Архивы Апас - Tatar Today - татар яңалыклары.

“Төтен исенә уянган Марсель, энесен ишеккә өстери, әмма чыгып өлгермиләр…” [фаҗига]

Гузель — Fri, 21 Sep 2018 18:07:48 +0000

13 сентябрьдә Апас районының Чүри-Бураш авылында Гыйсмәтуллиннар йортында янгын чыгып, 19 яшьлек Раилнең гомере өзелә, аның 35 яшьлек абыйсы Марсельне табиблар коткарып кала.

Ут кичке якта килеп чыга. Ул вакытта ир-атлар өйдә икесе генә була. Марсельнең хатыны кечкенә улы белән хастаханәдә ята, олы кызлары исә дәү әниләренә кунакка китә. Төтен исенә уянып киткән Марсель йокысыннан айный алмаган энесен ишек төбенә кадәр өстерәп бара, әмма тышка чыгарга өлгерә алмыйлар. Тиз арада килеп җиткән “ашыгыч ярдәм” табиблары бертуганнарның олысын коткарып кала, ә менә энесенә ярдәм итәргә өлгермиләр.

Раилне авылдашлары гел яхшы яктан искә ала. Чаңгы ярышларында беренчелекне беркемгә дә бирмәгән, акыллы, тырыш, спорт белән дус булган. Колхозда эшләп йөргән. Егетне фаҗиганең икенче көнендә җирләгәннәр. Марсельнең дә хәле акрынлап җайланып килә икән.

Гыйсмәтуллиннар гаиләсе бернәрсәсез калган. Аларга ярдәм итү өчен күршеләре Лилия Низамиева акча җыюны оештырган. Аның Саклык банкы картасы номеры: 639002629010789021. Булышырга теләүчеләр “Ватаным Татарстан” газетасы редакциясенә дә мөрәҗәгать итә ала.

Чыганак: "Ватаным Татарстан" 
Фото: pixabay.com

Запись “Төтен исенә уянган Марсель, энесен ишеккә өстери, әмма чыгып өлгермиләр…” [фаҗига] впервые появилась Tatar Today - татар яңалыклары..

“Апас районында бу хәлне күреп шаккаттык” [килгән хат һәм фотолар]

Лэйсирэ — Sun, 05 Aug 2018 08:42:37 +0000

Татар-тудейга билгесез калырга теләгән укучыбыздан хат һәм фотолар килеп иреште. Аны сезнең игътибарыгызга тәкъдим итәргә булдык. Фикерләрегезне ишетәсе килә. Язма астында комментарийлар калдыра аласыз. Хатны, тулаем алганда, үзгәтмичә бирәбез:

“Апас районы Чирмешән авылына кунакка кайттык hәм бу мәхшәрне күреп шаккаттык. Бу бинада колхозчылар ашханәсе белән бухгалтерия эшли. Ләкин, нишләптер, теориторияләрен чистартмаганнар, районнан да килеп тикшермиләр, ахрысы. Ишек төпләрендәге чүп-чардан шулкадәр сасы ис килә, ә кычыткан белән әрекмән тәрәзә буе булып үскәннәр. Антисанитария, чисталык бөтенләй юк, ә шул ашханәдә бит комбайнчыларга хәзерге вакытта ашарга пешерәләр, тышкы ягы шулай булгач эчке ягында ниләр майтарыла икән…” дип яза укучыбыз.

Фотоларга да күз салыгыз:

Запись “Апас районында бу хәлне күреп шаккаттык” [килгән хат һәм фотолар] впервые появилась Tatar Today - татар яңалыклары..

Сабыена күкрәк сөте урынына кибет пилмәне ашаткан ана суд каршына басачак

Чулпан — Thu, 24 Aug 2017 09:55:39 +0000

Апас районы Карамасар авылында яшәүче 31 яшьлек Илсөяр Гыймадиева тиздән суд каршына басачак. Ул баласына карата әни була алмауда, алай гына да түгел, бер яше дә тулмаган баласын дистрофия хәленә җиткерүдә гаепләнә. //Интертат//

“Балага анда тәрбия булмады инде”

Яшь хатын тумышы белән шушы авылдан. Төп йортта әнисе һәм энесе белән яшәгән. Әтиләре вафат.

