«Авария 16 август кичке җиденче яртыларда Екатериновка авылы янында булган. «Ауди» зур тизлектә юлдан кюветка очты, анда ул чын мәгънәсендә «җир сөрде», – дип сөйләделәр авария шаһитлары.

Башлангыч мәгълүматларга караганда, һәлакәттә хатын-кыз һәм ир-ат төрле тән җәрәхәтләре алган. Аларны ашыгыч ярдәм машинасында хастаханәгә китергәннәр.

Мәгълүмат: tatar-inform.tatar

Запись Болгар – Казан юлында коточкыч һәлакәт, зыян күрүчеләр бар впервые появилась Tatar Today - татар яңалыклары..

16 февраль Болгарда “Кыш Батыр” исемле фестиваль узды. Борынгы кораллы сугыш уеннарын күрсәтеп оештыручылар мөселманнар өчен изге саналган урыннарга җәен генә түгел, кышын да туристларны җәлеп итмәкче, дип яза Azatliq radiosi.

Чарада Татарстан һәм күрше төбәкләрдән төрле авырлыкта сугышчылар көч сынашты. Тамашачылар уен, ярышларны карап, элеккеге чордагы ризыкларны авыз итеп, Болгарга багышланган экскурсияне карады.

Узган ел әлеге фестивальне оештырырга ярдәм иткән 28 яшьлек Валентина быел үзе дә катнашырга булган.

“Кыш көне фестивальләр бик аз. Интернеттан карасагыз да күбесе җәй көне уза, костюмнары да җәйге. Кыш көне дә һава торышы яхшы. Өйдә генә утыруның мәгънәсе юк, кыш көне дә сәяхәт итәргә була. Моны кызык дип табучылар бик күп”, дигән Валентина “Azatliq”ка.

“Кыш Батыр” фестивален Татарстанның мәдәният министрлыгы, туризм комитеты, Болгар музей-тыюлыгы, “Үткәнгә сәяхәт” тарихи берләшмәсе ярдәме белән оештырыла.

Әлеге чараларны күреп кайткан Алмаз әфәнденең күңеле әрни, әмма камерага карап фикерен әйтергә теләмәде. Аның сүзләренчә, татар оешмалары актив булмагач, Изге Болгарны хәзер урыс, казак берләшмәләре басты, алар үзләре теләгән фестивальләрен оештыра, изге җирде җәен генә түгел, кышын да сугыш уеннары уздыра. Исеме генә “Кыш батыр”, ә бит монда мәктәп балаларына, туристларга миллилек, татарлык күрсәтелми, Болгарны башка милләтләр яулап алуын күрәбез”, дигән Алмаз “Azatliq”ка.

Чит ил агентлыгы Azatliq radiosi

//Tatar today//

Әлеге ярышларда Алексеевск, Яшел Үзән, Түбән Кама районна[]рыннан, Казан, Йошкар-Оладан егермендән артык команда катнашты. Стартка беренчеләрдән булып 12 яшьлек иң яшь чаңгычылар басты, аннан 16-18 яшьлекләр һәм 18дән узганнар узышты. Аларның барысына да арбалеттан ату, балта һәм сөңге ыргыту буенча билгеле дистанция узарга кирәк иде. Әлеге трасса борынгы шәһәрчекнең үзәге, тарихи-архитектура һәйкәлләре яныннан үтте. 

Нәтиҗәдә, гомумкоманда беренчелегендә

12-15 яшь категориясендә – Антоновка мәктәбе,
16-18 яшьлекләр арасында – П. А. Карпов исемендәге кадет интернат-мәктәбе командасы,
18 яшьтән өлкәнрәкләрдә 1 нче Болгар урта мәктәбе җиңүче дип табылды.

Шәхси зачетта Анастасия Медведева, Илья Володин һәм Артем Главнов җиңүче булды. Алар барысы да медальләр, дипломнар, акчалата сертификат һәм истәлекле сувенирлар белән бүләкләнде.

Моннан тыш, фестиваль вакытында төрле күңел ачу мәйданчыклары оештырылды. Мәсәлән, “Урта гасыр” лагерендә тимерче һәм күнче остаханәләрен күрергә, “Тарихи кухняда” кыздырылган ит, кайнар коймак, самавырдан чәй татып карарга була иде.

Биредә сәүдә рәтләре халык-сәнгать һөнәрчелеге эшләнмәләре дә тәкъдим итте. Фестивальдә катнашучыларга «Любо», «Спасская Станица», Рәмилә Исхакова, Айдар Вәлиуллин үзешчән сәнгать номерлары тәкъдим итте.

