Архивы Бөгелмә - Tatar Today - татар яңалыклары.

Бөгелмәдә бер ир-ат зиратка дип китә. Бер тәүлек эзлиләр һәм …

Алсу Мансурова — Mon, 24 Aug 2020 16:00:36 +0000

//Татар Тудей// Татар Бүген//

Бөгелмә районында яшәүче бер ир-ат зиратка китә һәм югала. Коткаручылар, полицейскийлар, эт белән кинолог һәм җирле халык массакүләм эзләү оештыралар.

Бөгелмә районының Иркен авылында яшәүче 45 яшьлек ир-ат – 2нче төркем инвалид, 19 август көнне иртәнге 5тә авыл зираты ягына таба өйдән чыгып китә һәм югала. Борчылган туганнары үзләре эзләп карыйлар, әмма ирне таба алмыйлар. Һәм алар 112 бердәм коткару номерына шылтыраталар.

Ир-атның хәле, бәлки, начарланып киткәндер, дип хәбәр итәләр. Аның үзе белән телефоны булмый һәм ул үзе турында хәбәр бирә алмый. Коткаручылар һәм полиция хезмәткәрләре көче белән эзләү оештырылган. Анда эт белән кинолог та җәлеп ителгән. 20 августта 16.13 сәгатьтә югалган ир кырда табыла. Ул хәлсезләнгән һәм үзен начар хис итә. Аны үзәк район хастаханәсенә озаталар, дип хәбәр итә ТР Гадәттән тыш хәлләр министрлыгының матбугат хезмәте.

Чыганак: "Шәһри Казан" газетасы

Запись Бөгелмәдә бер ир-ат зиратка дип китә. Бер тәүлек эзлиләр һәм … впервые появилась Tatar Today - татар яңалыклары..

Бөгелмәдә 43 яшьлек хатын-кызның наркопритон тотучыларга фатир бирүе ачыклана

Alfia — Wed, 04 Sep 2019 05:32:42 +0000

Россия Эчке эшләр министрлыгының Бөгелмә районы буенча наркотиклар әйләнешен контрольдә тоту бүлеге оперуполномоченныйлары, элек хөкем ителгән 43 яшьлек хатын-кызның 2018 елның ноябрь башыннан агымдагы елның август аена кадәр Гоголь урамында, наркотикларга бәйле кешеләргә тыелган гамәлләр эшләр өчен, фатир бирүен ачыклаган.

Торак бинаны тикшерү нәтиҗәсендә, шикләнелүченең фатирында тикшерелүче бинада наркотик чаралар кулланылуын раслаучы матдәләр һәм предметлар табылган.

Россия Эчке эшләр министрлыгының Бөгелмә районы буенча бүлегенең сорау алу бүлеге шикаять белдерүчегә карата Россия Федерациясе Җинаять кодексының 232 маддәсенең 1 бүлегендә каралган җинаять составы (наркотик матдәләр куллану өчен притон тоту) билгеләре буенча җинаять эше кузгаткан.

Мәгълүмат: bugulma-tat.ru

Запись Бөгелмәдә 43 яшьлек хатын-кызның наркопритон тотучыларга фатир бирүе ачыклана впервые появилась Tatar Today - татар яңалыклары..

Татарстанда шәхси йорттагы янгын вакытында 2 кеше һәлак була

Alfia — Sun, 01 Sep 2019 15:17:47 +0000

Бөгелмәдә шәхси йортта чыккан янгында ике кеше һәлак булган. Бу хакта «Татар-информ» мәгълүмат агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Ашыгыч хезмәтләрне чакыру бердәм 112 номерына кичке сәгать тугызынчыда Бөгелмәнең Гастелло урамында шәхси йорт януы хакында хәбәр иткәннәр. Урынга янгын сүндерү һәм коткару гарнизоны хезмәткәрләре барган. Янгынга беренче категория бирелгән.

Янгын сүндерүчеләр килгәнче бер катлы агач йорт тулысынча янып беткән.

Тугызынчы егерме ике минутта янгында һәлак булган кешеләрнең беренчесе, сигез минуттан соң икенчесе табыла. Аларның шәхесен ачыклыйлар.

Кичке тугызынчы яртыда янгын тулысынча сүндерелгән.

Мәгълүмат: tatar-inform.tatar

Запись Татарстанда шәхси йорттагы янгын вакытында 2 кеше һәлак була впервые появилась Tatar Today - татар яңалыклары..

