Татарстан мөфтие Камил хәзрәт Сәмигуллин инстаграм сәхифәсендә шул мәгълүмат белән бүлеште. Киләсе елга рамазан аеның һәм уразаның беренче көне 2 апрельгә туры килә. Кадер киче 27-28 апрельдә булачак. Ураза гаетен 2 майда билгеләп үтәчәкбез. Корбан гаете 9 июльдә бәйрәм итәчәкбез.

Чыганак: http://shahrikazan.ru/news/din/igtibar-kilse-elga-uraza-m-korban-gaete-knnre-bilgele
Фото: https://pixabay.com/ru

Запись Киләсе елга Ураза һәм Корбан гаете көннәре билгеле впервые появилась Tatar Today - татар яңалыклары..

Быел бәйрәм 22 майда Татарстанның Лаеш районы Никольское авылында, республика территориясендә яңа коронавирус инфекциясе таралу куркынычы белән бәйле чикләү чараларын үтәп, узачак.

Татарстан Министрлар Кабинеты һәм Мәдәният министрлыгына бәйрәмне әзерләүдә һәм уздыруда ярдәм итү йөкләнде.

Чыганак һәм фото: Бизнес-онлайн

Запись “Каравон” бәйрәме кайчан булачагы билгеле впервые появилась Tatar Today - татар яңалыклары..

Сезне православие дөньясында бәйрәмнәрнең һәм тантаналарның иң олысы дип танылган нурлы Пасха уңаеннан котлыйм.

Бакыйлыкка күчүне, җанның газаптан арынуын һәм гөнаһлардан котылуны символлаштырган бу бәйрәм бик күп гасырлар буена кешеләргә карата мәрхәмәт һәм мәхәббәт чыганагы хезмәтен үти, күңелен дингә баглаганнарны шәфкатьлерәк, иреклерәк итә, калебләрен сафландыра.

Үлемне җиңгән Коткаручының батырлыгы миллионлаган кешеләрнең тормышын яхшыга үзгәртте, бик күпләргә иманга, хакыйкатькә һәм камилләшүгә юл ачты. Күренекле рус әдибе Иван Бунин үзенең бер шигырендә Христосның Яңадан тууын озын төннең куе караңгылыгын таратып таң ату, яңа тормыш утын кабызган яшь көн туу белән чагыштыра.

Бөек пост тәмамланган бу көннәрдә православие гыйбадәтханәләре һәм дин тотучыларның йөрәге изге догалар, бәйрәм сөенече белән мөлдерәмә була, ә өйләрдә балаларның шат тавышы яңгырый, бәйрәм ризыкларыннан хуш ис тарала.

Татарстанда яшәүче төрле халык вәкилләре Пасханы үзенчәрәк, үз мәдәни бизәкләрен өстәп уздыра, тантананың кабатланмас төрле төсләрдән балкып торуы, борынгы мәгънәсе тирәнрәк ачылуы шуның нәтиҗәсендә килеп чыга. Аны башка дини бәйрәмнәр белән беррәттән киң колачлы итеп үткәрү традицион рухи хәзинәләрнең тагын да ныгуына, баюына китерә.

Республикада христиан, мөселман, яһүд һәм башка дини берләшмәләргә дәүләт һәм җәмгыять тарафыннан аерым кайгырту күрсәтелә, рухилыкны үстерү, тарихи гаделлекне тергезү өчен күп нәрсә эшләнә. Быел без 1579 елда могҗизалы икона табылган урында, Богородица монастырендагы Казан Мәрьям Ана иконасының яңадан торгызылган соборын  изгеләндерү — искиткеч әһәмиятле вакыйга шаһиты булачакбыз.

Христосның Яңадан тууын бәйрәм итү сезгә иман ныклыгы бирер, кешеләрне ихлас яратуыгызны, рухи камиллеккә, тынычлык һәм үзара аңлашып яшәүгә омтылуыгызны тагын да көчәйтер дип ышанам.

