Архивы һава торышы - Tatar Today - татар яңалыклары.

Май бәйрәмнәрендә һава торышы нинди булачак?

Рамиля Валиахметова — Tue, 28 Apr 2026 12:17:10 +0000

Якындагы берничә тәүлектә Россиянең үзәк өлешендәге төбәкләрдә атмосфера басымы арту яңгыр һәм җепшек карның кимүенә китерәчәк.

“Метео” фараз үзәге җитәкчесе Александр Шувалов “Абзац” хәбәрчесе белән әңгәмәсендә шулай дип белдергән.

“Чәршәмбегә явым-төшем нык кимеп, урыны белән генә көтелә. Сишәмбедә җил асылда туктаячак инде”, – дип билгеләп үткән белгеч. Ул шулай ук атна урталарына кадәр һава температурасының түбән –төнлә 0 градус, көндез +4 градус чамасы булачагын билгеләп үткән.

Пәнҗешәмбедән җылыта башлый, ә май бәйрәмнәрендә тагын да җылырак булачак, дигән синоптик. “1 майдан явым-төшем урыны белән генә сакланып калачак, ә һава температурасы +10 градуска кадәр күтәреләчәк. Ә инде киләсе озын ялларда – 9-11 майда 12-17 градуслы май җылысы килү көтелә”, – дип йомгак ясаган сүзенә Шувалов.

Исегезгә төшерәбез: Казанның кайбер районнарында көчле җил агачларны аударган, электр чыбыкларына зыян салган. Социаль челтәрләрдә дә агачларның автомобильләргә авуы турында хәбәр итәләр.

ЧЫГАНАК: https://vatantat.ru/news/sinoptik-mai-bairamnarenda-hava-torysy-nindi-bulacagyn-aitte-114648

Запись Май бәйрәмнәрендә һава торышы нинди булачак? впервые появилась Tatar Today - татар яңалыклары..

Кар кайчан эреп бетәчәк?

Рамиля Валиахметова — Wed, 18 Mar 2026 11:02:18 +0000

Татарстанда алдагы ике ункөнлек эчендә кар тулысынча эреп бетмәячәк. Бу хакта Татарстан Гидрометеорология үзәге җитәкчесе Феликс Гоголь хәбәр итте.

«Республикада кар катламы эреп бетүнең якынча даталары 9 апрельдән 17 апрельгә кадәр туры килә. Иң иртә дата – март ахыры, республикада кар катламының иң соң эрүе май ахырында теркәлгән иде», – диде ул.

Феликс Гоголь искәртүенчә, узган кыш республикада рекордлы дәрәҗәдә карлы булды. Календарь буенча кыш ахырына кар катламының иң зур биеклеге республиканың көнбатыш һәм төньяк-көнбатыш районнарында: Яшел Үзән, Арча, Биектау районнарында һәм Казанда күзәтелде.

«Бөтен кыш дәвамында кар катламының иң зур биеклеге Яшел Үзән районындагы Карамалы Тау метеостанциясендә теркәлде – 105 сантиметрга кадәр. Казанда кар биеклеге 91 сантиметрга җитте, ә көнчыгышта ул ике тапкырга кимрәк булса да, барыбер күп иде», – диде Гоголь.

Хәзер кар катламының биеклеге акрынлап кими. Татарстан Гидрометеорология үзәге мәгълүматлары буенча, якын ункөнлектә республикада явым-төшем көтелми.

ЧЫГАНАК: https://www.tatar-inform.ru/news/sinoptik-gogol-rasskazal-kogda-v-tatarstane-soidet-sneg-6020697

Запись Кар кайчан эреп бетәчәк? впервые появилась Tatar Today - татар яңалыклары..

Апрельдә һәм майда ниниди һава торышы көтелә?

Рамиля Валиахметова — Mon, 16 Mar 2026 17:09:16 +0000

Россия Гидрометеоүзәге фаразлавынча, быел апрель һәм май җылы булачак. ТР Гидрометеорология һәм әйләнә-тирә мохитне күзәтү идарәсе башлыгы Феликс Гоголь бүген шул хакта хәбәр итте.

«Апрель һәм май айларында һава температурасы климатик нормадан бер градуска югарырак булыр дип фаразлана. Апрельдә республика өчен климатик норма +5,4 градус, ә майда +13,6 градус тәшкил итә», – дип искәртте ул.

Феликс Гоголь билгеләп үткәнчә, быел Татарстанда җылыту сезонының кайчан тәмамланачагын әлегә әйтүе кыен.

«Якындагы ике атнада ул әле тәмамланмаячак. Моның өчен +8 градустан югарырак тотрыклы температура урнашырга тиеш», – диде ул.