Оештыручылар белдергәнчә, фестивальдә барлыгы 2000 гә якын кеше катнашкан.

Запись Изге Болгарда “Кыш Батыр”ы булыр өчен балта, кылыч тотып сугышалар [фото-видео] впервые появилась Tatar Today - татар яңалыклары..

Мәскәүнең “Институт стран СНГ” дигән җирендә Болгарга багышланган конференция кебегрәк әйбер узган. Моны, әлбәттә, Мәскәү татарлары белми калды. Үзләрен “православ татарлары” дип йөргән 5-6 кешелек төркемнең үзләре белән дә, барлы-юклы эшләре белән дә кызыксынмыйбыз чөнки. Дин – ул һәркемнең үз эше, һәркем теләгәнен кыла. Ләкин әлеге төркемнең татар халкы исеменнән сөйләп йөрүе рәнҗетә безне. Бигрәк тә, Гаяр Искәндәр, Назиф Мириханов, Әнвәр Хөсәенов кебек чын татар патриотларын. Инде килеп, әлеге төркемнең Мәскәүдәге Татарстан вәкиллеге һәм Мәскәү татарлары автономиясе белән “дуслыкта эшләве” шаккатыра. Бу турыда алар үзләре сөйли, яза бит. Инде килик әлеге Болгар турындагы конференция дип аталган җыелышуга.

Шушы җыелышта Мәскәү татар автономиясе президиум члены, православ миссионеры Динара Бухарова чыгыш ясаган. Ул Татарстанның милли һәм дини сәясәтен гел сүгә. Түбән Новгородтагы Сафаҗәй кебек татар авылын да христиан авылы булган дип саный.

Уңнан икенче Динара Бухарова

Шушы җыелышта православ миссионеры Динара Бухарова Татарстан җирендә христиан дине исламга караганда иртәрәк, VII гасырда ук тарала башлаган дип белдерде. Ул чувашларны Идел болгарларының дәвамчылары дип саный. Батый ханны христиан дип сөйли. Бухарова ачыктан-ачык: “Татарстанны ислам регионы, татарларны мөселман халкы дияргә ярамый”-, дип сөйли Болгар турысындагы җыелышта.

Инде тагын килик бу Болгар турындага сөйләшүгә. Шунда Евгений Анатольевич Бородин (үзен “Родина” партиясенең Татарстан отделениясе председателе дип сөйли) Болгарда проблемалар күп дип чыгыш ясады. Проблема дигәге әлеге дә баягы аларны Болгарның ислам үзәге булуы борчый. Ул да Болгарны христианлаштыру турында сөйли.

Аннан соң алар быел Мәскәү Сабантуенда ел да Казанда президентыбыз Рөстәм Миңнеханов катнашында уза торган дин әһелләре форумын да легитим түгел дип решение чыгарганнар иде. Без инде шаккаттык – аларны бит Сабантуйга Татарстан вәкиллеге белән Мәскәү татар автономиясе яшкән. Килеп чыга вәкиллек Татарстан эшләренә каршы булып чыга? Менә бу җыелышта да Болгарда лавра ясарга кирәк дип сөйләнгәннәр.

Аларның бу сөйләшүләре Татарстандагы динара дуслыкка каршы килә һәм тарихны боза дип саныйбыз.

Мәскәү татарлары

Запись Мәскәү “православ татарлары” Болгарны христианлаштыру турында уйлана впервые появилась Tatar Today - татар яңалыклары..

Форум башланыр алдыннан конференция кунакларын һәм журналистларны дүрт катлы бина белән таныштырдылар. Кунакханәнең сул ягына  монча комплексы, ә алдында зур кояш сәгате тора.  Кояш  сәгате аяз көнне вакытны дөрес күрсәтә.  Кыйммәтле мрамордан  эшләнгән кунакханәнең эче дә кунакларны битараф калдырмый. Монда килгән һәр кеше үзен Гарәп Әмирлекләрендә итеп  хис итә.

Чара Татарстанның беренче президенты Миңтимер Шәймиев җитәкчелегендә үтте. “Әлеге кунакханәнең спонсорлары Татнефть һәм ТАИФ компанияләре. Әлбәттә әлеге югары класслы кунәкханәне халыкка үзләштерү  җиңел булмаячак. Тик  Болгар ислам дөньясы. Бирегә ел саен меңләгән кунаклар килә. Шуңа да әлеге  кунакханә комплексының үз кунаклары булачак”, диде ул.

Запись Миңтимер Шәймиев Болгарда Татнефть төзегән кыйммәтле Кол Гали кунакханәсен “рекламалый” впервые появилась Tatar Today - татар яңалыклары..

