Пенсионер хатынның гәүдәсен табучылар шунда ук ашыгыч ярдәм һәм полиция хезмәткәрләрен чакырткан. Бирегә килгән табиблар әбинең алган җәрәхәтләрдән үлүен раслаган.

Бүген җинаятьчеләрне тоткарлаганнар. Аларны подъезд алдында торган видеокамералар ярдәмендә тапканнар. Арытаба егетләрнең наркоманнар булуы ачыкланган. Хәзер аларга 15 елга якын төрмә яный. Шулай ук, аларны психологлар да тикшерәчәк.

Фото: narodna-pravda.ua

Чыганак: Кызыл Таң

Запись Егетләр әбине өченче каттан ташлаганнар… впервые появилась Tatar Today - татар яңалыклары..

Җырчы Дилəрə Илалтдинова 15 август көнне əбисен югалтуы турында хəбəр итте. 

“Эх әбием, әбием… Бүген якты дөньялардан китеп бардың… 94 яшеңне тутырып, җаның теләгән соңгы ашларыңны укытып китеп бардың… Рәхмәт сиңа безне үстереп, яхшы әби булуың өчен. Син бәхетле әби, онык-оныкчаларыңны күрдең. Кайтып синең белән бәхилләшергә өлгердек, сөйләштек, Аллага шөкер! Тыныч йокла, риза булып кал, әбием. Хәзер син бабай белән инде, сөенгәндер бабай. Урының оҗмахта булсын, Раббым!”, – дип язган ул.

Инстачылар кайгысы белән уртаклаша:

“Кайгыңны уртаклашам!  Урыны оҗмахта, авыр туфраклары җиңел булсын”.

View this post on Instagram

A post shared by Диляра Илалетдинова🎤🎼Певица (@dilyara_ilaltdinova)

Фото: Диләрә Илалтдинова инстаграмыннан

Чыганак: Диләрә Илалтдинова инстаграмыннан 

Запись Җырчы Диләрә Илалтдинова кайгысы белән уртаклаша впервые появилась Tatar Today - татар яңалыклары..

Әлмәт коткаручылары һәм оператив төркем әлеге бу урынга 6 минуттан килеп җитә. Яр буен тикшергәннән соң, суга төшкән әби ярдан 10 метр ераклыкта табыла. Ул су агымы белән 300 метр аска төшкән була.

Көймә белән килгән коткаручылар әбине судан аңсыз хәлдә чыгара. “Ашыгыч ярдәм” күрсәткәннән соң, әбине шок хәлендә хастаханәгә илтәләр.

Фото: Шәһри Казан

Чыганак: Шәһри Казан

Запись Әлмәт шәһәрендә 72 яшьлек әби елгага егылып төшә: коткаручылар аны… впервые появилась Tatar Today - татар яңалыклары..

Азнакайда самолетта очу өчен әллә кайларга барып та йөрисе түгел. Очышлар өчен һава торышы да рас килеп торды. Таң аттымы, зәңгәр күк йөзен лачын кебек иңләп самолет оча.

«Чит яклардан килүчеләр дә бихисап. Күпләрне Чатыр Тау өстеннән очу кызыксындыра», — ди очучы Илдар Фазуллин. Аның самолет штурвалы артына утыруына да инде 17 елдан артык вакыт үтеп киткән.

«Шәһәр өстеннән очкан самолетны күреп, бер очып карыйсы иде дип кызыгып карап калган идем. Туган көнемә кызым, уйламаганда, шундый зур бүләк ясады. Очыш вакытында алган тәэсирләрне әйтеп-сөйләп кенә дә бетерерлек түгел. Без үзебез Чиләбе өлкәсендә яшибез. Азнакай бик матур шәһәр, урамнарына-паркларына сокланып туймаслык, бар җир төзекләндерелгән, каралган, уңайлыклар тудырылган», — ди Флюра апа.

Фото: Ватаным Татарстан

Чыганак: Ватаным Татарстан 

Запись Азнакайда 88 яшьлек әби күптәнге хыялын тормышка ашырган впервые появилась Tatar Today - татар яңалыклары..

Константин Усихин сүзләренә караганда, аның әбисен 17 июньдә хастаханәгә салганнар. Табиблар пациентның телефонын алганнар һәм аның белән элемтә бүтән булмаган. Көнгә ике тапкыр тапшырулар алып килергә рөхсәт иткәннәр.

