Әле үсемлек авырый гына башлаган икән, андый яшелчәләрне өзеп ату кирәк. Ә калганнарына исә бер чиләк суга 1 литр авыл сөте кушып сибү файдалы булачак. Шулай 3 тапкыр сибәргә кирәк. Шулай ук үсемлек төбенә 1 литр суга 100 грамм акбур эретеп сибү дә файдага булачак. Әгәр дә инде авыру артык киң җәелгән икән, ул очракта хом, ягъни бакыр хлорокисе ярдәмгә киләчәк. Үсентеләрнең тамырларына зыян салмый гына һәрдаим йомшартып тору да кирәк. Суны да сирәк сибү киңәш ителми. Җир нык кипкән очракта, үсемлекләр туфрактан тиешенчә витаминнар ала алмаячак.

Чыганак: Шәһри Казан

Запись Помидорлар, борычларда кара таплар барлыкка килсә, нишләргә? впервые появилась Tatar Today - татар яңалыклары..

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

– Шикәр диабеты, йөрәк-кан тамырлары авырулары, стенокардия чире белән интегүчеләргә бер дәва бар – ул да булса топинамбур чәчәкләреннән төнәтмә ясап, шуны кайнатып эчү. Аның сабакларын исә мунчага алып кереп, кайнар суда батырып торырга һәм шунда аякларыгызны тыгып утырырга киңәш итәр идем. Алар арыганлыкны да бетерә, аяк сызлавын да киметә. Шушы сабаклар белән төнәтмәдә аякларыгызны 10 көнләп тыгып утырсагыз, үзегез үк аякларыгызның җиңеләеп калганын сизеп алачаксыз, – дип сөйли Маһинур Шәйхетдинова.

Запись Маһинур әби Шәйхетдинова аяклар сызлавыннан ничек котылып булуын өйрәтә [видео] впервые появилась Tatar Today - татар яңалыклары..

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Шаян блогер Рәмис Гыйльметдинов үзенең блогын бик кызык алып бара, яңа вайннар төшерә. Әйтик, авыл турында МТС операторы кебек мәзәк тариф уйлап тапкан, аны «Авылище» дип атаган.

– Авылда телефон тотмый икән, димәк, сездә шул авыл тарифы. «Авылище» – ул сәнәк белән бәрәңге алышу. Аңа бонус буларак чөгендер алышу абсолютно бесплатно бара. Интернет авылда юк, аңа карамастан күп нәрсә бушка: таң белән сыерларны көтүгә озату, ишегалдын себерү, утын әзерләү, кабакларны келәткә ташу, малларга су эчертү дә бушка бара. Әле бит түләүле хезмәт тә бар. Анысы инде ял итү, – дип уенын-чынын кушып аңлата Рәмис.

Запись Блогер Рәмис “МТС”ны да уздыра, үзе яңа “Авылище” дигән бушлай тариф тәкъдим итә [мәзәк видео] впервые появилась Tatar Today - татар яңалыклары..

Чыганак: Ватаным Татарстан

Запись Бакча җиләген кайчан утыртырга? Бакчачы җавабы впервые появилась Tatar Today - татар яңалыклары..

Тозлау өчен хуҗабикәләр бер озынлыктагы, төз һәм матур кыярларны сайларга тырыша. Тик кайчагында түтәлләрдә груша формасындагы, яки кәкре-бөкре кыярлар да үсә башлый. Шундый хәл булмасын өчен нәрсә эшләргә? Русия авыл хуҗалыгы үзәгенең Башкортстан буенча филиалы белгече Гөлия Дәүләткулова бу уңайдан шундый киңәшләр бирә:

— Бакчада мондый кыярлар үсә икән, димәк, аларга ниндидер микроэлементлар җитми. Күпчелек очракта — калий һәм азот. Җәй уртасында бу аеруча сизелә. Төннәр суыту белән дә яшелчәләрнең формасы үзгәрә.
Калий җитмәгәндә кыяр саргая, алар груша формасын ала. Шул ук вакытта аның яфраклары да эчкә таба бөрешә башлый, аларда таплар барлыкка килә. Хәлне яхшыртыр өчен үсемлекләргә калий тозы сибәргә (25-30 граммны суда эретеп), дүрт көннән түтәлгә яхшы итеп су сибәргә кирәк. Шулай ук көл төнәтмәсе сибү дә яхшы нәтиҗә бирә. Моның өчен көлне су белән бутап, бер тәүлек тоткач, яшелчәләргә коярга кирәк. Бер кыяр төбенә бер литр чамасы җитә.
Кыяр аксыл-яшел төскә кереп, формасы кишерне хәтерләтсә, аны мочевина белән эшкәртергә киңәш итәм. 5 граммны суда эретеп, сиптерегез.
Кыярларга дөрес итеп су сипмәү дә, аларның формасы үзгәрүгә китерүе ихтимал. 25-28 градус җылылыкта булган суны 2-3 көнгә бер тапкыр сибеп торырга кирәк. Август уртасыннан киресенчә, атнасына бер тапкыр су сибү дә җитә.
Тагын бер сәбәп — кыярны ел саен бер урынга утырту. Бу яшелчәне кәбестә, помидор, бәрәңге, чөгендер, борчактан соң утырту әйбәт. Кыярның уңышын ике-өч көн саен җыеп торырга кирәк. Бу уңышның сыйфатына да, күләменә дә зур йогынты ясый.

Чыганак: Кызыл Таң

Запись Кыярлар төз һәм матур үссен өчен… впервые появилась Tatar Today - татар яңалыклары..

Бу яшелчәләрне кайчан йолкып алырга дип баш вата калсагыз, сабакларына карагыз, өчтән ике өлеше саргайган булса, алырга була. Аннары тамыры һәм сабагын кисеп алып, түтәлдә яки верандада бер кат итеп җәеп салып киптерегез.

Суган 18 градус җылылыкта теләсә кайсы урында яхшы саклана. Агач тартмаларда яки үрелгән кәрҗиндә саклау дөрес.

Сарымсак әйбәт саклансын өчен, температура 2-4 градустан югары булмавы шарт. Подвалда саклаган очракта, дымлылык 60–70 проценттан артырга тиеш түгел. Дым күп булса, сарымсак аны үзенә сеңдерә һәм үсә башлый яки чери.

Сарымсакны пыяла банкага тутырып та саклап була. Бер рәт сарымсак, бер рәт 2-3 см калынлыкта он, аннары тагын чиратлаштырасыз. Он урынына тоз да кулланалар.

Чыганак: Шәһри Казан

Запись Суган һәм сарымсакларны кышка ничек сакларга?  впервые появилась Tatar Today - татар яңалыклары..

Беренче карашка, бу “җанвар”ларның бернинди дә зыяны юк кебек. Тик менә кәбестәнең юка, нәфис яфракларында тишекләр пәйда булгач, чаң сугарга вакыт, дигән сүз. Ташбака кебек әкрен, әмма үткен, галәмәт күп тешле бу комсызлар яшелчәгә зур зыян сала. Аларның авызлары кыргычны хәтерләтә . Бер авызда – 25 мең теш!

• Пластик шешәнең өске өлешен бүрәнкә сыман кисеп (капкачын капларга), бүрәнкәләрне кәбестә түтәле тирәсенә туфракка казып урнаштырабыз. Тулы итмичә генә, сыра тутырабыз. Әкәм-төкәмнәр үзләре яраткан искә җыелып, “тозак”ка эләгүләрен тоймыйча да калачак.
• Яшелчәгә гәрчич эремәсе дә бөркергә мөмкин. Бер стакан суга 40-50 грамм коры гәрчич салып, бер сәгать төнәтәбез. Төнәтмәне кәбестәләргә бөркибез. Әкәм-төкәмнәр гәрчич исеннән куркып эзләрен суытачак.

Чыганак: Ватаным Татарстан гәҗите

Запись Бакчадагы кәбстәне әкәм-төкәмнән саклыйм дисәң… впервые появилась Tatar Today - татар яңалыклары..

Беренче эш итеп, җиләкнең саргайган, кызарган яфракларын кисеп чыгыгыз. Кайбер бакчачылар җиләкнең яфракларын чалгы белән чабып ала. Моны уңышны җыеп алуга ук эшләсәң генә – 20 июльгә кадәр. Соңгарак калсагыз, яфракларның бары тик саргайганнарын гына өзегез, чөнки көзгә кадәр ул яңа яфраклар чыгарып өлгермәячәк.

