View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Игътибарны җәлеп итүче әйберләр арасында су тегермәне бар, аның янында ясалма тегермәнче бабай утыра, шунда ук ашлык үлчи торган махсус үлчәүләр, үргән читән, кирза итекләр эленеп тора. Чыннан да үзеңне башка җирдә, элеккеге заманнарга әйләнеп кайткан шикелле хис итәсең.

Запись Татар дальнобойщигының музей-тукталышта күргәннәре. 2нче серия [видео] впервые появилась Tatar Today - татар яңалыклары..

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Ягъни кыз баламы яисә малаймы алып кайтачакларын якын кешеләр белән билгеләү бәйрәмен үткәрде.

Бәйрәмгә күп кеше җылган. Кемнәрдер кыз бала булачагына ышана, ә кемнәрдер малай булуын тели. Энҗе һәм аның тормыш иптәше Евгений уртага олы шар алып чыгалар. Тантаналы төстә ул шарны шартлаталар һәм аның эченнән тагын кечкенә генә зәңгәр төстәге шарлар очып чыга. Димәк, Нармаевлар дүртенчегә ир бала көтәләр.

Әйтергә кирәк, Энҗенең инде 3 малае үсеп килә: Әмирхан, Тамерлан һәм Арслан.

Запись Блогер Энҗе Нармаева дүртенче бала итеп кемне алып кайтачакларын хәбәр итте [видео] впервые появилась Tatar Today - татар яңалыклары..

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

– Мин мәктәптә! Директор исеме шулай ук Булат, мине бик яхшы каршы алды. Укытучылар, тәрбиячеләр – барысын да ошаттым, алар искиткеч. Бу мәктәптә нәкъ өйдәге кебек. Монда мин кунарга да калачакмын, кайвакыт өйгә дә кайтырга исәплим. Хәзер мин бик зур һәм мөстәкыйль – шуңа шатланам, – дип яза Булат.

Запись “Кояшлы” малай Булат Нигъмәтуллин Уфадагы мәктәптә укый башлый [видео] впервые появилась Tatar Today - татар яңалыклары..

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Шаян блогер Рәмис Гыйльметдинов үзенең блогын бик кызык алып бара, яңа вайннар төшерә. Әйтик, авыл турында МТС операторы кебек мәзәк тариф уйлап тапкан, аны «Авылище» дип атаган.

– Авылда телефон тотмый икән, димәк, сездә шул авыл тарифы. «Авылище» – ул сәнәк белән бәрәңге алышу. Аңа бонус буларак чөгендер алышу абсолютно бесплатно бара. Интернет авылда юк, аңа карамастан күп нәрсә бушка: таң белән сыерларны көтүгә озату, ишегалдын себерү, утын әзерләү, кабакларны келәткә ташу, малларга су эчертү дә бушка бара. Әле бит түләүле хезмәт тә бар. Анысы инде ял итү, – дип уенын-чынын кушып аңлата Рәмис.

Запись Блогер Рәмис “МТС”ны да уздыра, үзе яңа “Авылище” дигән бушлай тариф тәкъдим итә [мәзәк видео] впервые появилась Tatar Today - татар яңалыклары..

Социаль челтәрләрдән күпләр Люциянең сәяхәтләргә йөрергә яратуын, анда чәкчәк, Татарстан флагын күтәреп баруын, туган телебез өчен янып-көюен, курчак өе кебек матур йортта яшәвен, гаилә җылысын сакларга тырышуын беләдер, мөгаен.

– Казанда тудым. Әти-әнием минем тууымны 15 ел буе көткән. Аптырагач, әллә ятимнәр йортыннан бала алыйкмы икән, дип тә уйлаганнар. Әмма бала юк дип аерылышмаганнар. Көтә белгәннәргә Аллаһ Тәгалә әҗерен бирә. Сабый тавышлары яңгырап торган гаилә – бөтенләй башка инде ул. Безнең өчен иң мөһиме – балаларның тәүфыйклы, тәрбияле булуы. Шуңа күрә аларга вакытыбызны кызганмыйбыз, – ди Люция.

