Архивы Һаваторышы - Tatar Today - татар яңалыклары.

Татарстанда һава торышы нык үзгәрмәкче…

Рамиля Валиахметова — Wed, 12 Aug 2020 18:46:19 +0000

Җомга көнне Казанда салкынайтачак. 13 августта яңгыр яварга мөмкин, дип фаразлый КФУның Экология һәм табигатьне куллану институтының метеорология, климатология һәм атмосфера экологиясе кафедрасы мөдире Юрий Переведенцев. Бу турыда вуз матбугат хезмәте хәбәр итә.

«Бу декадада тәүлек дәвамында уртача һава температурасы нормадан түбән — 13-14 градус булачак. Бу аномаль температура, төнлә салкын булачак», — диде Юрий Переведенцев.

13 августта бөтен республика буенча явым-төшем көтелә.

Пәнҗешәмбе, 13 августта көндез һава температурасы 17 градуска кадәр җылытачак, төнлә +12 градус була.

Җомга, 14 августта, болытлы һава торышы булачак, кыска вакытлы яңгыр көтелә. Көндез +16 градуска кадәр җылы, төнлә +12 градус булачак.

Переведенцев сүзләренчә, бу атна җәй дәвамында иң салкын атналарның берсе булачак.

Шимбә Казанда яңгыр явачак, көндез һава торышы +17 градус, төнлә — 11 градус җылы.

Якшәмбе һава тошы рәтләнер дип фаразлана. Көндез һава температурасы +18 градус булса, төнлә +10 градус булачак.

Чыганак: Татар-Информ

Запись Татарстанда һава торышы нык үзгәрмәкче… впервые появилась Tatar Today - татар яңалыклары..

Синоптиклар татарстанлыларга июль аенда нинди һава торышы вәгъдә итәләр?

Лейла — Wed, 01 Jul 2020 17:32:04 +0000

Татарстан Республикасы территориясендә явым-төшем минималь саны белән эссе июль көтелә. Бу хакта ТР Гидрометеорология үзәге хәбәр итә.

Синоптиклар фаразларына караганда, июльнең беренче декадасында тәүлеклек һава температурасы нормадан 2-3 градуска югарырак булачак. Якын көннәрдә 31 градуска кадәр эсселек көтелә, дип билгеләп үттеләр ведомствода.

Әмма КФУның баш метеорологы Юрий Переведенцев 2-4 июльдә явым-төшем көтелә, ә 4 июльдә яңгыр көтелә, дип билгеләп үтте. Тулаем алганда, июль коры булырга охшаган, әмма шул ук вакытта яшен, яңгыр һәм җил кебек локаль атмосфера күренешләре булырга мөмкин, дип тәмамлады профессор.

Чыганак: mk

Запись Синоптиклар татарстанлыларга июль аенда нинди һава торышы вәгъдә итәләр? впервые появилась Tatar Today - татар яңалыклары..

Синоптиклар иртәгә нинди һава торышы фаразлый?

Алина — Sun, 23 Dec 2018 13:13:40 +0000

Республика территориясендә һәм Казанда иртәгә иртән һәм көндез көчле кар явуы һәм буран көтелә, юлларда күз күреме начарлана. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Синоптиклар республика халкын бозлавык булуы һәм юллардагы кар көртләре турында кисәтә.

Җилнең тизлеге секундына 15тән 20 метрга кадәр җитәчәк.

Татар- информ

Запись Синоптиклар иртәгә нинди һава торышы фаразлый? впервые появилась Tatar Today - татар яңалыклары..

Буранга кемнәр сөенә, кемнәр көенә… [фото]

Чулпан — Mon, 05 Feb 2018 10:29:11 +0000

Һава торышы үзен көйсез яктан күрсәтә. Татарстанда айлык явым-төшемнең яртысыннан артыгы күләмендә кар ява дигәннәре хак булды. Бөтен Татарстан кар астында. //Tatar today//

Шулай да мондый һава торышына сөенүчеләр дә, көенүчеләр дә бар. Инстаграмга күзәтү ясадык.

Бу – метрога чират торучылар һәм бүгенгә ябык дип игълан ителгән “Мега” сәүдә үзәге. Бөкеләр дә юк түгел.

View this post on Instagram

A post shared by Мамы Казани и РТ. Блогер (@kazan_mama)

Гөлназ Сафарова мондый буранлы кышка шатлана гына.

