Архивы Челәбе - Tatar Today - татар яңалыклары.

Челәбедә ата кеше ялгыш кызларына кайнап торган су коя, нәтиҗәдә бер кыз җан бирә [булган хәл]

Редактор1 editor1 — Sat, 11 Mar 2017 06:02:55 +0000

Әлеге коточкыч хәл гыйнвар аенда булса да, хәзерге вакытка кадәр күп кешеләрне шаккатыра. Баласы булган кешеләр, гомумән, әлеге хәбәрне тыныч кына кабул итә алмыйдыр //Tatar Today//.

Telefakt.ru хәбәр иткәнчә, фаҗига 28 гыйнвар көнне Челәбедә була. 2 һәм 5 яшьлек ике кыз бала әниләре белән яшәсәләр дә, бу көнне әтиләрендә кунакта була. Бәлкем шуңадыр да, уйнап арыгач балалар идәндә үк йоклап китә. Күрәсең ата кеше дә аларны күчереп яткырырга уйламый. Шулай, йоклаган сабыйлар яныннан үткәндә, ир-атның кулыннан кайнар су салынган кәстрүл төшеп китә.

Сабыйлар көчле тән җәрәхатләре ала, икесе дә ашыгыч рәвештә хастаханәгә озатыла. Кызганыч, бер кызчык җан бирә. Ир-атка каршы ике җинаять эше ачылган, хәзерге вакытка кадәр тикшерү эшләре алып барыла.

Запись Челәбедә ата кеше ялгыш кызларына кайнап торган су коя, нәтиҗәдә бер кыз җан бирә [булган хәл] впервые появилась Tatar Today - татар яңалыклары..

“Татар кызы – 2016” бәйгесенең җиңүчесе – Эдельвейс Ихсанова

Редактор1 editor1 — Sun, 04 Sep 2016 03:45:55 +0000

Чиләбедә үткән “Татар кызы – 2016” бәйгесендә Башкортстан вәкиле Эдельвейс Ихсанова җиңүче дип табылды. Бәйгене Чиләбенең “1 өлкә” каналы туры эфирда трансляцияләде.

Эдельвейс Ихсанова : “Минем татар телен үстерәсем, аны таратасым килә. Безнең татар кызларына карап, үрнәк алсыннар иде, яшьләр телне онытмасын, кешеләр татарча аралашсын иде. Үзем аша телебезнең матурлыгын күрсәтәсем килә”, дигән иде. Ул шулай ук республика финалына үтүенең дә очраклы хәл булуын әйтте.

Ихсанова Эдельвейс Альберт кызына 18 яшь, ул Башкортстанның Федоров районы Юрматы авылында туган. Салават медицина колледжында “хирург” белгечлегенә укый.

Чиләбе өлкәсендә танылу алган “Татар кызы-2016” матурлык һәм сәләт бәйгесе 2011 елдан регионара дәрәҗәдә үткәрелә. Быел ул халыкара масштабта узды. Аның ярымфинал өлешенә 22, финалга исә 14 кыз чыкты. Алтын йөгертелгән таҗ өчен ярышучылар арасында Татарстан, Әстерхан, Ленинград, Томск, Төмән, Чиләбе өлкәләре, Татарстан, Башкортстан, Удмуртия, Крым Республикалары, Пермь, Ставрополь крайлары, Мәскәү һәм Латвия, Казахстан чибәрләре бар. Күчеп йөрүче таҗдан тыш, бәйге җиңүчесенә быел махсус приз – “Лада Priora” машинасы бүләк ителәчәге алдан ук игълан ителгән иде.

Киләсе елда бәйге Башкортстанда үткәреләчәк.

Татарстан вәкиле Эльвина Нәҗипова “Иң камил кыз” дип табылды. Бөтендөнья татар яшьләре форумы вәкилләре бәйгедән соң Эльвина белән төшкән фотоны социаль челтәрдәге аккаунтларына урнаштырганнар.

Татар-информ

Төп фото: rb7.ru

Запись “Татар кызы – 2016” бәйгесенең җиңүчесе – Эдельвейс Ихсанова впервые появилась Tatar Today - татар яңалыклары..

“Татар кызы – 2016” бәйгесендә җиңүче кыз нинди машина белән бүләкләнәчәк? [фото]

Редактор1 editor1 — Mon, 29 Aug 2016 17:02:17 +0000

Чиләбе өлкәсендә танылу алган “Татар кызы-2016” матурлык һәм сәләт бәйгесе быел халыкара масштабта узачак. Аның ярымфинал өлешенә 22 кыз, финалга исә 14 кыз чыккан.

Төп җиңүчене билгеләү 3 сентябрьдә Чиләбенең “Трактор” аренасында билгеләнгән. Бу хакта Бөтендөнья татар конгрессы башкарма комитеты рәисе Ринат Закиров матбугат очрашуында белдерде.

