Архивы бензин - Tatar Today - татар яңалыклары.

Ягулык салу станцияләрен тикшергәннән соң: “Чын бензиннан … исе килергә тиеш түгел!”

Лейла — Sat, 23 Nov 2019 07:04:57 +0000

Татарстанда 28 октябрьдән 28 ноябрьгә кадәр автомобильләргә ягулык салу станцияләрендәге һәм нефтебазалардагы мотор ягулыгының сыйфатын тикшерү айлыгы бара.

– Республикада 1 меңгә якын бензин-дизель салу һәм газ тутыру станциясе эшли. Айлыкта сыек ягулыкка мониторинг үткәрәбез. АЗСлардан, ягъни 401 станциядән һәм 3 нефтебазадан 720 проба алынды, шулардан 578е лабораториядә тикшерелде, 16 пробада мотор ягулыгының тиешле таләпләргә җавап бирмәве ачыкланды. Күбесенчә кече АЗСларда сыйфат кагыйдәләре бозыла. Эре компанияләрдә ягулык сыйфатына таләп көчле, – диде Татарстанның «Ягулык-энергия чыганакларыннан нәтиҗәле файдалануны тәэмин итү буенча идарә» дәүләт бюджет учреждениесе җитәкчесе урынбасары Шамил Гомәров.

Эре компанияләрнең үз исемнәренә тап төшермәскә тырышуларын «Татнефть АЗС-үзәк» оешмасының метрология һәм сыйфат буенча инженеры Руслан Фәттахов та раслады.

– Үзебезнең дә лабораториябез эшли, нефтебазалардагы һәм «Татнефть» АЗСларындагы мотор ягулыгын даими тикшереп торабыз, – диде ул.

Шамил Гомәров сүзләренә караганда, елга судноларының дизель ягулыгын автомобильләрдә кулланырга ярамый, судно ягулыгы экология өчен дә зарарлы. Руслан Фәттахов һава температурасы -5 градус булганда инде җәйге дизель ягулыгын гомумән дә кулланмаска киңәш итте. Җәйге соляркада су катнашмасы бар, салкында ул нечкә торбаларда кристаллашып катачак, димәк, машинагыз яки тракторыгыз кабынмаячак.

Гадәттә бензин аксыл-сары төстә була, әгәр ул куе көрән төстә икән, шикләнергә җирлек бар. Бензиннан борынны ярып, нафталин исе аңкыса, монысы да ягулык составының дөрес түгеллеген сиздерә

Чынганак: Шәһри Казан

Запись Ягулык салу станцияләрен тикшергәннән соң: “Чын бензиннан … исе килергә тиеш түгел!” впервые появилась Tatar Today - татар яңалыклары..

Россиядә бензин, авиация керосины бәяләрен кабат үзгәрешләр көтә

Лейла — Mon, 14 Oct 2019 11:45:05 +0000

1 тонна авиация керосинының бәясе 59 мең 403 сум, Аи-92 һәм Аи-95 маркалы 1 литр бензин бәясе 42,56 һәм 45,79 сум тәшкил итә.

7-11 октябрьдә Россиядә Аи-92 һәм Аи-95 маркалы бензинның уртача ваклап сату бәясе 1 тиенгә артып, 1 литр өчен 42,56 һәм 45,79 сум тәшкил иткән. Дизель ягулыгының бәясе 3 тиенгә кыйммәтләнеп, 1 литр өчен 46,68 сумга җиткән. Бу хакта ТАСС агентлыгы Thomson Reuters Kortes мәгълүматларына сылтама белән хәбәр итә.

Аи-92 маркалы бензинның биржадагы уртача бәясе 1 тонна өчен 45 мең 764 сум тәшкил иткән, бу моннан бер атна элеккеге бәядән 76 сумга кимрәк. Аи-92 маркалы бензинның уртача күпләп сату бәясе 91 сумга артып, 1 тонна өчен 46 мең 203 сумга җиткән.

Аи-95 маркалы бензинның биржадагы уртача бәясе 1 тонна өчен 48 мең 629 сум тәшкил иткән, бу моннан бер атна элеккеге бәядән 777 сумга артыграк. Уртача күпләп сату бәясе 417 сумга артып, 1 тонна өчен 48 мең 600 сумга җиткән.