Сезгә һәм якыннарыгызга яшәү дәрте, бәхет, сәламәтлек һәм иминлек телим!

Татарстан Республикасы Президенты Р.Н. Миңнеханов

Запись Рөстәм Миңнехановның Пасха бәйрәме белән котлавы впервые появилась Tatar Today - татар яңалыклары..

“Болгар радиосы” Милли музыкаль премиясенең максаты – халык күңелендә үз урынын тапкан җырчыларны һәм җырларны барлап алтын фондка кертү.

Милли премия тапшыру тантанасында төрле буын вәкилләренең катнашты. Әлеге премиядә елдагыча зур популярлыкка ия булган җырчылар, яңа гына сәхнәгә ныклы адымнарын ясый башлаган яшь башкаручылар, “Кайнар хит” проектында җиңеп чыккан яңа йөзләр белән дә таныштылар. Җырчыларның бары тик иң-иңнәре генә “Алтын йолдыз” сыны белән бүләкләнде.

“Болгар радиосы” VIII Милли музыкаль премиясендә барлыгы 30 номинант. Премиянең авторларга да тапшырылуы шулай ук үзенчәлекле матур бер традициягә әверелде.

1. Фирдүс Тямаев “Иң дәртле җырчы”

2. Нәфкатъ Нигъмәтуллин “Халык мәхәббәте”

3. Ришат Төхвәтуллин “Иң затлы җырчы”

4. Алсу һәм Азат Фазлыевлар “Иң үзенчәлекле дуэт”

5. Винарис Илъегет “Иң тынгысыз җырчы”

6. Зөфәр Хәйретдинов “Үлмәс хит”

7. Илсөя Бәдретдинова “Иң креатив җырчы”

8. Рифат Зарипов “Иң максатчан җырчы”

9. Ринас Әхмәтов “Иң романтик җырчы”

10. Зәйнәб Фәрхетдинова “Халык мәхәббәте”

11. Зинира һәм Ризат Рамазановлар “Иң халыкчан дуэт”

12. Гөлсирин Абдуллина һәм Азат Абитов “Елның гаилә дуэты”

13. Ришат Фазлыйәхмәтов “Үзенчәлекле моң”

14. Айдар Рәкыйпов “Өметле җырчы”

15. Раяз Фәсыйхов “Иң хисле җырчы”

16. Динара Ряхимова “Иң лирик җыр”

17. Зәринә Хәсәншина “Ел ташкыны”

18. Алия Карачурина “Иң лирик җырчы”

19. Анастасия Макарова “Яңа исем”

20. Гүзәлем “Иң эзләнүчән җырчы”

21. Азалия Зиннәт “Иң заманча җырчы”

22. Ильмира Нәгыймова “Иң романтик җырчы”

23. Гүзәл Уразова “Тамашачы мәхәббәте”

24. Мәсгут Имашев “Татар эстрадасы легендасы”

25. Филүс Каһиров “Иң моңлы җырчы”

26. Артур Исламов “Кабатланмас тавыш”

27. Илнар Миранов “Заманча яңгыраш”

28. Эльмира Кәлимуллина “Йөрәкләргә үтеп кергән җыр”

29. Винера Ганиева “Иң зәвыклы җырчы”

30. Гүзәл Идрисова һәм Илназ Баһ “Иң романтик дуэт”

Тамаша барышында сюрпризлар да бихисап иде. Күренекле композитор, Татарстанның атказанган сәнгать эшлеклесе, Россиянең атказанган мәдәният хезмәткәре Мәсгут Имашев “Татар эстрадасы легендасы” номинациясенә ия булды. Алдагы елларда әлеге номинациягә Хәмдүнә Тимергалиева, Флера Сөләйманова, Рафаэль Ильясов кебек олпат шәхесләребез лаек булган иде.

Шулай ук, Милли музыкаль премиясенең лауреаты Гүзәл Уразова да турыдан-туры трансляция барышында тамашачыларга видеосәламен юллады һәм зур уңышлар теләп калды.