–Илсөярнең әнисе Диләрә дә, энесе Илнур да психиатрда учетта тора, – диде Югары Акхуҗа авыл җирлеге башлыгы Зөфәр Юзиев. – Өйдә тәртип сүзенең “т” хәрефе дә юк. Әнисе шешә белән дус. Илсөярнең үзен дә салгалый. диләр. Әмма үз күзләрем белән күргәнем юк. Балага тәрбия булмады инде анда. Ул үсеш ягыннан бик нык калышты дип беләм. Илсөяр кызын имезмәгән дә, диләр. Аннан соң инде ул аны салмыш әнисенә калдырып чыгып китеп йөри башлады. Җәй башында исә 9 айлык кызчыгын калдырып, бергә яши торган иренә ияреп, Кайбыч районына китеп барды. Ир дигәне шунда көтүче булып ялланган икән. Бала турында уйлый торган ана түгел инде. Ана түгел! Кызчык хәзер Казанда “Дом малютки”да тәрбияләнә.

“Үрмәләү, утыру кебек стадияләрне үтмәде”

Баласын дәү әнисенә калдырып китү очраклары санаулы гына түгел. Дәү әти белән дәү әни тәрбиясендә үсүче балалар буа буарлык. Әмма ышандырып алып калгансың икән, бала өчен җаваплылык та тоярга кирәк бит. Ә бу гаиләдә нәни кызчыкның барлыгын бөтенләй дә оныталар.

–Илсинә үз яшьтәшләреннән нык калышты, – ди авыл фельдшеры Гөлия ханым. – Бездән аны 9 ай да 2 көнлек вакытта алып киттеләр. Ул вакытта аның авырлыгы 6 кило 800 гр иде. Мин аны 100% сәламәт дип тә әйтә алмыйм. Физик үсеше калыша, үрмәләү, утыру кебек стадияләрне дә үтмәде. 9 айда кайбер бала йөреп китә бит инде. Тавышлар чыгармый, гүэлдәми иде.

Фельдшер сүзләренчә, Илсөяр кызын планлы прививкалар ясату өчен медпунктка алып килгән. Әйтә-әйтә арыгач, билгеле. Хәтта нарасыена бер, өч, алты айлык вакытта район хастахәнәсенә медицина тикшерүе узарга да алып барган. Тик шуннан соң кул селтәгән.

–Ахырга таба аны тыңлатып булмады инде. Берәр сүз сөйли башласаң, синнән алда җөпли ул аны, “Баланы карыйм, ничек инде карамыйсың? Үз балам бит!” кебек матур сүзләр сөйли. Дөньядагыны алдый. Мине бик күп тапкырлар төп башына утыртты инде ул, – ди Гөлия ханым.

“7 айга кадәр учетка да басмады”

Ә бит Илсөяр йөклелегенә дә салкын караган икән.

–2015 елда өйләре янгач, алар безнең авылдан китте. Илсөяр Тәтеш районы Байраш авылына кияүгә чыккан дип сөйләделәр. Ире Надыйр исемле икән. Тик соңыннан ачыкланганча, никахларын рәсми төстә теркәмәгәннәр. Ягъни, бер-берсенә ир белән хатын түгел, “сожительләр” генә. Кабат безнең авылга кайтканда Илсөярнең 7 айлык авыры бар иде. Ул инде Тәтеш районында да учетка басмаган, Апаска барырга да атлыгып тормый. Мин аны көн дә үгетләдем, төн дә. Соңыннан машина яллап, үзем Апаска, хатын-кызлар консультациясенә алып бардым. Әмма ул озак та тормады, 7 айлык корсагы белән, иренә ияреп, Тәтеш районының Ляптево авылы кырына китте. Район табиблары миннән һаман Илсөярне таптыра. Бер анализы да бирелмәгән бит. Үз энем белән тагын шунда чыгып киттек. Кырдан барып таптык моны. Кайтышлый ук район хастаханәсенең гинекология бүлегенә салып калдырдым. Икенче көнне эче авырткан. Ашыгыч ярдәм белән Илсөярне Яшел Үзән бала тудыру йортына илткәннәр. Срогы җитмәгәч, авыртуы басылгач, кайтарганнар. Тагын шулай алып бардым Апаска. “Дүшәмбе көнне киләм” дип, минем белән кайтып китте. “Илсөяр, алдыңны-артыңны уйла” дип, тукып кайттым, – ди фельдшер.

