Архивы бәяләр - Tatar Today - татар яңалыклары.

Казанда авыл хуҗалыгы ярминкәләрендәге бәяләр: чиратны төнлә үк алып куялар икән

Р Л — Sat, 12 Apr 2025 07:29:47 +0000

Көздән бирле Казанның төрле базарларында ярминкәләр бара. “Арзанлы бәяләр, шәһәр халкына юнь бәягә азык-төлек алу мөмкинлеге дип рекламаланган ярминкәләргә башта төрле чиновниклар йөрде, халыкның кырылып товар алуы турында матур-матур репортажлар да чыкты. Хәзер инде ажиотаж бетте, түрәләр дә ярминкәләргә йөрүне ташладылар кебек. ТАТАР TODAY журналисты Мәскәү базары янындагы авыл хуҗалыгы ярминкәсенә баргач, чиратларның кимемәвенә тап булды. Бу ярминкә һәр атна ялларында Батыршин урамында уза иде, хәзер Мәскәү базары янына күченде. Ит, сөт, йомырка, тавык итен чират торып алалар. “Пестречинка” тавыкларына 25ләп кеше чиратка тезелгән иде.

Бәяләрне исә һич кенә дә арзан дип әйтеп булмый.

Мәскәү базарындагы бәяләр:

Он (1 категория) – 10 кг – 300, 2 кг – 60

Сыер мае – 1 кг – 770

Сыр – 499-770
Тильзитер – 599
Гауда – 599
Витязь – 599

Балык:
Ысланган форель – 1300
Тозланган сельдь – 400
Минтай – 280

Сөтнең бер литры (3,5 майлылык белән) – 50

Ит:
Сөякле сыер ите – 500-550
Сөяксез тана ите – 650

Йомырка (дистәсе):
Сайлап аныган эреләре 105
1 категория – 100
Вак йомырка – 90

Шикәр комы – 1 кг 60 сум

Тавык (бройлер түшкәсе) – 175
Тавык боты – 182
Тавыктан купаты – 313
Тавык канаты – 264
Тавык аягы – 244
Фарш – 137
Котлет – 212

Иң зур чират кыяр-помидорга иде. Анда чиратың җиткәнне берәр сәгатьләп көтәсе, әмма аның кадәр көтсәң, товары җитмәячәге күренеп тора. Кешеләр кыяр-помидор алырга төнлә үк килеп чиратка басалар икән.

Бәрәңге – 40
Кишер – 35
Чөгендер – 30
Суган – 40
Кыяр – 110
Помидор – 121
Помидор (слива) – 121
Борыч – 176
Баклажан – 176
Күк җиләк (голубика) – 125 граммы 200
Кура җиләк – 517

Халыкның ярминкәгә йөрүе аңлашыла. Кызык өчен генә янәшәдә торган “Пятерочка”га да кереп бәяләрне карап чыктык. Бәяләр күпкә югарырак. Иң арзанлык – инде урыны-урыны белән йомшый башлаган помидорлар 224 сум тора. Кыяр – 149-360 сум.

Авыл хуҗалыгы ярминкәләреннән фоторепортаж:

Запись Казанда авыл хуҗалыгы ярминкәләрендәге бәяләр: чиратны төнлә үк алып куялар икән впервые появилась Tatar Today - татар яңалыклары..

Бензин бәяләре артуга кагылышлы яңа хәбәр чыкты

Гузель — Fri, 25 Jan 2019 10:00:33 +0000

Хөкүмәт бензин бәяләре артуны тыймаячак. 31 марттан ягулык бәясе базар механизмнары буенча җайга салына башлаячак.

Бүгенге көндә бензин бәяләре артуны туктаты тору программасы гамәлдә. Ә 31 мартта аның срогы чыгачак. Кайбер белгечләр бәяләрне күтәрүдән котылып булмас, дип ышана. Тик монополиягә каршы хезмәт планы эшли һәм бернинди көчле үсеш булмаячак, дип саный башкалары.

Рәсми статистика мәгълүматларына караганда, хәзер Татарстанда АИ-92 маркалы бензин бер литры өчен уртача 40,5 сум; АИ-95-43,1 сум ; дизель ягулыгы-45,65 сум.

5 канал 
Дәүләт статистикасы федераль хезмәте
фото: PROMO-S GROUP

Запись Бензин бәяләре артуга кагылышлы яңа хәбәр чыкты впервые появилась Tatar Today - татар яңалыклары..

3 февральдән Казанда җәмәгать транспорты бәясе күтәрелә

Гузель — Thu, 24 Jan 2019 18:48:49 +0000

Казанда февраль башыннан җәмәгать транспортында билет бәясе 27 торачак.

