Архивы Чара - Tatar Today - татар яңалыклары.

“Мин татарча сөйләшәм” концертында катнашучы йолдызлар исемлеге билгеле [видео]

Гузель — Wed, 26 Apr 2017 07:17:14 +0000

26 апрель Казанда “Мин татарча сөйләшәм” чарасының гала-концерты уза. Азатлык анда катнашачак башкаручылар белән таныштыра.

Танылган музыкантлар һәм төркемнәрдән тыш чарада яшь башкаручылар да катнаша. Чараның максатларыннан берсе нәкъ яшь, кызыклы җырчыларны һәм музыкантларны табу һәм таныту. Яшьрәк башкаручыларны бәйге нәтиҗәсендә сайладылар: Аделя Заһидуллина, Рамилә Галәветдинова, Радик Мусин.

Аделя Заһидуллина – Петербурдан кайтып биредә Abadeli исемле төркем оештырган яшь җырчы. Сәхнәдә композитор Миләүшә Хәйруллина белән бергә чыгыш ясаячак. Аделя интернет аудиториясенә “Грибы – Тает лед” хитына ясаган татарча каверы белән танылды.

Бәйгедә аның белән тамашачы тавышлары өчен көрәш алып барган Рамилә Галәветдинова – классикага тартылучы яшь башкаручы. Мисал өчен, аның репертуарында Эльмир Низамов көенә һәм Ренат Харис сүзләренә язылган җыр бар.

Радик Мусин – шулай ук Петербурдан кайткан рәссам. Аның Сергей Шнуров белән уртак проектлары булган. Музыкада Мусин блюзга тартыла. Казанда ул Oscar c7c5 төркеме җырчылары белән чыгыш ясаячак.

Инди-рокер Рәдиф Кашапов үз чыгышында майда чыгачак альбомыннан кайбер җырларын тәкъдим итәчәк. “Әссәләмү галәйкем”, “Велосипедлар” кебек хитлары да яңгырамый калмас.

Oscar c7c5 төркемен “татарча инди-рок” дип игълан итәргә яраталар, гәрчә аның музыкасы күбрәк Мумий Троль сыман рус рок-музыкасына тартым. Оскар майда чыгачак альбомындагы җырлары белән таныштырачак.

Yummy Music Band (K-Ru, Ittifaq, Илгиз Шәйхразиев) яңа такым белән чыгыш ясый. Төркемгә Фәрхәт һәм Фәрхәд проектыннан танылган алып баручы, музыкант, грув-бокс остасы Ислам Вәлиев кушылды.

Yummy Music лейблы резиденты Зәрина Вилданова яңа төркем – The CheekLaWeek белән чыгыш ясаячак. Ул да майда яңа җырлар чыгара.

Juna соңгы вакытта татар гына түгел, рус телле интернет аудиториясендә дә киң танылып киткән инди-фолк проект. Күбесенчә кызлардан торган төркем Азат Миргаязов белән бергә иҗат ителгән яңа җыр башкарачак. Рус телле тыңлаучы вокалист кызның көчле акцентын сизмәскә һәм игътибар итмәскә мөмкин, ләкин 26 апрельдә төркемне меңләрчә татар тыңлаячак. Акцентны шомарту эше алып барылганмы? Күрербез.

Һәм дә Al’tan – хәзерге вакытта актив иҗат итүче рэп-төркем.

Запись “Мин татарча сөйләшәм” концертында катнашучы йолдызлар исемлеге билгеле [видео] впервые появилась Tatar Today - татар яңалыклары..

Гүзәл Уразованың яңа клибында көтелмәгән хәл: геройга куркыныч янап, шәраб бөкесе шартлый

Редактор1 editor1 — Mon, 09 Jan 2017 11:12:24 +0000

8нче гыйнварда җырчы Гүзәл Уразованың “Синең белән минем сөю” җырына клибы дөнья күргәнен ишеттек. Ә менә аны төшергәндә килеп чыккан кызыклы хәлне әле белмисездер. //Tatar Today//

View this post on Instagram

A post shared by Гузель Уразова певица (@guzelurazova)

Клип махсус Уразованың 35 яшьлек юбилей уңаеннан нәкъ тә шушы көнне чыгарылды. Баш геройлар Нияз һәм Зиләне сайлап алыр өчен дә, 500дән артык катнашырга теләүче каралган. Клипның кунагы “Чара” кушаматлы эт, көтмәгәндә, уйламаганда шулай ук, төп каһарман була, хәтта иң кирәкле һәм мөһим герой дип әйтсәк дә ярыйдыр.

Зилә белән Нияз бәхетле һәм гүзәл бер гаилә. Ләкин аларның тормышын әлегә кара козгындай болыт каплаган. Алар бер-берсен сагыналар, тормыш мизгелләрен искә төшерәләр.