Татарстанда газ афәте бара, Бөгелмәдә икенче ай агуланып үлүчеләр арта

Алина — Sun, 20 Jan 2019 12:03:00 +0000

Бөгелмәдә ир-ат һәм ике бала исле газ белән агуланган, яшүсмерләрнең берсе һәлак булган. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Кичә кич Гадәттән тыш хәлләр министрлыгына Бөгелмә шәһәренең Белинский урамындагы йортта 41 яшьлек ир-ат һәм 17 һәм 13 яшьлек ике үсмер ир бала исле газ белән агулангануы турында хәбәр килгән.

Нәтиҗәдә, өлкәнрәк ир баланы уртача авырлыктагы агулану билгеләре белән, ир-атны аңсыз хәлдә Бөгелмә район хастаханәсенә китергәннәр.13 яшьлек үсмер һәлак булган.

Фаҗига сәбәпләрен урында газ хезмәте белгечләре ачыклый.

Элегрәк «Татар-информ» мәгълүмат агентлыгы 2018 елның 18 ноябрендә Бөгелмәдә Гафиатуллин урамындагы биш катлы йортта өч яшьлек кыз һәм аның әтисе мәете табылганлыгын хәбәр иткән иде. Тикшерүчеләр аларның һәлак булуына исле газ белән агулану сәбәпче булу ихтималын да искәрткән.

tatar-inform.tatar

Запись Татарстанда газ афәте бара, Бөгелмәдә икенче ай агуланып үлүчеләр арта впервые появилась Tatar Today - татар яңалыклары..

Бөгелмәдә 3 яшьлек кыз һәм аның әтисенең серле үлем сәбәпләрен ачыклыйлар

Алина — Mon, 19 Nov 2018 07:05:07 +0000

18 ноябрь Бөгелмәдә Гафиятуллин урамындагы биш катлы йортта өч яшьлек кыз һәм аның әтисенең мәетен тапканнар. Бу хакта “Татар-информ” агентлыгына Татарстан буенча Гадәттән тыш хәлләр министрлыгында хәбәр иттеләр.

Фаҗига турында хәбәр көндез 13:30 сәгатьтә килә.

«Бөгелмә газ» оешмасы хезмәткәрләре өйдә газ чыкмавын һәм җиһазларның ватык булмавын ачыклаган. Фатирда вентиляция системасы да төзек булган.

Урында хокук саклау органы хезмәткәрләре һәм авария хезмәтләре эшли, диелгән әлеге хәбәрдә. 28 яшьлек ир-ат һәм 3 яшьлек кызы үлеме сәбәпләрен тикшерүчеләр ачыклыячак.

Запись Бөгелмәдә 3 яшьлек кыз һәм аның әтисенең серле үлем сәбәпләрен ачыклыйлар впервые появилась Tatar Today - татар яңалыклары..

Сеңлесе үлгәннән соң, әнисен юату өчен Бөгелмә егете җенесен үзгәртергә карар кыла [видео]

Алина — Sat, 20 Oct 2018 10:44:17 +0000

“10 елга яшьрәк» программасы озак вакыт тәнәфестән соң «Беренче канал» га әйләнеп кайта. 20 октябрь 12:15 сәгатьтә эфирга чыккан чыгарылыш героинясы Бөгелмәдә яшәүче хатын булды.

Хатын-кыз проект редакциясенә шәхси фаҗигасе турында сөйли. “Кызым үлгәннән соң тормышымның мәгънәсе югалды”, ди ул. Депрессиядә булган хатын-кызны юату өчен кече улы җенесен алыштырырга һәм хатын-кыз булырга карар кылган.

Үзгәрергә дип “Беренче канал”га мөрәҗәгать иткән хатын яшь сөяркәсе булуын яшерми. Язмыш сынауларына дучар булган бөгелмәле янәшәсендә булган ир-атның тышкы кыяфәтеннән оялмавын, үзенә карап соклануын тели икән. Әмма программа белгечләренә героиня белән җиңел булмаган: ул стоматологтан аңа элеккеге тешләрен кайтаруны таләп иткән, профессиональ стилистлар сайлаган киемнәрне ошатмаган, ә косметологларны өч хәрефкә җибәргән.

Запись Сеңлесе үлгәннән соң, әнисен юату өчен Бөгелмә егете җенесен үзгәртергә карар кыла [видео] впервые появилась Tatar Today - татар яңалыклары..

Бөгелмәдә урамнан үтеп барган ир-атны акча өчен кыйнап үтерәләр

Алина — Sat, 22 Sep 2018 11:15:49 +0000

Бөгелмәнең 28 һәм 29 яшьлек ике кешесенә каршы, «талау» маддәсе буенча җинаять эше кузгаткан, дип хәбәр итә Татарстан Эчке эшләр министрлыгы матбугат хезмәте.