ЧЫГАНАК: https://tatar-inform.tatar/news/gidrometcentr-rt-soobshhil-ob-anomalnom-teple-v-aprele-i-v-mae-5920743

Запись Апрельдә һәм майда ниниди һава торышы көтелә? впервые появилась Tatar Today - татар яңалыклары..

Татарстанга арктик циклон килә

Рамиля Валиахметова — Wed, 04 Mar 2026 10:51:14 +0000

Март башы Татарстанга язгы җылы алып килде, һава температурасы нормадан 3–5 градуска югарырак булды. Әмма атна уртасыннан һава торышы кискен үзгәрәчәк — моңа Ямал һәм Уралның төньягы өстендә урнашкан арктик антициклон үтеп керү сәбәп була. Бу хакта «Метео» фаразлау үзәге җитәкчесе Александр Шувалов хәбәр итте.

«Европа территориясенең төньяк-көнчыгышында шактый көчле салкын һава учагы — арктик антициклон урнашкан. Чәршәмбе–пәнҗешәмбедән башлап бу салкын һава массасы илебезнең Европа өлешенең көнчыгышына үтеп керәчәк һәм тулысынча Татарстанны да колачлаячак. Уңай температура күрсәткечләре 3–5 көнгә шактый тиз рәвештә алышыначак», — дип билгеләде ул.

Шувалов мәгълүматларына караганда, төнлә һава температурасы минус 10–14 градус тәшкил итә, ә көндез кайбер урыннарда минус 8–10 градуска кадәр суыта.

ЧЫГАНАК: https://www.tatar-inform.ru/news/sinoptik-suvalov-predupredil-ob-arkticeskom-vtorzenii-v-tatarstan-6019059

Запись Татарстанга арктик циклон килә впервые появилась Tatar Today - татар яңалыклары..

Татарстанга климатик яз кайчан килә?

Рамиля Валиахметова — Tue, 24 Feb 2026 16:12:12 +0000

Татарстанда климатик яз 20 марттан соң тулысынча урнашачак. Бу хакта «МЕТЕО» фаразлау үзәге синоптигы Александр Ильин хәбәр иткән.

«Уртача тәүлеклек температура 0 градустан югары булырга тиеш», – дигән белгеч. Нәкъ менә шушы күрсәткеч климатик язны фаразлауда төп фактор булып тора.

Кар һәм боз катламы эрүен дә исәпкә алган фенологик яз соңрак башланачак. Кечкенә һәм зур елгаларда боз кузгалу апрель уртасыннан иртәрәк булмаячак, дигән Ильин

«Татар-информ»

Запись Татарстанга климатик яз кайчан килә? впервые появилась Tatar Today - татар яңалыклары..

Татарстанда шторм кисәтүе игълан ителде

Рамиля Валиахметова — Mon, 16 Feb 2026 10:38:16 +0000

Татарстанда якын арада көчле кар яву һәм бураннар көтелү сәбәпле шторм кисәтүе игълан ителде. Бу хакта Татарстан Гидрометеорология үзәге хәбәр итә.

16 февраль кичендә, 17 февраль төнендә һәм көндез республика территориясендә көчле явым-төшем (юеш кар, кайбер урыннарда яңгыр белән) көтелә. Буран вакытында күз күреме 500 метрга кадәр начараю, 22 м/с ка кадәр тизлектә кадәр көчле җил фаразлана. Юлларда кар көртләре барлыкка киләчәк.

Россия Гадәттән тыш хәлләр министрлыгының Татарстан буенча Баш идарәсе халыкка реклама корылмаларыннан һәм электр тапшыру линияләреннән ераграк торырга, түбәләрдәге кар, боз һәм боз сөңгеләренә игътибар итәргә, куркыныч урыннарны урап узарга киңәш итте.

Татарстан Дәүләт автоинспекциясе торак пунктлардан читкә чыкмаска чакырды.

«Татар-информ»

Запись Татарстанда шторм кисәтүе игълан ителде впервые появилась Tatar Today - татар яңалыклары..

Татарстанга тагын кар-бураннар дулкыны киләме?

Рамиля Валиахметова — Wed, 04 Feb 2026 11:53:01 +0000

Татарстанга чираттагы көчле кар яву дулкыны якынлаша. Бу хакта «Метео» үзәге җитәкчесе Александр Шувалов хәбәр иткән.

«Шимбә, 7 февральдә, салкыннар бераз йомшарачак, һәм яңадан кар ява башлый. Ял көннәрендә чираттагы көчле кар өеме көтәбез. Минемчә, 7 һәм 8 февральдә 15–20 сантиметр кар явачак. Анда чыннан да бик көчле итеп «аттыра»», – дип кисәтте синоптик.

Ул билгеләп үткәнчә, бер атна эчендә яуган кар бераз утырып тыгызланыр, ә аннары «киләсе кар дулкыны» башланыр.

