Архивы ДиляНигъматуллина - Tatar Today - татар яңалыклары.

Дилә Нигъмәтуллина Әлдермешкә кайта [фото]

Лэйсирэ — Thu, 19 Jul 2018 05:28:19 +0000

Җир җиләгенә дә чират җитте. Тәмле эре җиләк эзләп халык Каф таулары артына да барырга әзер. Популяр җырчы Дилә Нигъмәтуллина җир җиләге җыярга дип Әлдермешкә кайта икән. Бу хакта ул үзенең Инстагамында язып, фотолар урнаштырган.

“Иртән торып чыгып китмәкче идек, коеп яңгыр яумасынмы! Аллага шөкер, кичкә көн ачылды. Шундый эре быел җир җиләге. Рәхәтләнеп җыйдык!!!” дип яза Дилә.

Фото: инстаграм

Запись Дилә Нигъмәтуллина Әлдермешкә кайта [фото] впервые появилась Tatar Today - татар яңалыклары..

Дилә Нигъмәтуллина шәрә Зөфәр Билалов белән төшкән фото урнаштырган [карыйбыз]

Редактор1 editor1 — Tue, 14 Mar 2017 08:11:04 +0000

Җырчы Дилә Нигъмәтуллина Инстаграмында кызыклы фото белән бүлешкән. Анда ул татар эстрада артисты Зөфәр Билалов белән. Ләкин сурәтнең үзенчәлеге артист белән төшү генә түгел, ә Зөфәр абыйның фотога чишенеп төшүе. //Tatar Today//

Артист өске киемен салган да, йонлы түшен күрсәтеп, авызын маймылга ошатыбрак Дилә Нигъмәтуллина белән фотога төшкән. Дилә бу фото астына, шулай ук үз фикерен калдырган. “Тагын бер бәндә килеп керде кадрга. Зөфәр абый, бу фотодан соң, иң күп “лайк” була дип вәгъдә итте. Карарбыз. Әлегә иң күп “лайк”лар Сәфинәнең видеолары ала иде”, дип язган.

Дөрестән дә, фото иң күп “лайк” һәм фикер алышу җыйгандыр. Тамашачы, әлбәттә, моңа битараф кала алмаган, күрәмсең. “Минем дәү әни әйтмешли, моның кадәр йон була мени?! Беркетеп чыккандыр ул моны”, “Кем соң бу? Шүрәле дисәң, мөгезе дә юк!”, “Йонлы кеше, юньле кеше”, “Зәйнәп апага юрган да кирәкми”, дигәннәре бар.

Запись Дилә Нигъмәтуллина шәрә Зөфәр Билалов белән төшкән фото урнаштырган [карыйбыз] впервые появилась Tatar Today - татар яңалыклары..

Гүзәлемнең кызыл, Лилия Муллагалиеваның сызыклы, Дилә Нигъмәтуллинаның кара, Гүзәл Уразованың шәмәхә. Ә сезнеке?

Редактор1 editor1 — Sun, 12 Mar 2017 07:50:53 +0000

Яз үзен һавада гына түгел, кешенең үз-үзен тотышында, киемендә, көләч йөзендә белгертә. Җырчылар да күбесе язгы киемнәр сайларга кибетләргә йөгерә. Лилия Муллагалиева, Гүзәлем, Дилә Нигъмәтуллина һәм Гүзәл Уразова яңа язгы образларын тамашачыларына күрсәтә. //Tatar Today//

Лилия Муллагалиева, ниһаять, кибеткә үзенә кием алырга дип чыга алган. Ул аның турында үзе дә яза. “Үземә берәр кием алам дип чыгам да, балаларга төяп кайтам. Бүген бары тик үземә алам дип чыктым. Менә карарбыз инде”, дигән дә, джинсы белән футболка кигән килеш фотога төшкән.

Гүзәлем язны якты, матур төсләрдәге күлмәк белән каршы алмакчы. Өс киеменә яраклаштырып, туфлиен дә килешлене генә сайлаган.

http://www.instagram.com/p/BRbZHnLjNcS/?taken-by=guzelem_official

Дилә Нигъмәтуллинага караңгы төсләр күңеленә хуш килгән ахры. Ике кара күлмәк арасыннан, үзенә күбрәк ошаганын сайлаган. Кара булуына карамастан, җырчыга бик килешә. Тәненә ятышлы, сынына бик туры килә.