Һөнәре буенча икътисадчы ул, әлеге эшеннән туеп, бизәндерү, чәч ясау буенча салон ачкан. Өченче баласы тугач, бу эшне туктатып торырга туры килгән. Шәһәрдә үссә дә, Люция татар телен камил белә. Аның фикеренчә, гаиләдә аралашу булмаса, башка беркайда да телне яхшы итеп өйрәнеп булмый. Мәктәптә  «5ле» билгеләренә генә укыган, татар теле буенча олимпиадаларда катнашкан.

– Туган телемне, илемне, мәдәниятемне бик яратам, – ди ул, зур горурлык хисе белән. – Балаларыбыз туган телен белсә дә, безнең кебек үк саф татарча сөйләшмиләр. Өйдә татарча аралашабыз, тик мәктәптә бүген татар теленә әллә ни игътибар бирмиләр. Телне, мәдәниятне гаиләдә саклап була. Мин үскәндә, әби—бабай юк иде. Балаларыбыз бу яктан бәхетле. Бабай гармун уйный, бергәләп татарча җырлыйбыз. Болар барысы да балаларның күңеленә сеңеп калыр, дип уйлыйм. Инстаграмда да татарча күп язам. Язылучыларым арасында Россия төбәкләреннән, чит илләрдән дә кешеләр шактый. Алар, син язганны уку, төшергән видеоларны карау шундый рәхәт, диләр. Башка милләт вәкилләренең дә татар телен яратуын тоям. 20дән артык илдә булганым бар. Кая барсам да, халкыбызның милли киемен,чәкчәген алам, Татарстан флагын калдырмыйм. Күптән түгел Байкалга барып, «Туган тел»җырын башкарып кайттым әле. Чит ил сәяхәтчеләренә үз халкым, аның гореф-гадәтләре турында сөйлим, күчтәнәчләр белән сыйлыйм, Казаныбызга кунакка чакырам.

Блогер ханымның балаларына гаджетлар кулланырга рөхсәт итмәве сәеррәк кебек, әлбәттә. «Үзегез телефонда утырасыз бит әле, ник балаларыгызга рөхсәт итмисез?» дигән сорауны да еш бирәләр икән. Андыйларга ул: «Мин социаль челтәрләрдә төн буе утырмыйм, Инстаграмда постлар гына язам. Бу  – минем эшем», – дип җавап бирә.

Телефоннан башка да бик күңелле яши Алиевлар. Кәримгә –10, Лаурага –7, Алигә – 1 яшь. Люция аларга кечкенә чакта уйнаган уеннарын  өйрәтә, бергәләләп футбол, өстәл уеннары уйныйлар. Китап укыйлар. Бергәләшеп сәпидтә йөриләр, табигатькә чыгып, үсемлекләр дөньясын өйрәнәләр. Әтиләренә хуҗалык эшләрендә булышалар. Балаларга бар да кызык. Кичләрен кайчак элек ут сүнгән чакларны да искә төшерәләр. Утны махсус сүндереп, шәм яктысында рәхәтләнеп сөйләшеп утыралар. Мондый чакларда балаларның йокылары бигрәктә тәмле була икән.

Әти—әни назын тоеп үскән балаларны әллә заманауенчыгы бер дә кызыксындырмыймы? Алар телефон сорап интектерми, бирмәгән өчен идәнгә тәгәрәп еламыймы икән?

– Элек ялкаулык зур бәла булса, хәзер гаджетларбелән мавыгу дип саныйм. Олысы да, кечесе дә шунда бит. Балаларның виртуаль дөньяга чумып, аннан чыга алмауларына әти-әниләре үзләре гаепле. Комачауламасыннар дип тоттыралар да соңыннан үкенәләр, – ди фикердә Люция. –Кырымга баргач, кафега ашарга туктаган идек. Бер гаилә яшь ярымлык баласына телефон тоттырды. Нәрсәгә кирәк ул аңа? Аннары ашамый, дип зарланалар, балаларның психикасы да бозыла. Бездә беркөнне улымның дус малае кунарга калган иде. Көн буе  телефонда уйнады, кич тә кулыннан төшермәде. Кеше баласына сүз әйтеп булмый бит. Шулай да йокларга ятканда телефонын алып куйдым. Берзаман  яныма килеп:“Иртәнге сәгать 3кә  шалтырарга куйган идем, бирегез әле”, – ди. Уен уйный икән. Кечкенә булса да, баш мие агуланырга өлгергән дип борчылган идем. Телефоны ватылган икән, хәзер яхшы укый башлаган, кызыксынуы арткан. Балалар – ак кәгазь, без анда нәрсә язабыз, эчтәлеге шундый булачак. Бер дә телевизор, телефон белән агулыйсы килми. Бездә дә бар иде ул телевизор, тик без аны сатып җибәрдек. Кечкенә вакытта мультфильмнар карагач, тәртипсезләнә башладылар. Ике атнага сүндереп куям, балалар бөтенләй башкага әйләнә. Йорт эшләрендә булыша, башка эшкә теләкләре уяна. Менә шулай башкача яшәргә өйрәнделәр.