Россия аэропортларында 1 тонна авиация керосинының бәясе хисап чорында 25 сумга артып, 59 мең 403 сум тәшкил иткән.

Чыганак: Татар-Информ

Запись Россиядә бензин, авиация керосины бәяләрен кабат үзгәрешләр көтә впервые появилась Tatar Today - татар яңалыклары..

Россиялеләр бензин артыннан Казахстанга йөри, анда ул 2 тапкыр арзан ди [видео]

irina — Sat, 29 Jun 2019 09:58:05 +0000

Казахстан чигендә яшәүче оренбурлылар бензинада акчаны ничек янга калдыруны уйлап тапканнар. Алар күрше илгә ягулык салу өчен йөри.

Иң кызыгы шунда: Казахстанда АИ-92 литры 26,50 сум тора. “Без Казахстанда, Оренбург өлкәсеннән 15 километр ераклыкта. 75 литр бензин салдык, 1900 сум түләдек. Бензинның бер литры 145 тенге тора. Бензин-Россиянеке. Газ да шулай. Россия газ-10 сум, бензин-26,50 сум”, – дип сөйли ике көн элек куелган ролик авторы.

Ролик Актүбә АЗСларында төшерелгән. 22 июньгә алынган мәгълүматларга караганда, Россиядә АИ-92 бензины уртача 41,58 сум, АИ-95 — 44,88 сум тора. Казахстан АЗСларында АИ-95 бер литры өчен 170 тенге (якынча 28 сум) тора.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Фото:  pnsk-online.ru

Мәгълүмат "Блокнот-Новости"  инстаграмыннан алынды

Запись Россиялеләр бензин артыннан Казахстанга йөри, анда ул 2 тапкыр арзан ди [видео] впервые появилась Tatar Today - татар яңалыклары..

Бензин бәяләре артуга кагылышлы яңа хәбәр чыкты

Гузель — Fri, 25 Jan 2019 10:00:33 +0000

Хөкүмәт бензин бәяләре артуны тыймаячак. 31 марттан ягулык бәясе базар механизмнары буенча җайга салына башлаячак.

Бүгенге көндә бензин бәяләре артуны туктаты тору программасы гамәлдә. Ә 31 мартта аның срогы чыгачак. Кайбер белгечләр бәяләрне күтәрүдән котылып булмас, дип ышана. Тик монополиягә каршы хезмәт планы эшли һәм бернинди көчле үсеш булмаячак, дип саный башкалары.

Рәсми статистика мәгълүматларына караганда, хәзер Татарстанда АИ-92 маркалы бензин бер литры өчен уртача 40,5 сум; АИ-95-43,1 сум ; дизель ягулыгы-45,65 сум.

5 канал 
Дәүләт статистикасы федераль хезмәте
фото: PROMO-S GROUP

Запись Бензин бәяләре артуга кагылышлы яңа хәбәр чыкты впервые появилась Tatar Today - татар яңалыклары..

Яңа ел яллары вакытында Русиядә бензин һәм дизель ягулыгына бәяләр күпмегә арткан?

Алина — Wed, 09 Jan 2019 09:06:57 +0000

1 гыйнвардан өстәмә кыйммәт салымы (НДС) 20 процентка җитү сурәтендә Русиянең нефть ширкәтләре бензин һәм дизель ягулыгына бәяләрне күтәрә башлаган.

Ягулык базары вәкилләре сүзләренә караганда, яңа ел яллары вакытында ягулык бәяләре илнең Европа өлешендә һәм Уралда арткан. “Лукойл” һәм “Башнефть” ягулык салу урыннарында бензин һәм дизель ягулыгының бер литры 65-80 тиенгә арткан. Моннан тыш, бензин бәясе Татарстанда, Воронеж, Свердлау, Сарытау, Пенза, Волгоград өлкәләрендә күтәрелгән дип яза“Коммерсантъ”.

Русиядә 1 гыйнвардан бензин һәм дизель ягулыгына акцизлар да 1,5 тапкыр артты. Әмма бу әлегә бәяләрдә сизелми. Экспертлар фикеренчә, моның йогынтысы яз айларына күренә башлаячак.

Былтыр октябрьдә вице-премьер Дмитрий Козак НДС артуы белән бәйле нефть ширкәтләренә бәяләрне 1,7 процентка күтәрергә рөхсәт биргән иде.

