Архивы Буа районы - Tatar Today - татар яңалыклары.

Буа районында коточкыч фаҗига: өч бала белән әниләренең гомере куркыныч астында була

Alfia — Sun, 25 Aug 2019 08:58:03 +0000

Буа районында янгын турында хәбәр бирүче җайланма өч бала белән әниләренең гомерен саклап калган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«25 август 1.55 сәгатьтә Никольские Сороки авылында йорт януы турында хәбәр килде. Ут бөтен йортны колачлап алган һәм якын-тирәдә торган сарайга күчү куркынычы булган», – дип сөйләделәр Гадәттән тыш хәлләр министрлыгында.

Ярты сәгатьтән соң 84 квадрат метр мәйданда янгын тулысынча сүндерелде. Башлангыч фараз буенча, янгын сәбәбе булып, электр җиһазларыннан файдалану кагыйдәләре бозылу тора.

Мәгълүмат: tatar-inform.tatar

Запись Буа районында коточкыч фаҗига: өч бала белән әниләренең гомере куркыныч астында була впервые появилась Tatar Today - татар яңалыклары..

Буа районында яшь егет суга баткан [фото]

Редактор1 editor1 — Mon, 01 Aug 2016 09:00:27 +0000

Буа районында 1993 елгы егет дуслары белән ял иткәндә батып үлә.

30 июльдә көндезге сәгать дүртләр тирәсендә Мөкерле авылы янындагы күлдә 1993 елгы егет батып үлә.

Әлеге егет дуслары белән су коенырга килгән була. Барлыгы 5 кеше була. Егет ярдан 6-7 метр ераклыкка йөзеп китә һәм суга чума, әмма кире чыкмый. Дуслары егеткә ярдәм итәргә теләсә дә, аны таба алмый.

Ваҗига урынына тиз арада коткаручылар килеп җитә һәм сәгать бишләр тирәсендә егетнең үле гәүдәсен таба. Тикшерүчеләр сүзләренчә, егет исерек булган. Әлеге урында су коенырга да ярамаган.

Запись Буа районында яшь егет суга баткан [фото] впервые появилась Tatar Today - татар яңалыклары..

Буа районында кыз баланың ничек батып үлгәне билгеле булды [фото]

Редактор1 editor1 — Wed, 20 Jul 2016 13:10:51 +0000

Фаҗига 16 июльдә, Буа районы Яшевка авылы янындагы буада булган иде. Абыйсы белән су коенганда 10 яшьлек кыз бала батып үлде.

Фаҗига буласы көнне кыз үзенең 24 яшьлек үги абыйсы белән буада су коена. Кыз бала кабартылган автомобиль камерасында йөзә. Су коенган вакытта әлеге камера буа уртасына йөзеп кереп китә. Абый кеше аның артыннан йөзә, ә кыз яр буенда йөзеп кала.

Яшь егет сулык уртасына кереп җиткәндә, сеңлесенең ярдәм сорап кычкырган тавышын ишетә. Аны коткарырга йөзгән вакытта астан бәреп утырган чишмә суына эләгү сәбәпле, аягын көзән җыера. Үзе дә бата башлый.

Аларга ярдәмгә якында гына печән әйләндерүче бер ир-ат белән хатын-кыз килә. Булышырга узып баручы автомобиль хуҗасын да дәшәләр. Суга сикергән ир-атлар егетне генә коткарып кала, ә кызны таба алмыйлар. Аның үле гәүдәсен коткаручылар ярга чыгара.

Аңында булмаган егетне хастаханәгә озаталар. Шунысы игътибарга лаек: ярда су коенуның рөхсәт ителмәвен искәрткән билге дә булган.

Интертат

Запись Буа районында кыз баланың ничек батып үлгәне билгеле булды [фото] впервые появилась Tatar Today - татар яңалыклары..