View this post on Instagram

A post shared by Gulnaz Safarova (@saffarka)

Ландыш балаларын кайсын-кая илтеп урнаштырган, “җыеп алып булырмы?” ди.

View this post on Instagram

A post shared by LandyshNigmatjanova (@landyshnigmatjanova)

Универсиада авылыннан күренеш.

View this post on Instagram

A post shared by Деревня Универсиады (@universiadevillage)

https://www.instagram.com/p/BezohIKHrE6/?taken-by=vkazani_interesno_

Запись Буранга кемнәр сөенә, кемнәр көенә… [фото] впервые появилась Tatar Today - татар яңалыклары..

Эссе һавадан ничек сакланырга? [Табиб киңәше]

Чулпан — Mon, 17 Jul 2017 11:32:37 +0000

Без, кешеләргә, ярап булмыйдыр инде ул. Әле генә яңгырдан, салкын һавадан зарланган идек, хәзер исә “Кайчан бетә бу эсселек?” – дибез. Әйе, соңгы арада җәй җәйлеген итә. Бар яме шул кызу кояш нурларында булса да, югары температураны күпләр авыр кичерә. //Tatar today//

Мондый шартларда табибларның иң беренче киңәше – яланаяк йөрү. Әлбәттә, сүз кызган асфальт буенча йөрү турында бармый. Иң яхшысы – яшел чирәм. Табанда эчке органнарның сәламәтлеге өчен җавап бирүче бихисап нокталар барлыгы инде күптән билгеле. Яланаяк йөргән вакытта шушы нокталарга йогынты ясала. Нәтиҗәдә, кан әйләнеше яхшыра, организмның гомуми тонусы күтәрелә һәм күзәнәкләр бүленүе арта. Гади суны кыяр, помидор, карбыз кебек сусыл яшелчәләр һәм җиләк-җимешләр белән алыштырырга мөмкин. Болай эшләгәндә, организм өстәмә рәвештә витаминнар һәм минераль матдәләр белән баетыла. Кайнар яшел чәй дә эсседә ярдәмгә килә: ул организмдагы җылы алмашын көйли. Кызу көннәрдә бал, туңмай кебек эчтән җылытучы продуктлар ашау киңәш ителми. Йоклар алдыннан ит кебек “авыр” ризыклардан баш тартсагыз, яхшы булыр, чөнки мондый продукталар ашказанында таркалган вакытта тән температурасы күтәрелә, тир бүленүе арта. Кызу һавага ияләшергә һәм организмны суытырга хөрмә, банан кебек авызны бөрештерә торган продуктлар, ак һәм яшел төстәге яшелчә һәм җиләк-җимешләр ярдәм итәчәк.

Киләсе киңәш эссе кояш нурларыннан котылуны елга буенда эзләүчеләргә. Суга чумлау организмыгыз өчен зыянлы булырга мөмкин, чөнки температураның кинәт үзгәрүе кан тамырлары кысылуга китерә ала. Шуңа күрә суга керер алдыннан иң элек берничә минут күләгәдә ял итеп алыгыз. Салкын душка керергә яратучыларга да табиблар кисәтү ясый. Салкын судан кан тамырлары кысыла, ә соңыннан тагын да ныграк киңәя, ягъни организм суынмый. Шуңа да эссе көндә җылы душка керү хәерлерәк: аннан чыккач, һава температурасы чынбарлыктагыдан түбәнрәк булып тоелачак. Йорт эчендәне аксессуарларны бер ситкә алып куеп торыгыз. Күпләр бүлмәләрен төрле уенчыклар, рамкалар, шәмнәр белән бизәргә ярата. Кызу көнне тәрәзә ачкан саен бу бизәү әйберләре тузан гына җыячак. Ә аларны соңыннан юу, ай-хай, җиңел түгел! Әгәр бүлмәгезнең күп өлеше кояшлы якта икән, тәрәзәләрне тыгыз чаршау белән капларга мөмкин, әмма болай эшләүнең файдасы әллә ни зур түгел. Иң яхшысы – тәрәзәләрнең тышкы яки эчке ягына фольга ябыштыру. Ул яктылыкны да, җылыны да яхшы чагылдыра, бүлмәне артык җылынудан саклый. Юыну бүлмәсе һәм туалет турында да әйтеп китик. Күп кенә фатирларда ел буе җылы саклаучы сөлге киптерү җайланмалары бар. Бу, бер яктан, бик яхшы, чөнки даими җылы һава юыну бүлмәсен артык дымланудан саклый. Тик әгәр дә сез югары катта яшисез һәм дымлану куркынычы юк икән, сөлге киптерү җайланмасы фатирдагы кызулыкны арттыра кына. Бу очракта торбаны бөтен яклап фольга белән төрергә кирәк, һаваның җылынуы берничә тапкыр кимиячәк.

