⁣⁣⠀ Фильмның кульминациясендә “Әпипә” кызлары “шайтан күчәре”ндә әйләнгәндә, тегесе ватылып кала.  Шунда аларның чын йөзе ачыла: сәхнәдәге артистлар гап-гади хатын-кыз икәнлекләрен һәм аларның да башкаларныкы кебек үк проблемалары булганлыгын аңлыйсың.

⁣⁣ “Әпипә” фильмы – тулысынча прокат киносы. Без баштан ук прокатта кызыклы булган фильм булдыруны күздә тоттык. Бу картинаның форматы, жанры аудиторияне көтүгә туры килә, хәзер комедияләр, бигрәк тә музыкаль комедияләр бик аз”,- ди фильмның продюсеры Миләүшә Айтуганова.⁣⁣⠀ ⁣⁣⠀ Фильмны Илшат Рәхимбай  төшергән. Сценарий авторы: Марат Кәбиров.

⁣⠀ ⁣⁣⠀

Бик күп танылган йөзләргә һәм матур җырларга бай “Әпипә” музыкаль комедиясе шул ук исемдәге хатын-кызлар ансамбле тормышын яктырта. Фильмда катнашкан җырчылар исә үзләрен уйный, ягъни гастроль тормышын күрсәтә.

⁣⠀ ⁣⁣⠀ Рольләрдә: Алсу Әбелханова, Алинә Шәрипҗанова, Дилә Нигъмәтуллина, Ләйсән Мәхмүтова, Ләйсән Закирова, Зөлфия Вәлиева, Алсу Сөнгатуллина, Фәридә Әхмәтшина, Фирдүс Тямаев, Элвин Грей, Резедә Сәләхова, Артем Пискунов һәм Рөстәм Гайзуллин

Билет алу өчен ссылка

Запись Казанның “МИР” кинотеатрында “ӘПИПӘ” комедиясе күрсәтелә башлады [фото-видео] впервые появилась Tatar Today - татар яңалыклары..

Запись Дилә Нигьмәтуллина ире белән таныштырды [фото] впервые появилась Tatar Today - татар яңалыклары..

Дилә Нигматуллина инстаграм битендә коронавирусны җиңеп чыккан дусты турында сөйләде.

“Бу эпедемия башлангач, интернет киңлекләрендә төрле фикерләр йөрде. Кемдер бу вирусның барлыгына бөтенләй ышанмады, ниндидер “масонский заговор” дигән булды. Италиядән видеолар килә башлагач, бераз фикер үзгәрде. «Нуууу, әйеее, ул вирус бардыр инде, ләкин бездә баребер аларныкы кебек булмас», – диделәр. «Италиядә халык саны күп (плотное население), олы яшьтәге кешеләр дә күп, нигездә, медицина түләүле, бик үк якшы хәбәр булып чыкмады (шундый вариантлар да бар иде)», -дип яздылар.

Менә безгә дә килеп җитте… Хастәханәләрдә урын юк. Ә анда бит бииик авыр хәлдәгеләрне генә салалар. Бик күп кеше амбулаторно дәвалана. Көн саен коронадан йә бер танышның әтисе, йә икенченең әнисе үлеп китте дигән хәбәр килә😞 Ә кайберәүләр әле дә ышанмый!

Менә ачык мисал: каршыгызда короновирус белән бик каты чирләгән һәм чак кына исән калган врач. Ә бит андыйлар 18 хастәханәдә бик күп, бөтенесе каты авырмасалар да, алар хәлнең чынбарлыкта нинди икәнен төгәл беләлэр☝🏻”.

Дилә Нигматуллина табибны Туган көне белән дә котлап уза.

“Бүген Руслан Азатовичның @mukhamadievru туган көне!🙌🏻 Мин аны бүген котламыйча булдыра алмадым. Бик хөрмәт итәм, сокланам! Әгәр дә миннән сорасалар: чын табиб нинди булырга тиеш дип?, – мин хичшиксез :”Руслан Азатович кебек “,-дип әйтер идем. Ул бик мактаганны яратмый инде☺️Мин үз эшемне башкарам гына дип җавап бирә. Шуның өчен әйдәгез әле комментарийларда бөтен табибларга да алкышлап алыйк. Алар моңа чын-чынлап лаек!!!👏🏻👏🏻👏🏻!