Ул гына да түгел, IPHONE 12 отучы да билгеле булды! Җиңүче очраклы рәвештә сайланды һәм ул Казанда яшәүче Лилия исемле кыз булып чыкты. Алып баручыларыбыз Лилиягә турыдан-туры трансляция барышында шалтыратып хәлләрен белеште һәм әлеге зур бүләк оту белән тәбрикләде. Җиңүче кыз үз чиратында сәламнәрен юллады һәм һаман да ышанып бетә алмавын әйтеп узды.

Максим Платонов фотолары

Запись “Болгар радиосы” VIII Милли музыкаль премиясе җиңүчеләре, IPHONE12 отучы, «Татар эстрадасы легендасы»: билгеле! впервые появилась Tatar Today - татар яңалыклары..

Концерт сезоны Туймазы шәһәреннән башланып китәргә тиеш булган, ләкин шәһәр коронавирус белән бәйле рәвештә анда хәзер концерт ясарга ярамый. Концерт шулай итеп 16 октябрьдән яз айларына күчерелгән.
⠀
Киләсе концертлары: 17 октябрь Уфа шәһәрендә, 18 октябрь Октябрьскийда. Рәхим итегез, дуслар! 🤗

Запись Филүс Каһировның атнасы ничек үтә? [видео] впервые появилась Tatar Today - татар яңалыклары..

Бүген Казанда Горький пакында Җиңү мемориалы янында тантаналы чара узды. Быел һава-десант гаскәрләре оешуга 89 ел!

Гомумән алганда, чара башлануга мемориал каршындагы мәйданда берничә йөз десантчы җыелган. Митингны Татарстан Десантчылар берлеге рәисе Юрий Суворов ачты.

-Хәрби-десантчылар һәм ВДВ ветераннары, һава-десант гаскәрләре оешуга 89 ел тулу уңаеннан ихлас котлауларымны кабул итегез. Ватанның азатлыгын һәм бәйсезлеген яклап, шулай ук тынычлык урнаштыру операцияләрендә катнашып, десантчылар һәрвакыт кыюлык, бик яхшы хәрби әзерлек һәм теләсә нинди хәлләрдә нәтиҗәле эш итә белү сәләтен күрсәттеләр, — дип котлады ул җыелучыларны.

Бәйрәмнең тантаналы өлеше ахырында десант-ветераннар һәлак булган иптәшләрен бер минут тынлык белән искә алдылар һәм Җиңү мемориалына чәчәкләр салдылар.

Чыганак: Татар Информ сайты

Запись Казанда ВДВ көне тантаналы рәвештә Җиңү мемориалы янында башланып китте [фото] впервые появилась Tatar Today - татар яңалыклары..

28 июль көнне Салават Фәтхетдиновның хатыны Ләйсәннең туган көне гөрләп узды.

Мәҗлесне Салаватның укучысы – Рифат Зарипов алып барган. Кунаклар арасында артистлар да күп булган: Вадим Захаров, Илсөя Бәдретдинова, Зөлфия, Җәвит Шакировлар һәм башкалар!

Салават Фәтхетдиновнын хатынын күп кеше белми, “Нигә ул сәхнәдә җырламый?”, дигән сораулар да килгәләде. Салават Фәтхетдинов бу сорауга болай дип җавап биргән иде:

-Ләйсән бервакытта да җырламаячак. Ул инде 31 ел минем хатыным булып эшли. Һәм бик уңышлы. Ул үзе дә, мин дә аның сәхнәдә җырлавын теләмибез. Гаилә тормышыбызның беренче көненнән үк кемнең нәрсә белән шөгыльләнәчәген хәл иттек.

Чыганаклар: Җәвит Шакиров, Зөлфия Шакирова, Илсөя Бәдретдинова инстаграм битләреннән

Запись Салават абый хатыны Ләйсән туган көне ничек үтә, кемнәр була? [видео] впервые появилась Tatar Today - татар яңалыклары..