Гаджетларны махсус сатып алмый Алиевлар. Әлбәттә, бала  – кемдә дә бала инде ул. Аларныкы да сорый. 10 яшьлек олы улларына мәктәпкә барганда элемтә өчен төймәле телефон алган булганнар, тик кызык булмагач, бик тиз туйган. Башкаларда кыйммәтле смартфоннар күргән саен күзләре янган. Люция аңа: “Телефоның булмау яки аның кыйммәтле булмавы – син башкалардан ким дигән сүз түгел”, – дип төшендергән. Хәзер бу аның өчен мөһим түгел. Тәнәфестә дуслары үзләре уен уйнарга тәкъдим итә икән. “Сезнең яшьтә безнең телефон булмады, эшләп алдык, сездә шулай итәрсез”, – дип аңлатулар дәвам итә. Әлбәттә, бу яшьтә әле акча эшли алмаячаклар. Ләкин әти—әни өчен балаларының  мөстәкыйль булуы, аларны үз гамәлләре өчен җавап бирерлекитеп тәрбияләү мөһим. Смартфон булган очракта да 1 сәгать кенә кулланырга рөхсәт итәргә уйлыйлар.

Мәгълүмат Ватаным Татарстан

Запись Балаларын гаджетларсыз үстерүче блогер Люция Алиевадан мөһим киңәш впервые появилась Tatar Today - татар яңалыклары..

Тракторчы- блогер Василий Иванов дәвалану өчен акчалата ярдәм сорап язучыларга карата фикерен белдереп үзенең инстаграм битенә видеоязмалар урнаштырган.  “Накипело”, дип язып куйган ул видеоязма астына.

“Сәлам, дуслар. Көнгә әллә ничә хат килә, шуның берсе һәрвакыт ярдәм сорап язу була.  “Минем әбием авырый, бабаем авырый”, дип йөрәккә тия торган хатлар җибәрәләр. Зинһар, җибәрмәгез, куймыйм! Үзем эшләп тапкан белән мин дә яшәп ятучы. Малайны туганнан бирле хастәханәгә йөртәм.  Ул 7 айда тулып җитмәгән килеш туган малай. Беренче елны бик авыр булды.  Ничә операция булды аңа. Кимендә 200 мең акча китте беренче елны ук.  Мескенгә салынып, теләнеп йөрмәдем. Бер караңгыдан икенче караңгыга кадәр эшләдем.  Хәзер малайга 9 яшь булды. Аллага Шөкер тернәкләнеп килә. Ел саен  яз һәм көз дәваланырга барабыз. Хәзер баштагы кебек кыйбатка чыкмый, шулай да ел саен 50 мең кирәк әле. Шулай итеп үзем эшләп табам. Бер кешегә дә ялынып барган юк.  Бик терәлгәндә туганнардан, күршеләрдән әҗәткә алып торам. Аннары кире кайтарам.  Менә шундый хатлар йөрәккә тия, нервылана башлыйм.  Миннән нишләп кызык видеолар куймыйсың дип сорыйлар, шуның кадәр нервылангач, ничек кызык видеолар төшереп булсын ди.  Малайга дәвалануның иң кирәклеләрең генә алдык.  Акча җитмәгәнгә, реабилитацияләргә йөртеп булмый. Үсеше бүтән балаларныкына караганда әзрәк калышып бара.  Шуны укытучы апаларына да аңлатасың, алар яше зур бит инде, белергә тиеш диләр.  Ул 2009 елгы, 2010 елгылар белән укый, мәктәпне авырданырак барабыз. Шуны аңлап бетерсеннәр иде.  Мин дә бирә алсам махсус мәктәпкә бирер идем, ләкин  шул ук акча җитмәү инде. Тагы бер әйбер әйтеп китәсем килә.  Шәһәр кешесе авылда рәхәт, сезнең үзегезнең сөтегез, үзегезнең итегез дип әйтергә ярата. Ә ул сөт белән ит булганчы бик каты эшләргә кирәк.  Шәһәр кешесе клубтан да кайтмаган була, авыл кешесе иртән торып чыгып киткән була.  Бөтен эшен карый, кеше иртән эшкә барганда инде эшләп арып беткән була.  Кич белән кайтып, караватка мендем дә яттым түгел.  Бөтен малын карыйсы, эшен эшлисе. Авыл кешесенә ял көне дә юк. Бәйрәмнәр дә, барысы да эш беткәч кенә. Бөтенесен чутлагач,  бик бушка килми ул ит белән сөтең”, дип үзенең фикерләрен белдерә ул.

