Архивы ДТП - Tatar Today - татар яңалыклары.

Чаллы-Зәй юлында һәлакәт: берәү кинәт тормозга баса, арттагы машина бәрелешмәс өчен кукуруз кырына төшеп китә

Алсу Мансурова — Sat, 25 Jul 2020 20:20:39 +0000

Татарстанда автомобиль белән идарә итүче хатын-кыз башка машина белән бәрелешмәс өчен кукуруз кырына төшеп киткән.

Чаллы-Зәһ юлында һәлакәт

Аның сүзләренчә, һәлакәт 25 июль 14.00 сәгать тирәсендә Чаллы-Зәй юлында булган.

Беренчел мәгълүматлар буенча, “РЕНО” җиңел машинасы белән идарә итүче хатын-кыз кинәт тормозга баскан машинага бәрелмәс өчен юл кырыена төшеп киткән.

Алдан хатын-кыз машина эчендә кысылып калган дигән сүз булган иде. Әмма урында ачыкланганча, хатын-кыз белән барысы да тәртиптә. Ә машина җитди зыян күргән.

Чыганак: татар-информ сайты

Запись Чаллы-Зәй юлында һәлакәт: берәү кинәт тормозга баса, арттагы машина бәрелешмәс өчен кукуруз кырына төшеп китә впервые появилась Tatar Today - татар яңалыклары..

Владимир Путин машина йөтүчеләргә кагылган яңа законга кул куя

irina — Wed, 19 Jun 2019 05:00:48 +0000

//Tatar Today// Ләлә Маннанова тәрҗемәсе//

Русия Президенты Владимир Путин исерек шофер гаебе белән юл-транспорт һәлакәтләрендә кешеләр һәлак булган өчен җинаять җаваплылыгын катгыйландыручы законга кул куйды. Инициатива «юл хәрәкәте кагыйдәләрен бозу һәм транспорт чараларын эксплуатацияләү» (РФ ҖК 264) статьясына үзгәрешләр кертүне күздә тота.

Закон нигезендә, әгәр йөртүче гаебе белән зыян күрүченең сәламәтлегенә авыр зыян килгән булса, гаепле кешегә 3 елдан алып 7 елга кадәр иректән мәхрүм ителү куркынычы яный (элек 4 ел тәшкил иткән иде).

Әгәр «исерек» юл-транспорт һәлакәтендә кеше үлгән икән, машина йөртүче 5 тән 12 елга кадәр ( элек 2 дән 7 елга кадәр иде) ирекләреннән мәхрүм ителергә мөмкин. Һәлакәт ике һәм аннан да күбрәк кешенең гомерен өзгән очракта, машина йөртүче өчен төрмә срогы 8-15 ел тәшкил итәчәк (элек 4-9 ел иде).

Автомобиль йөртүчеләр өчен генә түгел, ә җәмәгать, тимер юл, һава, су транспорты белән идарә итүчеләр өчен дә җәза катгыйланды, дип яза “Известия” .

Элегрәк, июнь аенда Русия Эчке эшләр министрлыгы машина йөртүче организмында алкоголь, наркотик яки психотроп матдәләр булу билгеләре исемлеген киңәйтергә тәкъдим итүе турында хәбәр ителгән иде.

Фото: Известия/Павел Бедняков

Мәгълүмат  Известия сайтыннан алынды

Запись Владимир Путин машина йөтүчеләргә кагылган яңа законга кул куя впервые появилась Tatar Today - татар яңалыклары..

Балаларга сан юк: Чаллыда ике машина укучыларны бәрдерә дә, кача [коточкыч]

Гузель — Mon, 08 Oct 2018 09:47:46 +0000

Чаллыда ике автомобиль, балаларны бәрдереп, авария урыныннан качып киткән. Бу хакта җирле Дәүләт автоинспекциясе хәбәр итә.

Ике юл һәлакәте дә бер үк көнне булган. 6 октябрьдә Шамил Усманов урамындагы 8нче йорт ишегалдында «Кио Рио» автомобилен идарә итүче 30 яшьлек ир-ат 10 яшьлек кызны бәрдергән. Автоинспекция мәгълүматлары буенча, шофер машинасын авария булган урыннан читкәрәк күчергән, өстәвенә аның иминият полисы да булмаган. Төрле тән җәрәхәтләре алган кызны ашыгыч медицина ярдәме хастаханәсенә озатканнар.

Шул ук көнне кичен «Лексус» автомобилен идарә итүче 68 яшьлек ир-ат, Яшьлек проспекты буйлап Сөембикә проспектына таба барганда, светофор булмаган җәяүлеләр кичүендә 12 яшьлек малайга юл бирмәгән. ЮХИДИ мәгълүматлары буенча, авария урыныннан качып киткән «Лексус» шоферын соңрак полицейскийлар эзләп тапкан.

Шаһитлар әйтүенчә, шофер малайны машинага утырткан һәм хастаханәгә алып барырга вәгъдә иткән. Әмма аны, хастаханәгә илтәсе урынга, өенә алып кайтып, әнисенә тапшырган, әни кеше «Ашыгыч ярдәм» чакырткан. Төрле тән җәрәхәтләре алган малайны ашыгыч медицина ярдәме хастаханәсенә озатканнар.

Чыгынак: Татар-информ

Фото: pixabay.com

Запись Балаларга сан юк: Чаллыда ике машина укучыларны бәрдерә дә, кача [коточкыч] впервые появилась Tatar Today - татар яңалыклары..