Ә хәзер тән турында. Әлбәттә, тир исе безнең үзебезгә дә, тирә-яктагыларга да ошамый. Әмма тир – ул организмыбызны артык җылынудан саклаучы киртә, аның белән көрәшергә кирәкми. Шулай да бүленеп чыккан тозлар тәннең җыерчыклы өлешләренә зыян китермәсен өчен үзегезгә туры килә торган крем сөртү комачау итмәс. Шулай ук түбәндәге берничә киңәш тә эссе җәй көннәрендә сезгә ярдәмгә килер.

Өйдә:

1. Яшел чәй эчегез. 2. Пляжга барыгыз.

3. Җиңел һәм якты төстәге табигый материядән тегелгән кием киегез. 4. Күләгәле урыннарда ешрак булыгыз. 5. Туңдарма ашагыз. 6, Косметиканы сирәгрәк кулланырга тырышыгыз.

Эштә: 1. Һава температурасы +26 градустан артса, сәгать саен ярты стакан су эчегез.

2. Өстәлегездә кечкенә генә аквариум булдырыгыз (балыкларсыз, үләннәрсез булса да ярый, иң мөһиме – су), аннан чыккан дым һаваны суытачак.

3. Арзанлы гына су сиптергеч алып, вакыт-вакыт тирә ягыгызга салкын су сиптерегез;

4. Мөмкинлегегез булса, иңнәрегезгә юеш яулык салыгыз.

5. Битегезне һәм култык астына кадәр кулларыгызны салкынча су белән ешрак юыгыз.

6. Ике сәгаткә бер булса да биш минут ятып торырга тырышыгыз, кан тамырларыгызны кысылудан саклагыз.

7. Киң яфраклы гөлләр дә (мәсәлән, бегония яки фикус) ярдәмгә килә ала. Моның өчен бары тик гөл яфракларына су сибәргә кирәк. Озак вакыт дым саклаучы яфраклар бүлмәне суытачак. 8. Иң мөһим эшләрне көннең беренче яртысында, кояш эш урынын җылытып өлгергәнче тәмамларга тырышыгыз.

Машинада:

1.Тәрәзәләргә кояштан саклаучы чаршаулар элегез. Алар салондагы температураны 5-6 градуска кадәр төшерергә мөмкин.

2. Алгы тәрәзәгә тышкы яктан көзгеле (“зеркальный”) экран урнаштырыгыз.

3. Машинагызны ешрак юыгыз. Пычрак күбрәк булган саен кузов һәм тәрәзәләр кояш нурларын авыррак кайтара һәм тизрәк кыза.

4. Машина салонында зажигалка һәм басым астындагы баллоннарны калдырмагыз. Эссе һавада алар еш кына шартлый. Кояш нурлары аудиокассеталар һәм башка пластик әйберләргә дә зыян китерергә мөмкин, аларны да ераккарак алып куйсагыз, яхшы булыр.

Раилә ВӘЛИУЛЛИНА

Запись Эссе һавадан ничек сакланырга? [Табиб киңәше] впервые появилась Tatar Today - татар яңалыклары..

«Түбә генә түгел, фронтоннар да юк, өй үзе дә ярылган»

Чулпан — Mon, 03 Jul 2017 11:29:04 +0000

Синоптиклар юраган хәвефле җәй үзенең холкын һаман күрсәтеп тора. Нурлат һәм Чирмешән районнарындагы гарасаттан соң, нәкъ бер ай үтүгә, көчле җил Питрәч районына да килеп җитте. Кичә Шәле буйлап бер полоса давыл үтеп киткән. Нәтиҗәдә, бүген авыллар хәрәбә хәлендә: кемнең өй түбәсе юк, кемнең гаражын урыныннан кузгалткан, хәтта нигезеннән күчереп куелган корылмалар да бар. //Интертат//

–Кичә авылда Сабан туе иде, – ди Шәле авыл җирлеге башлыгы Илшат Әхмәтҗанов. –Бәйрәм урман эчендә безнең. Кичке сәгать 4 белән 5 арасында әзрәк җилләп алды, яңгыр яуды. Әмма бу артык комачауламады, халык рәхәтләнеп бәйрәм итте, күңел ачты. Шуннан соң, Сабан туен тәмамлап, авылга кайтсак, ис-акыл китте. Авыл урамнары түбә калдыклары, калай, шифер белән тулган. Кайберәүләр түбә калайларының кайда икәнен дә белми хәтта. Түбә генә түгел, фронтоннар да юк, өй үзе дә ярылган. Кунак өен нигезеннән куптарып алып, кырыйга күчереп куйган.