View this post on Instagram

A post shared by Диля Нигматуллина (@dilyanig)

Инстачылар Дилә Нигматуллинаның сүзләренә кушыла. Табибларга сәләмәтлек, җаваплы эштә уңышлар теләп калалар.

Запись Дилә Нигматуллина: “Безгә дә килеп җитте. Хастәханәләрдә урын юк…” впервые появилась Tatar Today - татар яңалыклары..

“Сезгә дә сөйлим әле…

Январь аенда мин төш күрдем… Ул вакытта Рәсәйдә пандемиянең сүзе дә юк иде әле. Каядыр еракта Кытайда бик начар вирус йөри дип кенә беләбез. Уйлап карасаң, ул вируслар булды бит инде: птичий, свиной һ.б.
Ә төш фантастик фильмга охшаган. Имеш безне зур суалчаннар «атакуют»! Авызыннан ак сөт кебек ниндидер су чыгарып, безне агулыйлар икән. Без чабабыз, ә алар безнең арттан. Шунда үтә күренмәле бер капсулага кереп качтык, ә алар анда керә алмыйлар икән… Ә бер әнинең кызы тышкы якта калган. Ул шуны аңлап алгач, капсуладан чыкмакчы булып, халык арасыннан кысыла-кысыла ишеккә таба юнәлде. Без аңа: юләр, син нишлисең, үләсең бит, дип аны тоткарларга тырышсак та, ул чыгып китте дә һәм юк булды. Уянып киттем, маңгайда, тәнемдә тир тамчылары. Күңелдә шом, курку хисе. Андый очракта күргән төш нәрсәне аңлата икән дип, бер бик яхшы астрологның аккаунтына кереп карыйм. Ә андааа: сны в этот день пророческие и быстро сбываются, дип язылган. Мин төшне иремә сөйләдем, әлбәттә, ул көлде генә.
⠀Ә инде март ахырында Рәсәйдә самоизоляция игълан иттеләр. Ә күптән түгел мин тагын бер начар төш күрдем. Гадәттәгечә кереп карадым һәм тагын: сны сбываются, дип язылган. Менә шулай, пророческие сны начали снится. Киләчәктә ни була?!

View this post on Instagram

A post shared by Диля Нигматуллина (@dilyanig)

Р.S. Ә бүген әбиебезнең гомере өзелде..
Озак, матур гомер яшәде!
Тыныч йокла, урының җәннәт түрләрендә булсын!» дип язган җырчы үзенең инстаграмында.

ТатарТудей коллективы Нигъматуллиннар гаиләсенең авыр кайгысын уртаклаша.

Запись Җырчы Дилә Нигматуллина гаиләсендә авыр кайгы впервые появилась Tatar Today - татар яңалыклары..

Җырчы Дилә Нигъмәтуллина элекке ире, композитор Марат Мухинның никахына бәйле социаль челтәрләрдәге аңлашылмаучынлакларга ачыклык кертте. 

Дилә Нигъмәтуллина инстаграмдагы негатив комментарийларга җавап кайтарып, язылучыларына мөрәҗәгать итте.  “Мин бу постны инде өченче көн язам. Язам, аннары бетерәм… Әлбәттә, бу темага сөйләшәсем килми иде. Әйе, без Марат белән күптән аерылыштык. Без яхшы дустанә мөнәсәбәтләрне саклап кала алдык. Булат  шулай ук Марат белән аралашуын дәвам итә. Ул никахка чакырулы иде. Марат – искиткеч әти, ул безнең баланы тәрбияләүдә актив катнаша. Мин Марат өчен чын күңелдән шат һәм аңа бәхетле гаилә тормышы телим. Миннән корбан ясарга кирәкми. Мин күптән кияүдә. Ә шәхси тормышыма килгәндә, якын арада аның турында сөйләргә җыенмыйм. Һәм моңа тулы хокукым бар. Минем очракта “бәхет тынлыкны ярата”, – ди җырчы.