Гүзәл Уразованың гардеробында бу елны шәмәхә төс өстенлек алган. Яңа “Соңлама” җырына төшерелгән клибында да ул шәмәхә төстәге һинд киемен кигән иде. Инде язгы образын да шул төстә сайлаган.

Запись Гүзәлемнең кызыл, Лилия Муллагалиеваның сызыклы, Дилә Нигъмәтуллинаның кара, Гүзәл Уразованың шәмәхә. Ә сезнеке? впервые появилась Tatar Today - татар яңалыклары..

Дилә Нигъмәтуллина тормышындагы иң зур ярышка әзерләнә [артист тормышы]

Редактор1 editor1 — Sat, 04 Mar 2017 10:26:12 +0000

Җырчы Дилә Нигъмәтуллина җырлаудан кала, спорт белән дә яратып мавыга. Бу юлы ул бик мөһим йөгерешкә әзерләнә икән. //Tatar Today//

Дилә тренеры белән карлы-яңгырлы, җилле һава торышына карамастан, күнекмәләрен калдырмый.

“Ә тренерыгыз сезнең белән бергә шәһәр буйлап йөгерәме? Карда, яңгырда, җилдә? Минеке – әйе! Зур йөгерешкә өйрәнүләр башланды. Йөгерү минем өчен түгел, ләкин уңайлы мохиттән дә чыга белергә кирәк. Алай гына уңышка ирешеп булачак! Шуңа күрә, алга!”, дип илһамландыра җырчы үзенең тамашачыларын.

Тренеры белән төшкән фотога фикер әйтүчеләр дә шактый. “Ирең әллә өйдә йоклап ятамы? Таптың нәрсә белән мактанырга”, “Кемдер тренер белән, кемдер тренерсыз спорт белән шөгыльләнә инде. Дилә, сезнең физик яктан актив булуыгызга бик шатмын”, дип язганнар.

Запись Дилә Нигъмәтуллина тормышындагы иң зур ярышка әзерләнә [артист тормышы] впервые появилась Tatar Today - татар яңалыклары..

Дилә Нигъмәтуллина тамашачыларына көтелмәгән сюрприз әзерли [афиша]

Редактор1 editor1 — Thu, 16 Feb 2017 08:15:29 +0000

Җырчы Дилә Нигъмәтуллина абыйсы Булат белән чыгыш ясарга өйрәнсә дә, бу юлы яңа программа белән берүзе генә концерт куярга ниятли. //Tatar Today//

“Хөрмәтле минем дусларым, иҗатымны яратучы тамашачым! Менә, ниһаять, сезгә Инстаграмда үземнең яңалыкны җиткерәм! 8 апрель көнне үзем генә башкара торган концертыма сезне бик теләп чакырып калам! Бик күп кызыклы мизгелләр һәм көтелмәгән сюрпризлар булачак! Мин бу көнне бик көтәм! Очрашуга кадәр”, дип язган ул.

Фотосессия, яңа образлар, берүзе генә концерт куюлар… Иҗатына яңарыш сулышын өрергә булган ахрысы Дилә.

Запись Дилә Нигъмәтуллина тамашачыларына көтелмәгән сюрприз әзерли [афиша] впервые появилась Tatar Today - татар яңалыклары..

Дилә Нигъмәтуллина яңа образда фотосессия төшә, кызы да әнисеннән калышмый [видео]

Редактор1 editor1 — Thu, 02 Feb 2017 19:01:57 +0000

Җырчы Дилә Нигъмәтуллина гына түгел, аның 4 яшьлек кызы Сафинага да камерага төшү бик ошый. Шушы көннәрдә Дилә яңа образлар уйлап табып фотосессия ясаса, кызы видеога бик рәхәтләнеп төшә икән. //Tatar Today//

Хәзерге әти-әни балаларын оялып түгел, үз сүзенңне әйтә белеп үстерергә тырыша. Дилә Нигъмәтуллина да кызын һәрдаим фото-видеога төшереп тора. Бу юлы видеога Сафинаның рәхәтләнеп көлүен төшереп алган. Бу кечкенә орчыкның көлүе видеоны караган һәр кешегә, мөгаен, позитив рух һәм күтәренке кәеф өстәр.

“Әйдә берәр кызыклы видео төшерәбез. Әйдә, мине төшер! Хәзерге заман балалары камерадан һич курыкмый”, дип фикере белән уртаклашкан Дилә.