Шәле – зур авыл. Шуңа күрә микән, җилнең бөтен авылны колачларга көче җитмәгән.

–Без үзебез Сабантуйда идек, әниләр өйдә, – ди зыян күрүче Гөлфинә Камалиева. – Урман эчендә җилле яңгыр гына явып узгач, авылда мондый хәлләр бардыр дип уйламадык та без. Кайтсак, хәйран калдык. Безнең йортның түбәсе дә, фронтон да юк. Гаражның стеналары какшаган, өйнең арткы почмагында мунча иде, анысының да кирпечләре урыныннан кузгалган. “Бер минут та булмады”, – диләр, әмма шуның кадәр зыян салып өлгергән. Менә бүген өмә авылда, түбәләрне сүтеп, яңадан коралар. Бәхеткә, йорт-җиребез иминиятләштерелгән иде.
Дилүс Мөхәммәтшин дә өен, каралты-курасын иминиятләштерелгән булган.

–Йорт түбәсен шифердан япкан идек. Бер якка бик зур зыян килгән. Шифер ватылып, чәрдәкләнеп беткән, бөтен килеш тә алып очырган, өчесе бөтенләй дә юк. Үзем давыл килгәндә өйдә идем, бер-ике минут тирәсе булгандыр ул. Шул вакыт эчендә алып та киткән, әнә. Урамга чыгарга куркыныч иде: электр чыбыкларын да җиргә алып салган. Мондый давыллар без кечкенә чакта еш була иде, табигать алышына ахры, тагын кабатлана башлады, – диде ул.
Шәле авылында барысы 9 йорт зыян күргән. Гарасат Тугаш авылы ягыннан килгән диләр. Табигый бәла-казаның бу авылга китергән зыяны турында соңрак язарбыз.

Чулпан ШАКИРОВА

Запись «Түбә генә түгел, фронтоннар да юк, өй үзе дә ярылган» впервые появилась Tatar Today - татар яңалыклары..

Татарстанда кар-боз машина, өй тәрәзәләрен тишә [фото, видео]

Чулпан — Fri, 23 Jun 2017 15:19:57 +0000

23 июнь Татарстанның кайбер районнарында карлы-бозлы яңгыр яуды. Югары Ослан, Тәтеш, Апас районнарында боз машина, йорт тәрәзәләрен ваткан, җиләк-җимеш агачларын сындырган. Татарстанлылар әлеге гадәттән тыш һава торышын фото-видеога төшереп социаль челтәрләргә урнаштыра. //Азатлык радиосы//

Югары Ослан районында карлы-бозлы яңгырдан соң машина юллары кышкы юлга охшап калган, юлларда бозлавык хасил булган. Бу күренешләрне инстаграм битләрендә күрергә була. Шунда ук кулланучылар гаҗәпләнү белдерә, күргән, белгәннәрен яза. Югары Осланда кайберәүләрнең капка төпләреннән кар көрәүләрен күргәннәр.

https://www.instagram.com/p/BVrYUp_BjaI/?taken-by=vkazani_interesno%20%20%20

https://www.instagram.com/p/BVrjPpAF_0N/?taken-by=radik_fatkulin

Тәтештән Марат исемле кулланучы чикләвек зурлыгында боз явып җиләк-җимеш агачлары сындыруын сурәтләгән фото куйган.

View this post on Instagram

Вот оно такое, наше лето… ❄ 23 июбря. #summer#snow#weather#cold#лето#град#снег#отпуск#холод#природа#июбрь#нижнийуслон#татарстан

A post shared by Marat (@marat_days) on Jun 23, 2017 at 3:12am PDT

“Нәрсә бу? Татарстанда җәен кыш килдеме әллә?” дип гаҗәпләнә инстаграм кулланучылар. Фото-видеоларның күпчелеге Югары Ослан районы Моркваш авылы тирәсендә төшерелгән.

