Архивы балык тоту - Tatar Today - татар яңалыклары.

Әсгать Сәфәров 15 килограммлы чуртан балыгы тота [фото]

Редактор1 editor1 — Sun, 07 Aug 2016 04:14:05 +0000

Татарстан президенты аппараты җитәкчесе Әсгать Сәфәров 15-20 килограммлы чуртан балыгы тота.

Белгәнебезчә, Рөстәм Миңнеханов социаль челтәрләрдән актив куллана. Инстаграм, Вконтакте битләрендә президентның яңадан-яңа фотолары чыгып тора. Бу көннәрдә Рөстәм Миңнеханов аккаунтында Әсгать Сәфәров төшкән фотоны урнаштырды. Ул зурдый чуртан балыгын тоткан. Татар-информ белешмәләренә караганда, әлеге балыкның авырлыгы 15-20 килограммга җитәргә мөмкин.

?

Фото опубликовано Рустам Минниханов (@rusminnikhanov) Авг 6 2016 в 11:18 PDT

Запись Әсгать Сәфәров 15 килограммлы чуртан балыгы тота [фото] впервые появилась Tatar Today - татар яңалыклары..

Равил Галиев шатлыгыннан нишләргә белмичә, көчкә тынычланган. Сәбәбе нидә? [фото]

Редактор1 editor1 — Tue, 19 Jul 2016 09:00:19 +0000

Шатлыгының сәбәбе нидә дисезме? Җырчы 5 килолы сазан балыгы тоткан.

– Иртәнге дүрттә тотылган балык, – диде җырчы безгә. – Зөбәер авылы янында гына буа бар. Бу көннәрдә Актаныш районы авылларында “Ак калфак” татар хатын-кызлары иҗтимагый оешмасының форумы уза. Йолалар, гореф-гадәтләребез белән танышып йөриләр. Фин татарлары да бар. Шунда катнашырга дип кайттым. Мин бит үзем Зөбәер кияве. Вакыт бушка узганчы дип, балыкка төшкән идем. Улым Сәйдәш тә балык тотарга ярата. Бу юлы минем белән бармады, иренде. Аннары бик үкенде үзе.

– Кармагыгызга мондый зур балык эләккәч, нинди хисләр кичердегез?

– Шатлыгымнан нишләргә белмәдем. Ичмасам, кычкырып җибәрергә янымда кеше дә юк. Сулышым капты. Көчкә тынычландым. Моңарчы 4 килолыны тоткан бар иде. Ул вакытта бөтенләй үлә яздым. Бер 10 минут калтырап торган идем. Артыннан суга да сикерергә туры килде. Монысы тиз биреште.

– Балыкны нишләттегез?

– Чистартып, турап куйдым. Башы белән канатларыннан уха пешерәм. Гадәттә балык ашларын үзем әзерлим.

– Бүген Зөбәердә кемнәрегез яши?

– Бабайның (хатыны Ландышның әтисе – авт.) төп нигезе шунда. Өй салып куйдык та, җәй көне шунда кайтып йөрибез. Ә болай әби белән бабай Чаллыда яши. Бабай көзгә пенсиягә чыгарга җыена. Шәһәрдән туйдылар инде. Авылга кайтырга исәпләре.

http://akcharlak.com/

Запись Равил Галиев шатлыгыннан нишләргә белмичә, көчкә тынычланган. Сәбәбе нидә? [фото] впервые появилась Tatar Today - татар яңалыклары..

“Сомга йөрергә весым җитми” – ди, 20 кг балык тоткан Рамил Шәрәпов [фото]

Редактор1 editor1 — Wed, 13 Jul 2016 12:36:25 +0000

Танылган шоумен Рамил Шәрәпов сәхнәдән бушаган арада балыкка йөрергә ярата.

Күптән түгел балыкка барулары шактый уңышлы тәмамланган. Иртәнге дүрттән төшке ашка кадәр утырганнар. Нәтиҗәдә өч кешегә тоткан балыкларның гомуми авырлыгы 20 килога җитә язган.