Гөлназ Асаеваның инстаграм битен күзәтеп баручылар инде күптәннән аны Вилли белән күргәннәре булгандыр. Бүген, 18 июль көнне, Гөлназ Асаеваның җырчы Вилдан Шәмсетдинов белән Уфада никахлары уза.

View this post on Instagram

A post shared by Гульназ Асаева🎤 (@asaeva_official)

Яшь парга бәхет телибез. Тигезлектә гомер итәргә язсын!

Запись Гөлназ Асаева кияүгә чыга? впервые появилась Tatar Today - татар яңалыклары..

Бүген Сиринәнең хыялы ниһаять чынга ашачак: аңа авыл мәдәният йортында шигырь сөйләргә тәкъдим иттеләр. Күптәннән бу турыда хыялланды ул, тик кыюлыгы гына җитми иде. Унике яше тулуга карамастан, Сиринә үзен балалар кебек кыюсыз тота. Бу юлы да ул каушый кебек, җиренә җиткереп сөйли алмасмын дип уйлый, тик сөйлисе килә…
Сиринәнең шигыре Яңа елга багышланмаган, ә өмет турында. Үзе сайлады бу шигырьне Сиринә. Каяндыр хәтеренә кереп калган, тик авторын гына исендә калдырмаган. Ул кичәдә Яңе ел турында күп әйтеләчәк әле, ә өмет турында бары ул гына сөйләячәк.
Сиринә матур күлмәген киеп куйды, көзгегә карап тагын бер тапкыр шигырен кабатлап чыкты:
“Һәр кешедә була хыял,
Һәр кешедә була теләк.
Тик өмет кенә яшәтә
Кешене гел алга өндәп.”
Шулчак бүлмәгә чәчәкле халат кигән, уртача озынлыктагы кара чәчләрен артка җыеп куйган бер хатын-кыз килеп керде. Бу – Сиринәнең әнисе Халидә апа. Аның күзләре моңсу һәм бераз гына ачулы күренә.
— Әни, мин бүген клубта шигырь сөйлим, карарга киләсеңме? – диде Сиринә сак тавыш белән.
— Яңа ел кайгысы юк әле миндә… Кеше көлдермәслек итеп сөйләргә өйрәндеңме соң?
— Белмим шул, өйрәндем микән… — диде Сиринә, әнисенең кәефсезлегенә борчылып. Эх, әнисе дә инде. Күңелне күтәрер өчен генә булса да яхшы сүз әйтсә, кызда ышаныч артыр иде. – Берәр нәрсә булды мәллә?
— Булды шул… Атаң кайтты…
Атаң кайтты… Шушы ике гади сүздән Сиринәнең эченә курку дулкыны йөгерде, йөрәге калтырап куйды. Өч көн буе аның әтисе Рафис өйдә юк иде. Сәбәбе акланырлык түгел — ул шайтан суы белән мавыга. Хәзер дә әтисе исерек булырга тиеш. Шулай булса, эшләр харап. Сиринәнең әнисе дә әтисе аркада үзгәреп бетте, кырысланды. Шулай булмыйча, инде күпме еллар ире тыныч тормыш күрсәтми бит. Рафиснең шулый чыгып югалулары гадәти хәлгә әйләнде.
Каты ябылган ишек тавышына Сиринә сискәнеп китте. Әйе, ишек катында аягында көч-хәлгә басып торучы кеше аның әтисе иде.
— Көтмәдегезме? – диде ул кычкырып. — Ә мин кайтып җиттем. Яңа елга дип. Халидә, миңа акча кирәк! Хәзер үк бир, алайса…
— Алайса нишләрсең? – дип ярсып кычкырды күзләренә яшьләр тыгылган Халидә. – Оялмыйча бала каршында кул күтәрерсеңме?
— Нәрсә дидең?!! Син мине аңлмадың мәллә??
Рафис ярсып теләсә нәрсә кычкыра башлады, Сиринә әнисе белән өйдән чыгып йөгерделәр…
Урамда зәмһәрир суык. Күңелгә дә суык, тәнгә дә. Әле ничек Сиринә өске киемен алырга өлгерде, ә әнисе ялангач иде.
— Мин күршеләргә кереп торам, — диде Халидә апа, ә син клубка бар. Йокыга китсен, аннары өйгә керермен.
Шундый “яхшы кәеф” белән Сиринә мәдәният йортына юнәлде. Әнисен дә бик кызганды ул. Инде менә йөзенче кат йөзенче күз яшен түгеп, күршеләргә кереп китте…