Әбинең хәле турында туганнары белә алмаган, чөнки госпитальгә керү тыела, ә телефонны анда алмыйлар яки ташлыйлар. 29 июнь көнне ир-атка танышы шалтыратып, әбинең әле 24 июньдә үк вафат булуын хәбәр итә.

«Мин әйтәм, бу мөмкин түгел, чөнки мин беләм, ул хастаханәдә ята һәм мин аңа тапшырулар китерәм. Безгә табиблар шалтыратмады, – дип язды автор.

• 26 июнь һәм 28 июньдә килдем, шулай ук әбигә су һәм ризык калдырып киттем. Хастаханә персоналына ничек шулай эшләргә була? Мин ашау китереп йөрүне дәвам итәм , ә алар хәтта шалтыратмадылар һәм хәбәр дә итмәделәр. Димәк, мин өч көн табибларны ашаттым һәм эчердем!».

Ир шулай ук госпитальдә аның туганы дәваланган микән дип кызыксына. Бәлки,  тик яткандыр һәм аңа игътибар итүче дә булмагандыр.

Ир үлем турындагы таныклыкта 24 июнь һәм 16.55 вакыт күрсәтелгән, дип аныклап үтте. Хатын-кызны 30 июньдә җирләгәннәр.

Чыгынак: Вечерняя Казань

Запись “Өч көн табибларны ашаттым һәм эчердем”: хастаханә эшчеләре әбинең үлүе турында туганына хәбәр итмәгәннәр впервые появилась Tatar Today - татар яңалыклары..

Без үзебез олылар гел акыллы сүзләр генә сөйлиләр, безгә дөрес юнәлеш бирәләр дип уйларга күнеккән бит инде. Кайвакыт алар әйткәнчә эшләмәсәк тә барыбер олылар сүзен, аларның фикерен ишетү кирәк иде. Балалар үстергәндә, йорт-җир тергезгәндә, нинди дә булса кыйммәтле әйбер алганда да киңәшләшә идек. Сөйләшкәннәре колакка ялгыш кереп, сүз ката күрмә, ишетмәгәнеңне ишетерсең!

Күрше авылда яше 80нән арткан таныш карчыгым бар. Телефоннан сөйләшкәлибез, поселокка килгәндә бераз утырып та китә.

– Газ миче картым исән вакытта салынган бүлмәдә, – дип сөйләде ул беркөнне. – Көз-кыш айларында, бигрәк тә төнлә яки иртәнге якта, газны кысасы яки арттырасы булганда шул бүлмәгә чыгарга кирәк. Бабай исән вакытта ул йөри иде. Өйләр газ белән җылытыла бит, рәхәткә чыктык, утын әзерлисе, мичкә ягасы юк. Газны карап кергәннән соң йокы тәмам ачыла. Аның йокысы да бик сак, нәзберек бит хәзер. Күршеләрем, танышларым белән киңәштем дә, газ мичен алгы өйгә күчертмәкче булдым. Хәзер үзем генә, ике малай да гаиләләре белән якын-тирә шәһәрләрдә яшиләр. Чиратлашып, айга бер, мин пенсия алгач кына кайтып китәләр. Арзан чәй, бер-ике кап печенье күтәреп кайталар да, бәрәңгесен, кишер-чөгендерен төяп китәләр. Газны күчертү өчен 30 чакрымдагы район үзәгеннән белгеч чакыртасы икән. Телефоннарын табып гозеремне җиткердем. Вакытын, көнен билгеләп килде район кешесе. Үз машинасы белән йөри икән, урта яшьтәге ир-егет бу. Карап, үлчәп, күпме, нинди материаллар кирәген чутлап, кайсы көнне киләсен әйтте бу. “Акчаң бармы, кыйммәт булмыймы?” – дип тә сорады әле. Пенсиям әйбәт бит хәзер, 80 тулгач тагын өстәделәр, ике көннән бу ай өчен дә алам акчаны дип, килешеп, чәйләр эчереп, озаттым мастерны. Ике көннән, мин пенсия аласы көнне, малайның кечесе кайтты. Бу айда да, алдагы айда да акча үземә кирәк була, газны күчертәм диюгә, малай: “Күпме яшәргә уйлыйсың инде тагын, алдагы кышка үзебезгә алып китәбез, бу тавык алачыгына акча әрәм итмисең”, – дип, сүгеп ташлады. Йорт алай начар түгел үзе. Әтиләре исән чакта болай дорфа кыланмыйлар иде малайлар. Менә ялгызлык нишләтә… Әле пенсияне саклап кала алсам мунча сайгакларын да алыштырырга иде исәбем. Малайлар кайтып мунча да кереп тормыйлар шул хәзер. Имеш, аларда ванна бар. Яратмыйм шул ванналарын. Бер барып куна калгач, килен мәҗбүриләп ваннага кертте. Әйтерсең, авылдан пычранып, бетләп килгәнмен! Керә алмыйча бер интектем, чыгуы тагын да бәлалерәк булды. Сиксәнне узгач гәүдәләр дә тыңламый бит. Мунчага җитәме соң?.. Үз парың исән булганда әле бер-береңә зарланасың да, урталай бүлгәч, авыр сүз дә җиңелрәк була. Барысын да кешегә дә чыгарып саласы – капчыкны төбеннән тотып селкисе килми бит…

