Алия үзенә яр итеп бобслей остасы, Россия җыелма командасы спортчысы Алексей Зайцевны сайлаган. Спортчыларның никахлашу тантанасы кияүнең туган җире Краснодарда үткән, дип яза StarHit.

Алар 2015 елның ноябрендә, җәрәхәтләр алу сәбәпле хастаханәдә дәваланган чакта танышкан булганнар.
“Бер ел тирәсе генә очраштылар, эшне яшьләрчә тиз тоттылар. Мәхәббәт!” – дигән “Татар-информ” агентлыгына Алиянең әтисе Фәрхәт Мостафин.

Аның әйтүенчә, туйда кунаклар чагыштырмача аз булган: “Бик якыннар гына – без, аның әти-әнисе, якын дуслар”.

“Әле кайда яшиселәрен ачыклап та бетермәдек, – диде ул. – Алиянең Мәскәүдә, иренең Краснодарда фатирлары бар. Хәзер сезон башлана, аларның хәзер өйдә була торган вакытлары түгел, тренировклар башлана. Шулай да Мәскәүдә яшәрләр дип уйлыйбыз”.

“Бәхетлеме, дип сорасалар, барысы да нормаль дип җавап бирәм, – диде Фәрхәт Мостафин. – Бу дөньяда бәхетнең нәрсә икәнен төгәл генә беркем дә әйтә алмый. Барысы да әйбәт, барысы да кешеләрчә. Очраштылар, яратыштылар, өйләнештеләр. Башкаларга да шуны теләр идем – яратыгыз, кавышыгыз, балалар табыгыз!”

“Татар-информ”

Запись Дөнья чемпионы Алия Мостафина кемне үзенә гомерлек яр итеп сайлаган? впервые появилась Tatar Today - татар яңалыклары..

Алиянең әтисе, СССРның грек-рим көрәше буенча атказанган спорт мастеры Фәрхәт Мостафин “Татар-информ” агентлыгына интервьюсында исемлектә кызының бу исемлеккә керүе белән шат булуын белдерде: “Ул моңа лаек дип тапканнар икән, димәк, шулай булырга тиеш. Исемлеккә лаек кешеләрне туплаганнардыр дип уйлыйм”, – диде ул.

Фәрхәт Мостафин кызының барлык уңышларын да яхшы эш нәтиҗәсе итеп кабул итүен әйтте. “Максат һәм хезмәтне ярату булса, барысына да ирешергә була. Сәләте күбрәк булганнар тизрәк уңышка ирешә, сәләте азрак булса – соңрак. Әмма шушы сыйфатларың булса, һәрвакыт уңышка ирешәсең.”

Фәрхәт Мостафин фикеренчә, татарлар арасында лаек кешеләр күп, әмма бик күпләр әлегә күләгәдә кала бирә. “Күпләрнең уңышлары күренми кала”, – дип, борчылуын белдерде ул. Фәрхәт Мостафин үзенең тамырларын онытмавын әйтте. “Алия элегрәк туган авылыбызга (Түбән Новгород районы Рбишчә авылы – Т.И.) гел кайта иде. Спорт белән ныклап шөгыльләнә башлагач, вакыты юк. Ә без җәй саен шунда китәбез. Алия быел Олимпиададан соң шунда киткән иде. Ватаныбызны онытмыйбыз”.

Татар-информ

Запись Спорт гимнасткасы Алия Мостафинаның 500 иң абруйлы мөселман исемлегенә нигә керүе ачыкланды впервые появилась Tatar Today - татар яңалыклары..