Менә шул искә алуларның берсендә төшерелгән өзек кызык тудыра да инде. Ул һич көтелмәгән була.

Нияз белән Зилә ресторанда, романтик мөхиттә, шәраб эчеп, ашап утыралар икән.

Кинәт, Нияз шампан шәрабын ачканда бөкесен каты итепме, дөрес түгел ачып Зиләнең күзенә эләгә яза. Бер яктан шушы вакытта кызның йөз хәрәкәте, ишарәләре кызык уятса, башкача караганда аның өчен куркыныч булып куя. Әздән генә коточкыч хәл булмый калмый бит.

Юморга борып, клип төшерүче: “Менә бу ичмасам кадр! Болай булмаса, әле алай ук кызык та булмас иде”, дип өсти.

Запись Гүзәл Уразованың яңа клибында көтелмәгән хәл: геройга куркыныч янап, шәраб бөкесе шартлый впервые появилась Tatar Today - татар яңалыклары..

Гүзәл Уразованың 35 яшьлек юбилее уңаеннан өр яңа клип [артист тормышы]

Редактор1 editor1 — Sun, 08 Jan 2017 12:05:23 +0000

8 гыйнвар көнне Татарстанның атказанган артисты җырчы Гүзәл Уразова туган көнен билгеләп үтә. Гүзәл өчен бу туган көн аеруча истәлекле. Беренчедән, аның юбилее – 35 яшьлеге! Икенчедән, туган көне истәлегенә атап чыгарылган клип та шушы көнне дөнья күрде. //Tatar Today//

Клип “Синең белән минем сөю” җырына төшерелгән. Ләкин баш геройлары Гүзәл Уразова һәм Илдар Хәкимов түгел, ә Нияз һәм Зилә исемле яшь пар. Ул гына да түгел, клип төшерүдә бик теләп катнашкан “Чара” кушаматлы эт тә бар.

Видеога зур тормыш мәгънәсе салынган. Нияз белән Зилә өйләнешкән булуларына карамастан, бер-берсе белән талашта, ачу саклап яшиләр. Ләкин геройлар сагыну хисе белән кичергән бәхетле мизгелләрне искә алалар.

“Синең белән минем сөю бәйләнгән бер төенгә”, дип җырлый Гүзәл. Геройлар да аның сүзләрен исбат иткән кебек, мәхәббәтләре әле дә барын аңлыйлар. Аларны дуслаштыручы, кавыштыручы дүрт аяклы дуслары – “Чара” эте. Клип бәхетле, матур парның янәдән бергә булулары белән тәмамлана.

Сүз уңаеннан, Гүзәл Уразованы туган көне белән тәбрик итәбез! Татар тудей сайты җырчыга корычтай сәламәтлек, бәхет-шатлыклар, гаилә иминлеге, иҗади үсешләр, яңа матур җырлар теләп кала!

Запись Гүзәл Уразованың 35 яшьлек юбилее уңаеннан өр яңа клип [артист тормышы] впервые появилась Tatar Today - татар яңалыклары..

Уразованың яңа клибында баш герой кеше түгел, хайван булачак [клипка тизер]

Редактор1 editor1 — Thu, 29 Dec 2016 12:41:57 +0000

Җырчы Гүзәл Уразованың тиздән туган көне. Төгәлрәк булсак, 8нче гыйнвар көнне туган ул. Нәкъ шушы көнне ул үзенә һәм тамашачыларына бүләк итеп, “Синең белән минем сөю” җырына көтеп алган клибын чыгарачак. //Tatar Today//

Бу клипны төшерү кастинглары инде җәй башында ук булган иде. Гүзәл белән Илдар клипта катнашырга теләгәннәр арасыннан баш геройлар итеп Нияз белән Зиләне сайлаган. Барлыгы теләүчеләр саны 500гә җитә ди.

“Уйлавымча, алар куелган максатны тиешенчә дәрәҗәдә башкарып чыга алдылар. Иң кызыгы шул, кастингсыз гына клипны төшерү мәйданына “Чара” кушаматлы эт тә килеп эләккән. Ул искитмәле! Без аны шунда ук актер булып алдык. Режиссерлар барысы да бер тавыштан: “Безнең әле мондый герой булганы юк иде. Тыңлаучан, акыллы, рольгә керә белә торган, геройлар сценарий буенча талашканда да, аларны дуслаштыра алган эт” дип әйттеләр, үзем дә яраттым ул этне”, дип яза Гүзәл.

View this post on Instagram

A post shared by Гузель Уразова певица (@guzelurazova)

Димәк, тиздән, 8нче гыйнварда Уразовадан яңа клип тәкъдим ителәчәк. Әлегә клипның тизерын булса да карап торыйк.

Запись Уразованың яңа клибында баш герой кеше түгел, хайван булачак [клипка тизер] впервые появилась Tatar Today - татар яңалыклары..