Пенсия акчаларын алып киткән улы. “Көз, кыш айларында караватың янына жикет, итек куеп ят, газ мичен карарга ник шәрә тәпи чыгасың?” – дип мин дә акыл бирдем әле танышыма. “Малайларга китмим, үз өемдә үләргә язсын”, – диде ул.

Бу хатны “Татарстан яшьләре” газетасына Сарман районы, Җәлил бистәсеннән Халисә Шәйдуллина язган.

Фото: pixabay.com

Запись “Күпме яшәргә уйлыйсың инде тагын?“ (Үз өендә үләргә теләгән карчык гыйбрәте) впервые появилась Tatar Today - татар яңалыклары..

Ә бүген әлеге карт белән карчык иртәдән үк килгәннәр һәм урын даулашалар икән. Карчык дигәнем, сату-алу белән монда күптәннән шөгыльләнүче жулик дисәм дә артык булмас, мөгаен. Авыр 90ынчы елларда ул үзенең бизнесын аракы, тәмәке сату белән башлап җибәргән иде. Инде күпме сулар акты, күпме еллар узды, ә ул һаман урамда. Бу эш канына сеңеп, гадәтенә әйләнде, күрәмсең. Урамга чыгып, нәрсә дә булса сатып кермәсә, тамагыннан ризык үтми, йокысы йокы булмыйдыр инде, бичаракайның. Хәзер бакча тотарлыгы да калмаган инде үзенең. Сатарга бер әйбере булмаганда да, тегермән тирәсен яларга өйрәнгән эттәй, һаман шунда бөтерелә. Ачуыннан зәһәрен чәчеп, бүтән сатучылар белән талашып булса да китә. Мал артыннан шулай абына-сөртенә куучы моның ише кешеләрне безнең авыл мишәрләре: “Җаны яннан тыккан – иманын кулына тоткан”, – диләр.

Заманалар үзгәреп, аракы, тәмәке, көнбагыш сатуларны тыйганнан соң да җаен тапты ул: кара халыкка ялланып, җылы як җимешләрен бераз арзан бәягә алып, үзенә бераз табыш калырлык итеп сатуын дәвам итте. Рәте бетеп килүгә карамастан, хәзер дә кичләрен тезелеп утырган бакчачы-сатучылар янына чыга да, тизрәк кайтып китү максаты белән кайсысы товарын арзанракка тәкъдим итә, шуны үзенә алып, йөз сумга, илле сумга булса да арттырып сатып утыра. Караңгы төшеп, сатучылар китеп бетсә дә, ул ярты төнгә кадәр – кибет тирәсендә. Мәрхәмәтле бәндәләрнең кайберләре яки бераз “чиртеп” күңеле йомшарганы, карчыкны кызганып, кирәксә-кирәкмәсә дә, үзе сораган бәясенә бераз өстәп тә, җиләк-җимешен алалар. Шунда гына кулына бәхет кошы тоткандай сөенә-сөенә кайтып китә. Мал җене кагылса, кеше яман икән ул. Бервакыт әлеге карчыкның авылдан үзе җыйган җиләкне сатарга дип килгән картны талавын, аны бу тирәдән кууын кибеткә кермичә, исләрем китеп күзәтеп, тыңлап тордым.