Юл буе Сиринә тынычлана алмады. Күз яшьләре бертуктаусыз актылар да актылар. Ишек төбенә килеп җиткәч кенә, кыз тынычланырга тырышты, йөзенә елмаю “эләргә” тырышты. Тик үзеңне мәҗбүр итеп елмаю, ай-һай, авыр икән..
Мәдәният йортында бар да Яңа елча. Бөтен җир бизәлгән, чыршыдагы утлар кешеләрнең шатлыклы күзләрендәге яктылык белән бергә үрелә. Сиринә бу матурлыкны күреп бераз тынычлангандай булды, чыгышка әзерләнә башлады, кәгазьгә язып алган шигырен кабатлады.
Озак вакыт үтмәде, кичә башланды да. Озын кызыл күлмәк кигән, чәчләрен бөдрәләткән клуб мөдире сәхнәгә чыгып бәйрәмне ачып җибәрде. Соңыннан төрле-төрле җырлар, биюләр куйдылар. Тиздән Сиринәнең дә чираты җитәргә тиеш.
Җыр барышында кемдер клубның ишеген ачып кереп килә иде. Залның ишеккә якын соңгы рәтләрендә ниндидер тавыш, мәшәкать купты. Сиринә яхшылабрак караса, әтисе икән бит ул! Йа Ходай, нинди хурлык!.. Нишләргә инде хәзер?!
Рафис абзый тыныч кына кереп утырырга теләми иде ахры. Иң элек ул, сәхнәгә игътибар итмичә, залдагы кешеләрне кычкырып сәламләде:
— Хәерле ки-и-ич барыгызга да,- диде ул, исерек тавыш белән сузып-сузып. — Яңа еллар белән сезне!..
Аягында басып тора алмаган Рафисны күреп, кемнәрдер авыр сулап куйды, кемнәрдер мыскыллап көлеп җибәрде. Ә Сиринәгә ничек иде бу минутларда? Берәрсе ул турыда уйлады микән? Кызга әтисеннән генә түгел, үзеннән көләләр кебек тоелды. Әнә, иптәшләре дә мәгънәсез сүзләр мыгырдаган Рафистән кызык табып шаркылдыйлар. Җитмәсә, киемнәре дә пычранган бит. Сәхнәгә таба бер-ике адым атлагач, Рафис нәрсәгәдер абынды да, клубны яңгыратып егылды. Әтисе әйткән мәънәсез сүзләрен ишетәсе килмичә, оятыннан Сиринә урамга чыгып йөгерде…
“Нигә шулай соң минем белән? Кайчан барысы да җайланыр соң, йә Аллам?! Нигә шулай соң, нигә??” Сиринә күңеле белән шулай сыкрады. Әтисенең мондый кылынышлары бик күпкә китте. Алар барысы да Сиринәнең күңелендә җыелып бардылар… Хәзер кыз түзмәде, аңа барысын да бушатырга кирәк иде. Ул авылның тыныч урамнары буйлап бертуктаусыз чапты, кая йөгергәнен үзе дә белмәде. Аргач, ниндидер бер кар көрте артына егылды һәм үкси-үкси бик озак елады. Куллары белән җирне төйде: “Нигә шулай соң, нигә?!”
Күпмедер шулай ятканнан соң, Сиринә аңына килде. Өстендә курткасы булуына карамастан, эченә кышның зәмһәрир суыгы үтеп кергән. Сиринә карашын күккә төбәде: “Аллаһы Тәгалә, сине бит бар диләр, бар син, мин ышанам. Ярдәм ит миңа”,- дип ялварды ул. Чиста күк йөзендә меңләгән йолдыз балкый иде. Шунда берсе аңа карап күз кыскандай булды: “Бар да җайланыр әле, бар да җайланыр…”
Сиринә кемнәрнеңдер ерактан сөйләшеп килгән тавышларын ишетте. Алар мәдәният йортыннан көлешә-көлешә кайтып килүче балалар иде. Якынлашкан саен, Сиринә аларның тавышын ачыграк ишетте.
— Миңа әти белән әни Яңа елга күп итеп бүләк алып кайткан, — диде берсе.
— Ә минем әти өйне гирляндалар белән бизәп куйды.
Алар, Сиринәне күрмичә, мактаныша-мактаныша узып киттеләр, җылы өйләренә, гаиләләре янына таралдылар…
“Бәхетле балалар, — дип уйлады Сиринә. — Алар үзләренең нинди бәхетле булуларын аңламыйлардыр әле. Ә миңа бәхет өчен бүләк тә, Яңа ел да кирәкми, бары тик әти белән әни генә кешечә яшәсеннәр иде…”
Сиринә аякларында хәлсезлек тойды, ә күз кабакларын нидер аска сөйри иде…