View this post on Instagram

A post shared by Диля Нигматуллина (@dilyanig)

Мәгълүмат Дилә Нигъмәтуллинаның инстаграмыннан

Запись Дилә Нигъмәтуллина Марат Мухин нихакыннан соң аңа язучыларга нык итеп җавап бирә впервые появилась Tatar Today - татар яңалыклары..

–Дилә, 2003 еллар тирәсендә Сезне кисәк кенә эстрада күгендә кабынган якты йолдызга тиңләгәннәр иде.

– Яшь чак, илһамлы чак, мин анда баш-аягым белән иҗат диңгезенә чумган идем. Бүтән берни турында да уйламадым. Ходай ярдәм иткәндер, ничектер максатыма табан юл ярганда һәр нәрсә җиңел бирелде миңа. Күз алдына китерегез, әле генә сәхнәгә аяк баскан яшь кыз Г.Камал театры бинасында сольный концерт оештыра! Зал шыгрым тулы иде. Ләкин мин ул чакта моның кыйммәтен дә аңламадым. Менә бүген аңлар идем. Барсы да шулай тиеш, тамашачы минем концертыма ургылып килергә тиеш кебек иде. «Йолдыз, йолдыз», диләр. Мондый чагыштыруларны күңелем кире кага. Диндә дә һавалану гөнаһ санала бит.

– Сезгә 21 генә яшь… «Барс- Рекордс» үзәге үзенә чакыра. Ә ирек- ле баштан кемгәдер буйсыну Сезгә хас түгел кебек.

– Ул вакытта алар белән Оскар Усманов та хезмәттәшлек итә, ә миндә бу талантлы кеше белән танышу, иҗатымны аның көйләре белән баету теләге бик көчле иде. Аны хыял дияр идем хәтта. Миңа да берәр җыр язмасмы дип өметләндем. Студент идем әле, «Барс» үзәге җитәкчелеге кулыма контракт тоттырды. Үзәктә «Парлылар киңәше» дип аталган беренче җырымны эшләп өлгергән идек, тик ул нигәдер иҗатымнан төшеп калды. «Татар җыры» бәйгесендә җиңүче дип тә табылган иде юкса. Бүген аны тамашачы хәтерләми инде. Мөгаен, ул тагын да камилрәк «Бәллүр савыт» белән күмелгәндер. Мине шул җырым танытты да бит. Ә контракт мәсьәләсендә ашыкмадым мин: ачтым да яптым, ачтым да яптым. Бер елдан соң гына бардым. Үзәккә матур җырлар, матур образлар кирәк иде, алар минем проектка ныклап тотынды, килгән саен яңа җырлар тыңлаталар иде. Ни кызганыч, «барыргамы, юкмы?» дип икеләнеп йөргәндә Оскар Усманов аннан киткән иде.

– Димәк, хыял канатлары сынды…

– Юк, сынмады. Без соңыннан аның белән дуслаштык. Нәкъ менә «Бәллүр савыт»ка ул көй язды. «Ком сәгате» дә безнең уртак эшебез.

– Ул чакта өч җырыгыз белән халык күңелен яуладыгыз, әйеме? Бәхетме бу?

– Һәр җырчының үз тарихы. Кемдер унар-унбишәр ел җырласа да дан казанмый, ә кемдер гел күләгәдә кала. Кемдер эстрададан бөтенләй читләшә, ә кемдер мизгел эчендә дөрләп кабынып танылып китә һәм ахырга кадәр сүнми-сүрелми.

– Сез бит хәзер «алтын читлек»кә ябып сайраткан кош түгел, ирекле.

– Әйе, бер оешма белән дә контракт төземим. Абыем, танылган җырчы Булат Нигъмәтуллин белән үзебезнең төркемебезне тупладык.

– Эстрада дигәч: «Җырчылар саны 500-600 дән артык», – дип сөйлиләр. Анда Сез нинди урын билисез?

– Аллага шөкер, минем үз урыным бар, аны әлегәчә югалтмадым.