Иң элек безгә Резедәнең кая югалуы, бүген ничек яшәве һәм Болгардагы клип ыгы-зыгысыннан соң тормышы кайсы якка үзгәрүе кызыксындырды. Чөнки ул ике ел бернинди татар матбугат чараларында күренмәде, бары үзенең социаль челтәрләрдәге битендә генә актив тормыш алып баруын күзәтеп булды.

– Минем өчен бу соңгы ара сынаулы вакыт булды, чөнки үзем дә үзгәреп киттем. Тормышка карашым да үзгәрде, кыскасы, үзгәреш җиле булды. Әйтәләр бит, яңадан башлап, чәчрәп чыгар өчен, иң төпкә төшеп китәргә кирәк дип? Менә мин төпкә төшеп мендем. Хәзерге көндә биим, җырлыйм, бәйрәмнәр оештырам, концертларда да катнашам. Аннан соң үземнең студиямне ачканымны ишеткәнсездер. Ул бию студиясе – ReZedance дип атала. (урыны: Татарстан урамы, 40) Студиягә балалар-яшүсмерләр һәм өлкән хатын-кызлар йөри. Иң кечкенә биючебезгә – 5 яшь, иң олысына – 75 яшь.

– Бу тәҗрибә туплап ачылдымы?

– Институтта да укыдым, аннан соң үзлектән дә биеп үстем. Бик күп мастер классларга, контракт белән Мисыр, Төркия, Гарәп Әмирлекләренә барып, үземне үстердем. Тәҗрибә җыеп бетергәч кенә үземнең студиямне ачып җибәрдем.

– Нинди биюләргә өйрәтәсең, татарча бию дә бармы анда?

– Күбрәк шәрык биюләренә өйрәнәләр. Шулай ук гимнастик күнегүләр дә ясыйлар. Монда ябыгырга, гәүдәләре белән гармониядә булырга теләүчеләр киләләр. Сораулар булса, татарча да өйрәтә алам. Минем әле ике тренерым бар. Без сентябрьдән өч тренер белән берләшеп эшли башлаячакбыз. Анда инде латин-американ биюләре, станок янында классик күнегүләр, стрип классика көтелә.

– Тиздән синең Болгарда клип төшереп шау-шу чыгуга ике ел була, ул синең туган көнгә дә туры килә бугай?

– 16 сентябрьдә 32 яшемне тутырачакмын. Мин бит ул клипны туган көнемә презентация ясау максатыннан төшергән идем. Ләкин ахыры башкача килеп чыкты.

– Ике ел тынлыкта булганнан соң бу вакыйганы ничек бәялисең, нинди нәтиҗәләргә килдең?

– Аның ахыры болай тәмамланасы түгел иде. Мин аңа финанс һәм мораль яктан күп көчемне бирдем. Нәфкать Нигъмәтуллин, Зөфәр Хәйретдинов, Рамил Миндияр, Рәсим Низамов – бөтенесенең концертларында эшләп чыккан кеше буларак шушы клипның төп мәгънәсе – мине биюче дип белгән кешеләргә җырчы буларак ачылу теләге. Клип шулай эшләнде дә, ләкин төшерү урыны дөрес булмаган. Киемнән дә кыенсынмыйм, чөнки мин шәрык биюе белән 15 елга якын шөгыльләнәм. Гарәп биюенә татар киеме киеп чыга алмыйм. Аның киеме шундый.

– Ул вакытта синнән Татарстанның тикшерү органнары сораштыру алды. Синең белән ничек сөйләштеләр? Аңлап карадылармы яки киресенчә, дорфа булдылармы?

– Беренчедән, аларның ачыклык кертәселәре килгән иде. Шулай итеп, ул федераль дәрәҗәгә менеп җитте. Мин аны зур сынау итеп кабул иттем. Ләкин аңа протест белән бармадым, гафу үтендем. Кызганыч, клип алдыннан әнигә инсульт булды. Бу вакыйганы ул белмичә калды. Презентациягә ике атна алдан клип әзер дә түгел иде әле, кеше инде инсультның сәбәбен клипка бәйләп калдырды.

– Ул вакыттагы Татарстанның мәдәният министры белән үзең сөйләшкән идеңме?

– Ул (элекке мәдәният министры Айрат Сибагатуллин) үз урынында түгел иде. Аның урынбасары Эльвира ханым белән сөйләштем. Мин үз-үземә эшлим һәм бернинди филармониягә, дәүләт оешмаларына катнашым юк. Мәдәният министрылыгы белән бик күп сабантуйларга да йөрдем. Шәрык биюләрен генә биемим, татар халык, һинд биюләре белән дә шөгыльләнәм.