Басма чыганаклары сүзләренчә, НДС артуы нәтиҗәсендә барлык эре ширкәтләр дә ягулыкка бәяләрне күтәргән. Әмма моны әлегә арту дип атап булмый, “бу салым артуны компенсацияләү генә” ди белгечләр.

Азатлык радиосы язмасы ( чит ил агентлыгы)

Запись Яңа ел яллары вакытында Русиядә бензин һәм дизель ягулыгына бәяләр күпмегә арткан? впервые появилась Tatar Today - татар яңалыклары..

Бензин бәяләре күпмегә артачак?

Алина — Tue, 11 Dec 2018 11:11:51 +0000

Киләсе елның гыйнварыннан бензин бәясе 1,7 процентка артуы фаразлана. Бу хакта ТР Министрлар Кабинетында узган брифингта “Ягулык-энергетика ресурсларын рациональ куллану идарәсе” ДБУ җитәкчесе Роберт Гыйләҗиев әйтте.

“Гыйнвар аенда бәяләр 1,7 процентка артуы фаразлана. Алга таба февральдән инфляция күләменә карап күтәреләчәк”, – диде ул.

Ул быел мартта заводларда ягулык бәяләре һәм биржадагы бәяләр кисәк үсә башлаганын искәртте. Бу бөтен Россиядә АЗСларда ягулыкка берәмле бәяләр артуына китергәнен, моңа бәйле рәвештә, Хөкүмәтнең ягулык бәяләрен киметү буенча ашыгыч чаралар кабул иткәнен әйтте.

Бездә 25 майдан бәяләр үзгәрешсез калды. Ел азагына кадәр үзгәрмәс дип фаразлыйм. Хөкүмәт контрольдә тотар, 2018 елда булган хәл кабатланмас дип ышанабыз. Хөкүмәт йөкләмәсе нигезендә, атна саен мониторинг уздырачакбыз”, – диде Роберт Гыйләҗиев.

Бүген АИ–92 бензины литры 40,50 сум – ИФО буенча ун урынның сигезенчесендә тора; АИ–95 литрына 43,10 сум – ИФО буенча унөченче урында; АИ–80 литры өчен 39 сум – ИФО да 6 урынның дүртенче урынында. Дизель ягулыгы литрына 44,90 сум – унике урынның унберенчесе.

Гөлнар Гарифуллина , tatar-inform

Запись Бензин бәяләре күпмегә артачак? впервые появилась Tatar Today - татар яңалыклары..

Татар-тудей сораштыруы: бензин бәясе арткан очракта сез нәрсәгә әзер?

Лэйсирэ — Wed, 13 Jun 2018 13:22:36 +0000

Бензин бәясе көннән-көн кыйммәтләнә. Халык фикерен белү өчен Татар-тудей ВКонтактеда сораштыру үткәрде. Бензин 1 литры өчен 50 сумнан артып киткән очракта, укучыларыбыз машинада йөрүдән баш тартырга әзерме яисә көнкүрештә ниндидер кирәк-яракларга чыгымнарны киметәчәкме? Нәтиҗәләр түбәндәгечә:

Соралганнарның күпчелеге машинадан баш тартырга әзер түгел. Бензин бәясе 100 сумнан арткан очракта да тимер атлардан төшмәячәкбез диләр. Андыйлар 36,1% тәшкил итә.

Капма-каршы фикердә булып, машинасын бүген үк сатарга әзер булучылар саны исә 30,1%. Алар күпчелеге буенча күрсәткечнең икенче урынында. “Велосипедка күчәбез” дип комментарий да калдырганнар.

Сораштыруда катнашкан укучыларыбызның 26,3%ы бензинлык акча экономияләү өчен ашау-эчү яисә кием-салымнарга чыгымнарын кысарга әзер.

Ә менә балаларга һәм ял итәргә барырга дип экономияләп, бу акчаларын бензинга алмаштырырга әзер булучылар саны иң азы – 7,5% кына. Күрәсең зарыгып көткән диңгез һәм отпускны бернинди дә машина һәм ягулык проблемалары белән каплап булмый.

