Архивы "Давай поженимся" - Tatar Today - татар яңалыклары.

“Давай поженимся”да Роза Сабитова Казан тамадасы Айдар Садыйков алып килгән чәк-чәкне кире бирердәй була, нервылары кыза

Редактор1 editor1 — Wed, 02 Nov 2016 13:25:42 +0000

Бүгенге “Давай поженимся” тапшыруында өч претендент-кияүнең берсе булып Айдар Садыйков катнашты. Айдар әфәнде – танылган шоумен һәм тамада.

Тапшыру барышында Садыйков төрледән-төрле мөгезләр чыгарырга тырышты. Игътибар юрганын үзенә тартты. Әмма бу трюк булачак кәләшкә дә, “президиумда” утыручы усал хатыннарга да ошамады булса кирәк. Айдар Садыйковның вакытлы-вакытсыз үз бүлмәсеннән чыгуы Роза Сябитованы, гомумән, чыгырыннан чыгарды. “Алтыннан эшләнгән бүләк алып килергә иде! Чәк чәгеңне үзең аша!” – дип кычкырды ул милләттәшенә.

Үзәк каналда күренү бәхетенә ирешкән Айдар Садыйков, аңлашыла ки, тапшыруга хатын эзләп килмәгән. Шоумен һәм тамада буларак үз-үзен пиарлау өчен ул бер генә мөмкинлекне дә ычкындырмый. Ул яктан караганда, “Давай поженимся”да катнашуы белән ул үз максатына иреште.

Шәһри Казан

Запись “Давай поженимся”да Роза Сабитова Казан тамадасы Айдар Садыйков алып килгән чәк-чәкне кире бирердәй була, нервылары кыза впервые появилась Tatar Today - татар яңалыклары..

“Давай поженимся!” тапшыруында катнашкан Айдар Садыйков Роза Сабитованың өметен нигә акламаган?

Редактор1 editor1 — Tue, 01 Nov 2016 11:15:56 +0000

Казанда яшәүче татар егете, тамада Айдар Садыйковны 1 ноябрьдә “Беренче канал”да “Давай поженимся!” тапшыруында күрсәтәчәкләр.

Айдар үзе сөйләгәнчә, аны социаль челтәрләр аша күреп, тапшыруга төшәргә телевидениедән үзләре чакырганнар. Мәскәүгә ул күчтәнәчкә чәк-чәк алып барган. Иптәшкә Мәскәүдә яшәүче җырчы, Казан кызы Ләйсән Минһаҗеваны һәм элегрәк туен үткәргәндә танышкан Мәскәү егете Валерий Козловны алып барган.

“Тапшыруны төшерү өстендә йөз кеше эшли, бөтенесе дә җылы мөнәсәбәттә үтә. Студиягә өстәл артына чыгып утырганчы алып баручыларның да, тапшыруда катнашкан кәләшләрнең берсен дә алдан күрмәдем. Кызганычка, тапшыруны төшереп бетергәч, алып баручылар студиядән бик тиз чыгып китә, фотога төшеп булмаганына үкенәм”, – дип тәэсирләре белән уртаклашкан Айдар. Яучы Роза Сабитова Айдарның хип-хоп биюен ошатмаган, “матур итеп татарча биюеңне көткән идем”, дигән.

Татар-информ

Запись “Давай поженимся!” тапшыруында катнашкан Айдар Садыйков Роза Сабитованың өметен нигә акламаган? впервые появилась Tatar Today - татар яңалыклары..

“Давай поженимся” тапшыруы “Мунча ташы”нда өйләндерә [видео]

Габдулла Тукай — Sun, 10 Apr 2016 14:39:36 +0000

Татарстанның популяр “Мунча ташы” юмор театры миллионлаган Русия халкы караган, Беренче каналда (1 канал) баручы “Әйдә, өйләник”(“Давай поженимся”) тапшыруының татарчасын сәхнәдә уйный. Алар татар-мишәр егетләренең ничек өйләнүен, өйләнгән егет белән өйләнмәгән егетнең аермасын әлеге видео күрергә була.

Запись “Давай поженимся” тапшыруы “Мунча ташы”нда өйләндерә [видео] впервые появилась Tatar Today - татар яңалыклары..