Запись Дилә Нигъмәтуллина яңа образда фотосессия төшә, кызы да әнисеннән калышмый [видео] впервые появилась Tatar Today - татар яңалыклары..

Дилә Нигъмәтуллина беренче тапкыр яңа образда фотосессия төшкән

Редактор1 editor1 — Fri, 27 Jan 2017 08:07:32 +0000

Артистлар һәрвакытта да фото-видеога төшеп тора. Ник дигәндә, бу бер билгеле имидж булдыру теләге белән башкарыладыр. Менә җырчы Дилә Нигъмәтуллина да шушы көннәрдә иҗаты өчен бик мөһим фотосессия уздырган. Казан фотографы Тимергалиев Дамир аның бар ихтыяҗларын үтәргә тырышып, яңа идеяларын да хуплаган. //Tatar Today//

Бу юлы Дилә белән аның визажисты яңа образ да уйлап тапканнар. “Бу образ минем өчен яңа булды. Карарбыз инде…”, дип серле генә язган ул. Тамашачы ничек кабул итәр? Артист өчен иң мөһиме шул. Дилә Нигъмәтуллина әйтмешли, барысы да вакыт узгач, билгеле булыр.

Запись Дилә Нигъмәтуллина беренче тапкыр яңа образда фотосессия төшкән впервые появилась Tatar Today - татар яңалыклары..

Дилә һәм Булат Нигъмәтуллинар каһвә эчәргә кергәч, нәрсәгә шаккатып чыккан?

Редактор1 editor1 — Sun, 22 Jan 2017 15:19:08 +0000

Җырчы Дилә һәм Булат Нигъмәтуллиннар белән сөенечле хәл булган. Бер яктан бик гади, көндәлек булып тора торган тормыш мизгеле булса да, аларның кәефләре күтәрелгән. Тамашачылары белән дә шуның белән уртаклашалар. //Tatar Today//

Чаллыдан кайтып барганда, Дилә белән Булат кафега каһвә эчәргә туктаганнар. Андагы җылы мохиткә һәм яхшы мөнәсәбәткә аларның исләре китеп, шаккатып калганнар.

“Чаллыдан кайтып барганда, каһвә эчәсе килеп китте. Ерактан ук куренеп торган “Малина” дигән язулы, зууур кабартылган “абзый”кулын болгап тора, кунакханәсе дә бар, шунда ук, ягулыу салу станциясе дә. “Аха, яхшы маркетинг, заманча эшләнгән, кереп чыгыйк эле,”диде Булат. Кергәч, безне якты йөз белән администратор каршы алгач, тагы да рәхәтрәк булып китте, ә пешекчеләр янга килеп: Сез безнең иң яраткан җырчылар дигәч, бөтенләй әчеп киттек. Эле баш пешекчедән мактау сүзе дә ишеткәч, бөтен арганнар бетеп, кәефләр бөтенләй күтәрелеп китте! Бу пост белән менә ничек итеп кунакларны каршыларга кирәк диюем! Мин монда тагын керерменме? Әлбәттә, керәм!”, дип яза Дилә.

Запись Дилә һәм Булат Нигъмәтуллинар каһвә эчәргә кергәч, нәрсәгә шаккатып чыккан? впервые появилась Tatar Today - татар яңалыклары..

Дилә Нигъмәтуллинаны уздырып, аның җырын кечкенә кыз башкара [видео]

Редактор1 editor1 — Mon, 26 Dec 2016 21:26:48 +0000

Татар эстрада җырчыларын уздырып диярлек яңа буын, яшь җырчылар үсеп килә. Менә бу Юлия исемле кызчык Дилә Нигъмәтуллинаның “Яшәр идем” җырын үзенчә моңлы һәм үзенчәлекле, самими итеп башкара. //Tatar Today//

Робер Миңнуллин сүзләренә һәм Марат Мухин көенә язылган бу җыр Дилә Нигъмәтуллинаның да яратып җырлаган җырларының берсе икән. “Минем җырларымны башкарган кешеләрнең видеоларын алам. Җырларны балалар башкаргач, тагын да җанга рәхәт. Бик сәләтле Юлия! Шундый видеоларыгыз булса, сез дә җибәрегез! “Яшәр идем” җыры минем иң яраткан фәлсәфи һәм тирән мәгънәле җырларның берсе…”, дип яза Дилә.

Запись Дилә Нигъмәтуллинаны уздырып, аның җырын кечкенә кыз башкара [видео] впервые появилась Tatar Today - татар яңалыклары..