Сораштыру күрсәткәнчә, бензин бәясе күтәрелүне халыкның тагын бер авырткан темасы – сөт бәясе төшү белән чагыштыручылар да байтак. “Депутатлар авылны сакларга дип чаң сугалар, ә үзләре халыкка авылда яшәрлекне калдырмый, аңламыйбыз ил политикасын” һәм “Билләһи кан кайный бу башбаштаклыктан. Колхозларны бетерделәр, фермалар юк, эш юк. Ә кая барырга???” дип ачынып язалар комментарийларда.

Запись Татар-тудей сораштыруы: бензин бәясе арткан очракта сез нәрсәгә әзер? впервые появилась Tatar Today - татар яңалыклары..

Казанда машина йөртүчеләр бензин 50-100 сум булса да йөрибез ди, ә сез? [видео]

Лэйсирэ — Thu, 31 May 2018 10:54:26 +0000

Башкортстанда бензинга бәяләр тагын артты. Башнефть ягулык салу станцияләрендә 92нче бензин – 60, 95лесе – 70 тиенгә үсте. Шулай итеп хәзер 92нче бензинның бер литры өчен 40 сум 30 тиен, 95нче өчен 43 сум 30 тиен, дизель ягулык өчен 43 сум 50 тиен түләргә кирәк.

Соңгы айда Башкортстанда бензин бәяләре алтынчы тапкыр күтәрелде. Хакимиятләрнең күпләп сатуга, акцизга бәяләр артуы турындагы аңлатмалар халыкны канәгатьләндерми.

Башкорстанда таксист булып эшләүче Наил Йомагуҗин тиздән бөтен машина йөртүчеләр баш күтәрер дип уйлый.

“Таксистлар гына түгел, гади халык та баш күтәрер дип уйлыйм. Мин күптән түгел Петербурдан кайттым, анда бензины күпкә арзанракка тутыра идем”, ди ул.

Йомагуҗин көненә 12шәр сәгатьтән артык эшләргә мәҗбүр, әмма керем булмавын әйтә.

“Бөтен кеше шок хәлендә. Бензинга бәяләр арта, ә таксида йөрү бәясе артмый. Көненә 12 сәгатьтән артык эшләргә туры килә. Бензинга көненә 1300 сум тирәсе түлим. Акча эшләргә, гаиләне ашатырга да кирәк”, ди ул.

Бензинга бәянең быел алтынчы тапкыр артуы халыкны аптырашта калдырды.

Таксида йөрүче Җәлил Сөләйманов бензинга бәя күтәрелү бар әйбергә дә бәя артуга китерәчәк дип саный.

“Көзгә нәрсә булыр, белмибез. Халыкның хезмәт хакы артмый. Өстә утырган иптәшләр ни уйлый икән? Бер-беребез белән сөйләшәбез дә, берәр нәрсә эшләргә кирәктер дип уйлыйбыз. Болай гына ятып калырга кирәкми”, ди ул.

Якынча мәгълүматларга карасак, бензинга бәяләр тагы да күтәреләчәк. Башкортстан ширкәтләре үзләренең эш машиналарына бензин салу өчен нефть компаниялары белән инде килешүләр төзегән. Анда бензинның бер литры 50 сумнан күрсәтелгән.

Монополиягә каршы федераль хезмәтнең республика бүлеге җитәкчесе Андрей Хомяков бензинга бәяләр тагын да күтәреләчәк дип саный.

“Безнең мәгълүматларга караганда, бензин сатучы ширкәтләр үзләренә зыянга эшләгән. Алар үзләренең хәлен тотрыкландыру өчен хәзер бәяләрне күтәрергә мәҗбүр”, диде ул.

Башкортстанда 23 майда гына бер литр бензин бәясе 60 тиенгә арткан иде.

Бензин бәясе арту Татарстан халкын да борчый. Азатлык хәбәрчесе чәршәмбе көнне Казандагы ягулык салу станцияcендә кешеләрнең бензин бәясе артуга мөнәсәбәтен сорашты.

Бензин социаль челтәрләрдә дә иң кайнар темаларның берсенә әверелеп бара. Spredfast аналитик порталы мәгълүматларына караганда, апрельдә урыс телле Twitter-да “бензин” сүзен куллану марттагы белән чагыштырганда ике тапкыр диярлек арткан. Майда исә апрель белән чагыштырганда тагын ике тапкыр арткан диелә.