…Сиринә күзләрен ачкач, аңа ап-ак диварлар һәм түшәм күренде. Ул хастаханәдә иде. Аның янында елый-елый күзләре шешенеп беткән әнисе утыра.
— Син җүләрме соң, Сиринә? – диде ул. — Өйгә кайтасы иде, нигә кар өстендә яттың? Җүләрдер син, җүләрдер! – дип сүгә-сүгә елады ул.
— Әти кайда? – дип сорады Сиринә акрын тавыш белән.
— Өйдә. Тиздән айныр инде, борчылма. Бавыры авырта башлады. Эчкән кешенең шул була бит ул. Врачлар бүтән эчмәсен дип әйтте. Тагын эчсә, дарулар гына булышмаячак, диләр. Белмим, шулай җиңел генә ташлый алыр микән… Ә син тынычлап ял ит. Тагын бер атна ятасың бар әле. Мин китәм инде, малларны да карарга кирәк.
— Сау бул, әни… — диде Сиринә.
Халидә апа акрын адымнар белән ишеккә юнәлде. Чыгып китәр алдыннан, ул тагын бер тапкыр кызына борылып карады. Сиринәнең күңеле тулды, ул, башы әйләнүгә карамастан, көч-хәл белән урыныннан торды да әнисен кочаклады. Халидәнең күзләре яшьләнде. Ул шуны аңлады: кызы өчен булса да ул яшәргә, тырышырга-тырмашырга тиеш.

Әнисе киткәч, бүлмәдә ниндидер сәер тынлык урнашты. Җитмәсә, күршеләре дә чыгып киткән. Хәер, Сиринә барыбер әлегә беркем белән дә сөйләшер хәлдә түгел.
Уйланып ята торгач, Сиринә өстәл өстендә ниндидер кәгазь күреп алды. Ачып караса, бу теге сөйләнелмичә калган шигырь икән. Сиринә ярымкүгәргән иреннәре белән шул сүзләрне кабатлады:
“Һәр кешедә була хыял,
Һәр кешедә була теләк.
Тик өмет кенә яшәтә
Кешене гел алга өндәп”.
Әйе, шигырь сөйләнелмичә калды. Тик сөйләнәчәк шигырьләр дә алда әле…

Зөһрә Вилданова

Запись “Бар да җайланыр әле, бар да җайланыр…” впервые появилась Tatar Today - татар яңалыклары..