“Салса да, күкрәк сөте – күкрәк сөте булган әле”

Әмма бу сүзләр булачак әнинең бер колагыннан ничек керсә, икенчесеннән шулай чыгып та киткән.

– Иртән “Илсөяр балага авырый икән” дигән сүз чыкты. Миңа әйтеш юк, якшәмбе кичтән авырый башлаган. Чыгып чаптым, өйләренә барып керсәм, тулгагы башланган. Тагын машина яллап, Апаска алып киттем, аннан Буага илттек. Шулай итеп, ул 17 сентябрьдә әни булды. Аннан чыкканда да үзем барып алдым, – ди Гөлия ханым.

Ашатуга килсәк, әни кешедә аналык сыйфатлары үлмәгән була әле. Ул баласына күкрәк сөте дә ашата хәтта.

–Илсөяр салгалады. Шулай да баласын имезә иде. Баштарак мин аны салган өчен әрләсәм, шул килеш ашатуы да яраган икән әле, – ди фельдшер.

“Пилмән, балык консервасы – бала ризыгы”

Яз җитеп, кояш карый башлагач, Илсөярнең күңеле җилсенә, баласын калдырып чыгып китә башлый. Баштарак ярты көнгә, аннан бер көнгә һәм бөтенләй кайтмаган очраклары да була. Ә салмыш дәү әнигә онык кирәк түгел. Баштагы мәлләрдә ул “Хәзер әнисе кайтыр да ашатыр” дигән уй белән яши. Ә бала күзгә күренеп ябыга, хәлсезләнә.

–Алар бала карау, ашатуны үзләренчә аңлый. Сөт кухнясы, ботка, пюре кирәген уйлап та карамый. Ә үзләре ачтан үлмәс өчен кибеттән ни ала, балага да шуны каптыра: пилмән, балык консервасы, колбаса…Әй, үзәкләремә төшеп, башымны катырып яттылар инде алар минем. Алар хәтле алдакчы! Килеп керүгә кәкре каенга терәтә башлыйлар иде. Ул сабыйның вакытында моннан китүе бик яхшы. Барыбер кеше була алмый иде. Салкын сөт эчереп, балага салкын тиде. 20 июньдә без аны район хастаханәсенең педиатрия бүлегенә салдык. Менә шуннан кайтмады инде ул кабат авылга, – ди Гөлия ханым.

Баксаң, Илсинә – Илсөярнең беренче баласы түгел икән. Аның беренче улы Салаватка инде 10 яшь. Әтисе Апас районының Иске Әнәле авылыннан.

Бүген Илсөяр “ире” белән Кайбыч районында гомер сөрә. Баласы хакында уйлыйдырмы-юкмы, һәрхәлдә, үз сабые турында уйланган ана гамәле түгел бу. Аны берничә тапкыр районга – балигъ булмаганнар белән эшләү комитетына да чакыралар. Чакыру хатларын авыл җирлеге башлыгы үз кулына илтеп бирә. Әмма яшь хатын ире янәшәсендә рәхәт чигүен дәвам итә. Бер яше дә тулмаган баласы хакында уйлап та карамыйча!

Запись Сабыена күкрәк сөте урынына кибет пилмәне ашаткан ана суд каршына басачак впервые появилась Tatar Today - татар яңалыклары..

Татарстанда кар-боз машина, өй тәрәзәләрен тишә [фото, видео]

Чулпан — Fri, 23 Jun 2017 15:19:57 +0000

23 июнь Татарстанның кайбер районнарында карлы-бозлы яңгыр яуды. Югары Ослан, Тәтеш, Апас районнарында боз машина, йорт тәрәзәләрен ваткан, җиләк-җимеш агачларын сындырган. Татарстанлылар әлеге гадәттән тыш һава торышын фото-видеога төшереп социаль челтәрләргә урнаштыра. //Азатлык радиосы//

Югары Ослан районында карлы-бозлы яңгырдан соң машина юллары кышкы юлга охшап калган, юлларда бозлавык хасил булган. Бу күренешләрне инстаграм битләрендә күрергә була. Шунда ук кулланучылар гаҗәпләнү белдерә, күргән, белгәннәрен яза. Югары Осланда кайберәүләрнең капка төпләреннән кар көрәүләрен күргәннәр.

https://www.instagram.com/p/BVrYUp_BjaI/?taken-by=vkazani_interesno%20%20%20

https://www.instagram.com/p/BVrjPpAF_0N/?taken-by=radik_fatkulin

Тәтештән Марат исемле кулланучы чикләвек зурлыгында боз явып җиләк-җимеш агачлары сындыруын сурәтләгән фото куйган.