https://www.instagram.com/p/BwFRvskABjx/

Инстадуслары блоггерның сүзләре белән килешә.  “Бик хак сүзләр!” , “Василий абый, бик дөрес сүзләр әйтәсең.”,  “Молодец, синең кебек әти белән горурланырга кирәк!”, “Болай итеп газетага да язып булмый, ә син без әйтә алмаганны кыю гына әйтеп салдың, молодец.”, дип язганнар аңа.

Василий Ивановның инстадуслары арасында аның  малаена да ярдәм итергә теләүчеләр табылган. “Карта номерыңны калдыр әле, зинһар”, дип язганнар аңа.   “Юк инде, рәхмәт, кызгач әйткән идем” , дип җавап кайтарган тракторчы – блогер.

Тискәре фикерләр калдыручылар да юк түгел.  “Салдыңмы әллә брат?”, “Исерекме соң син?”, дигән комментарийлар да күрергә була.

Запись “7 айда тулып җитмәгән килеш… Ничә операция булды…”- тракторчы Василий гаиләсендә авыр хәлне сөйли [видео] впервые появилась Tatar Today - татар яңалыклары..

“Беренче видеоларны мин кертмәдем” – ди күпләребезгә интернет аша таныш булган тракторист, блогер Василий. Хәер, бүген аның турында ишетеп, белмәүчеләр бик аздыр. Заманасы, эше авыр, дип, уфтанмыйча, үз максатларына әкрен генә ирешә-ирешә хезмәт куя ул.

– Мин Кукмара районы Югары Чура авылы егете, – дип башлады ул сүзен. Хатыным Кукмара кызы, безнең авылга кунакка кайткач танышып киттек, озата башладым. Бүгенге көндә 2 бала үстереп, матур гына яшәп ятабыз, Аллага шөкер.

– Күп вакытны колхоз эше ала, шуңа да интернетка бик аз вакыт кала. Кайткач, өйдәге  эшләрне карыйм. Маллар бар, аларны ашатам. Шулай көн узып та китә, – ди, Вася абый.

“Колхозда эшләмәсәгез, кем була алыр идегез?” – дигән сорауга:

– Техниканы яраткач, барыбер техника янында булыр идем, мөгаен. Үземнең тракторым бар, аның белән дә эшлим. Тик утырганым юк, утыра да алмыйм, – ди ул.

View this post on Instagram

A post shared by василий (@vasilijivanov7864)

– Беренче видеоларны мин кертмәдем, хатыным кертте. Яздыра идем дә, үзем кертә алмый идем. Аннары өйрәнеп киттем, үземнең эшләгәнне куя башладым. Кызыксына, карый башладылар. Хәзер, көн саен, нәрсәдер куярга кирәк, дип уйлыйм. Бүген исә, миннән әзерәк ял итсеннән, дип, бернәрсәдә куймадым, ди, әңгәмәдәшем.

View this post on Instagram

A post shared by василий (@vasilijivanov7864)

Киләчәккә булган хыял, максатлары белән дә кызыксындым:

– Өйләрне, каралты-кураларны яңарту хыялы бар. Балаларны аякка бастырасы, кеше итәсе иде. Интернетка килгәндә, яңалыклар юк. Барсыда үз көенә бара, әле монсына көчкә җитешәм, ди ул.