Җинаятьчеләр 58 яшьлек шәһәр кешесен Петровский урамындагы 30-нчы номерлы йорт янында һөҗүм итәләр. Яшь кешеләр зыян күрүчене кыйнаган һәм акча таләп итеп, пычак белән янаган. Күп санлы сугулардан соң ир егыла һәм суламый башлый. Шуннан соң гына куркып калган һөҗүмчеләр корбанны калдыралар һәм качалар. Җирле халыкны сораштырып, хокук сакчылары шикләнелүчеләрне тоткарлаган. Хәзер элек хөкем ителгән җинаятьчеләр сак астында. Аларга 10 елга кадәр колония куркынычы яный.

Чыганак :KazanFirst

Запись Бөгелмәдә урамнан үтеп барган ир-атны акча өчен кыйнап үтерәләр впервые появилась Tatar Today - татар яңалыклары..

Бөгелмәдә табиблар ярдәменнән баш тарткан ир-ат өенә дә кайтып җитә алмаган

Редактор1 editor1 — Mon, 19 Sep 2016 11:14:03 +0000

17 сентябрьдә Бөгелмәдә район үзәк хастаханәсенең кабул итү бүлеге янында ир-ат гәүдәсен тапканнар.

Башы яраланган 32 яшьлек ир-атны ашыгыч ярдәм машинасында хастаханәгә илткәннәр. Ләкин ул, хәле болай да яхшы дип, табиблар ярдәменнән баш тарткан һәм, өенә кайтам дип, чыгып киткән.
Бүген иртә белән аның мәетен хастаханә янында тапканнар. Бу хәл буенча тикшерү башланган.

Мәгълүмат “Московский комсомолец” сайтыннан алынды

Фото: vladtime.ru сайтыннан

Запись Бөгелмәдә табиблар ярдәменнән баш тарткан ир-ат өенә дә кайтып җитә алмаган впервые появилась Tatar Today - татар яңалыклары..

Бөгелмәдә 1 яшьлек сабый тәрәзәдән егылып төшкән

Редактор1 editor1 — Mon, 11 Jul 2016 10:03:14 +0000

Бөгелмәдә 1 яшьлек сабый тәрәзәдән егылып төшкән. Кызганычка каршы, яшыгыч ярдәм белән хастәханәгә барганда баланың гомере өзелгән.

Сабый күпбалалы гаиләдә тәрбияләнгән. Бу көнне барлык балалар да, әти-әни дә өйдә була. Әти кеше олы балалары белән юыну бүлмәсенә кереп китә. Ә корсаклы ана берәз ятып, хәл алырга уйлый. 1 яшь тә 4 айлык бала үзе генә кала. Бүлмәдәге тәрәзә ачык калган була. Бала подоконника менеп 4 каттан егылып төшә.

Әлеге хәл тагын бер кат кечкенә балаларга игътибарлы булырга, үзләрен генә калдырмаска кирәклеген искәртә.

Газиз сабыйларын югалткан ата-анага Аллаһы Тәгалә сабырлык-түземлекләрен бирсен иде!

Бөгелмә газетасы

Запись Бөгелмәдә 1 яшьлек сабый тәрәзәдән егылып төшкән впервые появилась Tatar Today - татар яңалыклары..

Татарстанда автобус юлдан төшеп киткән, зыян күрүчеләр дә бар [фото]

Редактор1 editor1 — Wed, 06 Jul 2016 10:19:43 +0000

Татарстанның Бөгелмә районында автобус юлдан төшеп киткән. Юл-транспорт һәлакәтенең сәбәпләре ачыклана. Һәлакәттә сигез кеше зыян күргән.

ТР Сәламәтлек саклау министрлыгы мәгълүматлары буенча, һәлакәт ТР Бөгелмә районының Солдат Писмәнкәсе – Сумаруково юлының 7 нче чакрымында булган. “Самара-Ижевск шәһәрара автобусының кюветка төшеп китүе нәтиҗәсендә сигез кеше зыян күргән, алар арасында балалар юк”, – дип ачыклык кертте министрлык вәкиле.

Юл-транспорт һәлакәте урынына өч ашыгыч медицина ярдәме бригадасы килгән. Бер зыян күрүче авыр хәлдә. 6 кешенең хәле уртача авырлыкта дип бәяләнә, берсе җиңелчә җәрәхәт алган. Зыян күрүчеләр Бөгелмә Үзәк район хастаханәсенә озатылган.

Татар-информ

Запись Татарстанда автобус юлдан төшеп киткән, зыян күрүчеләр дә бар [фото] впервые появилась Tatar Today - татар яңалыклары..