Аларның ачыклык кертәсе килде, билгеле. Чөнки аларга минем турында оятсыз җырчы кәгазь болгады дип әйткәннәр. Алар миңа, без сиңа кәгазь бирмәдек, диделәр. Ә миннән аны сораучы да булмады. Анда имам да стриптиз биеде дип әйткән. Андый нәрсә булмады, Сәетҗәгъфар Лотфуллин белән дә элемтәгә кереп карадым, ул аралашырга теләмәде.

– Муллалардан тыш, башкалар тарафыннан мораль һәм психологик басым ясаучы булдымы?

– Иң куркынычы – Вконтакте аша негатив язучылар булды. Бер көн яулыгын киеп, икенче көнне салып куя торган кешеләр дә язгандыр дип уйлыйм. “Без сине табабыз!” дип зыян салу теләге белән дә янадылар.

– Ул вакытта яныңда кемнәр булды, кемнәр теләктәшлек күрсәтте?

– Яклаучы булды дип әйтмәс идем. Җырчылар, юристлар да шалтыратты. Мөфти Камил хәзрәт Самигуллин белән матур итеп татарча сөйләштек. Аның белән сөйләшүдән соң, күңел тынычлыгы таптым. Ул вакытта, чыннан да, күзәтү, тикшерү комитетлары, генераллар лекция укыдылар. Күбесе белән шулай таныштык.

– Хәзер концертыңа килерләрме соң инде?

– Килерләр дип уйлыйм. Ул вакытта чакыру халәтендә булмасам да, хәзер чакырыр идем.

– Шау-шулы вакытта концертың филармония җитәкчелеге белән килешеп кичектерелде дип аңладык. Якын арада башкалада синең концертны карап булачакмы?

– Бу елның көзендә Казанда үземнең тәүге концертымны эшләячәкмен. Ул минем бик кызыклы булачак. Чөнки Татарстанда беренче татарча-шәрык мюзиклы куелачак. Аны без ун елдан артык бергә эшләгән артислар белән башкарып чыгачакбыз. Концертның бер бүлеге – тулаем татарча, икенче өлеше шәрык биюеннән торачак.

Азатлык радиосы язмасы (чит ил агентлыгы)

Фото: соцсети

Запись Резедә Ганиуллина Болгарда клип төшергәннән соң булган иң куркынычын әйтә впервые появилась Tatar Today - татар яңалыклары..

Әлбәттә, бу бик мөһим һәм урынлы сорау. Аллаһының рәхмәте яусын сезгә.

Иң элек, Болгар җирләренә килгәндә, бу безнең тарихыбыз, ата-бабаларыбыз, халкыбызның мәҗүсилек караңгылыгыннан чыгып, хакыйкый иман нурына кайткан җирләребездер. Аллаһка шөкер, ислам дине безнең бабаларыбызга кылыч белән, кан түгеп килмәгән. Туксанынчы елларда кайбер гарәп һәм төрек илләреннән дин дәгъватчеләре килеп, безне мәчетләргә өнди башлагач, кайберәүләр: “безгә гарәп-төрек дине кирәкми”, – диделәр. Шөкер, бу дин белән әби-бабаларыбыз мең елдан артык вакыт яшәгән, алар социализмны да, Ленин бабайны да белмәгән. Әмма, бисмилла, фатиха, намаз белән яшәгәннәр. Шуңа күрә, традиция, гореф-гадәт дигән төшенчәләргә килгәндә, безнең халык өчен дин тәгълиматеннән дә борынгырак, төплерәк традиция булырга мөмкин түгел.

Икенче яктан, Болгар җирләренә дини изгелек бирергә тырышып, аны хаҗ кылуга тиңләргә тырышулар, ул җирләрнең аерым гыйбадәтләрен булдырулар зур хата булып тора. Һәркемнең күңеле өчен ата-бабасы яшәгән җир, туган авыл, үскән нигез изге булып торса да, аңа дини изгелек бирү дөрес түгел. Чөнки, диндә Аллаһы Тәгалә Үзе изге дип билгеләгән нәрсә (урын) генә изге була ала. Әлбәттә, һәр өлкәнең, авылның нәрсәсе беләндер башкалардан аерылып торасы, өстен һәм изге буласы килә. Шуңа күрә, кешеләр авыл янәшәсендәге чишмәләрне изгеләштерергә, кайбер дин әһелләре җирләнгән каберләрдән гыйбадәт урыны ясарга яраталар. Гадәттә, әлеге күренешләрдән җирле җитәкчеләр, сәүдәгәрләр дә файдаланырга онытмый. Җирдән чыккан һәр су безнең өчен Аллаһыдан килгән кадерле нигъмәт. Бервакыт, яңгыр тамчылары төшә башлагач, пәйгамбәребез бер яктан җилкәсен ача һәм: “Бу тамчыларны безгә Раббыбыз җибәрә”, – дип әйтә. Әмма, бу ул суларны изгеләштереп, аларга Аллаһы бирмәгән сыйфатлар бирүгә сәбәп булмый. Ибраһим пәйгамбәр заманыннан Кәгъбәтуллаһ астыннан чыккан зәм-зәм суы да, әгәр аның изге булуы Коръән һәм хәдисләрдә искә алынмаса, изге саналмас иде.