Машина йөртүчеләр федерациясе җитәкчесе Павел Канаев Русия президенты Владимир Путиннан бу хәлгә тыкшынып чаралар күрүне сорады. “Киләчәктә бу көчле социаль резонанска китерергә мөмкин дип уйлыйм”, ди Канаев.

Бензин бәясе өч нәрсәгә бәйле – бензин җитештерүчеләрдән сатып алу бәясе, бензин станциясенең эшчәнлек чыгымнары һәм салымнар. Ширкәтләр бензинның һәр литрыннан дәүләткә өстәмә кыйммәт салымы һәм акциз түләүләрен түли.

Монополиягә каршы федераль хезмәт исәпләвенчә, 2015 елдан 2018 елга бензин акцизлары ике мәртәбә, дизель ягулыгы акцизлары 2,2 мәртәбә арткан.

Шул ук вакытта ширкәтләр дә бәяләрне арттыра. Vygon Consulting аналитик үзәге исәпләвенчә, барлык чыгымнарны, өстәмә күләм салымын һәм акцизларны исәпкә алганда, АИ-92 бензинының бәясе май аенда 45,3 сум булырга тиеш.

Vygon Consulting-ның өлкән хезмәткәре Александр Былкин ВВС-га белдерүенчә, бәяләрне уртачадан түбән тотучы нефть эшкәртү ширкәтләре сатылган һәр литр бензиннан алты сум, ә бензит сату станцияләре дүрт сум зыян күрә. “Ширкәтләр бәяләрне мөмкин кадәр түбән тота, шуңа күрә хәзер бер литр бензин бәясе потенциаль бәяләрдән 5-7 сумга түбәнрәк” ди Былкин. Аның исәпләвенчә, бәяләрне иреккә җибәргән очракта бензинның литры 10 сумга кыйммәтрәк булыр иде.

Дөнья базарында нефть бәясенең күтәрелүе дә Русиядә бензинның кыйбатлануына китерә. Нефть ширкәтләренә хәзер бензинны Русиядә сатуга караганда чит илләргә сату күпкә отышлырак. Моңа Русия хакимияте уздырган “салым маневры” гаепле. Хакимият экспорт пошлиналарын киметкән, ә бензин җитештерү акцизларын күтәргән иде.

Экспорт бәяләренең күтәрелүе һәм рубльнең бәясе түбән булу да читкә сатуны отышлырак итә. Русия ягулык берләшмәсе вице-премьер Дмитрий Козакка экспорт пошлиналарын күтәрүне һәм бензин җитештерү акцизларын киметүне сорап мөрәҗәгать юллады. Шулай ук хакимият нефть ширкәтләрен экспортны киметеп ягулыкны Русиядә күбрәк калдырырга мәҗбүр итү өчен басым да ясый алыр иде.

Финанс министры Антон Силуанов 1 июльдән акцизларның киметеләчәген игълан итте. Бер тонна бензин акцизы 3 меңгә, дизель ягулыгы акцизы 2 мең сумга киметеләчәк. Нәтиҗәдә бюджет керемнәре 140 млрд сумга кимиячәк, әмма бу гына бензин җитештерүчеләрнең һәм сатучыларның югалтуларын каплый алмаячак, аңа карап бензин бәяләре дә кимемәячәк.

Азатлык

Запись Казанда машина йөртүчеләр бензин 50-100 сум булса да йөрибез ди, ә сез? [видео] впервые появилась Tatar Today - татар яңалыклары..

Машина йөртүчеләр игътибарына: сыйфатсыз бензин сатучы АЗСлар исемлеге

Редактор1 editor1 — Wed, 17 Aug 2016 12:54:58 +0000

2016 елның беренче яртыеллыгында “Ягулык энергетика ресурсларын рациональ файдалану һәм аларның сыйфатын тәэмин итү идарәсе” ГБУ 789 бензин һәм дизель ягулыгы пробасын алган. Аларның 24ендә ГОСТ кагыйдәләрен бозу ачыкланган. Идарә башлыгы Роберт Гыйләҗиев кагыйдә бозулар ачыкланган АЗСлар исемлеген тәкъдим итте.