View this post on Instagram

Вот оно такое, наше лето… ❄ 23 июбря. #summer#snow#weather#cold#лето#град#снег#отпуск#холод#природа#июбрь#нижнийуслон#татарстан

A post shared by Marat (@marat_days) on Jun 23, 2017 at 3:12am PDT

“Нәрсә бу? Татарстанда җәен кыш килдеме әллә?” дип гаҗәпләнә инстаграм кулланучылар. Фото-видеоларның күпчелеге Югары Ослан районы Моркваш авылы тирәсендә төшерелгән.

View this post on Instagram

#зималетом #kazanfm

A post shared by @ kazan.fm on Jun 23, 2017 at 5:01am PDT

Казанга килүче кайбер туристлар хәтта куркып калган, Конфедерация беренчелеге уеннарын карарга очып килдем, ә монда кар, стадионны капламаса ярый инде, ди snow_russia исемле кулланучы.

https://www.instagram.com/p/BVrl-avHSqJ/?taken-by=snow_russia%20%20

Апас районында да боз яуган, аннан Акчарлак газетасы укучысы фото җибәргән.

View this post on Instagram

Абау? . Апаста боз яуган ( укучыбыз фотосы) Тулырак akcharlak.com сайтыннан карагыз. . #акчарлакгазетасы #казан #татарстан

A post shared by Акчарлак газетасы (@akcharlak_official) on Jun 23, 2017 at 4:24am PDT

Бусы Тәтештә булган галәмәтләр.

Запись Татарстанда кар-боз машина, өй тәрәзәләрен тишә [фото, видео] впервые появилась Tatar Today - татар яңалыклары..

Апас районында почта бүлеге башлыгы авылдашлары алдында җан бирә [фото]

Редактор1 editor1 — Sun, 27 Nov 2016 06:58:52 +0000

Йөрәк авыруы яшен-картын карап тормый. 90га җиткән әби-бабайлар арасында йөрәкнең кая урнашуын да белми үлеп китүчеләр бар. Ә җир җимертеп йөргән яшьләр, урта буын яшәп калырга да өлгерми…

Берничә көн элек Апас районының Әлмәндәр авылы почта бүлеге башлыгы, ял көне булуга карамастан, авылдашларына субсидия өләшергә чыга. Кызганычка каршы, бу – аның һөнәри бурычын соңгы тапкыр үтәве була. 46 яшьлек ханым авылдашлары алдында җан бирә.

Эльмира Аджихәлилова һәм Олег Андриянов гаиләсе Апас районына биш ел элек күченеп кайта. Эльмира почта бүлеге башлыгы булып урнашса, Олег исә Лаеш районына кошчылык фабрикасына йөреп эшли. Уртак ике балалары бар: уллары Алексей – бишенче, кызлары Лилия өченче сыйныфта укый. Эльмира ханымның беренче иреннән бер улы һәм кызы бар.

“Эльмира апа бик аралашучан, якты йөзле кеше иде”, ди Әлмәндәр авыл җирлеге башлыгы сәркатибе Рамина Галимова. “Агитация эшләрендә, өмәләрдә актив булды. Без бер бинада эшләдек. Почта эшенең катлаулы икәнен күреп торабыз. Баштарак авырсынса да, соңгы арада «ияләштем» дип әйтә иде. Сишәмбе көнне аңа ревизия килде. Аңа да артык пошынмады: «Тагын кайчан киләсез?» дип озатып калды әле. Соңгы тапкыр чәршәмбе көнне күрештек. Моңаеп, күңелсезләнеп йөрмәде. Җомгага кадәр дип саубуллаштык. Тик җомга көнне җансыз гәүдәсен салкын гүргә иңдердек…

Эльмира ханым почта бүлеге башлыгы вазифасыннан тыш, Әҗем авылына хат ташучы итеп тә билгеләнә: чөнки тавык та чүпләп бетерә алмаслык почта эшенә килергә атлыгып торучы юк. Өстәвенә, хезмәт хакы да кызыгырлык түгел. Хезмәттәшләре аны эштән курыкмый торган, батыр хатын итеп искә ала. Йөзеннән елмаю китми, үпкәли белми. «Фамилиясе катлаулы булгач, без аңа «аджика» дип йөри идек, рәхәтләнеп көлә иде шуннан» дип хатирәләре белән уртаклашалар.