Пәйгамбәр үзе “зәм-зәм суында авырулардан шифа бар” димәсә, ул судан шифа эзләү дөрес булмас иде. Гомәр ибн Хаттаб кара ташны үпкәндә: “Әгәр сине Аллаһының илчесе үпмәсә, мин үпмәс идем. Чөнки, син барыбер таш кына”, – дигән.

Шуңа күрә, Болгар җирләрендәге ташлардан бәхет эзләү, алар тирәли әйләнүләр, аларны сыпырып дога кылулар, тишек-тошыкларына тимер акчалар тутырып, соңыннан авырулардан шифа, бәла-казалардан котылу көтсәң, Раббым сакласын, зур гөнаһка чумасың. Шушы Болгар җирләрендә бит, бабаларыбыз утка, кояшка, ташларга табыну кебек хорафатлардан арынып, бер Аллаһыга гыйбадәт кылу юлына кайтканнар. Без ул җирләрне яңадан мәҗүсилеккә кайту урыны ясарга тиеш түгелбез.

Әлбәттә, Болгар җире күңелендә татарлыгы, мөселманлыгы булган кешеләр өчен кадерле. Әмма, Болгардан хаҗ урыннары, башка нигезсез гыйбадәт урыннары ясаганда дин тоткан кешеләр, киресенчә, кача башлаячаклар. Шул сәбәптән дә, күп кенә яшьләребез ул җирләргә бармый. Шуңа күрә, Болгарны тарихи урыннарыбыз буларак хөрмәт итик. Диндә булмаган бидгать эшләр кылулар, мәҗүсилек гадәтләреннән сакларга тиешбез. Әлеге бурыч, иң элек шушы чараларны оештыручыларның һәм дин әһелләренең өстенә төшә.

Нишләптер, кешеләр ярдәмне бер Аллаһыдан сорыйсы урында, үзләрен дә саклый алмаучы ташлардан, агачлардан өмет итәләр. Һәр нәрсәне Ишетүче, Күрүче, Кодрәте чиксез булган Аллаһны онытып, ишетмәүче, күрмәүче һәм һичнәрсәгә кодрәте булмаган ташлар, агачлар белән сөйләшәләр. Бу бит акылга сыймый: йөзләгән гомо-сапиенслар бер мәйданга җыелып, телевидение, матбугат чакырып, акылы булмаган куяннарны, дуңгызларны, ташбакаларны, сигезаякларны чыгаралар һәм шулар киләчәкне сөйли, дип ышаналар. Аннан телевидение, интернеттан шуны миллионлаган кешеләр мөкиббән китеп карыйлар. Билләһи, ул хайваннарның акылы булып, алар тирәсенә ни сәбәпле шулкадәр кеше җыелганны аңласалар, алар йә кычкырып көләрләр иде, йә “акыл иясе” исемен йөртүчеләрнең шул хәлгә төшүләрен күреп, оялып үләрләр иде.

Автор: Зилә МӨБӘРӘКШИНА
Фото: Рамил Гали, Интертат

Запись Изге Болгардагы ташлардан бәхет, сәламәтлек теләү дөресме? Йосыф хәзрәт Дәүләтшин аңлатмасы впервые появилась Tatar Today - татар яңалыклары..

Башта Рөстәм Миңнеханов, Михаил Бабич һәм башка мәртәбәле кунаклар  «Кол Гали» кунакханә комплексын карап чыктылар һәм төзелеш эшләренең барышы белән таныштылар. Искәртәбез, объект 2015 елда төзелә башлаган. Комплекс Болгар шәһәренең тарихи валыннан читтә Идел ярында урнашкан. Кунакханә 300гә кадәр кешене кабул итә алачак. 