View this post on Instagram

#зималетом #kazanfm

A post shared by @ kazan.fm on Jun 23, 2017 at 5:01am PDT

Казанга килүче кайбер туристлар хәтта куркып калган, Конфедерация беренчелеге уеннарын карарга очып килдем, ә монда кар, стадионны капламаса ярый инде, ди snow_russia исемле кулланучы.

https://www.instagram.com/p/BVrl-avHSqJ/?taken-by=snow_russia%20%20

Апас районында да боз яуган, аннан Акчарлак газетасы укучысы фото җибәргән.

View this post on Instagram

Абау? . Апаста боз яуган ( укучыбыз фотосы) Тулырак akcharlak.com сайтыннан карагыз. . #акчарлакгазетасы #казан #татарстан

A post shared by Акчарлак газетасы (@akcharlak_official) on Jun 23, 2017 at 4:24am PDT

Бусы Тәтештә булган галәмәтләр.

Запись Татарстанда кар-боз машина, өй тәрәзәләрен тишә [фото, видео] впервые появилась Tatar Today - татар яңалыклары..

Татарстанда һава торышы сөендерерме, көендерерме? [синоптиклар фаразы]

Чулпан — Wed, 21 Jun 2017 19:32:05 +0000

22 июнь Казанда максималь һава температурасы +19..+21 градус булачак. //Татар-информ//

Җил көньяк – көнбатыштан, уртача тизлектә. Яшен вакытында җилнең тизлеге кыска вакытка секундына 16-21 метрга кадәр җитәчәк. Төнлә минималь һава температурасы – +9..+14, көндез максималь температура +18..+23 градус булачак.

Казанда алмашынучан болытлы һава торышы фаразлана. Урыны белән яңгыр, яшен, боз булуы ихтимал. Җил көньяк–көнбатыштан, уртача тизлектә, яшен вакытында көчәючән. Көндезге максималь һава температурасы +19..+21 градус булачак.

Запись Татарстанда һава торышы сөендерерме, көендерерме? [синоптиклар фаразы] впервые появилась Tatar Today - татар яңалыклары..

Бүген татарстанлылар куртка-пәлтәләрен салачаклар!

Эльвира Шакирова — Wed, 17 May 2017 05:26:00 +0000

Көндезге уртача һава температурасы 15-20 градус җылы булачак.

17 майда Татарстанда аязучан болытлы һава көтелә. Кыска вакытлы яңгыр булуы мөмкин.
Синоптиклар фаразлавынча, көньяк һәм көньяк-көнчыгыштан талгын җил исәчәк.
Көндезге уртача һава температурасы 15-20 градус җылы булачак.

Запись Бүген татарстанлылар куртка-пәлтәләрен салачаклар! впервые появилась Tatar Today - татар яңалыклары..

Бу ни бу: Татарстанда – кыш [фото]

Эльвира Шакирова — Wed, 19 Apr 2017 09:14:14 +0000

Бүген иртән Татарстанның көньяк-көнчыгышында урнашкан кайбер шәһәр-районнарында ишеп кар яуган. Азнакайда яшәүче журналист Эльвира Төхвәтуллина махсус Татар Тудей өчен фотолар җибәрде. //Tatar Today//

“Иртәнге сәгать 6лар тирәсендә кар ява башлады. Иште генә, 5-10 см тирәсе яугандыр. Бездә халык җәйге тәгәрмәчләргә күчкән иде инде. Үзем дә бүген җәйге көпчәкләр белән эшкә килдем. Кайбер урыннарда машина шуып барды. Шулай да күп кеше бүген эшкә җәяү килгән. Хәзерге вакытта кар яумый, юлда җепшек кар саклана. Әлегә кояш күренми. Бездән 30-40 чакрым ераклыктагы Сарман районы Җәлил бистәсендә бөтенләй кар яумаган”, дип сөйләде Татар Тудей хәбәрчесенә Эльвира Төхвәтуллина.

ЮХИДИ хәбәр итүенчә, бүген иртәнге сәгать 7дән 9га кадәр, ягъни ике сәгать эчендә Азнакай районы буенча 5 юл һәлакәте теркәлгән. Шуларның өчесе – юлдан чыгып очу, икесе – бәрелешү очрагы.

Һава торышына күз салсак, 19-21 апрельдә Татарстанда кар һәм яңгыр көтелә. Урыны белән буран булуы ихтимал. 21-22 апрель көннәрендә дә көчле җил булачак, дип фаразлый синоптиклар. Юлларда бозлавык сакланачак, сак булыгыз.

Запись Бу ни бу: Татарстанда – кыш [фото] впервые появилась Tatar Today - татар яңалыклары..