Картның җир җиләге тегенекенә караганда эре дә, тулып пешкән дә. Узгынчылар бәяне иң элек аңардан сорыйлар. Карт “фәлән сум” дип әйтергә өлгерми, теге карчык шундук: “Авыл зираты өстеннән җыеп алып килә ул, аңардан ала күрмәгез, әллә нинди чирләр эләгер үзегезгә”, – дип чәчрәп чыга. Билгеле, мондый сүздән соң, инде алырга дип акчасына үрелгән кеше дә, чирканып, тизрәк китү ягын карый. Яннарында кеше-кара күренмәгәндә шайтан карчык тагын ысылдый тегеңә: “Саттырмыйм булгач, саттырмыйм, яхшы чакта бүтән җиргә китеп олак!” Шулай берничә сатып алучыны буш озатканнан соң, карт, ике чиләген дә машинасына кертеп куеп, бу карчыкны ләгънәтләп, төкеренеп китеп барды. Тегесе, сугыш кырында җиңгән батырдай кипкән гәүдәсен кәперәйтеп, алдагы көнне сатылмаган җиләген алгарак этеп куеп, горур кыяфәттә утырып калды. Менә шулай, Алладан курыкмый, бәндәдән оялмый, динне бар дип тә белми малга хирыс кайбер бәндәләр.

Зират өсте җиләге дигәннән, анда җир җиләге бик үрчи икән. Халык таптамый, маллар йөрми, дымга туенган елларда мул да булып үсә, кызарып та пешә. Кечкенә чакта малайлар белән, әй, кызыга идек шул җиләкләрне җыеп ашарга. Әмма әби-бабайларның: “Зират өстеннән бер генә җиләк-җимеш тә алып ашарга ярамый”, – дигән сүзләреннән куркыпмы, әллә бер-беребездән оялыпмы, берсен дә өзеп капмый идек. Ә шуннан кайсыбер карчыкларның чиләкләп җиләк җыеп йөргәннәрен әллә күреп, әллә гайбәт итеп сөйләүчеләр бар иде. Аннан гынамы соң, авылдан шактый читтә, урман юлы өстендәге маллар каберлегеннән дә рәхәтләнеп җир җиләге җыючы бер карчыкны еш күрә идек. Кибеп корыган ат, сыер башлары, кабырга сөякләре калкып торган урыннарда чыпчык йомыркасы кадәрле үскән, якут ташыдай кызарып пешкән җиләкләрне бар дөньясын онытып җыеп утыра иде ул.

“Әби, моннан җиләк җыярга ярамый бит (әле андагы әчкелтем сасы исне белсәгез, борынны җиң чабуы белән каплап йөри идек)”, – дигәч, “Әй, оланнар, сугыш елларындагы ачлыкта колхозның үлгән малларын кискәләп үлчәп таратканда, шул үлгән малның берәр кисәген яки тиресеннән булса да өлеш алып калу өчен таңнан торып чиратка баса идек, шуны пешереп ашап ач үлемнән калдык, ә сез кара туфракта үскән җиләк агулы дисез, булмаганны! Алып кайтып, изеп кагын да ясыйм, кайнатмасын да пешерәм, әле бер җирем дә авыртмый”, – дип, сөйләп китә иде ул. Дөрестән дә сәер әбиебез туксанны узгач кына бакыйлыкка күчте.

Рәҗәб ӘХМӘТОВ. Чаллы.Татарстан яшьләре

Запись “Зираттан җыеп килә ул, аңардан ала күрмәгез” впервые появилась Tatar Today - татар яңалыклары..

Бу минем күрше әбием кебек үк беркатлы түгел икән. Күршемә дә дәрәҗәле булып, бай булып яшәргә хыялланган оныгы килеп йөри. Әмма моның өчен ниндидер тырышлык кую аның ниятендә юк. Онык безнең яшәү рәвешен күреп, ихластан аптырый: «Сез шулай көн дә иртән торып эшкә китәсез дә, кич кенә кайтасызмы? Үзегезнең әле машинагыз да юк».