26 гыйнвар Казанның УНИКС залында “Балалы солянка” концерты узды. 

“Балалы солянка” концертны алып барган Зәлия Зиннурованың сихри төш күрүеннән башланып китте. Тамашаны алып барган Рамил Шарапов белән Зәлия кич буе төштә күргән шарны эзләделәр, залдагы халык белән уйнап, мәзәкләр сөйләп, сәхнәгә берсеннән-берсе матур чыгышларны тәкъдим иттеләр. Концерт азагында бу шарның кешенең хыяллары булуы ачыкланды. Биредә шарны эзләү юлында төрле хәлләр булган кебек, тормышта да хыялларга таба ашкынганда кеше нинди генә киртәләрне җимерми дә, нинди генә хәлләргә юлыкмый бит. Ләкин, ни генә булмасын, хыялы, өмете бар икән, кеше яши, хәрәкәт итә. Гаилә бәйрәменә әверелгән бу концертның да  нигезендә шушы фикер ята иде.

Татарстанның атказанган артисты Гөлназ Сәфәрова җитәкләгән проект кысаларындагы әлеге концерт балаларга – тәҗрибә, әти-әниләренә – зур җаваплылык, ә тамашачылар өчен гадәти булмаган чыгышларны карап, һәр җырчының гаиләсен үзе өчен яңа яктан ачу иде. Җырчылар гаиләләре белән үзенчәлекле чыгышлар әзерләп, балаларының да төрле талантларын күрсәттеләр.

Илназ Баһ һәм Гүзәл Идрисова гаиләсе тулы составта чыгыш ясады. Залдагы халык аларның баларын гына түгел, ә Илназ белән Гүзәлнең үзләрен дә зур кызыксыну белән күзәтте. Ни өчен дисәгез, аларның бу юлы кулларында микрофон түгел, ә уен кораллары иде. Шулай итеп, Баһлар гаиләсе үзләре бер ансамбльне хәтерләтте.

Шулай ук Рәфинә Ганиуллина һәм Рәзил Камалов, Гөлназ һәм Илсур Шәрипҗановлар, Марат Галимов һәм Линара Батталова гаиләләре балалары белән берлектә үз репертуарларындагы җырларны башкардылар. Татарстанның атказанган артисты Раяз Фасыйхов улы һәм кызы белән инде күптән халык үз итеп өлгергән “Гаилә бәхете” исемле җырларын Казан тамашачысына тәкъдим итте.  Булат Бәйрәмов белән Ләйсән Гыймаева да бәйрәмгә ике кызы белән килгән иде. Таңсылуның “Әйтелмәгән мәхәббәтем” җыры кешеләрне уйланырга мәҗбүр итсә, Ләйсән Гыймаева “Әйдә, бас” җырын башкарганда, Булат белән уртанчы кызлары Зифаның биюләре тамашачыга позитив кәеф бүләк итте. УНИКС залын таң калдырган Илдар Ямалиев һәм аны улы Нурсолтанның чыгышын да әйтеп үтәргә кирәк. Нурсолтан, әле бик кечкенә генә булуына карамастан, баянга кушылып “Уфтанма” җырын башкарды. Бу минутларда тамашачы хәтта тын да алырга куркып утырды кебек.

Гомумән, һәр җырчы әлеге концертка ныклы итеп әзерләнгән, үз чыгышын истә калырлык итеп башкарды. Бу проект дәвамлы булсын, тагын да кызыклы идеяләргә баесын, дигән теләктә калабыз, чөнки мондый концертлар тамашачыда аеруча зур кызыксыну уята һәм җырчыларны төрле яктан ачу мөмкинлеген бирә.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Фото Ләйсән Гыймаева инстаграмыннан

⠀

Запись “Балалы солянка”: Булат Бәйрәмов нинди яңа һөнәр үзләштергән, кем баласы “Уфтанма”ны баянга кушылып башкара? [видео] впервые появилась Tatar Today - татар яңалыклары..