Татарстан Республикасы Президентына хәбәр ителгәнчә, бүген объектта  вентиляция системасы кору, янәшәдәге территорияне төзекләндерү, килү юлларын салу, ачык бассейнны кору, канализация системаларын монтажлау эшләре, гомуми эчке эшләр бара. Төзелеш 2018 елга тәмамланырга тиеш. 

Аннары Болгар ислам академиясе бинасы каршында мәгариф учреждениесен ачу тантанасы узды. Иң беренче итеп Россия Федерациясе Президентының Идел буе федераль округындагы Тулы вәкаләтле вәкиле Михаил Бабич сүз алды. Ул Россия Федерациясе Президенты Владимир Путинның сәламләү телеграммасын укыды. 

Чыгышында Михаил Бабич билгеләп үткәнчә, академия булдыру ислам белем бирү системасының өч баскычын тулаем формалаштырырга ярдәм итә: мәдрәсә – югары уку йорты- академия. Әлегә кадәр илебездә мондый тулы система юк иде. Хәзер исә, Россия Федерациясе Президентының Идел буе федераль округындагы Тулы вәкаләтле вәкиле сүзләренчә, Россия мөселманнары чит илләргә бармыйча да тулы белем ала алаячаклар.   

«Академияне ачу ислам урта һәм югары белеменең бердәм стандартларын формалаштыруга уңай йогынты ясаячак, – диде Михаил Бабич. – Академиянең төп бурычларыннан берсе – гомумроссия ислам дине гыйлеме мәйданчыгы булдыру». 

Танатанада катнашучыларны Изге Болгар җирендә сәламләп, Рөстәм Миңнеханов Россия Федерациясе Президенты Владимир Путинга   академияне булдыруда төрле яклап күрсәткән ярдәме өчен рәхмәт белдерде. Ул билгеләп үткәнчә, мәгариф учреждениесен ачу Корбан гаетен бәйрәм итү көннәрендә уза һәм барысын да бәйрәм белән котлады.    

«Академияне ачу – Татарстан өчен дә, тулаем Россия өчен дә, шулай ук бөтен мөселман дөньясы өчен дә тарихи вакыйга. Монда, Болгар җирендә, 11 гасырга якын элек ата-бабаларыбыз ислам кабул иткән. Шул дәвер эчендә халкыбыз, Аллаһка иманлы булып һәм гореф-гадәтләргә тугры калып, данлыклы һәм катлаулы юл узган. Күп гасырлар буена Болгар мәшһүр дин галимнәре урыны булган. Аның үзәгендә Ислам академиясе ачып, без элеккеге шанлы бөеклекне яңартабыз», – диде Татарстан Президенты. 

Рөстәм Миңнеханов хәбәр иткәнчә, академия бинасы мөмкин кадәр кыска срокларда төзелде. Үткән елның маенда беренче нигез ташы салынса, бүген исә ул беренче укучыларын кабул итә. «Шуңа бәйле рәвештә Татарстанның беренче Президенты Минтимер Шәрип улы Шәймиевка, хәйриячеләргә һәм бу олы эшкә өлеш керткән һәр кешегә аерым рәхмәтләребезне җиткерәсем килә. Проектны финанслашуда актив катнашкан Алишер Усмановка да олы рәхмәтләребез», – диде ТР Президенты. 

«Ышанам, Болгар академиясе иң алдынгы фәнни-мәгариф һәм рухи-мәгърифәт үзәкләренең, шулай ук традицион ислам кыйммәтләрен ныклы һәм эзлекле таратучыларның берсенә әверелер», – дип белдерде Рөстәм Миңнеханов. 

Россия мөселманнары өчен Борынгы Болгар изге урын булып тора, диде  Минтимер Шәймиев, бу – хәзерге Россия Федерациясе территориясендә исламны ирекле рәвештә кабул иткән урын. Болгар һәрвакыт күренекле галимнәрне үзенә җәлеп итеп торды һәм классик Хәнәфи мәзхәбенең танылган дин гыйлеме үзәге, шулай ук Каһирә, Истанбул, Баһдад, Сәмәрканд белән беррәттән үз заманының танылган интеллектуаль үзәкләреннән берсе булды. 

«Болгар ислам академиясе мөселман җәмгыятенең бердәмлеген, илебездә тынычлык һәм татулык сакларга, ата-бабаларыбызның бай дини гыйлемен һәм рухи гореф-гадәтләрен торгызырга тиеш булачак. Монда илебез мөселманнары җәмгыятенең интеллектуаль элитасы: ислам гыйлеме магистрлары һәм докторлары әзерләнәчәк», – диде Татарстан Республикасы Дәүләт Киңәшчесе.  

