Архивы Дакар - Tatar Today - татар яңалыклары.

“Чё вери? Нәрсә ди?!” – “Дакар”да җиңгән “КАМАЗ” йөртүчесе Эдуард Николаев инглизчә мәзәк интервью бирә [ВИДЕО]

Гузель — Sat, 19 Jan 2019 20:27:19 +0000

6 гыйнвардан 17сенә кадәр Перу республикасында узган халыкара “Дакар”-2019 ралли ярышларында җиңү яулаган Эдуард Николаев чит ил журналистына инглиз телендә интервью бирә. Ул тәрҗемәчедән баш тарта. Шунлыктан, кызыклы интервью килеп чыга.

Бу хәл 15 гыйнварда Эдуард Николаевның машинасы батып калган көнне була. Ул финишка дүртенче килә, әмма вакыт запасы булганлыктан, гомуми исәптә кала.

– Бүген безнең өчен авыр көн булды, дип сөйли узышчы. – Безнең авырлыклар күп булды, батып калдык һәм 55 минут вакытны югалттык.

– Сез Де Рой командасы тарафыннан басым сиздегезме?, дип кызыксына журналист.

– Юк. Чөнки безнең вакыт бар иде.

– Сез бу хакта борчылмадыгыздамы?

– Юк-юк.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

фото: Татар-информ

Запись “Чё вери? Нәрсә ди?!” – “Дакар”да җиңгән “КАМАЗ” йөртүчесе Эдуард Николаев инглизчә мәзәк интервью бирә [ВИДЕО] впервые появилась Tatar Today - татар яңалыклары..

Эдуард Николаевка тиңнәр юк, ул “Дакар”-2019 ярышларында кабат беренче!

Гузель — Thu, 17 Jan 2019 21:36:55 +0000

6 гыйнвардан 17сенә кадәр Перу Республикасында “Дакар” ралли-марафон ярышлары узды. 11 көнгә сузылган бу ярышларда йөк машиналары арасында Эдуард Николаев өченче тапкыр рәттән җиңү яулады. Икенче урынны Дмитрий Сотников җитәкчелегендәге тагын бер Татарстан экипажы алды. Бу хакта “Интерфакс” агентлыгы хәбәренә нигезләнеп, Татар информ яза.

Россиянең “КАМАЗ-Мастер” командасыннан Эдуард Николаев экипажы йөк машиналары зачетында “Дакар”-2019 ралли-рейдында җиңүче булды.

17 гыйнварда узышның унынчы – йомгаклау этабы узды. Йомгаклау классификациясендә икенче урынны “КАМАЗ-Мастер”ның тагын бер вәкиле Дмитрий Сотников алды. Өченче урынны Голландияле Жерар де Рой (Iveco) яулады.

Бу этапны голландияле Тон ван Генугтен (Iveco) отты, чех Алеш Лопрайс – икенче, Дмитрий Сотников өченче килде. Унынчы этапта Николаев экипажы алтынчы нәтиҗәне күрсәтте. Тик алдагы җиңүләре аны җиңүче итте.

Шул рәвешле, Эдуард Николаев пилот буларак “Дакар”ның дүрт тапкыр җиңүчесе булды (2013, 2017, 2018, 2019 еллар). Тагын бер тапкыр (2010 ел) ул, команданың хәзерге җитәкчесе Владимир Чагин экипажы составында механик буларак, ралли-рейдның триумфаторы булды.

Хәзер Николаев экипажы составына штурман Евгений Яковлев һәм механик Владимир Рыбаков кергән.

tatar-inform
фото: https://vestikamaza.ru/

Запись Эдуард Николаевка тиңнәр юк, ул “Дакар”-2019 ярышларында кабат беренче! впервые появилась Tatar Today - татар яңалыклары..

“Дакар” ярышларыннан тагын бер “Камаз” экипажы төшеп калды

Гузель — Sun, 13 Jan 2019 15:31:56 +0000

“Дакар” ярышларының бишенче этабы вакытында Айрат Мәрдиев КАМАЗының двигателендә көйсезлек табыла, дип хәбәр ителә Azatliq radiosi сайтында.

Ралли кагыйдәләренә күрә, узышлар барганда двигателне алыштырырга ярамый. Шуңа, ярышларның алдагы махсус участокларында катнашып, машинаны сафтан чыгару куркынычын истә тотып, камазлылар Мәрдиев экиппажын узышларга чыгармау турында белдерә. Айрат Мәрдиев гомуми исәптә җиденче урында барган була. Ул беренче урында барган Эдуард Николаевтан 3 сәгать тә 19 минутка калыша. Хәзер инде ярышларны тамашачы буларак күзәтергә мәҗбүр.

12 гыйнварда бишенче ярышта тамашачыны бәрдергән һәм туктап ярдәм күрсәтмәгән өчен Андрей Каргинов КАМАЗын ярышлардан төшеп калган иде. Хәзер белгечләр әйтүенчә, кеше бәрдергән бу машинаның алгы күчәре ватылган була.