Эльмира апа бу көнне шактый йортка сугылырга өлгерә. Кемне сөя, мәет шунда җан бирә, диләр бит. Әнисе урынына күргән, якын ахирәтенә әйләнгән Хәлимә апа Нәбиуллинага кереп җан бирермен дигән уй башына да килмәгәндер. Йөгереп йөргән җиреннән бит!

“Ярый әле, янымда абыйның хатыны бар иде. Юкса, үзем дә үлә идем”, дип елый Хәлимә апа. “Алдагы көнне коммуналь хезмәтләр өчен түләргә акча биргән идем. Квитанцияләрне өстәлгә куярга өлгерде. Субсидия кәгазен кулына тоткан килеш, «Йөрәгем» диде дә авып төште. Авызыннан, колагыннан шаулап кан китте мескенкәйнең. Үлем белән озак тарткалашты, тик шәфкать туташы килгәнче җан бирде. Безгә кергәнче, күршеләрдә булган. Аларга да: «Кан басымым уйный ахры, йөрәгем авырта», дип зарланган. Шулай булса да, бер газета калдырган, язылырга өндәгән. Соңгы сулышына кадәр «эш» дип янган җаным. Мине әнисе урынына күрә иде. Үзем дә якын иттем. Кичәдән бирле елыйм да елыйм, бер дә күз алдымнан китми.

Авыл халкы сөйләвенчә, Эльмира ханым белән Олег иске генә йортка күченеп кайткан. Әмма шушы берничә ел эчендә җәннәт почмагы ясаганнар аннан. Мунча да төзеп куйганнар. Җирләргә кайткач кына әнисе кызының йөрәге электән дә авыртуын сөйләгән. «Авылга кайтма, сиңа авыр эшләр ярамый» дип әйттем. Җаны авылга тартты, бер эштән дә курыкмый иде шул», дигән ул.

46 яшьлек ханымның якты дөньядан шулай иртә китүе бигрәк кызганыч. Ике кечкенә баласы ятим калуын да уйласаң, кайгы пәрдәсе аеруча да карала.

Чулпан ШАКИРОВА

Интертат

Запись Апас районында почта бүлеге башлыгы авылдашлары алдында җан бирә [фото] впервые появилась Tatar Today - татар яңалыклары..

Татарстанда мәчет имамын үле хәлдә хәрәбәләр астыннан табалар

Редактор1 editor1 — Mon, 24 Oct 2016 18:46:11 +0000

Узган җомгада өйлә намазыннан соң Кормаш авылы мәчете имам-хатыйбы Рәшит хәзрәт мәхәллә халкын ташландык хәлдәге элеккеге колхоз җәйге терлек лагерында мәчет, мохтаҗлар ихтыяҗына төзелешкә кирәк-ярак, утын хәзерләү өмәсе игълан итә. Халык җыелганчы дип берүзе түбәсе ябык иске карданың терәкләрен кискәндә көтелмәгән хәл – ул кинәт ишелеп төшә һәм 66 яшьлек имам матча астында кала.

Вакыйга урыныннан ерак та булмаган авыл халкы аны хәрәбәләр астыннан табып алганда соң була инде – ул урында ук җан бирә, дип яза районның “Йолдыз” газетасы.

“Бик кече күңелле, ярдәмчел иде имамыбыз”, диләр шушы авылда яшәүчеләр.”

“Мәрхүмнең рухы җәннәттә булсын, район дин тормышына ул үзеннән бик зур өлеш кертте. Апасның Җәмигъ мәчетен төзү һәм бизәүдә башлап йөрде. Ничә еллар элек төзелеп җайга кереп китә алмаган Кормаш авыл мәчетен төзекләндерү, яңартуда һәм халыкны хак дин юлына тарту, иманга кайтаруда зур көч куйды”, ди имам-хатиб Рәшит һәм “Миргасыйм” мәчете имам-хатибы Рамазан хәзрәтләр. Мәрхүмнең җеназасына килгән Апас мәдрәсәсе җитәкчесе Шәһит хәзрәт, Әнәле мәчете имам-хатыйбы Мостафа хәзрәт һзм башкаларның да аның турында матур истәлекләре бар.