«Температура якынча –10 градус тирәсендә, шуңа күрә кар җиңел, йомшак, бик күләмле булак. Шулай итеп, кар катламының биеклеге тагын да артып, бер метрга якынлашырга мөмкин», – дип өстәде Шувалов.

ЧЫГАНАК: «Татар-информ»

Запись Татарстанга тагын кар-бураннар дулкыны киләме? впервые появилась Tatar Today - татар яңалыклары..

Татарстанда тагын һава торышы начарая

Рамиля Валиахметова — Tue, 06 Jan 2026 11:21:35 +0000

Якындагы атнада Казанда һава торышы шартлары начараю көтелә. Синоптиклар мәгълүматларына караганда, шәһәрдә кар явачак, юлларда бозлавык барлыкка киләчәк. Моңа бәйле рәвештә Дәүләт автоинспекциясе машина йөртүчеләрне сак булырга чакыра.

«Катлаулы метеорологик шартларда машина йөртүчеләр рөхсәт ителгән максималь тизлек белән түгел, ә юлдагы шартларда иминлекне тәэмин итәрлек тизлек белән хәрәкәт итәргә тиеш. Куркыныч маневрлар ясамаска һәм каршы як полосага чыкмаска киңәш ителә», – дип искәртте Казан Дәүләт автоинспекциясе бүлеге башлыгы, полиция полковнигы Михаил Савин.

Пассажирларга һәм машина йөртүчеләргә иминлек каешларын эләктерергә кирәк булу турында искәрттеләр. 12 яшькә кадәрге балаларны бары тик махсус җайланмаларда гына йөртергә кирәк.

Дәүләт автоинспекциясе җәяүлеләрне һәм машина йөртүчеләрне игътибарлы булырга һәм һава торышы начар булганда шәһәрдән еракка китмәскә чакыра. Штаттан тыш хәлләр булган очракта 8 (843) 533-38-59 телефонына ярдәм сорап мөрәҗәгать итәргә мөмкин.

ЧЫГАНАК: https://tatar-inform.tatar/news/kazanda-hava-torysy-nacarayu-sabaple-masina-iortucelarne-sak-bulyrga-cakyrdylar-5916876

Запись Татарстанда тагын һава торышы начарая впервые появилась Tatar Today - татар яңалыклары..

Синоптиклар: «Татарстанда атна ахырына кадәр …»

Рамиля Валиахметова — Wed, 29 Oct 2025 07:49:33 +0000

Татарстан Республикасы Гидрометеорология үзәге атна ахырына кадәр аномаль җылы булачагын хәбәр итте.

Гидрометеорология үзәге җитәкчесе Феликс Гоголь белдерүенчә, температура нормадан 4 градуска югарырак булачак.

Ул якын көннәрдә төнлә температураның +3 тән +8 градуска кадәр булачагын, ә көндез һава +10…+15 градуска кадәр җылыначагын әйтте.

Синоптик сүзләренчә, төбәктә әлегә кар яву көтелми, ә җәйге шиналарны кышкыга алыштыруны машина йөртүчеләр үзләре хәл итә, диелә хәбәрдә.

ЧЫГАНАК: https://intertat.tatar/news/sinoptiklar-tatarstanda-atna-axyryna-kadar-anomal-yly-bulacak-5876257

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Синоптиклар: «Татарстанда атна ахырына кадәр …» впервые появилась Tatar Today - татар яңалыклары..

Быел кыш нинди булачак?

Рамиля Валиахметова — Thu, 02 Oct 2025 08:23:22 +0000

Быелгы кыш Россиянең күпчелек өлешендә узган елдагыга караганда суыграк булачак. Россия Гидрометеоүзәгенең фаразы шундый, “Россиянең бөтен территориясендә диярлек декабрь аенда уртача температураның 2024 елдагыга караганда түбәнрәк булуы күздә тотыла.

Россия Европа өлешенең күпчелегендә, Урал һәм Себер федераль округларының үзәк, көньяк төбәкләрендә гыйнвар аеның 2025 елдагыга караганда күпкә суыграк килүе фаразлана”, –дип хәбәр иткән синоптиклар.

Гидрометеоүзәк мәгълүматларына караганда, ноябрь аенда Идел буе, Үзәк һәм Урал федераль округларында узган елдагыга караганда салкынрак булачак. Шул ук вакытта март аенда Россиянең күпчелек өлешендә айлык уртача температура нормадан югарырак булыр,дип күздә тотыла.

Татарстан Гидрометеоүзәге хәбәр иткәнчә, бу айда республикада башлыча явым-төшемсез коры һава көтелә. Айлык уртача температураның нормага якын булачагы (Казан буенча +5,3 градус, республика буенча +4,9 градус) фаразлана.

ЧЫГАНАК:  https://vatantat.ru/2025/10/184405/

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Быел кыш нинди булачак? впервые появилась Tatar Today - татар яңалыклары..