Юл йөрү бәясе 3 февральдән артачак. Кулга акча белән түләгәндә, автобус һәм электр транспортында бер билет 27 сум торачак. Электрон карта белән түләгәндә, билет бәясе 25 сум була. Бу хакта Татарстанның тарифлар комитеты карарында язылган, дип хәбәр итә Azatliq radiosi.

100 тапкыр йөрү өчен электрон карта алганда, бер бару бәясе 18 сум булачак. Аны 1800 сум түләп аласы.

750 сумлык транспорт картасы гамәлдән чыгарылды.

Былтыр көз Казанның автотранспорт оешмалары вәкилләре шәһәр автобусларында йөрү бәясен 25 сумнан 32 сумга кадәр күтәрүне сораган иде.

Әмма тарифларны арттыруның төп сәбәбе – шәһәр халкының юл йөрү бәясен электрон карталар белән түләүгә күчүе. “Халык айга 750 сумлык бер транспорт картасы ала да, 25 сум түлисе урынга 15 сум түләп йөри. Ә үзкыйммәт – 30 сум. Электрон карта алып йөрүчеләр саны ел саен геометрик прогрессиядә арта. 2016 елның апрелендә йөрү хакын биш сумга күтәрүгә ирештек, ә нәтиҗәдә сигез сум югалттык”, ди берничә маршрутта автобуслар тотучы Руслан Йосыпов.

Azatliq radiosi
фото: Казанский репортер

Запись 3 февральдән Казанда җәмәгать транспорты бәясе күтәрелә впервые появилась Tatar Today - татар яңалыклары..

Казан таксистлары көне буе заказлар кабул итмәү белән яный

Гузель — Thu, 24 Jan 2019 17:21:35 +0000

3 февральдә Казан таксистлары түбән тарифлар аркасында бер көнгә эшләрен ташларга җыена. Алар плакатлар белән мәйданга чыкмаячак, ә заказлар кабул итүдән туктаячак.

“Такси бәяләре җиде ел элек нинди иде, бүгенге көнгә кадәр үзгәрмәде дә диярлек. Ә бензин кыйммәтләнде, операторлар комиссиясе артты», – дип сөйләгән «Вечерняя Казань» газетасына таксист Айнур Хәлимов.

Аның сүзләренә караганда, 8-10 сәгать эчендә ул 1 500 сум акча эшли, шуларның 500 сумы бензин өчен тотыла. Көнгә 1000 сум, ягъни ялларсыз эшләсәң, аена 30 000 сум кала.

“Шулай ук 75 һәм 80 сумлык юл бәясе булмасын өчен махсус җайланмага минималь бәяне билгеләргә кирәк”, – ди Хәлимов.

Вечерняя Казань
Фото: Слобода

Запись Казан таксистлары көне буе заказлар кабул итмәү белән яный впервые появилась Tatar Today - татар яңалыклары..

Казанда торак бәяләренең күпмегә артуы билгеле

Гузель — Mon, 21 Jan 2019 05:32:14 +0000

Күчемсез милек базарында Яңа ел бәяләр арттыру белән башланды. Гыйнвар аенда игълан ителгән торакның уртача бәясе узган елның шушы чоры белән чагыштырганда 8,5% ка арткан. Декабрь ае белән чагыштырганда, үсеш 1% тәшкил иткән, дип яза» Kazan First, “Коммерсантъ”ка нигезләнеп.

“Фатирлар дөньясы” порталы мәгълүматлары буенча, узган ел дәвамында Русиядә бер квадрат метрның уртача бәясе 6,4% ка (57,3 мең сумга кадәр), ә фатир сатуның уртача бәясе 8,7% ка (3,28 млн сумга кадәр) арткан. Арту тенденциясе Русиянең 69 шәһәренең 66сында (300 меңнән артык халкы булган шәһәрләрдә) күзәтелгән.

Владивосток, Сочи, Казан һәм Иркутскида бәяләр арту аеруча сизелерлек булган. Казанда үсеш 14,7% тәшкил иткән (1 кв.метр өчен 77,4 мең сумга кадәр). Гыйнвар аенда да бәяләр үсеше сакланган.

Гыйнвар нәтиҗәләре буенча, ЦИАН аналитиклары Ростов-Донда һәм Краснодарда торак бәясенең кимүен билгеләп үткән.

Kazanfirst.ru
Фото:https://kazan.naydidom.com/

Запись Казанда торак бәяләренең күпмегә артуы билгеле впервые появилась Tatar Today - татар яңалыклары..

Бензин бәяләре күпмегә артачак?

Алина — Tue, 11 Dec 2018 11:11:51 +0000

Киләсе елның гыйнварыннан бензин бәясе 1,7 процентка артуы фаразлана. Бу хакта ТР Министрлар Кабинетында узган брифингта “Ягулык-энергетика ресурсларын рациональ куллану идарәсе” ДБУ җитәкчесе Роберт Гыйләҗиев әйтте.