Рәшит хәзрәтнең Апаска кайтып төпләнгәнче Казан төзәтү дәүләт учреждениеләрендә сакчы, тәрбияче булып эшләгәнлеге мәгълүм.

“Үз акчасына бик күп фәкыйрьләргә, ярдәмгә мохтаҗ гаиләләргә иманы кушканча ихластан булышты. Авыр туфрагы җиңел булсын мәрхүмнең”, ди Кормаш мәхәлләсе халкы һәм аны яхшы белүчеләр. Алар Апас мөхтәсбәтенә Кормаш авыл мәчетенә аның исемен кушу буенча эш башларга җыена.

Татар-информ

Запись Татарстанда мәчет имамын үле хәлдә хәрәбәләр астыннан табалар впервые появилась Tatar Today - татар яңалыклары..

Апаста 19 яшьлек егет 46 яшьлек хатын белән чуала, аннан аларның гаиләсен юк итә

Габдулла Тукай — Tue, 04 Oct 2016 10:00:03 +0000

21 сентябрь кичендә Апаста коточкыч фаҗига була. Заготзерно бистәсендә яшәүче өйдәшләр (законлы рәвештә язылышмаганнар) Хәмит һәм Гөлнараның үз өйләрендә үле гәүдәләре табыла.

Гаепләнүче – 19 яшьлек Сергей Золлин. Биеш авылыннан. Ул үз гаебен тулысынча таный.

Хәмиткә – 56, Гөлнарага 46 яшь. Гаилә башлыгы тумышы белән Әлмәндәр авылыннан. Каратун икмәк кабул итү пунктында эшләгән. Гөлнара Менделеевски якларыннан. Төрле эшләрдә йөргән.

– Гөлнара бездә пропискада түгел иде, – ди Каратун авыл җирлеге башлыгының сәркатибе Гөлүсә Насретдинова. – Хәмит абый беренче хатыныннан аерылгач, ике-өч еллар элек Гөлнара белән кавышты. Мин аларны начар яшәделәр, дип әйтмәс идем. Дулап, тавышланып йөрмәделәр. Хәмит абый салгаласа да, усал, начар кеше булмады. Бик йомшак, кешегә каршы сүз әйтми торган иде.

Авыл халкы сүзләренә ышансаң, фаҗиганең беренче версиясе болайрак: 19 яшьлек Сергей исемле егет гаилә башлыгы янына килә. Тик, ул өйдә булмау сәбәпле, аның хатыны белән якынаеп, күңел ачарга тели. Шул вакытта ир кайтып керә һәм алар сугыша башлыйлар. Нәтиҗәдә, егет ирне буып үтерә. Бер вәхшилек икенчесен дә тартып китерә: курыккан егет Гөлнарага кул сала…

Авылның участок полициясе Дамир Сираҗиев та гаиләне начар яктан телгә алмады. Гөлнараның шәхси эшмәкәрдә пешекче булып эшләвен искәртеп узды, кайчандыр гаепләнүче егет авылында яшәп алуын әйтте.

Хәмит абыйның туган авылында абыйсы һәм апасы гомер итә.

– Корбан бәйрәменә икәү бергә кайтып киттеләр. Икесе дә салмыш иде, – ди туган апасы Сәлимә апа. – Эчмәгез, матур гына яшәгез, дип аларны үгетләүләр инде! Әни дә күргән саен елый-елый әрли иде. Хәмит начар кеше түгел ул. Үзләренчә яшәделәр. Тик шулай да ирем аларга барган вакытта Гөлнара янына чит ир-ат килеп йөрүен күргәләгән. Без кысылмадык, үзләре беләләрдер, дип уйладык.

Әлеге фаҗига булыр алдыннан Гыйләҗевләрнең әниләре вафат була. Хәмит абый белән Гөлнара ханым җирләү эшләрендә булыша, сәдака да тарата.

– Әнинең өчесенә Хәмитне дә дәштек. Кабат чакырыйк дип, Гөлнараның кесә телефонына шалтыраттык. Чөнки телефон аңарда гына иде. Ул җавап бирмәгәч, күршеләренә чыктык. Алар: “Сайлау көнне күрдек, Хәмит абый салмыш иде”, – диделәр. Әнине җирләргә Хәмит хезмәт хакы алып кайткан иде, күрәсең, бәйрәм итәргә дә калган булган.