Фотодагы байлыкны боҗрага тотканнар. Сулыкның төбенә кыл белән көймәдән туп хәтле кормушка төшерелә, ә кармаклы кылны исә шул кылга боҗра (кольцо) белән беркетеп җибәрәләр. Агымсу кормушкадагы икмәк, ботка һәм башка азык-төлекне юдырып, якын-тирә балыкларны үз янына җыя. Һәм шунда көтмәгәндә татар эстрадасы йолдызы кулыннан төшкән суалчан килеп чыга. Гадәттә, бу ысул белән корбан балыгын (лещ, подлещик) тоталар. Шәрәпов көймәсендә дә шулар ята. «Сомга йөрергә весым җитми, шуңа лещ тотам» — дип көлә Рамил.

Артистлар.ру

Запись “Сомга йөрергә весым җитми” – ди, 20 кг балык тоткан Рамил Шәрәпов [фото] впервые появилась Tatar Today - татар яңалыклары..

Ютазы районында балыкчыны ток суккан. Бу хәл ничек булган?

Редактор1 editor1 — Sat, 25 Jun 2016 09:58:12 +0000

Урыссу хастаханәсенә электр җәрәхәтеннән соң бик нык пешкән балыкчы китерелгән.

Фаҗига район үзәгенә якын урында булган. Ир кеше зур булмаган сулык ярына, югары вольтлы линия астына утырган. Кармак белән саксыз селтәнеп, электр тапшыру линиясенә тигән һәм аны ток суккан. Тәне алтмыш биш процент дәрәҗәдә пешкән. Бу хакта “Ютазы таңы” газетасы хәбәр итә.

“Бу районда беренче генә очрак түгел. Үтенечле рәвештә киңәш итәбез – югары вольтлы электр үткәргеч линияләр астында балык тотмагыз, балыкка ялгызыгыз йөрмәгез, электр үткәргеч линия терәкләренә менмәгез. Андый очракларда дугадан да, токтан да җәрәхәт алу куркынычы бар. Әлеге ир кеше, күрәсең, кармак буйлап узган токтан җәрәхәт алгандыр”, – дип сөйләгән районның баш табибы Ренат Фатыйхов.

Табиб икенче бер очракны да искә төшергән. Яшь егет, алкогольле эчемлекләр куллангач, фотога төшү нияте белән электр үткәргеч линия баганасына менгән. “Ул безгә йөз процент мәйданда тәне пешеп һәм аяклары сынып китерелде. Ике көннән соң ул үлде. Электр җәрәхәте алган очракта, токның тәэсирен куркынычсыз чаралар белән туктату мөһим, ашыгыч рәвештә авыртуны баса торган дарулар кабул итү һәм җәрәхәтлене хастаханәгә илтү мәҗбүри. Шулай ук Гадәттән тыш хәлләр министрлыгы бүлеге хезмәткәрләрен чакыру зарур, чөнки разряд вакытында да ток килү автоматик рәвештә туктамаган линияләр бар”, – дип сөйләгән баш табиб.

Татар – информ

Запись Ютазы районында балыкчыны ток суккан. Бу хәл ничек булган? впервые появилась Tatar Today - татар яңалыклары..

Казан урамнарында яңгырдан соң “балык тоталар” [видео]

Редактор1 editor1 — Tue, 21 Jun 2016 06:33:37 +0000

Кичә, 20 июньдә, Казан урамнары кыска вакытлы яңгырдан соң су астында калды.

Шәһәрнең Көньяк трассасында “балык каптыручылар” да булган. Шундый видеоязма социаль челтәрләрдә пәйдә булды. Шунысы кызык: кармакка чынлап та балык “эләккән”.

Интертат

Запись Казан урамнарында яңгырдан соң “балык тоталар” [видео] впервые появилась Tatar Today - татар яңалыклары..