Архивы Айсылу Лерон - Tatar Today - татар яңалыклары.

Өч бала әнисе Айсылу Лерон чаң суга. Сәбәбе бик җитди

Лэйсирэ — Mon, 18 Feb 2019 07:19:07 +0000

«Тел өйрәнүдә җыр, шигырь, уен ярдәм итә. Бүгенге көндә интернетта боларның күбесен табып булмый», — дип белдерде журналист, блогер Айсылу Лерон. Бу хакта ул «Мәгариф» һәм «Гаилә һәм мәктәп» журналлары редакциясе оештырган түгәрәк өстәл барышында әйтте.

«Тәрбия татар исеменнән башланырга тиеш. Бүген бездә начар гадәт бар — без балага әллә нинди исемнәр кушабыз. Мәгънәле, матур татар исеме балага бер юнәлеш бирә бит. Чит ил исеме биреп, без, үзебез дә сизмәстән, татар баласын милләттән аерабыз.

Тел өйрәтү мәсьәләсендә техника, интернет заманын да берничек инкар итә алмыйбыз. Хәзер балалар заманча, кечкенәдән үк YouTube каналына керәләр. Анда нәниләр өчен инглиз, рус телендә бик күп җырлар бар, ә татар телендәгеләре юк. Бу татар баласы өчен интернетта сайлау мөмкинлеге юк дигән сүз.

Үз балаларымнан чыгып әйтә алам, алар чит телдәге җырны шундук отып, җырлап утыра. Миңа Төркиядән язганнары бар. «Бәйрәм оештырасыбыз килә, балалар өчен татар җырлары эзлибез. Аларны кайдан алыйк?», — дип киңәш сорыйлар. Мин аларга контент тәкъдим итә алмыйм», — ди Айсылу Лерон.

«Балалар өчен татар түгәрәкләре юк дәрәҗәсендә, — дип өстәде өч бала әнисе. — Спорт, музыка, бию секцияләре — барысы рус телендә алып барыла. Мәктәптә эшләп килүче түгәрәкләр генә җитми».

Фото Айсылу Леронның шәхси архивыннан

Запись Өч бала әнисе Айсылу Лерон чаң суга. Сәбәбе бик җитди впервые появилась Tatar Today - татар яңалыклары..

Айсылу Леронның инвалид энесен Казанда нигә сәүдә үзәгеннән куып чыгарганнар?

Эльвира Шакирова — Tue, 23 May 2017 13:12:35 +0000

Шагыйрь Ләбиб Леронның улы, алып баручы һәм блоггер Айсылу Леронның энесе Бәхтияр – тумыштан инвалид. // Татар-информ//

«Бәхтияр сөйләшми һәм акыл үсеше дәрәҗәсе ягыннан бик калыша. Кырыйдан карап торганда сәеррәк тоелса да, ике метр буйлы энем беркемне рәнҗетергә дә, яманлык кылырга да сәләтле түгел. Аның акыл дәрәҗәсе бер яшьлек сабыйларныкы кебек”, – дип сөйләде энесе турында Айсылу Лерон.

Шушы көннәрдә кечкенә кызы һәм Бәхтияр белән «Парк Хаус» сәүдә үзәгенә азык-төлек алырга килгән Айсылуның энесе бервакыт күздән югала. «Башка вакытларда кибетләргә барганда безнең белән җитәкләшеп йөрмәсә дә, бераз читтәрәк йөри, бездән бер дә калганы юк иде. Мин шуңа гадәтләнгән, ерак китми дигән уй белән йөрдем. Кассада акча түләгәндә, биш минут тирәсе аны күрми тордым. Бераздан Бәхтиярне эзли башласам, юкка чыккан. Каршыга очраган кешеләр аны сәүдә үзәгеннән сакчылар чыгарып җибәрүе турында әйтте. Инвалид кешеләргә шундый мөгамәлә бездә», – диде Айсылу Лерон.

Айсылу мәгълүмат үзәгенә килеп: “Минем энем кайда? Аны кем алып китте?!” – дип даулый башлагач, үзенә, тыныч кына: “Без аны чыгарып җибәрдек, чөнки ул сатып алучыларны куркыта”, – дип җавап биргәннәрен әйтте. “Казанда инвалидларга шундый мөгаләмә икән”, – ди Айсылу.

“Татар-информ” хәбәрчесе, әлеге хәлгә ачыклык кертүне сорап, сәүдә үзәгенә шалтыратты. Сәүдә йортының Мәскәүдәге матбугат сәркатибе, килеп чыккан аңлашылмаучанлык турында белешергә вәгъдә итте. Лероннар гаиләсе гаммәви гафу үтенүне сораган очракта, сәүдә үзәге гафу үтенәчәк, дип белдерде ул.

Запись Айсылу Леронның инвалид энесен Казанда нигә сәүдә үзәгеннән куып чыгарганнар? впервые появилась Tatar Today - татар яңалыклары..

Салкыннарда Булат Бәйрәмов утын ярып, Айсылу Лерон гөмбәле шашлык пешереп җылына [фото-видео]

Редактор1 editor1 — Sat, 07 Jan 2017 16:54:02 +0000

Яңа ел җылы көннәре белән башланып китсә дә, күп тә үтмәде чын кышка хас салкын һава торышы килде.

Ни дисәң дә, безнең халык салкыннан курка торганнардан түгел. Айсылу Лерон, мәсәлән, суык булуына карамастан инстаграм челтәрендә шашлык пешергәннәре белән мактана.

