Әлеге хәл Мәскәүнең бер клиникасында була. Хатынның тулгаклары башлангач, ир-ат тизрәк бала тудыру йортына ашыга. Шәфкать туташы ялгыш башка палата номерын әйтә һәм ир шунда ук “ярдәмгә” чаба. Палатага кергәч, ир креслода башка хатын булуын сизми. Бары бала тугач кына гаҗәпкә кала, чөнки алар гаиләсендә кыз туарга тиеш була, ә яңа гына дөньяга килгән бала малай була. Шуннан соң гына ир янәшәсендә яткан хатынга игътибар итә һәм аны гомерендә беренче тапкыр күрүен аңлап ала.

Табиблар тиз арада иргә дөрес палата номерын әйтәләр, һәм ул янә ашыга-ашыга бала тудырырга чаба. Бәхеткә, ир үз баласын да кабул итеп өлгерә. Әлеге хәлнең геройлары барысы да юмор хисле булып чыга һәм берсе дә үпкәләми. Вакыт узгач, бөкедә тоткарланган икенче әти дә килеп җитә.

Сериал сюжетына тиң әлеге хәлне интернет челтәренә дус кызы сүзләреннән Алиса Журавлева урнаштыра.

Чыганак: deti.mail.ru

Запись Мәскәүдә ир-ат ашыгып килеп башка хатын белән бала таба, аннан үзенекенә чаба впервые появилась Tatar Today - татар яңалыклары..