Аннары Федераль милләтләр эше агентлыгы җитәкчесе Игорь Баринов чыгыш ясады.       

Шулай ук тантана кысаларында Төньяк Кавказ мөселманнарының Координацион үзәге рәисе Исмаил хаҗи Бердиев Татарстан Республикасы Президенты Рөстәм Миңнехановка һәм Татарстан Республикасы Дәүләт киңәшчесе Минтимер Шәймиевка «Төньяк Кавказ дини җәмгыяте алдындагы казанышлары» орденын тапшырды. 

Төзүчеләр мәгариф учреждениесе җитәкчелегенә тантаналы рәвештә символик ачкыч тапшырганнан соң чарада катнашучылар академиянең актлар залына керделәр. Монда Болгар ислам академиясе ректоры Рәфыйк Мөхәммәтшин яңа уку йортының белем бирү системасы һәм киләчәккә планнары турында сөйләде.   

ТР Президенты Матбугат хезмәте, Булат Низамиев.

Запись Рөстәм Миңнеханов:  «Болгар ислам академиясе илебездә тынычлык һәм татулык сакларга тиеш булачак» [фото] впервые появилась Tatar Today - татар яңалыклары..

Гадәттә, Казанны Россиянең өченче туристлык башкаласы диләр. Ләкин аннан тыш та республикабызда Алабуга, Болгар, Зөя утрау-шәһәрчеге, Чистай кебек популяр туристлык үзәкләре бар бит әле. Сәяхәтләр сезоны ачылган вакытта бу үзәкләрнең берсе – Болгар шәһәрен “сынап” карадык. //Шәһри Казан//

Алисә Сабирова

Запись Быел Изге Болгарны карар өчен күпме акча кирәк? [журналист барып кайта] впервые появилась Tatar Today - татар яңалыклары..

17 февральдә Татар конгрессының Казан бүлеге чарасының башкаладагы музыка мәктәпләренең берсендә үтүе очраклы түгел. Утырышның активистлары фикеренчә, үз телеңә мәхәббәт, милли рух булдыру балалардан башлана. Бер яктан татар конгрессы мәктәп тормышын күрә, сәләтле балаларның чыгышларын карый. Икенчедән, яңа буын милли җанлы шәхесләрне үзләрендә күрә, татар телле булып та зур кеше булуына ышанычлары арта.

“Казан татарлар өчен үзәк, Мәккә. Шуңа күрә, Казанда яшәгән татарлар якташлары, Татарстанның башка районнарында яшәгән татарлар белән бергәләшеп эшләгәндә конгресс алдында куелган план да, һичшиксез, үтәләчәк. Бер-берсенә ярдәм итәргә, халыкка үзебезнең сәнгати, мәдәни, милләт йөзен дөньяга танытырга өйрәтү, җиткерү Казан татарлары эше дип уйлыйм”, ди Фәрит Мифтахов.

Монда килгән милли җанлы татарларның максаты – еллык эшкә нәтиҗәләр ясау, татар теленең кулланылышын, яшьләрнең туган телен белү сыйфатын тагын да үстерү, татар халкына хас булган гореф-гадәтләрне саклау, дөньядагы татарларны берләштерү иде. Шулай ук яңа елда эшләнәсе эшләрнең комплекслы программын карау, утырышта катнашучылар белән фикер алышу да булды.

Мөхтәрәм кунаклар арасында ЮНЕСКОның дөнья мәдәнияте институты ректоры, галим Энгел Таһиров, Бөтендөнья татар конгрессы рәисе урынбасары Марс Тукаев, Татарстан муниципаль берәмлекләре шурасының сәркатибе урынбасары Лилия Фәррәхова, “Казан нуры” халыкара фестивале җитәкчесе Иркә Мусина, Казанның балалар хор музыкасы мәктәбе директоры Евгений Кубышкин,  Апас, Кайбыч, Норлат,Тәтеш, Арча районнарының якташлар җәмгыяте җитәкчеләре бар иде. 

“Бүген Бөтендөнья татар конгрессы башкарма комитетында әгъза булып торган иҗтимагый оешмалар саны 500 якын. Бу Русия һәм чит илдә татарларны берләштергән оешмалар. Татарстанның һәрбер районында, Казанда җирлек бүлекчәләребез бар. 2017 елга эш планына кергән чаралар: март аенда Бөтенрәсәй татар авыллары эшмәкәрләре җыены, Бөтенрәсәй татар төбәк тарихын өйрәнүчеләр съезды, апрель аенда Бөтендөнья татар хатын-кызлары форумы узачак”, дип  сөйләде Бөтендөнья татар конгрессы рәисе урынбасары Марс Тукаев. Ул 2011 елдан бирле Бөтенрәсәй күләмендә федераль Сабантуйлар үткәрелүен искә алып үтте. Бу елны иң дәрәҗәле Сабантуй 12-13 майда Әстерхан шәһәрендә уздырылачак икән. 