– Ә без Сезне берара югалтып торган идек.

– Кайгым тирән иде, әниебез белән мәңгегә хушлаштык. Дөньяда бу хәсрәтнең авырлыгын үлчәрлек үлчәү юк. Нихәтле генә көчле булсам да, бирештем мин.

– Артист чабышкы аты төсле, туктаусыз хәрәкәттә булмаса, җиңү тәмен татымый. Тынлыкның тискәре нәтиҗәсе бик үк сизелмәгәндер, шәт?

– Әгәр син үз тирәңә тамашачы җыеп, иҗатыңа гашыйк иттергәнсең икән, элемтәне өзәргә ярамый. Бер өзелгәнне кире ялгавы авыр. Әнинең үлеме абыйны да аяктан екты. Элек җыр арты җыр яздырсак, альбом арты альбом чыгарсак, ул шып туктады. Алай гынамы, эстраданы ташлап икенче эш белән шөгыльләнде. Шөкер, яңадан сәхнәгә кайтты ул. Былтыр (2017 елда) «Уникс»та концерт куйдык. Халык сагынган икән. Булатны тамашачы көчле алкышлар белән сәламләде. Аның һәр җыры – сәнгать әсәре. Абый эчтәлекле һәм мәгънәле җырлар гына сайлый.

– Дилә, Сез кайсы төбәкләрнең «сөйкемле сөяге»? Мәсәлән, бер артист миңа: «Фәлән районга ялгыш та кермим, алар мине өнәми», – дип зарланган иде.

– Чаллы, Арча, Саба, Кукмара, Балтачлар безне һәрвакыт көтеп тора. Ә менә нурлатлылар әллә ни кочак җәйми. Үпкәләмим, һәркемнең үз зәвыгы.

– Туган ягыгыз Бәрәңге районы белән хәлләр ничек?

– Бик әйбәт! Әти минем белән Казанда яшәсә дә, авылыбыз Мазарбашта йортыбыз саклана. Төп нигезне тузгытмаска исәп. Бәлки үскәч Булатның улы, минем кызым шунда кайтып йөрер. Мазарбаш – Мари Иле республикасында төзек авыл исәпләнә. Коммунистлар 1926 елда таштан салган борынгы мәчетне җимерә алмаган, анда элек колхоз идарәсе иде, бинаны кире мөселманнарга кайтаргач без – укучыларны җыештырырга җибәрделәр. Мин манара тәрәзәсен юарга мендем. Беренче тапкыр авылыбызны кошлар биеклегеннән күреп шаккаткан идем. Кичерешләремне инша итеп яздым һәм ул язмам район-өлкә гәзитендә басылды.

– Кесәгездә ике диплом. Сез – Казан икътисад, идарә һәм хокук институтын тәмамлыйсыз. Мәдәният һәм сәнгать университетында укыйсыз. Җырчы һәм маркетолог… «Дилә Нигъмәтуллина эстрададан читләшеп, тауар-базар өлкәсенә күчә», – дип юраганнар иде анысы.

 – Мин бит абый эзеннән Мари икътисад университетына имтихан тапшырдым, конкурс зур, бер урынга 12 кеше иде. Ләкин анда укымадым, Казан үзенә тартты. Ә маркетолог һөнәренә укуымның сәбәбе гади генә: тормышта кирәге чыгар, дидем. Әнә бит, корабта бата башласалар коткарыр өчензапас көймә тоталар. Зур гына компаниядә эшләдем дә әле. Әмма сәхнә җибәрмәде шул, кире кайтарды.

– Шоу-бизнес та акчага корылган.

– Шәхсән үзем: «Табыш турында уйлама, иҗат турында уйла», –дигән күрсәтмә белән яшим.

– Әлегә шуның белән әңгәмәбезне тәмамлыйбыз, Дилә. Алдагы көннәрегездә дә Сезгә уңышлар гына насыйп булсын!

Нәбирә Бикчура

Запись Дилә Нигъмәтуллина: «Нихәтле генә көчле булсам да, бирештем мин» впервые появилась Tatar Today - татар яңалыклары..