“Гыйнвар аенда бәяләр 1,7 процентка артуы фаразлана. Алга таба февральдән инфляция күләменә карап күтәреләчәк”, – диде ул.

Ул быел мартта заводларда ягулык бәяләре һәм биржадагы бәяләр кисәк үсә башлаганын искәртте. Бу бөтен Россиядә АЗСларда ягулыкка берәмле бәяләр артуына китергәнен, моңа бәйле рәвештә, Хөкүмәтнең ягулык бәяләрен киметү буенча ашыгыч чаралар кабул иткәнен әйтте.

Бездә 25 майдан бәяләр үзгәрешсез калды. Ел азагына кадәр үзгәрмәс дип фаразлыйм. Хөкүмәт контрольдә тотар, 2018 елда булган хәл кабатланмас дип ышанабыз. Хөкүмәт йөкләмәсе нигезендә, атна саен мониторинг уздырачакбыз”, – диде Роберт Гыйләҗиев.

Бүген АИ–92 бензины литры 40,50 сум – ИФО буенча ун урынның сигезенчесендә тора; АИ–95 литрына 43,10 сум – ИФО буенча унөченче урында; АИ–80 литры өчен 39 сум – ИФО да 6 урынның дүртенче урынында. Дизель ягулыгы литрына 44,90 сум – унике урынның унберенчесе.

Гөлнар Гарифуллина , tatar-inform

Запись Бензин бәяләре күпмегә артачак? впервые появилась Tatar Today - татар яңалыклары..

Машина йөртү таныклыгы алу өчен уку бәясе күпмегә артачак?

Алина — Thu, 22 Nov 2018 10:10:10 +0000

2019 елда Россиядә автомәктәпләрдә уку өчен түләү бәясе уртача 10 процентка артачак. Бу хакта “Известия” газетасы яза.

Шул ук вакытта, уку өчен формаль түләү шулай ук кала. Әмма укучыларга бензин һәм машина йөртү сәгатьләре өчен өстәмә түләргә кирәк булачак.

Нефть компанияләре бензинга бәяне,торак-коммуналь хуҗалыклар хезмәтләргә бәяне арттырмаган очракта бәяләр артмаска да мөмкин, дип белдергән машина йөртүчеләрне өйрәтү һәм тест үткәрү милли эксперт советы әгъзасы Александр Лыткин.

Әлегә кадәр автомәктәпләрдә уку өчен түләү бәясе 20 меңнән 30 меңгә сумга кадәр иде.

Запись Машина йөртү таныклыгы алу өчен уку бәясе күпмегә артачак? впервые появилась Tatar Today - татар яңалыклары..

Татарстан наркологлары бер кап тәмәке бәясен 400-450 сумга кадәр күтәрергә тәкъдим итте

Алина — Thu, 15 Nov 2018 15:14:17 +0000

Россиядә тәмәкегә бәяләрне арттыру күп кенә кешене бу яман гадәт китереп чыгарган авырулардан сакларга ярдәм итәчәк. Әлеге фикерне “Татар-информ” мәгълүмат агентлыгында узган матбугат конференциясендә Республика наркология диспансерының балалар наркологиясе буенча баш табиб урынбасары Степан Криницкий җиткерде.

“Тәмәке тартучының үзен һәм әйләнә-тирәдәге кешеләрне агулаучы сигаретлар арзан торырга тиеш түгел. Мәсәлән, Европа берлеге илләрендә һәм Америкада бер кап тәмәке бәясе безнеңчә якынча 400-450 сум тора. Әгәр без дә шундый бәяләргә ирешә алсак, икътисади сәбәпләр аркасында күп кенә кеше бу начар гадәтен ташлар иде”, – диде табиб.

Тәмәкегә каршы көрәш буенча Бөтендөнья сәламәтлек саклау оешмасы конвенциясе тәмәке эшләнмәләренә акцизларны күтәрү мәсьәләсен күзаллый һәм аны 2008 елда Россия дә хуплады.

“Россия берничә ел элек ратификацияләгән халыкара конвенция тәмәке эшләнмәләренә акцизларны һәм гомуми бәяләрне күтәрүне күздә тота. Минем уйлавымча, әлеге темага хәзер игътибар зур булачак. Инде конвенциянең төп таләпләре федераль закон белән үтәлде һәм алга таба акцизларны күтәрү таләбен тормышка ашырырга кирәк булачак”, – дип аңлатты Степан Криницкий.

Татар-информ

Запись Татарстан наркологлары бер кап тәмәке бәясен 400-450 сумга кадәр күтәрергә тәкъдим итте впервые появилась Tatar Today - татар яңалыклары..