Шалтыратучылар да бик күп икән. Номерны каян табып бетерәләр икән, дип аптырый ул. Араларында әйбәт, начар уй белән шалтыратканнары да бар. Мәгънәсез сораулар биреп шалтыратучыларда аз түгел. Тракторда, тыгыз эш вакытында шалтыратып, баш катырып ятулары бер дә рәхәт түгел. Ачу килә, ди.

Чын авыл кешесе – тырыш, патриот булуына карамастан, торыр җир, яхшы эш тәкъдим итсәләр, балалар хакына, аларның киләчәге өчен шәһәргә китәр идем. Перспектива булыр иде, диде Вася абый. Әлеге фикер белән килешми дә мөмкин түгел, бүгенге авыр заманада, киләчәкне алдан кайгыртырга кирәк шул.

Күпләргә интернет аша гына таныш булган тракторист Василий абыйны, авылдашым буларак та бик яхшы беләм. Аңа тырышлык белән сабырлык кына түгел, тыйнаклык та хас. Инде ничә еллык тәҗрибәсе, тотып күрсәтерлек ирешкән уңышлары булса да, бер дә мактанырга, “Мин булдырам”, – дип әйтергә яратмый ул. Үзе турында газетага язасымны әйткәч тә, озак икеләнеп торды.

Керәшен халкы бүген ничек яши? Нинди авырлыклар белән очрашырга туры килә?

Әлеге сорауларга җавапны алдагы видеодан карагыз:

Элек дин-ара низаглар бик күп чыккан булса, бүген бөтенебез бертигез. Татарлар, керәшеннәр, урдмуртлар – бөтенебез бергә, бер халык булып яшибез. Катнаш никахлар бик күп, татар-керәшен, дип аеручылар бик әз хәзер. Булса да, андыйлар бездә юк, ди әңгәмәдәшем.

Чиркәүгә исә, елына 2 тапкыр барырга тырыша икән – берсе пасхага булса, икенчесе крещениега.

– Бүгенге көндә эшләгән, эшлим дигән кешегә авыл җирендә эш бар. Теләге булган кеше, теләсә каян эш таба ала. Эшлисе килмәгән кеше исә, эш юк дип “бот күтәреп” өйдә ята, дип уртаклашты Василий абый.

Авыл җирендә бер генә минус бар – яшьләргә күңел ачу, үзләрен үстерү өстендә эшләү мөмкинлеге юк дияргә була. Төрле түгәрәкләр, секцияләр күбрәк булсын иде, дип борчыла ул.

– Видеоларны ничек бар, шулай күрсәтергә тырышам. Рәхмәт, карап барасыз, комментарийлар язасыз. Алар миңа тагын да күберәк эшләргә, кызыклы видеолар кертергә этәргеч бирә, дип, үзенең укучыларына теләкләрен белдерә блогер Василий.

Менә шулай, үзе өчен генә түгел, авыл тормышы, аның киләчәге өчен дә борчылып яши блогер Василий. Тик утырмагач, гел эштә булгач, тормышлары да җитеш. Киләчәкне алдан күреп эш иткәнгә, максатларны дөрес куя белгәнгә, эштән курыкмаганга, уңышлары да күзгә күренерлек.

View this post on Instagram

A post shared by василий (@vasilijivanov7864)

Запись Чиркәүгә йөриме, авыл яки шәһәр – кем булыр иде — Instagram йолдызы, тракторчы Василий сөйли [видео] впервые появилась Tatar Today - татар яңалыклары..

Instagramда татар блогерлары булып теркәлүчеләр саны көннән-көн арта. Алар һәрберсе язылучыларына оригиналь, мәзәк, сәер видеолар, постлар тәкъдим итәләр. Без соңгы елларда барлыкка килгән кайбер татар блогерларын барладык, максатларын белештек, 2019 елда Instagramда татар теле актуаль булачакмы, русчага күчмиләрме дип сораштык. 