Фәрит Мифтахов белдергәнчә, яшьләр өчен күп кенә бәйге, фестивальләрне халыкара дәрәҗәдә үткәрергә планлаштыралар. Шундыйлардан: “Яз гүзәле” конкурсы, олылар белән эшләүгә зур игътибар биргән “Ак яулыклы дәү әни” бәйгесе, 23 февраль, 8 Март, Җиңү көне кебек бәйрәмнәрнең зуррак масштабта, бөтен асылын күрсәтеп уздырасы иде, ди Фәрит әфәнде.

күмәк фото

Утырышка йомгак ясап чыгыш ясаган Дөньякүләм мәдәният институты ректоры (ЮНЕСКО) Энгель Таһиров утырышта җыелучыларга системалы эш итәргә киңәш бирде.

“Татарстанның районнарын, авылларын күтәрергә, мәктәпләрен ныгытырга, яшь хезмәткәрләрне авылларга кайтартырга, экологияне яхшыртырга зур көч кирәк. Бүген экология дигәндә, технологик мәсьәләдән тыш, кешенең эчтәлеге, мәдәнияте, дөньясы турында да сүз алып барыла. Без моны аңлап, мәдәниятнең нигезен һәм экологик карашын дөрес табарга тиеш. Бу татар халкыбызны, республикабызны алга атларга этәрә торган максатларны билгеләүдә зур роль уйный. Татарстанның дөнья күләмендә әһәмияте бик зур. Безгә шуны аңлау мөһим”, диде галим.  

Запись Фәрит Мифтахов: “Дин һәм тел булганда безнең киләчәгебез булыр”. Мөһим утырыш впервые появилась Tatar Today - татар яңалыклары..

“ТАТАРКА – АЛТЫН” клибы

Видеоблогер Ирина Смелаяның бу беренче клибы. Тумышы белән ул Чаллыдан. Ирина «Татарские будни» блогын алып баручы буларак танылган. “Алтын” клибы белән җырчы ике-өч көн эчендә миллионнан артык караучы җыйды. «Little Big» концертында  беренче тапкыр халык алдында чыгыш ясаганнан соң, гомумән, хитка әверелде. Бүгенге көнгә, “Алтын” ны 7 миллионлап кеше караган.

Бауманда берничә минут һәм 4,6 миллион караучы

Иң күп караучылар исемлегенең икенче урынында «Злачное место» ансамбле музыкантлары һәм Бөтенроссия, халыкара конкурсларының лауреты, “Black Jack” төркеменең вокалчысы Диләрә Умарова Бауманда берничә минутлык концерт куйганнар. Яннарына үтеп барышлый тыңларга туктаган журналист аларга “Такого, как Путин” җырына уйнарга тәкъдим иткән. Ансамбль бер дә уйлап тормыйча җырлап, уйнап кешене шаккаттырган. Иң мөһиме, бу концерт Россия президенты килергә берничә көн кала куелган.

Видеороликны берничә көн эчендә 1,5 миллион кеше караган, ә ел ахырына кадәр бу видео 4,6 миллион караучыны җыйган.

Ак мәчет янында төшерелгән клип

Хәтерлисезме, үзенең ВКонтакте челтәрендәге сәхифәсенә җырчы Резедә Ганиуллинаның Болгардагы Ак мәчет янында җиңелчә генә киенеп “Җаным” дигән клибын урнаштырган иде. Казанның Кабан арты мәчете имам-хатыйбы Сәетҗәгъфәр хәзрәт Лотфуллин бу клипны тәнкыйтьләп чыкты һәм аңардан тизрәк тәүбәгә килүне, бу видеоны социал челтәрләрдән алып атуны таләп итә. Сүз уңаеннан, ул Ганиуллинаны “стриптизерша” дип тә атап китә.

Җырчы бу клипны тиз арада алып ташлаганы өчен, бүгенге көндә объектив рәвештә караучылар санын әйтеп булмый. Ләкин ул интернетның кайбер каналларында барыбер калды. Караучылар саны 500 гә якын.

Запись Видеоблогерларны миллионер ясаган елның иң шау-шулы клиплары: “Алабута”, “Татарка”, Болгардагы “Җаным” [видео] впервые появилась Tatar Today - татар яңалыклары..