“Ягулык энергетика ресурсларын рациональ файдлану һәм аларның сыйфатын тәэмин итү идарәсе” ГБУ ГОСТ кагыйдәләрен бозуны ачыклаган АЗСлар исемлеге:

1) Мукашина Э.В. ШП, Яшел Үзән районы, Осиново бистәсе, Юбилейная урамы, 2 класслы TANECO дизель ягулыгы кышкы , Евро (ДТ-З-К5)

2) «Мустанг Ойл» ҖЧҖ. Казан шәһәре, 7 Союз урамы (Васильченко, 6а), 2 класслы «Евро» дизель ягулыгы кышкы.

3) НП НЧ КБК ЯАҖ (ведомствоныкы) Чаллы, БСИ, 2 класслы «Евро» дизель ягулыгы кышкы 2 кл.

4) «ГСНГ» ҖЧҖ. Әтнә районы, Морки – Уньжинский – Бәрәңге автомобиль юлының 28-й км + 684 м (сулдан) (Чишмәле Сап авылы), 2 класслы кышкы «Евро» дизель ягулыгы.

5) «КФХ» Агропродукт ҖЧҖ. Баулы районы, Мәскәү – Чиләбе автомобиль юлының 1275нче км (М5 «Урал» автомобиль юлының 1280нче км), 2 класслы кышкы «Евро» дизель ягулыгы.

6) Миронова А.А. ШП Баулы районы, М5 «Урал» Мәскәү – Чиләбе автомобиль юлының 1280нче км «М-5 Транзит» АЗСы, «Евро» 2 класслы кышкы дизель ягулыгы.

7) «АвтоГазСервис» ҖЧҖ. Әлмәт, Монтаж урамы, 2а йорт, МАЗС, җәйге С сортлы ANECO дизель ягулыгы , 5 кл Евро (ДТ-Л- К5)

8) «Татнефтепродукт» Холдинг компаниясе ААҖ – Кама аръягы, Түбән Кама шәһәре, Төзүчеләр бистәсе, сәнәгать зонасы, 256нчы АЗС , С сортлы «Евро» дизель ягулыгы (ДТ-Л-К5)

9) «Газпром Сжиженный Газ» ҖЧҖ. 420138, Татарстан Республикасы, Түбән Кама шәһәре, Вокзал урамы, 7а йорт, С сортлы «Евро» дизель ягулыгы (ДТ-Л-К5)

10) «Зәй сервис» ҖЧҖ. Әлмәт, «Сапсан» автосалоны янында, МАЗС, АИ-95-К5 этиленсыз маркалы бензины

11) «Зәй сервис» ҖЧҖ. Әлмәт, «Сапсан» автосалоны янында, МАЗС, АИ-92-К5 этиленсыз маркалы бензины

12) «Арскнефтепродукт» ААҖ. Арча, Себер тракты, 14 йорт (Казань – Пермь автомобиль юлы, Себер тракт), 211нче АЗС, Премиум «Евро-95» автомобиль бензины

13) «Восход» ҖЧҖ (элекке Шәхси эшмәкәр Камалеев Р.З). Балтач районы, Чыпья авылы, Совет урамы, 45 йорт, АИ-92-К5 этильләштерелмәгән бензин маркасы

14) «Восход» ҖЧҖ (элекке Шәхси эшмәкәр Камалеев Р.З. ), Балтач районы, Карадуван авылы, АИ-92-К5 этиленсыз маркалы бензины

15) Шәхси эшмәкәр Миронова А.А., Баулы районы, «Урал» М5 Мәскәү – Чиләбе автомобиль юлының 1280нче км, «М-5 Транзит» ягулык салу станциясе, АИ-92-К5 этиленсыз маркалы бензины.

16) «Каматрансойл» ҖЧҖ ЯСС (ягулык салу станциясе) № 20. Менделеевск, Трудовая ур., 4 йорт, «Евро-95 вид II» премиум автомобиль бензины.

17) Шәхси эшмәкәр Григорьев С.В., Яшел Үзән районы, Гари авылы, Гайдар урамы, 4 класслы «Регуляр-92» автомобиль бензины.

18) «Юмарт – Ойл» ҖЧҖ, Актаныш, Төзүчеләр урамы, 1 йорт, АИ-92-К5 этиленсыз маркалы бензины.