Әнисенең җидесен үткәргән көнне Хәмит абыйны авылга алып кайтып җирлиләр. Мәрхүмәне кызы үз якларына алып китә.

– Фаҗига турында безгә күршеләре хәбәр итте, – дип сөйли Сәлимә апа. – Кабат шалтыраткач: “Хәмит абыйны төгәл белмибез, Гөлнара үлгән,” – дигән хәбәр дә килеп иреште. Үзеңнеке үзәктә бит. Бәлки үлмәгәндер, дип шатланып та куйган идек… Хәмитнең муенында эз бар диләр. Имеш, кер бавы белән буган…

– Сергейны идеаль гаиләдә үсте дип әйтеп булмый, – ди Биеш авыл җирлеге башлыгы Рамил Вәлиев. – Әти-әнисе эчте, тормышларының да рәте-башы юк. Июнь аенда армиядән кайтты, беркайда да эшләмәде. Гөлнара белән элемтәсе алдан ук та булган диләр. Уйласаң, исең китәр, ул аның әнисеннән дә күпкә зур. Гөлнара элек үзеннән 20 яшькә өлкәнрәк ир белән Биештә яшәде. Ул ир вафат булып, торыр урыны калмагач, Хәмит янына барып кергән, әнә. Күрәсең, яшь егеткә шул вакытта ук күз салып йөргәндер.
Вакыт үтү белән апаслыларның телендә фаҗиганең икенче версиясе дә йөри башлый. Монысы бигрәк куркыныч… Имеш, Сергей Гөлнара белән армиягә киткәнче үк очрашып йөргән була инде. Фаҗига көнне дә Гөлнара Сергейларда кунак була. Соңыннан ул аны озата китә. Бу вакытта салмыш ир өйдә йоклый. Хисләрдән шашкан ике яр монда да мәхәббәт белән шөгыльләнергә җай таба. Шул вакытта үч иткәндәй ир уянып чыга һәм хатынны бүлешә башлыйлар. Сергей ирне кыйнап кына калмый, муеныннан пычак белән дә сызып җибәрә. Шуннан соң Гөлнара шәрә килеш урамга йөгереп чыга да: “Аңа күптән шул кирәк иде, ә син төрмәдә чериячәксең”, – дип сөрән сала. Бу сүзләре өчен аны, билгеле, сөйгәне кичерми.

Әнисенә исә егет “урамда сугыштым” дип әйтү белән чикләнергә мәҗбүр була. Ана кеше йөрәге сизенеп булса кирәк, улының канлы күлмәген яшереп куя. Тик егет гаебен таныгач, качырган күлмәкне чыгарып бирүдән башка юл калмый.

Бу вакыйгаларда хаклык ни дәрәҗәдәдер, анысын вакыт күрсәтер. Шулай да утсыз төтен булмый. Фаҗиганең асылына төшенү эшен тикшерүчеләргә калдырыйк. Әмма 19 яшьлек егетнең (бала гына бит әле) үзеннән өч дистәгә өлкәнрәк хатын белән чуалуы һәм ике кешене үтерергә сәләтле булуына ышанасы килми.

Чулпан ШАКИРОВА, Интертат.ру

Запись Апаста 19 яшьлек егет 46 яшьлек хатын белән чуала, аннан аларның гаиләсен юк итә впервые появилась Tatar Today - татар яңалыклары..

Апаста көчле яңгыр яуган, җил йорт түбәләрен алып ташлаган [фото]

Редактор1 editor1 — Fri, 15 Jul 2016 04:09:19 +0000

Татарстан Гидрометеорология һәм әйләнә-тирә мохитне күзәтү идарәсе 14 июльдә республикада яңгыр, аерым төбәкләрдә яшен һәм боз яву ихтималы бар дип хәбәр иткән иде. Кичке сәгатьләрдә Апас районында көчле яңгыр явып үткән.

Апас районында 10 минут эчендә яуган яңгыр шактый зыян салырга өлгергән. Агачлар шартлап сынган, яңгыр суы торбага сыймый аккан…Алай гына да түгел, көчле җил йорт түбәләрен дә алып ташлаган хәтта.

Мәгълүмат akcharlak.com сайтыннан алынды

Запись Апаста көчле яңгыр яуган, җил йорт түбәләрен алып ташлаган [фото] впервые появилась Tatar Today - татар яңалыклары..