясый, яңалыклар яза.

Кем үзен күрергә тели шалтыратыгыз, элемтәгә керегез! тел: 240-24-99 

СЕЗ БЕЗГӘ ЯРДӘМ ИТӘ АЛАСЫЗ – https://money.yandex.ru/to/410017377157443

WhatsApp: +7966-240-24-99 (Сбербанк Онлайн)

Запись Хәкимнең Казанда концерты ничек үткән? Гүзәлия Хәким белән әйткәләшәме? Айгөл Рәхимова белән мөнәсәбәтләре нинди? [видеотапшыру] впервые появилась Tatar Today - татар яңалыклары..

30 гыйнварда Филармониядә Айгөл Рәхимованың тәүге концерты узачак. Әлеге концерт алдыннан булган хис-кичерешләре белән Айгөл үзе безнең белән уртаклашты. 

“Нинди хисләр кичергәнемне әйтеп бетереп булмый. Тәүге тапкыр булгач, каушата, куркыта. Бу концертка каты әзерләндек, яңалыклар да булачак. Хәлдән килгәнчә тырышам. Тамашачыга матур концерт күрсәтәсе килә”, диде ул.

Бу концертта Татарстанның атказанган артисты Филүс Каһиров, яшь, үзенчәлекле җырчы Хәким һәм Ленар Сәйфиев катнаша.

“Бүген тормышымда иң мөһим көн! Мин бәхетле, дип әйтү, бирни дә әйтмәүгә тиң. Очрашуга кадәр минем кадерле тамашачым!”, дип язып куйган Айгөл Instagram битендә.

View this post on Instagram

Сегодня самый главный день в моей жизни! Сказать, что я счастлива – ничего не сказать! До встречи мой дорогой зритель! ?

A post shared by Айгуль Рахимова (@arakhimova) on Jan 29, 2019 at 10:32pm PST

Запись Айгөл Рәхимова: “Бүген тормышымда иң мөһим көн!” впервые появилась Tatar Today - татар яңалыклары..

“Иреннәрегезгә ни булган? Үзегезнеке матуррак иде”, дигән шелтәгә Айгөл “Димәк, бүтән ят кеше иреннәрен такмасмын”, дип төрттереп язган.

“Өске иренегезне дә кабартсагыз, нәкъ Маша Малиновская булачаксыз”, дигән язмага җырчының хезмәттәше Айгөлне яклап җавап кайтарган.

“Әйдәгез, инстаграм челтәрендә “Айгөлгә тагын кайсы җирен кабартырга кирәк?” дигән шоу ясыйбыз!” тәкъдимен Айгөл “Мактау тактасы” аша халыкка җиткерде.

Үзен гаепләүчеләрдән, хурлаучылардан һәм яратмаучылардан башка ничек яшәячәген Айгөл күз алдына да китерә алмый.

Айгөл Рәхимованың иҗатын сөючеләр аңа көнчеләр сүзенә игътибар итмәскә киңәш итәләр.

“Хатын урам буйлап үтсә, чәйнәп калалар. Сөйләгән саен кеше яшәрә. Сөенеп тор, көнләшсеннәр!” – дип язалар.

“Айгөлебезнең чибәрлеге табигый! Иреннәре, елмаюы да әнисенеке”, – дип яклый җырчыны туганнары. – “Сиңа, Рәхимова, әниеңнең барлык туганнарын җыеп, селфи төшәргә кирәк. Аларның барысының да иреннәре “кабартылган”, хәтта сабый балаларныкы да: син мине аңлыйсың инде, әйме?!”

“Гадирәк булырга, тәнкыйтьне дә кабул итә белергә кирәк. Гел мактап кына тормаслар! Бечничә статуэтка алган да, борыны чөерелгән. Тамашачыга шундый мөнәсәбәттә булуыгыз бик кызганыч”, – дип язалар.

“Яраклы тәнкыйть булса, бер хәл. Файдалы киңәшләрне һәрчак тыңлыйм мин!” – дип төгәлләгән Айгөл Рәхимова.

https://www.instagram.com/p/BocNS9PnEa4/?utm_source=ig_embed&utm_medium=loading

Интертат электрон газетасы 

Запись Халык Айгөл Рәхимованың “кабартылган” иреннәреннән көлә впервые появилась Tatar Today - татар яңалыклары..

Айгөл турында 4 факт:

1) Айгөлне малай туа дип көткәннәр, Булат дип исем бирергә теләгәннәр. Ләкин малай холкы белән кыз туган.

2) Кортлардан, чебеннән – бөтенесеннән курка.

3) Бию белән шөгыльләнгән. Биюче буласы килгән.

4) Үзен тыңларга һәм телевизордан карарга яратмый.

Җырчы көзне бик ярата. Ләкин көзен йөзе бозыла икән. Җәйдән көзгә күчкәндә бит бозылу бер минем генә проблема түгелдер инде ул, ди Айгөл.

50гә якын җыры булган артистның шушы арада икенче альбомы да чыкты.

Язма тулысынча "Акчарлак" газетасының 4нче октябрьдә чыгачак 39нчы санында

Фото: Инстаграм

Запись Айгөл Рәхимова Айгөл түгел, Булат буласы булган – Акчарлак впервые появилась Tatar Today - татар яңалыклары..