19) «Юмарт – Ойл» ҖЧҖ. Актаныш, Төзүчеләр урамы, 1 йорт, 4 класслы «Нормаль-80» автомобиль бензины.

20) «АвтоГазСервис» ҖЧҖ. Әлмәт, Монтажная ур., 2а йорт, АИ-95-К5 этиленсыз маркалы бензины.

21) «Транспорт-1» ҖЧҖ. Түбән Кама, Первопроходцев ур., 7 йорт, ПАТП-1 территориясе, АИ-92-К5 этиленсыз маркалы бензины.

22) Шәхси эшмәкәр Кириллов М.С. Казан, Тэцевская урамы, 7б йорт, 4 класслы «Регуляр-92 автомобиль бензины.

23) Шәхси эшмәкәр Кирилов М.С. («Вик Ойл» ҖЧҖ). Татарстан, Казан, Җиңү проспекты, 45г йорт, АИ-92-К5 этиленсыз маркалы бензины.

ГОСТны бозу очраклары берничә тапкыр ачыкланган урыннар:
1) «Зай Сервис» ҖЧҖ ( «Поток-Сервис» ҖЧҖ). Әлмәт, «Сапсан» автосалоны янында.

2) «Юмарт Ойл» ҖЧҖ, Актаныш, Төзүчеләр ур., 1а йорт.

3) Шәхси эшмәкәр Миронова А.А. Баулы районы, М5 автомобиль юлы, 1276 км

4) Шәхси эшмәкәр Миронова А.А. Баулы районы, М5 автомобиль юлы, 1280 км.

Материаллары прокуратурага тапшырылган:
1) «КФХ» ҖЧҖ. Агропродукт, Баулы районы, 1275 км Мәскәү – Чиләбе юлы (1280 км М5 “Урал” автомобиль юлы ), 2 класслы ДТ- З-К5 кышкы «Евро» дизель ягулыгы.

2) Шәхси эшмәкәр Миронова А.А. Баулы районы, 1280 км Мәскәү – Чиләбе “Урал” автомобиль юлы, «М-5 Транзит» ягулык салу станциясе, 2 класслы ДТ- З-К5 кышкы «Евро» дизель ягулыгы.

3) «Зай сервис» ҖЧҖ. Әлмәт, «Сапсан» автосалоны янәшәсендә, МАЗС, АИ-95-К5 этиленсыз маркалы бензины.

4) Шәхси эшмәкәр Миронова А.А. Баулы районы, 1280 км М5 Мәскәү – Чиләбе “Урал” автомобиль юлы, «М-5 Транзит» ягулык салу станциясе, АИ-92-К5 этиленсыз маркалы бензины.

Татар-информ

Запись Машина йөртүчеләр игътибарына: сыйфатсыз бензин сатучы АЗСлар исемлеге впервые появилась Tatar Today - татар яңалыклары..

Бушлай бензин өчен чишенгән кызны эшеннән куалар

Редактор1 editor1 — Sat, 06 Aug 2016 07:53:57 +0000

Чаллыда яшәүче кызны “Наиком” автозаправка станциясендә бикинида бензин салырга килгән өчен эштән азат итәләр.

Кичә бушлай бензин өчен чишенгән хатын-кызларның һәм ир-атларның фотографияләре күп кенә массакүләм мәгълүмат чараларында һәм социаль челтәрләрдә урын алды. Фотога һәм видеога төшерү акцияне оештыручыларның төп шартларының берсе иде.

Бер оешма җитәкчесе фотолар арасында үз хезмәткәрен танып алган һәм компаниянең дәрәҗәсен төшерә дип аны эштән азат итәргә карар иткән. Директор кыздан якын арада барлык ресурслардан фотографиясен алуны таләп иткән.

Портал мәгълүматлары буенча Чаллы кызы фотога һәм видеога төшерүләрен белгән, әмма директорына ошамас дип уйламаган.

Исегезгә төшереп китәбез, кичә Татарстан шәһәрләрендә бушлай бензин алу буенча акция үтте. Хатын кызларга ягулык салу станциясенә бикини, үкчәле түфли кеп килергә кирәк иде.

Татар-информ

Запись Бушлай бензин өчен чишенгән кызны эшеннән куалар впервые появилась Tatar Today - татар яңалыклары..