Шунысын да искәртик, әлеге ярышта катнашучы КАМАЗ машиналары 2018 елның май аеннан башлап күпсанлы сынаулар узалар. Чаллы узышчыларын “Дакар”га озатканда Татарстан президенты Рөстәм Миңнеханов: “Сез тиз арада яңа двигатель, яңа тапшыру тартмасы булган яңа машиналар булдырдыгыз. Алар сынатмасыннар иде”, дип белдергән иде.

https://www.azatliq.org/

Запись “Дакар” ярышларыннан тагын бер “Камаз” экипажы төшеп калды впервые появилась Tatar Today - татар яңалыклары..

Владимир Чагин: “КамАЗ-мастер” ярышларда җиңгән саен, республиканың даны арта” [фото-видео]

Редактор1 editor1 — Fri, 27 Jan 2017 07:08:53 +0000

26 гыйнвар Казанда “КамАЗ-мастер” такымы белән матбугат очрашуы үтте. Татарстан әләме турындагы соравын җаваплап такым җитәкчесе Владимир Чагин “Без Татарстаннан булуыбыз белән горурланабыз, һәрвакыт ярышларда Русиянеке белән бергә Татарстан әләмен дә күтәрәбез”, диде //Азатлык радиосы//.

“КамАЗ-мастер” узышчылары белән матбугат очрашуы “Дакар-2017” ярышында Татарстан такымының җиңеп кайту хөрмәтенә оештырылган иде. Иң элек журналистларга КамАЗларның башка ил машиналары белән ярышы, җиңү мизгелләреннән видео өзекләр күрсәтелде. Сораулар бирү вакытында Азатлык хәбәрчесе “КамАЗ-мастер” такымы җитәкчесе Владимир Чагиннан, “КамАЗ” – Татарстан символы, сез ярышларда һәрвакы Татарстан әләмен күтәрәсезме?” дип кызыксынды.

“Без Татарстаннан булуыбыз белән горурланабыз. Инде Русиядә дә Татарстанның спортта алдынгы төбәк икәнен таныйлар. Казан – илнең спорт башкаласы санала. Игътибар итсәгез, Дакар видеосында да күренде, җиңү вакытларында, гомумән халыкара ярышларда җиңүче машина кабинасына Русия әләмен дә, Татарстан әләмен дә эләбез”, диде Владимир Чагин.

Afrrica Eco Race 2017. Долгожданный финиш на розовом озере #kamazmaster #africarace #dakar #ралли

Фото опубликовано Камаз-мастер (@kamazmastersport) Янв 16 2017 в 2:23 PST

Чагин 90нчы елларда Татарстанны белмәүләрен дә искә төшерде. Ул вакытта Европада КамАЗ сүзен дә авырлык белән әйткәннәр икән.

“Әле Европа берлеге булмаган вакытта, Европа илләре арасында чикләр бар иде. Без Африкага ярышка барабыз, Франция-Испания чиген үткәндә таможня хезмәткәрләре Русиянеке булган өч йөк машинасы узып китте дип кенә язган. Алар КамАЗны ул вакытта исемен дә, үзен дә белмәгәннәр. Әлеге вакыйгалардан соң күп вакытлар үтте, бүген КамАЗның Татарстанныкы булуын беләләр. Безнең такым ярышларда күбрәк җиңгән саен читтә республиканың даны арта”, диде Владимир Чагин.

Быел “КамАЗ-мастер” такымына 28 ел тула. Шул вакыт эчендә өч буын узышчылар алышынган, әле дә яңа кешеләр килү дәвам итә икән. Владимир әфәнде икенче буыннан чыккан йөртүче санала. 2011 елдан узышларда катнашмый, такым белән җиткәчелек итә. Аның сүзләренчә, КамАЗлар алга таба да дөньякүләм ярышларда катнашырга ниятлиләр.

Ралли Дакар -2017: “Синяя армада” возвращается! #kamazmaster #dakar #africarace #ралли

Фото опубликовано Камаз-мастер (@kamazmastersport) Янв 16 2017 в 2:11 PST

Запись Владимир Чагин: “КамАЗ-мастер” ярышларда җиңгән саен, республиканың даны арта” [фото-видео] впервые появилась Tatar Today - татар яңалыклары..

“КАМАЗ-мастер” узышчысы Айрат Мардеев Red Bullның видеоролигында төшкән [видео]

Редактор1 editor1 — Thu, 18 Aug 2016 15:17:16 +0000

Танылган Татарстан узышчысы Айрат Мардеев Red Bull командасының видеоролигында төшкән.

Интернет киңлекләренә Red Bull командасы төшергән видеоролик чыкты. Әлеге роликта “КАМАЗ мастер”ның узышчысы Айрат Мардеев та төшкән. Ул “Дакар” ярышларында катнашкан Камаз машинасында Volkswagen Polo белән узыша.

Мәгълүмат Бизнес – Онлайн сайтыннан алынды

Запись “КАМАЗ-мастер” узышчысы Айрат Мардеев Red Bullның видеоролигында төшкән [видео] впервые появилась Tatar Today - татар яңалыклары..