Кыйбла сайланган булган икән инде. Берзаман оныкның да, атасының да төрмәгә утырганын ишеттек. Улына тормышта лаеклы урын табарга ярдәм итәргә тиешле ата кеше үзе башлап йөргәндә әби кешенең фәкать яратуга, фәкать ышануга корылган самими тәрбиясе көчсез булып чыккан икән ләбаса. Җиңел кәсеп тапканнар болар: наркотиклар сатарга тотынганнар, әмма бик тиз тотылганнар. Ярый әле, онык үзе хирысланып китәргә өлгермәгән. Бу кадәресенә оныкны үлеп яратучы әби мең кат шөкер итте. Аннары ай саен оныкка посылкалар хәстәрләргә кереште. Гомумән, аерылып-кушылып беткән бу гаиләнең бөтен мәшәкате, сөйләнүләре посылка хәстәрләү, күрешү көннәрендә төрмәгә барып кайтулар тирәсендә куерды. Ничә карасаң, әбинең күзе яшьле. И-и, онык бик әйбәт, бик укымышлы малай икән дә, әбисен дә үлеп ярата икән, тик менә бәхете генә булмаган икән.

Беркөнне әби өендә сабан туена кунаклар көткәндәге кебек күңелле ыгы-зыгы купты. Оныкның сеңлесе дә килгән. Аның янында бер марҗа кызы бөтерелә. Санкт-Петербургтан ук килгән икән. Кунак кызның камыр тотканы юк кебек күренә, әмма тырыша. Камырга тотынырга дәртләндергән сәбәп тә ачыкланды. Кунак кыз интернет аша онык белән танышкан. Дүрт тел белә торган бик тә укымышлы, бик тә зыялы кыз икән бу бала. Онык аны ни рәвешле сайрап кызыктыргандыр, ничекләр мәхәббәтле күренгәндер — билгесез. Табылгандыр инде берәр — үзен бәхетсез корбан итеп кызгандырырдай сәбәп.

Икенче көнне күчтәнәчләр төяп, төрмәгә күрешергә киткән сеңел белән анасы тиз әйләнеп кайттылар. Кунак кыз өч көнгә торып калган. Бичара әби моңа бик сөенде. Ниһаять, онык башлы-күзле булды дип уйлады ул. «Әйбәт кенә торып китсәләр ярар иде», — дип, аларга, догалар укый-укый, бәхет юрады. Ә без әбине дә, тормышта романтикага әле һаман урын бар дип уйлап, ерактан җыенып килгән кызны да кызгандык. Төрмә шулпасын һәм аннан да элегрәк хәрам ризык, хәрам акча тәмен татып караган онык, рәшәткәдән котылгач, әбисен куандырыр микән? Кунак кыз исә, гомумән дә, төрмә тормышын ямьләр өчен генә булыр да югалыр инде ул.

Торып калса, кызның хәле тагын да кызганычрак. Андый берәүне беләбез. Ике бүлмәле фатирын сатып, төрмәгә барып кавышкан наркоман иренең әҗәтләрен түләгән иде инде ул. Хәзер дә эш ләмичә рәхәт яшәү турында гына хыялланган шул хөрәсәннең тамагын туйдырып, кубызына биеп, шатлыксыз гомер кичерә.

Мәхәббәтне төрмәдән эзләмәсеннәр иде лә кызлар. Сыйныфташлар, курсташлар, авылдашлар күпкә ышанычлырак түгелмени? Иң мөһиме — булачак гомер юлдашы хезмәт сөйгән нәселдән булсын!

“Татарстан яшьләре”

Запись «Алтыннарны өйдә калдырсам, онык урлап сатар дип куркам» [тормыш хәле] впервые появилась Tatar Today - татар яңалыклары..

Бөтендөнья сәламәтлек саклау оешмасы мәгълүматларына караганда, Россиядә сатыла торган һәр егерменче, ә алга киткән илләрдә хәтта һәр өченче препарат ялган икән. Шуңа күрә әбинең шикләрен аңлау кыен түгел. 

Иң кызыгы, видео астындагы комментарийларда “Мин дә тормышта бу ысулны еш кулланам ” дигәннәре дә очрый.

Запись Казанда бер әби дару составын тикшерүнең яңа ысулын тапкан [кызык видео] впервые появилась Tatar Today - татар яңалыклары..

Әнисе Мәскәүгә эшкә киткәч, баланы махсус учрежденигә алып киткәннәр.

Запись Әнисе эшкә киткәч, әбисе яшь ярымлык оныгын приютка озаткан впервые появилась Tatar Today - татар яңалыклары..