2018 ел азагында татарча вайннар төшерә башлаган Башкортстанның Кырмыскалы районыннан Резедә Нəбиуллинаның (@rezeda_blog) максаты – татарча көнкүреш сөйлəшү стилендə позитив постлар куеп, татар кешесенең кəефен күтəрү, татар телен саклау, уйландыру һəм көлдерү икән. Резедәнең 2 меңнән артык язылучысы бар. Ул Instagramда рус телендә дә аерым бит алып барырга ниятли, әлегә татарча битенең язылучылары озак арта дип аңладык.

https://www.instagram.com/p/Br7GptRgNhH/

Актаныштан Раиль Гарифуллин (@railda_kunakta): “Минем блогның төп темасы юк, нәрсәне кызык дип күрәм, шуның турында видео төшерәм. Әлеге эшне нинди дә булса максат куеп башламадым”, дип белдерде. Раильны 7,5 мең кеше күзәтә. Аның рус теленә күчү планы юк. “Татар телендә булган эшләрне дә яратып караучылар җитәрлек”, ди ул. Раиль вайннар гына түгел, ә үз тормышын күрсәтә торган видеолар да төшерергә планлаштыра. Кешедән, килеп чыккан хәлләрдән көлү популяр булыр дигән фикердә.

https://www.instagram.com/p/Bp1-AGfA_Ix/

Татар блогерлары сүзләренчә, аларны төрле яшьтәгеләр укый. Көлдергеч, авыл темасына кагылган, тормышчан постлар, видеолар яраталар. Блогерлар үзләре дә шушы юнәлештә эшләргә тырыша, чөнки мондый иҗат җимешләрен укучылары көтеп үк ала.

“Хәзер урамда да таныйлар, төрле интервью, тапшыруларга чакыралар”, диде инстаграмда авыл тормышы турында әнисе белән төшереп, кызыклы видеолар урнаштыручы Илүзә Минһаҗева (@ilyuza_13_).

“Максатым – күбрәк авыл тормышын чагылдыру, без бит күбебез авылда үскән кешеләр”, ди 18 меңләп язылучысы булган Кама Тамагы кызы Илүзә. Ул алга таба да татарча авыл тормышын күрсәтергә планлаштыра. “Урыс теленә күчүне уйлаганым юк, татар телемне үстерәсем килә, бетмәсен иде, яшәсен иде безнең туган телебез. Көн саен диярлек яңа татар блогерлары, вайннар барлыкка килә, шулай булгач, телебез үлмәс, тагын да үсәр”, дип өметләнә ул.

View this post on Instagram

A post shared by ☀️Илюза (@ilyuza_13_)

“Шәп чыккан, молодец!”, “Минем дә шулай булганы бар!”, “Яшь чакка кайтардың!”, диеп күберәк уңай фикерләр язып калдырсалар, тискәреләр дә булгалый, дип ассызыклый блогерлар.

“Бер интервью биргәннән соң 40-50 яшьлек апалар сүгенгән өчен кызып минем блогны чәйни башлаган иде, ләкин бик тиз суындылар! Алар шул чәйни белә инде. Йот дисәң, йоталмый. Төкереп, башка теманы чәйни башлый”, ди татарча сүгенү блогы алып баручы Роберт Исламов (@robertislamov84).

8 меңләп укучысы булган Түбән Кама егете төрле актуаль темаларга, аеруча татар эстрадасына бәйле мультфильмлы видеолар ясый.

“Кемгә ошый, шул тыңлый. Без кызык өчен генә беренче татар сүгенү рубрикасы ясап карадык һәм китте”, дип белдерде блогер.

“Алга таба сүгенүсез тапшырулар булыр дип ышанып калам. Әлегә нинди юнәлештә икәне сер булып калсын. Мин язылучылар артыннан кумыйм, һичшиксез татар телен кулланачакмын”, диде Роберт Исламов. Киләчәктә Instagramда татар телен кулланучылар артыр дип өметләнә ул.

View this post on Instagram

A post shared by Татарча Бәрәбез (@siksan_tuksan80_90)

Бу юнәлештә авырлыклар да юк түгел. Блогны үстерү, таныту, алып бару өчен бик күп көч куярга кирәк. Иҗади караш, яңа идеяләр туплау, язылучылар белән даими аралашу вакыт таләп итә, ди блогерлар.
Җитешмәгән яклары да бар татар блогларының. “Уйландыргыч, тирән мәгънәле, татарча вайннар һəм постлар кирәк, дип фикер йөртә Резедә. “Шул уйландыргыч постлар аша, халык үзенең проблемасына жавап табар, бәлки киләчәктә хата да ясамас иде. Интернет челтəрендə ул үзенең күңелен күтəрергə, тынычланырга, татар телен онытмаска, бирешмəскə өйрəнергə тиеш”, дип фикерли Резедә.