Мәскәү һәм Колхоз базарлары урман сыйларын күпмедән сата? [бәяләр]

Чулпан — Sun, 16 Jul 2017 12:54:42 +0000

Быел яңгырлар яву сәбәпле яшелчәләр һәм җиләк-җимешләр бер айга соңрак өлгерде. Былтыр аларны базар киштәләрендә 10 июньнән табып булса, быел исә 10 июльдән дә иртә күренмәделәр. //Интертат//

Укучыларыбызның “Быел базарларда җиләк-җимеш булмый мәллә?” дигән соравына җавапны Intertat.ru хәбәрчесе Мәскәү һәм Колхоз базарларыннан эзләде.

Барлык сораштырылган сатучылар да уңыш булмауга зарлана. Cәбәп итеп берәүләр җимешләрнең кояш җитмәү аркасында кызара алмавын, ә икенчеләр аларның дым аркасында чери башлавын куя.

Казан базарларына сатучылар нигездә якын тирәдәге районнардан килә: Яшел Үзән, Биектау, Апас, Питрәч, Арча һ.б. Әмма араларында күрше төбәкләрдән килгәннәре дә бар. Мәсәлән, Владимир Солдатов Мари Элдан килгән. Казанга ул каен җиләкләрен алып килгән.

“Бүген сатуга беренче көн чыгабыз. Былтыр быелгыга караганда сатуны 1 ай алдан башлаган идек. Бездә барлык кеше дә җиләк җыярга чыга, шуңа бездә конкуренция дә зур. Безгә Яшел Үзән аша килеп йөрисе авыр түгел, нибары 50 чакрым, әмма барыбер, яңгырлы ел булганга, зур табыш ала алмыйбыз. Бар җиләкләр дә чери”, – диде Владимир.

Җиләк-җимеш, яшелчә исеме	Мәскәү базарындагы бәяләр	Колхоз базарындагы бәяләр
Җир җиләге (3 кг)	500-600 сум	500-600 сум
Каен җиләге (1 кг)	300-350 сум	280-370 сум
Бакча җиләге (Виктория) (1кг)	200-300 сум	180-230 сум
Кара җиләк (Черника) (1 кг)	300-350 сум	300-370 сум
Өй кыяры (1кг)	70-80 сум	75-85 сум
Өй помидоры (1 кг)	100-200 сум	100-150 сум
Яңа бәрәңге (1 кг)	25-40 сум	30-45 сум
Суган	10-20 сум	10-15 сум
Укроп	5-15 сум	5-10 сум
Петрушка	15-20 сум	15-20 сум
Каен гөмбәсе	150-200 сум	130-200 сум
Ак гөмбә	200-270 сум	220-250 сум
Крыжовник	–	50 сум (1 стакан)

Колхоз базарында Мәскәү базарына караганда сатып алучылар күбрәк. “Нигә Мәскәү базарын сайладыгыз?” дигән сорауга сатучыларның яртысы “крыша” га түләү бәясе арзанрак булганга дип җавап кайтара. Колхоз базарында урын өчен түләү ике тапкырга югарырак икән.

Ә беләсезме бүген базарда иң табышлы тауар нинди? “Спиннер”!. Әйе, шул өчпочмакны хәтерләтә торган, тынычландыра торган уенчык базарларны да баскан. Баласы да, бабасы да бүгенге көндә спиннер сатып ала. Мәскәү базарында замана уенчыгын гармунчы абый янында күпләп саталар иде. Бу, бәлки, туры килү генәдер, ә бәлки маркетинг алымыдыр, чөнки Казанлылар, гармун тавышын ишетүгә, туктап кала һәм бабайны тыңлап тора. Берочтан спиннер да сатып ала.

Алмаз ШИҺАБЕТДИНОВ

Запись Мәскәү һәм Колхоз базарлары урман сыйларын күпмедән сата? [бәяләр] впервые появилась Tatar Today - татар яңалыклары..

Машина сатып алырга теләүчеләр игътибарына:«Lada Granta»ның бәясе төшә

Редактор1 editor1 — Mon, 29 Aug 2016 07:18:13 +0000

АвтоВАЗ икенчел базар сатучыларын җәлеп итү өчен «Lada Granta» автомобильләренең бәясен төшерергә ниятли. Компания башлыгы Николя Мор шундый белдерү ясаган.

“Исәпләүләр «Granta»ның бәясен азрак төшергән очракта, сату күләмен арттырып булганын күрсәтә. Без моның белән тотылган автомобильләр базары клиентларын җәлеп итә алабыз. Хәзер шуның өстендә эшлибез. Әлегә модельгә бәя төшүне 2017 елда көтәргә була”, дип белдргән Мор Мәскәү автосалоын кысаларында.

Якын киләчәктә АвтоВАЗның башка модельләренә бәяләр үзгәрми, һәрхәлдә, түбәнәю ягына.

Татар-информ

Запись Машина сатып алырга теләүчеләр игътибарына:«Lada Granta»ның бәясе төшә впервые появилась Tatar Today - татар яңалыклары..