Августта күчереп утыртырга ниятләмәсәгез, мыекчаларын да кисегез. Әгәр дә җиләкне үрчетергә ниятләсәгез, 1-2 мыекчаны калдырып, розеткасы формалашкан урынга уңыдырышлы туфрак тутырылган тәбәнәк савыт куегыз. Шулай итсәгез, яшь үсентеләрнең тамырлары көчлерәк була. Савыт кулланмыйча, мыекчаларны үз түтәлендә дә тамырландырырга мөмкин. Шулай да чүпләрдән арындырып, туфракны йомшартып, су сибеп, уңай шартлар тудырырга кирәк.  Бар көчен уңышка тоткан куакларны җиләген җыеп алып бетерүгә үк яхшылап тукландыру да кирәк. Чөнки киләсе елда уңыш бирәсе чәчәк бөреләре быелдан ук формалашып кала. Моның өчен куакның көче җитәрлек булырга тиеш.  Иң яхшы ашлама – табигый ашлама. Болар – тавык тизәге, тирес ачыткысы. Тавык тизәгеннән ашлама 1 өлешкә 20 өлеш су кушып ясала, тирес ачыткысы ясау өчен 1 өлешкә 10 өлеш су кушыла.  Комплекслы минераль ашламаларның да нәтиҗәсе яхшы. Аммофоска, наитроаммофоска, суперфосфат, калий сульфаты, мочевина, аммиак селитрасы яхшы.

Бакча җиләген ашлау өчен хлорны ашлама кулланырга ярамый.  Көз көне исә җиләккә азотлы ашламалар кертмиләр. Көзен бары калийлы һәм фосфорлы ашламалар гына кулланыла.  Мул уңышның тагын бер шарты – җиләкләрне җыеп бетергәч, куакларны авыруларга каршы препаратлар белән эшкәртү. Мәсәлән, бакыр купоросы бөркергә мөмкин. Ул ончыл чык, соры черек авыруыннан коткара. 10 литр суга 2 аш кашыгы бакыр купоросы алына. Бу эшне коры, җилсез көнне башкаралар.

Чыганак: Сөембикә

Запись Киләсе елга җиләк күп булсын өчен… впервые появилась Tatar Today - татар яңалыклары..

Гүзәл Уразова көтүгә чыккан. Әле өйрәнчек кенә булганга күрә сыерларны ышанып тапшырмаганнар. 

Бу турыда ул үзенең инстаграм битендә язган.

“Бүген көтү чираты җитте.Берсенең дә вакыты юк ,үземә чыгарга туры килде. Баклашка белән чәй, пешкән күкәй, теге аерткан балны алдым, чыктым әле. Зуррак сыерларны ышандырмадылар, әлегә бозауларны өйрәнгечкә бирделәр. Әйбәт икән эссе булгач, күләгәдә качып кына яталар☺️
Кем көтү көткәне бар ? ✋ шушындый билге куй😀”

View this post on Instagram

A post shared by Гузель Уразова певица (@guzelurazova)

Инстачылар байтак кына комментарийлар язып калдырганнар.

“Кәҗә көтүен дә көттек,сыерныкын да! Элек көтүлар зур була торган иде! Басуларда иген! Игеннәргә кертергә берничек ярамый! Менә чабышасың! Игенгә кертмәс өчен! Кайтып булса иде балачакка, көтүен дә көтәр идем рәхәтләнеп, кайта торган юл булса!”

“Ахры фермерлыкка бөтенләй кереп китәсез 😢”, – дип кайгыртып язган бер инстачы.  “Мин гел сезнен белэн булачакмын 😉”, – дип җавап биргән Гүзәл.

“Көтәрсең көтү матур киенеп, кигәвен ашап бетерә😉”, – дигән тагын бер инстачы.

Запись Гүзәл Уразова көтүгә чыккан: “Чыбыркы-Илдарда, миндә-прәннек” впервые появилась Tatar Today - татар яңалыклары..

Туганнары сүзләренә караганда, ул иртәнге дүрттә бакчага чыгып киткән. 15 минуттан соң артыннан кызы чыккан. Бу вакытта инде хатын бакчада булмаган. Борчылган туганнары күршеләрдән сораштырган – нәтиҗәсез. Шул ук вакытта югалган хатын документларын, акча һәм телефонын үзе белән алмаган.

Кичә төштән соң Караидел ярында бер хатынны табалар. Ул анда ничек килеп чыгуын һәм ни өчен өйгә кайтмавын әйтми. Билгеле булуынча, хатында психик авырулар юк, әмма ул еш башы авыртуга зарлана.

Фото: Кызыл Таң

Чыганак: Кызыл Таң

Запись Уфада хатын бакчага чыгып китә һәм югала впервые появилась Tatar Today - татар яңалыклары..