Алтын йөгертелгән таҗ өчен ярышучылар арасында Татарстан вәкиле Эльвина Нәҗиповадан тыш, Әстерхан, Ленинград, Томск, Төмән, Чиләбе өлкәләре, Татарстан, Башкортстан, Удмуртия, Крым Республикалары, Пермь, Ставрополь крайлары, Мәскәү һәм Латвия, Казахстан чибәрләре бар. Күчеп йөрүче таҗдан тыш, бәйге җиңүчесенә “Лада Priora” машинасы бүләк ителәчәк.

Конкурста катнашырга заявка бирүчеләр арасында Үзбәкстан, Төркия, Венгрия, Кыргызстан вәкилләре дә бар. Әмма алар ярымшиналга чыкмаган. Шулай да әлеге илләрдән бәйгедә катнашкан татар кызлары финалга кунак буларак чакырулы.

Чиләбе өлкәсе Татар конгрессы иҗтимагый оешмасы җитәкчесе, “Татар кызы” Бөтенрусия конкурсы оештыру комитеты рәисе Лена Колесникова хәбәр иткәнчә, бәйгенең бюджеты 10 млн сумнан артып китә. Монда Татарстан, Чиләбе бюджетыннан тыш, иганәчеләр өлеше дә бар.

Финал өлеше Чиләбенең 7 мең кеше сыйдырышлы боз сараенда узачак. Гадәттәгечә, оештыручылар тамашачыларны бу юлы да шаккатырырга ниятли. Алтынчы тапкыр уздырылган бәйгенең финал өлешендә спорт ярышлары моңа кадәр булмаса, хәзер тамашачылар катнашучыларның бу сәләтен дә күзәтә алачак.

Конкурс быел Габдулла Тукайның тууына 130 ел тулуга багышлана. Шуңа да финалда кызлар җыр һәм биюгә сәләтләрен күрсәтеп калмыйча, бөек шагыйрьнең шигырьләрен дә сәхнәдән яңгыратачак.

Моңа кадәр Чиләбе өлкәсендә генә уздырылган “Татар кызы” конкурсы моннан соң күчеп йөриячәге дә мәгълүм булды. 2017 елда, мисал өчен, бәйгене Башкортстанда үткәрергә планлаштыралар.

Татар-информ

Запись “Татар кызы – 2016” бәйгесендә җиңүче кыз нинди машина белән бүләкләнәчәк? [фото] впервые появилась Tatar Today - татар яңалыклары..

Челәбе егетләре, сазлыкта фотога төшеп интернетны шаулатты [фото]

Редактор1 editor1 — Tue, 02 Aug 2016 08:24:00 +0000

Абыйлы-энеле Челәбе егетләре гадәти булмаган фотосессия ясаган. Егет, костюм-чалбар киеп, сазлыкта фотога төшкән.

Әлеге фотолар Вконтакте социаль челтәренә урнаштырылып бар интернетны “шартлатты”. Укучы егетнең сазның уртасында парта артында утырган фотосы бик зур популярлык яулады. Әлеге рәсемнәрне күбесе “гениаль фотосессия” дип тә атарга өлгерде.

Запись Челәбе егетләре, сазлыкта фотога төшеп интернетны шаулатты [фото] впервые появилась Tatar Today - татар яңалыклары..

Челәбедә көтүе белән сыер урлаучыларга 1 миллион сум штраф яный

Редактор1 editor1 — Sun, 31 Jul 2016 08:15:00 +0000

Чиләбе өлкәсенең Красноармейский районында көтүдән 9 сыер урлаганнар.

28 июль көнне биш кеше сыер урларга дигән нияткә киләләр. Караңгы төшкәч, алар Петровский бистәсе янындагы болыннан 9 сыерны куып алып китәләр. Сыерларның хуҗасы – 31 яшьлек эшмәкәр полициягә хәбәр иткәч, җинаятьчеләр тоткарлана. Маллар иясенә кайтарыла. Урлаучыларның 3 туган һәм аларның 2 танышы булуы ачыклана. Хокук бозучыларның иң яшенә – 30, иң өлкәненә – 59 тулган. Аларның күбесе инде хөкем ителгән булган.

Русиянең Эчке эшләр министрлыгының Чиләбе өлкәсе буенча Дәүләт идарәсендә урланган малларның бәясе 700 мең сумга бәяләнүен әйткәннәр. Җинаять эше кузгатылган. Сыер урлаучыларга 1 миллион сумга кадәр штраф һәм 10 елга кадәр ирекләреннән мәхрүм итү яный.

Татар-информ

Запись Челәбедә көтүе белән сыер урлаучыларга 1 миллион сум штраф яный впервые появилась Tatar Today - татар яңалыклары..