Машинаны урлый да, шул ук көнне үлә дә… [юл һәлакәте]

Гузель — Tue, 18 Sep 2018 09:05:11 +0000

18 сентябрь Казанның Клара Цеткин урамында якынча иртәнге биштә Mercedes G-Class (Gelandewagen) машина йөртүче тимер юл күперенең ныгытылмасына бәрелеп, шунда ук вафат була. Машина йөртүченең зур тизлектә барганлыгы ачыклана.

Бу юл һәлакәтен күргән кешеләр җәфа чиккән Gelandewagen йөртүчесенә ярдәм итәргә ашыгалар. Ләкин ул исән калмый.

Вафат булган ир-атның төнлә машинаны урлап китүе ачыкланган. Машина йөртүче 30-40 яшьләрдә була. Ул куркынычсызлык каешлары белән эләктерелмәгәнлектән зыян күрә.

Чыганак һәм фото: ProKazan.ru

Запись Машинаны урлый да, шул ук көнне үлә дә… [юл һәлакәте] впервые появилась Tatar Today - татар яңалыклары..

Казанда 14 яшьлек кыз бала юл хәләкәтендә җәрәхәтләнә

Редактор1 editor1 — Fri, 21 Oct 2016 11:08:40 +0000

(Казан, 21 октябрь, «Татар-информ»). Казанда җәяүле баланы бәрдергән юл-транспорт һәлакәте булган. Бу хакта Россия Эчке эшләр министрлыгының Казан буенча ЮХИДИ идарәсе хәбәр итә.

20 октябрьдә Товарищеская урамында иртәнге сәгать 10 да автомобиль йөртүчесе көйләнми торган җәяүлеләр кичүендә 14 яшьлек кыз баланы бәрдереп киткән. Нәтиҗәдә, мәктәп укучысының уң кул чугы җәрәхәтләнгән. Автомобиль йөртүче һәлакәт урыныннан качкан.

Тәртип сакчылары әлеге хәлнең шаһитларын һәм машина йөртүчене тэзли. Булган мәгълүматны 5-333-819 телефоны аша җиткерү сорала.

Запись Казанда 14 яшьлек кыз бала юл хәләкәтендә җәрәхәтләнә впервые появилась Tatar Today - татар яңалыклары..

Казанга җитәрәк йөкле килеш юл һәлакәтендә гомере өзелгән Зөһрәне искә алып [фото]

Габдулла Тукай — Mon, 03 Oct 2016 18:26:31 +0000

Чебакса бистәсе янындагы юл һәлакәте турында мәгълүматлар күренә башлагач, йөрәгем сулкылдап куйды. Шул мизгелләрдә җан бирүченең күпләр “Йолдызкай” дип йөргән Зөһрә һәм аның якыннары булуын кем уйлаган!

Зөһрә белән без бер университетта укыдык. Мин беренче курста идем, ул – биштә. Зөһрә булганы өченме, һәрвакыт янып, ут чәчеп торганы өченме, аны “Йолдызкай” дип йөрттеләр. Гел елмаеп торучы, бик тырыш һәм актив Зөһрәне белмәүчеләр сирәктер. Конференцияләрдә дә катнашты, каләм тибрәтергә дә вакыт тапты, универститет тормышында да кайнап яшәде ул. Йолдыз булып балкыды, балкыды да, кинәт сүнде…

Быелның март аенда гына иң якын дустының каен энесенә (алар ул туйда шаһитлар була) кияүгә чыкты. Яраткан эшен, якыннарын, дус-ишләрен калдырып, иренең туган ягы Шәмәрдәнгә кайтып төпләнде. Фотоларын гел күзәтеп килдем. Бәхетле, бик бәхетле иде Зөһрә…

Университетны тәмамлагач та, Зөһрә турында гел белеп-ишетеп тордым. Чөнки аның бертуган сеңлесе Диләрә белән бергә эшләдек. Зөһрә инде үзен бу вакытта тамада буларак та сыный башлаган иде.

Кайгы агач башыннан йөрми, кеше башыннан йөри, диләр. Кызлар ике ел элек кенә әтиләрен югалткан иде.

Бу хәбәргә әле дә ышана алмыйм… Күз яшьләре ирексездән ага да ага гына. Зөһрә безнең йөрәкләрдә һәрвакыт исән!

Мәрхүмнәрнең якыннарының, Диләрәнең, әнисе Миндания апаның олы кайгысын уртаклашам… Ходай Тәгалә сабырлыктан ташламасын.

Чулпан ШАКИРОВА, Интертат.ру

2 октябрь кичкә таба Казанга җитәрәк М-7 юлында коточкыч юл һәлакатендә өч кешенең гомере өзелә.Вконтактедагы танышлары сүзләренчә, DAF йөк машинасына (фурага) бәрелгән 14нче модель «Лада» автомобилендә МЧСта эшләүче ир, аның йөкле хатыны һәм әнисе була. Сытылган машина эченнән мәетләрне махсус җайланмалар ярдәмендә генә чыгара алганнар. Бәрелү мизгелен йөк машинасындагы видеорегистратор төшергән видео да чыкты.

Запись Казанга җитәрәк йөкле килеш юл һәлакәтендә гомере өзелгән Зөһрәне искә алып [фото] впервые появилась Tatar Today - татар яңалыклары..