Салкын дип тормадык әле!❄❄❄ Тавык, татлы борыч һәм беренче тапкыр гөмбәдән шашлык ясадык!??? Телләрне йотарлык булды…? хәзер инде мунча көтә!? Үз йортың белән торуның үз плюслары бар, канишны!? Әти-әниләр исән-сау булсын, мең рәхмәт аларга?? #суперял

Фото опубликовано Айсылу Лерон (@iceluleron) Янв 7 2017 в 4:59 PST

Булат Бәйрәмовның утын ярган видеосы да инстаграм битенә язылучыларын битараф калдыра алмады. Булатны мактаучылар да, киңәш бирүчеләр дә табылды.

А вы как согреваетесь зимой⛏?? Кыш. Утын. Колун. Мунча? Ә сез кайчан соңгы тапкыр утын ярдыгыз??

Видео опубликовано Ведущий Булат Байрамов (@bulat_bairamov) Янв 7 2017 в 5:14 PST

Танылган җырчы Ландыш Нигъмәтҗанова да җылы итекләр киеп төшкән фотосын урнаштыра:

Салкыыын????

Фото опубликовано LandyshNigmatjanova (@landyshnigmatjanova) Янв 7 2017 в 6:37 PST

Ә сез, укучыларыбыз, соңгы ял көннәрен ничек үткәрәсез?

Татар тудей

Запись Салкыннарда Булат Бәйрәмов утын ярып, Айсылу Лерон гөмбәле шашлык пешереп җылына [фото-видео] впервые появилась Tatar Today - татар яңалыклары..

Айсылу Лерон улына ничек исем сайлаган? [фото]

Редактор1 editor1 — Wed, 24 Aug 2016 07:57:43 +0000

Бала туса, әти-әнинең иң беренче бурычы – сабыйга мәгънәле, матур исем кушу. Күп очракта, бу эш җиңел генә бирелми: меңләгән исем арасында нарасыеңа туры килерлеген сайлап алу кыенлаша. Шуңа да булачак әти-әни исемне алдан ук сайлап куярга тырыша. Айсылу Лерон да инстаграм битендә балаларына ничек исем сайлаулары турында сөйләп китте.

“Икенче балабызның малай булуын белугә, исем уйлый башладык. Вариантлар күп, билгеле! Бәби туганчы вакыт та бар шикелле. Шулай уйлаша торгач, улыбызның исеме “нур”лы булырга тиешлеген аңладык. Ә без – татарларда андый исемнәр байтак: Нурислам, Газинур, Зиннур, Нургали, Шахинур, Айнур, Нургаян (анысы бабамның исеме)… Нур дип кушсаң да була кебек. Тик безнең очракта фамилия белән әйткәч, “нур”ы да фамилиянең бер иҗегенә әверелеп куя. Бармый, кыскасы. Шулай бер көнне Нурихан исеме барлыгы искә төшмәсенме! Татар әдәбияты белән таныш булганнар халкыбызның Нурихан атлы язучыбыз барлыгын яхшы беләдер. Нурихан Фәттах. “Итил суы ака торур”, “Сызгыра торган уклар” романнарының авторы ул. Нурихан исеме милләтебезнең әнә шушы шәхесе белэн ассоцияләшә. Ә нигә юк? Затлы, мәгънәле, матур бу исем улыбызга бик килешеп тора. Чыннан да, Нурлы ул безнен Нуриханыбыз! P.S. Башта мин Нурихан исемле малай бездә генә бар дип уйлаган идем, баксаң, бар икән ул Нуриханнар! Шунысы кызык, күбесе безнең белән яшьтәшләр. P.P.S. Өйдә без улыбызны шаяртып “ханчик” дип тә йөртәбез үзе нәни, үзе хан!”, дип яза Айсылу.

Икенче балабызнын малай булуын белугэ, исем уйлый башладык. Вариантлар куп, билгеле! Бэби туганчы вакыт та бар шикелле. Шулай уйлаша торгач, улыбызнын исеме “нур”лы булырга тиешлеген анладык. Э без – татарларда андый исемнэр байтак: Нурислам, Газинур, Зиннур, Нургали, Шахинур, Айнур, Нургаян (анысы бабамнын исеме)… Нур дип кушсан да була кебек. Тик безнен очракта фамилия белэн эйткэч, “нур”ы да фамилиянен бер ижегенэ эверелеп куя. Бармый, кыскасы. Шулай бер конне Нурихан исеме барлыгы искэ тошмэсенме!? Татар эдэбияты белэн таныш булганнар халкыбызнын Нурихан атлы язучыбыз барлыгын яхшы белэдер. ✒? Нурихан Фэттах. “Итил суы ака торур”, “Сызгыра торган уклар” романнарынын авторы ул. Нурихан исеме миллэтебезнен энэ шушы шэхесе белэн ассоциялэшэ. Э нигэ юк? Затлы, мэгънэле, матур бу исем улыбызга бик килешеп тора. Чыннан да, Нурлы ул безнен Нуриханыбыз!?? P.S. Башта мин Нурихан исемле малай бездэ генэ бар дип уйлаган идем, баксан, бар икэн ул Нуриханнар! Шунысы кызык, кубесе безнен белэн яшьтэшлэр? P.P.S. Ойдэ без улыбызны шаяртып “ханчик” дип тэ йортэбез☺ узе нэни, узе хан! #Нурихан #Нуриханым #улым #имена #исемжисем

Фото опубликовано Айсылу Лерон (@iceluleron) Авг 23 2016 в 10:43 PDT

Фото – https://vk.com/

Запись Айсылу Лерон улына ничек исем сайлаган? [фото] впервые появилась Tatar Today - татар яңалыклары..