“Оригиналлек җитми! Кыюлык! Татар блогерлары куркак җаннар!”, дигән карашта Роберт Исламов. “Урыс сүзләрен кыстырып язулары яки әйтүләре дә матур түгел. Үземдә дә андый ялгышлыклар була әлбәттә, ләкин бу гадәтне киләчәктә булдырмау өстендә эшлим. “Татар булгач, татарча сөйләш, диләр миңа һәм дөрес әйтәләр”, дип уртаклашты Илүзә.

———————————————————————————————————————————————————

Tatar Today порталы җырчыларның концертларыннан фото-видео репортажлар, махсус видеотапшырулар ясый, яңалыклар яза.

Кем үзен күрергә тели шалтыратыгыз, элемтәгә керегез! 

тел: 240-24-99 

WhatsApp: +7966-240-24-99 

Запись Татар блогерлары ничек лайк җыя һәм язылучылары өчен елыймы, көләме, сүгәме, сүгенәме? впервые появилась Tatar Today - татар яңалыклары..

View this post on Instagram

A post shared by 🟡 Татар Малай 🟡 (@tatar__malay)

2013-2018 ел аралыгындагы үзенең өч фотосын аудиториягә тәкъдим итеп, ул: “С – стабильлек” дип куя. Ләкин Татар малае инде киләсе постта ук үзе белән канәгать булмавын, хәтта елаганын да әйтә.

“1 көн. Бүген-кичә әз генә ашадым…Творог, кефир, помидор, кыяр, карбыз, кавын һәм куян ите. Әкрен генә эчләр җыела, ләкин авырлык барыбер сизелә. Күп итеп су эчәргә тырышам, онытыла гына.

Сәгать 18:00 дән соң ашамыйм. 21:00 кичке прогулка, 23:00 ятырга тырышам. Тоз, шикәрне әкрен генә киметәм. Телефонда сәгать 17:30-20:00 кадәр утырырга тырышмадым. Отжимание ясадым, кич белән бераз баш авыртып алды…әз генә. Әнием, кайгырма! Кызык булса, шулай кичләрен пост отчет язып җибәрермен. Үземне кулга алырга тырышам, әллә нәрсәләр ашыйсы килә. Әллә кайларга барасы килә. Кичә Илүзәм белән шкафка минем киемнәрне урнаштырдык. Күбесе сыймый… Утырып еладым… Чөнки күп кенә яраткан киемнәрем иде. Тазару яхшы нәрсә түгел!”, дип яза.

View this post on Instagram

A post shared by 🟡 Татар Малай 🟡 (@tatar__malay)

Запись Татар малаен кем елаткан? [фото] впервые появилась Tatar Today - татар яңалыклары..

Әлфия апаның “хоп-хоп” дип көн дә иртән җәяүләп йөрүләрен, кышын чаңгыда шууларын карау, көн саен аннан яңа рецептлар көтүләр 11 меңгә якын язылучының гадәти бер тормыш күренешенә әйләнеп куйды инде.

“Әти-әниләрегез интернет белән эш итәргә өйрәнсен, өйрәтегез. Сез еракта, яшь барган саен, үзеңне ялгыз итеп тойган чаклар була. Балаларны, оныкларны сагынабыз. Шул чакта телефон ярдәмгә килә”, – дип бөтен яшьләргә мөрәҗәгать итә Әлфия апа.

– Блогер булып китүе­гезгә кече улыгыз Ринат тәэсир иткәндер?

– Иң төп кеше шул Ринат инде.

– Иң беренче көннәрдә авырлыклар тумый калмагандыр? Телефон бе­лән эш итү, социаль чел­тәрләрнең үзенчә­лек­лә­ренә төшенү, дигәндәй…

– Мөмкинлекләре ягыннан яхшырак телефонны әтисе белән миңа Ринат алып бирде. Баштарак аң­ламаган мәлләр булды. Ки­рәкле кушымталарны кер­тә-кертә, мәш килдек, шуннан өйрәнеп киттек.

