Архивы балыкчы - Tatar Today - татар яңалыклары.

Минзәләдә фаҗига: коткаручылар боз астына төшеп киткән кешене эзли

Алина — Tue, 18 Dec 2018 08:53:15 +0000

18 декабрь Татарстанда Минзәлә елгасында боз астына төшеп киткән балыкчыны эзлиләр. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

«Воровский исемендәге совхоз бистәсе янында Минзәлә елгасында балыкчының боз астына төшеп китүе турындагы хәбәр 112 бердәм номерына бүген 6.33 сәгатьтә килгән», – дип белдерделәр ведомствоның матбугат хезмәтендә.

Минзәлә районы коткаручылары ир-атны эзләргә чыккан. Әлеге хәлнең сәбәпләре ачыклана.

tatar-inform

Запись Минзәләдә фаҗига: коткаручылар боз астына төшеп киткән кешене эзли впервые появилась Tatar Today - татар яңалыклары..

Яз җитеп бозлар киткәч, үлекләр чыга башлаган… [балыкчы фаҗигасе]

Гузель — Mon, 24 Apr 2017 09:40:58 +0000

21 апрельдә Чистайның Кама ярында бер балыкчы үлек гәүдәгә тап була һәм полициягә хәбәр бирә. //Tatar Today//

Тикшерүләр нәтиҗәсендә, ул узган ел октябрьдә Коры Бүрсеттә батып үлгән 69 яшьлек балыкчы икәне ачыклана. Туганнары да балыкчы тәнен таныйлар.

Ир-ат резин көймәсе буксир белән бәрелешү нәтиҗәсендә һәлак була. Аның гәүдәсе бәрелешү булган урыннан 8 киллометр ераклыкта табыла.

Запись Яз җитеп бозлар киткәч, үлекләр чыга башлаган… [балыкчы фаҗигасе] впервые появилась Tatar Today - татар яңалыклары..

Миңнеханов ялларын балыкта: малае әтисеннән икеләтә зуррак балык тотып шаккаттыра [фото]

Редактор1 editor1 — Sat, 11 Feb 2017 13:58:46 +0000

11 февральдә президент Рөстәм Миңнеханов Инстаграмында күңелле һәм файдалы шимбәсен тасвирлаган фото куйган. Хикмәт шунда ки, ул бүген президент кына түгел, ә чын балыкчы ролендә. //Tatar Today//

View this post on Instagram

A post shared by Рустам Минниханов (@rusminnikhanov)

Урамда февраль салкыннары булса да, кояш инде язгыча җылыта. Шуңа, балыкчылар да ялларны калдырмаска тырышып, боз өстендә гөж киләләр. Менә президент та Атабай якларында балык тотарга уйлаган. Көләч йөзеннән күренгәнчә, балык шәп ләккән. Малае Искәндәр дә зур балыкны эләктергән.

View this post on Instagram

A post shared by Рустам Минниханов (@rusminnikhanov)

Инстаграмда аккаунтына язылучылар: “Бар яктан булган безнең президент! Исән-сау булып, эшләп кенә торсын!” дип язганнар.

View this post on Instagram

A post shared by Рустам Минниханов (@rusminnikhanov)

Запись Миңнеханов ялларын балыкта: малае әтисеннән икеләтә зуррак балык тотып шаккаттыра [фото] впервые появилась Tatar Today - татар яңалыклары..

Чаллыдан бер балыкчы өйдә аккош белән яши

Редактор1 editor1 — Fri, 18 Nov 2016 20:00:02 +0000

Чаллыда Кама елгасында бер балыкчы канаты җәрәхәтләнгән аккошны табып, аны өенә алып кайткан. Ярасының бик җитди булуын аңлап, аны “Тулпар” ат-спорт мәктәбе каршындагы зоопарк ветеринарына алып барган, дип хәбәр итә “Чаллы-ТВ”.

Ветеринар табиб җәрәхәтне караганнан соң, аккошны кемдер тотарга тырышкан яки инде аңа травматик коралдан аткан, дип фаразлаган.

Аккошка беренче медицина ярдәме күрсәтелгән. Мөгаен, аның бер канатына ампутация янаячак. Зоопаркта аккошка Рикки дигән кушамат такканнар. Аның янына Роза исемле аккош ияләшкән, ул кошны да элегрәк яралы килеш тапкан булганнар. Зоопарк хезмәткәрләре киләчәктә аккошлар парлашыр дип өметләнә.

Татар-информ

Запись Чаллыдан бер балыкчы өйдә аккош белән яши впервые появилась Tatar Today - татар яңалыклары..

Равил Галиев шатлыгыннан нишләргә белмичә, көчкә тынычланган. Сәбәбе нидә? [фото]

Редактор1 editor1 — Tue, 19 Jul 2016 09:00:19 +0000

Шатлыгының сәбәбе нидә дисезме? Җырчы 5 килолы сазан балыгы тоткан.

– Иртәнге дүрттә тотылган балык, – диде җырчы безгә. – Зөбәер авылы янында гына буа бар. Бу көннәрдә Актаныш районы авылларында “Ак калфак” татар хатын-кызлары иҗтимагый оешмасының форумы уза. Йолалар, гореф-гадәтләребез белән танышып йөриләр. Фин татарлары да бар. Шунда катнашырга дип кайттым. Мин бит үзем Зөбәер кияве. Вакыт бушка узганчы дип, балыкка төшкән идем. Улым Сәйдәш тә балык тотарга ярата. Бу юлы минем белән бармады, иренде. Аннары бик үкенде үзе.

– Кармагыгызга мондый зур балык эләккәч, нинди хисләр кичердегез?

– Шатлыгымнан нишләргә белмәдем. Ичмасам, кычкырып җибәрергә янымда кеше дә юк. Сулышым капты. Көчкә тынычландым. Моңарчы 4 килолыны тоткан бар иде. Ул вакытта бөтенләй үлә яздым. Бер 10 минут калтырап торган идем. Артыннан суга да сикерергә туры килде. Монысы тиз биреште.

– Балыкны нишләттегез?

– Чистартып, турап куйдым. Башы белән канатларыннан уха пешерәм. Гадәттә балык ашларын үзем әзерлим.

– Бүген Зөбәердә кемнәрегез яши?

– Бабайның (хатыны Ландышның әтисе – авт.) төп нигезе шунда. Өй салып куйдык та, җәй көне шунда кайтып йөрибез. Ә болай әби белән бабай Чаллыда яши. Бабай көзгә пенсиягә чыгарга җыена. Шәһәрдән туйдылар инде. Авылга кайтырга исәпләре.

http://akcharlak.com/

Запись Равил Галиев шатлыгыннан нишләргә белмичә, көчкә тынычланган. Сәбәбе нидә? [фото] впервые появилась Tatar Today - татар яңалыклары..