– Татарча блоглар күп димәс идем. Кешеләрнең күбесе урысча гына аң­лый дип, блог алып баручылар гадәттә татарчадан урысчага күчә. Татар телле блог алып баруның үз кыенлыклары бардыр?

– Урысча вата-җимерә язганчы, татарча күпкә рә­хәтрәк. Миңа язылучы­лар­ның күбесе авылдан, минем яшьтәгеләр дә шактый. Рә­хәтләнеп аралашабыз! “Туры эфир”ны да татарча алып барабыз. Киңәшләр белән бүлешәбез. Әле берсендә кызык хәл булды. Бер апаның сыеры авырып киткән, “туры эфир” барышында киңәш сорап яза бу. Шунда Сафия апа утырган, ул – мал табибы. Шулай киңәш эзләүчеләр шактый. Гомумән, язылучылар артыннан кумыйм мин.

– Блогер Әлфияне урамда таныйлармы соң?

– Таныйлар, исән­лә­шәләр. Рәхмәт әйтәләр. Мин чаңгы шуам, сезгә карап чаңгы шуа башладык, чаңгы алдык, диләр, мин пешергән рецептларны кулланалар. Миңа боларны ишетү рәхәт, әлбәттә. Бүген дә кайтып киләм, үзебезнең подъездда торган кыз “безнең “современный” Әлфия апабыз”, “безнең “современный” әни­е­без” дип күңелне күрде әле.

– Дус-ишләрегез арасында фикерләр төрле бул­гандыр. Кайсылары – хуплый, кайсылары – юк…

– Хуплыйлар! “Молодец син, безнең әле менә баш җитми шуңа”, – диләр. Ип­тәш кызларым барысы да Инстаграмда хә­зер. Балалары ясап бирде. “Кызларым” дип дә­шәм үземнең яшь­тәш­ләремә. Күңелле бит. Ки­рәк ул. Балалар әти-әни­ләрен өйрәт­сеннәр, ирен­мәсен­нәр. Вакыт белән бер­гә барырга кирәк, артта калмыйк.

– Ә блогер хатын бе­лән торучы ирегезнең бу шөгылегезгә мөнә­сәбәте ничек? Аның да Инстаграмда теркәлергә теләге юкмы? Бәлки киләчәктә Галиәх­мәтов­ларны тулы составта кү­реп булыр?

– Ул Инстаграмда бар. Безне тикшереп тора, тик үзе фотолар элми. Әле берәр нәрсә кертми калсак: “Чирләдеңме әллә, матурым, бүген берни куйма­дың?” – дип сорап куя. “Туры эфир” вакытында кызык: беребез – кухняда, икенчебез – залда. Көлә-көлә карап утыра шунда. Озакка китсә: “Ярар, минем хатын миңа да кирәк”, – дип кереп җитә. Гел-гел телефонда утырганны яратып бе­тер­мәсә дә, сүз әйтми. Олы малаем да, Ринат та, килен­нә­рем дә кайда булуымнан, нәрсә эшлә­вем­нән интернет аша хә­бәрдар. Беркөнне әти­ләре белән бакчага төш­кән идек, улыбыз Нияз шалтырата. “Әни, сез бакчада икән, кунасызмы, кайтасызмы?” – ди. “Кайдан бел­дең?” – дип сорап куйдым. Эләк­тек, мин әйтәм. Бала­ларым­ның бервакытта да миңа шел­тә белдер­гәннәре юк. “Туры эфир”га да бергә-бергә чыгабыз әле.

– Ринат та тиздән өйләнә, туй итәргә җые­насыз. Кода-кодагыйлар блогерлар гаиләсен ничек кабул итте соң?

– Казанда 14 июльдә туйлары була, Аллаһ боерса. Илүзәнең әнисе вафат, авыр туфрагы җиңел булсын! Әтисе риза булып бирде, без бит, блогер дигәч тә, әллә кемнәр түгел, гел телефонда гына да утырмыйбыз. Никахта, мәсәлән, кулга да алмадым телефонны.

Чулпан Гарифуллина, Ватаным Татарстан

Запись Tatar-malay әнисе сыеры авырып китүчегә ярдәм итә впервые появилась Tatar Today - татар яңалыклары..